Spanja dhe Franca të "pushtuara" nga zjarret, Rama: Jemi të gatshëm të ndihmojnë nëse na kërkohet 27 Korrik,...
"Skandal", e nxorrën jashtë me dhunë, shpërthen Shehaj në Kuvend: Nuk më lejuan se do katandisja Edi Ramën 2...
"Nuk na përfaqësoni", qytetarët sot protestë para Kuvendit: Parlament i krimit 27 Korrik, 07:50 Protestues...
Protesta kundër qeverisë hynë në ditën e 57-të/ Qytetarët zbresin sërish sot në shesh për larg...
• Kryeministri Edi Rama deklaroi se vendi ynë është i gatshëm t'i dërgojë ndihmë Spanjës dhe Francës, të cilat janë në 'luftë' me flakët dhe si pasojë qindra mijëra banorë janë evakuuar. • Duke folur gjatë takimit me trupat e Emergjencave Civile dhe zjarrfikësit, Kryeministri theksoi se përballë kësaj sfide të përbashkët rreziku është i njëjtë për të gjithë, pasi zjarri nuk njeh kufij. • Sipas tij, Shqipëria është e gatshme të ofrojë ndihmë nëse do t'i kërkohet, ashtu siç ka bërë edhe në raste të mëparshme për vendet fqinje dhe partnerët europianë. • Rama u ndal edhe tek rreziku i lartë nga zjarret në vendin tonë, duke theksuar se ky sezon do të tregojë të gjithë përgatitjen e strukturave dhe autoriteteve, teksa shtoi se qeveria do të vazhdojë të investojë në modernizimin e shërbimit. • Ai u shpreh gjithashtu se Shqipëria është shumë e vogël dhe nuk duhet të humbasë asnjë hektar, dhe sipas tij janë bërë përgatitje për 'luftën' ndaj zjarreve. • Rama tha ndër të tjera se janë mbyllur procedurat për blerjen e tre avionëve të rinj zjarrfikës, të cilët do t’i shtohen flotës në fund të këtij viti, ndërkohë që është dakordësuar mbështetja me mjete ajrore nga bazat partnere në rast se vendi do të përballet me emergjenca kritike.
3 artikuj për këtë temë.
TIRANË- Ministri i Punëve të Brendshme, Besfort Lamallari deklaroi se autorët e zjarrvënieje të qëllimshme do përballen me dënim deri në 15 vite burg. Gjatë prezantimit të planit kombëtar të gatishmërisë për sezonin e zjarreve në Bazën Ajrore të Farkës, Lamallari tha se qeveria ka forcuar bashkëpunimin me Policinë e Shtetit për goditjen e çdo rasti të zjarrvënies së qëllimshme.
Ministri tha gjithashtu se Shqipëria do të forcojë më tej kapacitetet për përballimin e zjarreve me investime të reja. Sipas tij, flotës aktuale do t'i shtohen tre avionë zjarrfikës në pronësi të shtetit shqiptar, ndërsa është planifikuar financimi i 130 mjeteve të reja zjarrfikëse dhe ndërtimi i katër stacioneve të reja në Prrenjas, Mat, Patos dhe Mirditë.
“Çdo verë është një sprovë e re edhe për ne këtu në Shqipëri, dhe puna e përbashkët nuk matet vetëm me numrin e zjarreve që shuajmë, por mbi të gjitha me ato që arrijmë të parandalojmë. Zjarri nuk pyet për kufij administrativë, nuk njeh orar dhe nuk fal neglizhencën tonë. Përkundrazi, kërcënon jetën, pronën, ekonomin, mjedisin dhe të ardhmen e komuniteteve tona. Prandaj, përgatitja për sezonin e zjarreve nuk është një ushtrim rutinë dhe as përmbushja e një detyre funksionale. Mbrojtja e Shqipërisë nga zjarret fillon me përgjegjësinë e gjithsecilit prej nesh dhe emergjenca më e mirë është ajo që nuk ndodh kurrë.
