Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Durrësi, Vlora, Saranda, Lushnja, Fieri dhe Berati janë përballur pasditen e sotme me ndërprerje të energjisë elektrike, për më shumë se një orë. • Shkak i këtij kolapsi u bë një defekt në linjën e transmetimit 220kV Tirana 2 – Rrazhbull. • Operatori i Sistemit të Transmetimit bëri me dije se sot në orën 17:37, si pasojë e defektit u ndërpre energjia në të gjitha nënstacionet e Rajonit Durrës, Lushnje, Fier, Vlorë, Kuçovë, Berat. • Më tej OST bën me dije se energjia u rikthye në nënstacionet e rajoneve të mësipërme, ku u vendosën në punë vetëm fidrat e rëndësisë së veçantë, spitalet dhe kopshtet e qytetit, duke lënë me kufizime të thella pjesën tjetër të popullatës. • Në orën 17:52, energjia u ndërpre përkohësisht dhe në Rajonin e Sarandës, e cila u rikthye përsëri në punë me kufizime. • Aktualisht, me kërkesë të OST-së për shkak të ngarkesës, po kryhet një rivendosje graduale e ngarkesës në rajonet e mësipërme, e cila po realizohet nga Dispeceria Qendrore TL, në bashkëpunim me Dispeceritë Rajonale të Durrësit, Beratit, Fierit, Gjirokastrës, Vlorës, në varësi të udhëzimeve dhe hapësirave deri në rivendosjen e skemës normale të furnizimit. • Lidhur me këtë ka reaguar edhe kryetari i PD-së, Sali Berisha, ku shprehet se qeveria është përgjegjësja për situatën. • Ai shkruan se ndonëse digat në vendin tonë janë plotë, qytetarët janë sërish pa energji elektrike, për shkak të vjedhjeve të qeverisë sipas tij.
4 artikuj për këtë temë.
TIRANË- Kryetari i Partisë Demokratike, Sali Berisha, ka reaguar pas ndërprerjes së energjisë mbrëmjen e sotme në disa qytete të vendit.
Përmes një postimi në Facebook, Berisha bën qeverinë përgjegjëse për situatën. Ai shkruan se ndonëse digat në vendin tonë janë plotë, qytetarët janë sërish pa energji elektrike, për shkak të vjedhjeve të qeverisë sipas tij.
“Shqipëria në terr! Qyteti i Vlorës, Fierit, Durrësit, Lushnjës dhe Sarandës në “blackout,” errësirë totale. Digat plotë! Shkaku?! Vjedhjet! Sb”, thuhet në postimin e Berishës.
TIRANË- Disa qytete të vendit si Durrësi, Vlora, Saranda, Lushnja, Fieri dhe Berati janë përballur pasditen e sotme me ndërprerje të energjisë elektrike. Shkak i këtij kolapsi u bë një defekt në linjën e transmetimit 220kV Tirana 2 – Rrazhbull.
Operatori i Sistemit të Transmetimit bëri me dije se sot në orën 17:37, si pasojë e defektit u ndërpre energjia në të gjitha nënstacionet e Rajonit Durrës, Lushnje, Fier, Vlorë, Kuçovë, Berat.
Pas rreth 30 minutash, u bë e mundur rikthimi i energjisë në nënstacionet e rajoneve të mësipërme, ku u vendosën në punë vetëm fidrat e rëndësisë së veçantë, spitalet dhe kopshtet e qytetit, duke lënë me kufizime të thella pjesën tjetër të popullatës.
Në orën 17:52, energjia u ndërpre përkohësisht dhe në Rajonin e Sarandës, e cila u rikthye përsëri në punë me kufizime. Aktualisht, me kërkesë të OST-së për shkak të ngarkesës, po kryhet një rivendosje graduale e ngarkesës në rajonet e mësipërme, e cila po realizohet nga Dispeceria Qendrore TL, në bashkëpunim me Dispeceritë Rajonale të Durrësit, Beratit, Fierit, Gjirokastrës, Vlorës, në varësi të udhëzimeve dhe hapësirave deri në rivendosjen e skemës normale të furnizimit.
FIER- Energjia elektrike është rikthyer pjesërisht pas më shumë se një ore në Fier, Durrës, Vlorë dhe Sarandë. Zbukurimet e rrugëve dhe dritat janë ndezur në Fier, dhe është rikthyer energjia dhe në lagjet e qytetit.
Ndërkohë edhe në Lushnje është rikthyer energjia elektrike pas një ndërprerjeje që zgjati gati një orë. Në Vlorë, energjia elektrike mungoi për më shumë se 30 minuta në fshatrat Selenicë, Orikum e deri në Palasë.
Dyshohet se shkak i ndërprerjes ishte rënia e linjës së transmetimit 220 kv Kashar-Rashbull- Durrës, ndërsa grupet e punës ndodhen në terren. Pritet gjithashtu një reagim zyrtar nga Operatori i Shpërndarjes së Energjisë Elektrike lidhur me arsyet e sakta të ndërprerjes masive të energjisë në disa qytete të vendit.
DURRËS- Energjia elektrike është ndërprerë prej disa minutash në qytetet e Durrësit, Fierit, Lushnje dhe Sarandës. Sipas raportimeve këto qytete janë në errësirë totale.
Sipas burimeve të informacionit nga OSHEE për mediat, dyshohet se ka pasur një defekt në një linjë të tensionit të lartë në zonën e Beratit. Ndërsa nga OSHEE Fier mësohet se kanë rënë linjat e OST si në Fier ashtu edhe në Elbasan.
Ndërkohë pa energji elektrike mbetën edhe Kavaja, Shkozeti e Rrogozhina. Në Vlorë, energjia elektrike mungoi po ashtu në fshatrat Selenicë, Orikum e deri në Palasë. Grupet e punës ndodhen në terren dhe po punojnë për kalimin e furnizimit me energji nga linjat dytësore.
