Dita e 58-të e protestës/ Qytetarët zbresin sërish në shesh për largimin e Ramës: Ju erdhi fundi!
Protesta kundër qeverisë hynë në ditën e 58-të/ Qytetarët zbresin sërish sot në shesh për larg...
Protesta kundër qeverisë hynë në ditën e 58-të/ Qytetarët zbresin sërish sot në shesh për larg...
Trafikuan 900 kilogramë drogëra drejt Finlandës, mes tyre dhe drejtuesit e 4 grupeve kriminale 27 Korrik, 16:38 ...
Spanja dhe Franca të "pushtuara" nga zjarret, Rama: Jemi të gatshëm të ndihmojnë nëse na kërkohet 27 Korrik,...
Jashtë protestë, brenda Kuvend/ Nis seanca plenare, në rend dite ndryshime në përbërjen e komisioneve 27 Kor...
• Qytetarët finalizojnë sot ditën e 58-të rë revoltës së tyre. • Ata do të mblidhen fillimisht në sheshin “Skënderbej” dhe më pas të vijojnë marshimin drejt Kryeministrisë, ku dhe do të zhvillojnë fjalimet e tyre. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Gjatë marshimit të djeshëm, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi".
4 artikuj për këtë temë.
TIRANË- Një protestues ka shprehur pakënaqësitë e tij gjatë protestës së zhvilluar në Tiranë, duke deklaruar se ka dalë në tubim për të mbrojtur të drejtat dhe pronat e qytetarëve.
Ai foli për vështirësitë ekonomike, papunësinë dhe akuzoi kryetarin e Bashkisë Dibër se e ka larguar nga puna për arsye politike.
Protestuesi rrëfeu edhe historinë personale, duke treguar se pas humbjes së bashkëshortes dhe përballjes me vështirësi financiare, vijon të jetojë me borxhe, ndërsa u bëri thirrje qytetarëve të bashkohen në protestë.
“Jam pa punë dhe protestoj për pronat dhe të drjetat. Baballarët tanë e kanë blerë me florid he vjen shteti të na i marrë. I bëj thirrje Dibrës, Bulqizës që të marrin masa e të mbldihen të protestojnë, veriu duhet të vijë në protestë.
Oligarkët kanë shitur vendin, këtu njerëzirt janë të papunë, paga 40,000 lekë, qiraja 60,000 lekë.
Kryetari i Bashkisë, Rrahim Spahiu më hoqi nga puna kur kisha bashkëshorten të sëmurë.
Unë kam lënë 50 mijë euro që të shpëtoja gruan, por ajo vdiq. Kur u ktheva në punë më hoqi nga puna.
Vij nga një familje e të përndjekurve politikë.
Qiranë e paguaj 55,000 lekë dhe jam me borxhe. Më tha se i ke dhënë votën Ismail Ukës dhe mos eja më në bashki”, tha ai./Dosja.al
TIRANË- Një pensioniste nga Vlora ka shprehur pakënaqësinë e saj ndaj qeverisë gjatë grumbullimit në Sheshin Skënderbej, në kuadër të protestës qytetare.
Ajo ka folur për vështirësitë ekonomike dhe pensionet, ndërsa ka kritikuar ashpër klasën politike. Protestuesja deklaroi se kishte udhëtuar nga Vlora për të marrë pjesë në tubim dhe bëri thirrje për më shumë reagim qytetar.
“Edi Ramën zvarrë do e heqim! Pensionet nuk na dalin. Por këta janë si këta gjarpërinjtë. Më të këqij se këta gjarpërinj, Rama, Berisha, të gjithë, janë gjarpërinj, të gjithë e kanë vendin këtu.
Si nuk ngrihet ky popull?! Kam ardhur nga Vlora sot, me dy vezë të ziera në çantë. E gjithë bota është me ne, e pasqyron. Mllefi është i madh, uroj mos ta zërë vjeshta Ramën!”, tha ajo./Dosja.al
TIRANA- Pas grumbullimit në Sheshin Skënderbej, protestuesit kanë nisur marshimin drejt godinës së Kryeministrisë, për të vijuar ditën e 58-të të protestës qytetare.
Gjatë marshimit, pjesëmarrësit brohoritën slogane kundër qeverisë dhe kërkuan dorëheqjen e kryeministrit Edi Rama.
Në zhvendosjen përballë godinës së Ktryeministrisë pritet të mbahen fjalime nga qytetarët për të shprehur pakënaqësitë e tre kundër sistëmit qeverisës dhe më pas pritet të nis marshimi drejt rrugëve të Tiranës./Dosja.al
TIRANË- Protesta kundër qeverisë Rama hyn sot në ditën e saj të 58-të. Qytetarët pritet të mblidhen sërish në mbrëmje në Bulevardin para kryeministrisë. Në protestën e zhvilluar disa ditë më parë, aktivistët dhe qytetarët i dhanë një përgjigje deklaratave të kryeministrit Edi Rama, i cili gjatë mbledhjes së Grupit Parlamentar të PS-së prezantoi platformën “Besa”, duke kërkuar, sipas tij, një marrëdhënie të re me qytetarët.
Nga podiumi para Kryeministrisë, protestuesit deklaruan se nuk e pranojnë këtë mesazh, duke theksuar se “besa” nuk mund të kërkohet pas 55 ditësh protesta dhe se qeveria ka humbur besimin e qytetarëve. Ata deklaruan se nuk kërkojnë platforma, premtime apo dokumente të reja, por vetëm largimin e Edi Ramës nga drejtimi i qeverisë.
Tubimi do të zhvillohet si çdo ditë para Kryeministrisë, ku protestuesit do të përsërisin kërkesat e tyre për ndryshime politike, dorëheqjen e kryeministrit Edi Rama dhe një proces të ri politik që, sipas tyre, duhet të garantojë zgjedhje të lira dhe përfaqësim më të denjë të qytetarëve.
Protestat janë shoqëruar me marshime nëpër rrugët kryesore të Tiranës, ndërsa qytetarët kanë ndalur edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve.
"Edi Rama jep dorëheqjen", "Edi Rama në burg", "O Erion o legen prite Ramën se po vjen", "Shqipëria e shqiptarëve, vdekje tradhtarëve!”, “Pa rini nuk ka Shqipëri”, “Poshtë patronazhistët”, “Shqipëria kërkon revolucion” dhe "Ju erdhi fundi", janë disa nga thirrjet kryesore që protestuesit kanë brohoritur në kor./Dosja.al
