Dita e 17-të e protestës/ Vijon revolta qytetare ndaj politikave në vend: Rama, jepe dorëheqjen

pamje nga protesta

TIRANË- Protestuesja Doriana Musai ka deklaruar se ngjarja e 30 majit, ndryshe nga protestat e mëparshme, e ka indinjuar atë të protestojë për shkak të cenimit të rëndë të dinjitetit njerëzor.

Sipas saj, tërheqja zvarrë e qytetarit ishte 'pika që derdhi gotën'pas një akumulimi të gjatë të pakënaqësisë qytetare.

Ajo e cilësoi këtë rast si një tregues të qartë të degradimit të shtetit ligjor, duke nënvizuar se dhuna ndodhi nën sytë e policisë.

"Unë kam protestuar gjithmonë, por kësaj radhe më indinjoi shumë shkelja e dinjitetit njerëzor që u krye në datë 30 maj. Deri në atë moment ne ishim përballë me policinë, kundrejt një përplasjeje qytetar–shtet, por të vinin forca të treta, anonime dhe të dhunonin qytetarin, ishte e patolerueshme.

Kjo është rënie e shtetit, e shtetit të së drejtës, dhe praktikisht ndodhi para policisë së shtetit. Në këtë rast m’u duk policia e pambrojtur dhe e dorëzuar para një rendi mafioz, i cili është instaluar në qytet dhe tani ka marrë edhe zonat tona të mbrojtura, bukurinë e vendit që i përkasin popullit. Gjatë këtyre viteve unë mendoj se kjo ishte diçka e akumuluar prej kohësh. Ai akti i tërheqjes zvarrë të një qytetari ishte momenti që ndezi flakën.

Ai akt barbar i trajtimit të një qytetari dhe zhveshja e shtetit nga mbrojtja e qytetarit, pamë atë ditë arrogancën e pushtetit, pamë se si tokat po shkëmbeheshin për përfitimet e një privati, pamë shtetin të dorëzuar dhe figurën e policisë të dhunuar sepse u injorua dhe u përjashtua, qytetarët u ndjenë vetëm në atë moment.", tha protestuesja./Dosja.al

prtestuese

TIRANË- Një protestuese ka deklaruar se për shkak të temperaturave të larta, orari i i protestës do të shtyhet. 

Gjatë grumbullimit në shesh, u lajmëruar se tashmë protesta do të nisë në orën e 19:00.

“Nuk do të ndalemi, tashmë frika është thyer. Do të shtyjmë orarin e protestës, sepse është vapë”, tha zonja./Dosja.al

pamjet

TIRANË- Qytetarët janë mbledhur sërish sot në Sheshin Skëndërbej në protestën kundër Kryeministrit Edi Rama. Në ditën e 17-të të protestës që në nisje të grumbullimit, një grup të huajsh u bashkuan me qytetarët.

Siç shihet edhe në pamje, ata mbajnë me vete flamurin kuqezi si dhe flamingo të improvizuar. Edhe gjatë protestës së një dite më parë, mijëra qytetarë kërkuan dorëheqjen e kryeministrit. Me thirrjet “Rama jepe dorëheqjen”, qytetarët kanë vijuar për orë të tëra, duke protestuar./Dosja.al

TIRANË- Dita e 17-të e protestës ka nisur me grumbullimin e qytetarëve në sheshin “Skënderbej”. Ata po përsërisin thirrjet e tyre për dorëheqjen e kryeministrit Rama.

Pas mbledhjes në shesh, pritet që turma t'i drejtohet bulevardit “Dëshmorët e Kombit”./Dosja.al