Prandaj, kemi forcuar gatishmërinë operacionale në të gjithë strukturën tonë. Kemi garantuar funksionalitetin e mjeteve, rezervat logjistike, pajisjet e ndërhyrjes, komunikimin në terren dhe dislokimin e forcave në zonat me risk më të lartë. Në bashkëpunim me prefektët, bashkitë, Policinë e Shtetit, Forcat e Armatosura dhe Agjencinë Kombëtare të Mbrojtjes Civile kemi ndërtuar një mekanizëm shumë më efikas reagimi sesa vitet e shkuara. Shqipëria është më e përgatitur se dje dhe plotësisht e gatshme për sfidat që na paraqet ky sezon. Së bashku do ta përballojmë këtë sfidë me profesionalizëm, disiplinë dhe bashkëpunim," u shpreh Besfort Lamallari./Dosja.al
TIRANË- Kryeministri Edi Rama, u ndal edhe tek rreziku i lartë nga zjarret, duke theksuar se ky sezon do të tregojë të gjithë përgatitjen e strukturave dhe autoriteteve. Duke folur gjatë një takim me zjarrfikësit dhe trupat e Emergjencave Civile, Rama tha se qeveria do të vazhdojë të investojë në modernizimin e shërbimit.
Ai u shpreh se Shqipëria është shumë e vogël dhe nuk duhet të humbasë asnjë hektar, dhe sipas tij janë bërë përgatitje për 'luftën' ndaj zjarreve. Rama tha ndër të tjera se janë mbyllur procedurat për blerjen e tre avionëve të rinj zjarrfikës, të cilët do t’i shtohen flotës në fund të këtij viti, ndërkohë që është dakordësuar mbështetja me mjete ajrore nga bazat partnere në rast se vendi do të përballet me emergjenca kritike.
“Shqipëria është shumë e vogël dhe nuk duhet të humbasë asnjë hektar, kemi bërë përgatitje. Ky sezon sdo të jetë provë për çfarë jemi përpjekur të përmirësojmë, për të pasur performancë më të mirë. Kjo provë kërkon disiplinë dhe investim të pandërprerë. Kemi mbyllur procedurën për 3 avionë që do vijnë në fund të vitit, kemi një proces të dakordësuar që në momentin e një nevoje të veçantë, kemi në dispozicion edhe avionë që vijnë nga ajo bazë ku po përgatiten dhe po bëhen gati avionë e rinj. Ne do përpiqemi ta shoqërojmë me mbështetje konkrete, kapaciteti zjarrfikës është rritur dhe do vazhdojë të rritet. Do investojmë në modernizimin e shërbimit”, tha Rama./Dosja.al
TIRANË- Kryeministri Edi Rama deklaroi se vendi ynë është i gatshëm t'i dërgojë ndihmë Spanjës dhe Francës, të cilat janë në 'luftë' me flakët dhe si pasojë qindra mijëra banorë janë evakuuar. Gjatë një takimi me trupat e Emergjencave Civile dhe zjarrfikësit, Kryeministri theksoi se përballë kësaj sfide të përbashkët rreziku është i njëjtë për të gjithë, pasi zjarri nuk njeh kufij. Sipas tij, Shqipëria është e gatshme të ofrojë ndihmë nëse do t'i kërkohet, ashtu siç ka bërë edhe në raste të mëparshme për vendet fqinje dhe partnerët europianë.
"Në Francë dhe në Spanjë mbi 320 mijë njerëz i kanë lënë shtëpitë e tyre deri mbrëmë dhe vetëm në orët e fundit, 55 mijë banorë janë evakuuar nga zona përreth Bordosë, ku flakët kanë hyrë deri në lagjet e periferisë. Kur sheh qindra mijëra njerëz që ikin të lemerisur është njësoj sikur të shohësh njerëzit tanë, për shkak se rreziku dhe sfida është e njëjtë. Prandaj unë dua që edhe me lejen tuaj nga kjo sallë, t’u shpreh një solidaritet të gjithë kolegëve tuaj në Spanjë dhe në Francë. Ne e kemi bërë edhe në shkuarën falë jush, dhe jemi gati ta bëjmë sërish dhe të përgjigjemi në rast se na kërkohet, siç u jemi përgjigjur kur fqinjët dhe miqtë tanë europianë janë në hall. Sikurse ata na janë përgjigjur kur ne kemi pasur nevojë, sepse zjarri nuk njeh kufi," u shpreh Rama./Dosja.al
