Dhunohet për vdekje 89-vjeçari në Mallakastër, arrestohen autorët, të afërmit: Hera e dytë nga të njëjtët persona

Musa Gudo dhe Ervis Halimi

MALLAKASTËR- Personat që po shikoni në foto janë Musa Gudo dhe Ervis Halimi, të arrestuarit për grabitjen dhe vrasjen e Çaush Shehajt në Klos. Fotot e tyre janë publikuar nga gazetari Arsen Rusta në profilin e tij në Facebook. Ata janë vënë tashmë në pranga dhe akuzon për veprën penale “Vjedhja me pasojë vdekjen”.

Musa Gudo është një person me precedent penalë. Në vitin 2020, ai është dënuar me dy vite burg pasi u shpall fajtor për përdhunimin e 23-vjeçareje në Fier.

Të dy të rinjtë u futën në shtëpinë e Shehajt një natë më parë. Nën kërcënimin e armës, ata dhunuan 89-vjeçarin dhe i morën një shumë parash. Çaush Shehaj u dërgua në spital ku dhe ndërroi jetë.

Niperit e viktimes

MALLAKASTËR- Fqinjët e Caush Shehaj e përshkruajnë atë si një njeri shumë të mirë. Ata kanë treguar se viktima mbante në shtëpi një kasafortë të para shumë viteve, ndonëse aty nuk kishte lekë.

“Pse vdiq Caushi? Joo? Burri më i mirë në fshat, ka qenë tregtar. E kanë vjedhur më parë dhe më parë”.

“Kanë tentuar ta vjedhur, këta 2 djemtë, kanë ardhur dhe dje dhe e kanë rrahur. Ata nga zona jonë janë, po kanë ikur në Fier me qira, e kishte kasafortën e Enverit dhe mendonin se kishte lekë, po ku kishte ajo”, tregojnë fqinjët.

Grabitja ndodhi mëngjesin e datës 19 nëntor. Autorët e dyshuar janë Ervis Halimi 22 vjeç dhe Musa Gudo dhe do të hetohen si dhe për ”Moskallëzim krimi” është vënë nën hetim dhe një 16-vjeçar. Në cilësinë e provës materiale u sekuestrua arma e zjarri tip automatik me një krehër me fishekë. Nipërit e 89-vjeçarit, Asqeri Çela dhe Astrit Çela thonë se i afërmi i tyre është dhunuar në mënyrë barbare nga grabitësit. 

Nipi i viktimes

MALLAKASTËR- Çaush Shehaj, 89-vjeçari i cili ra pre e grabitjes me armë ditën e djeshme në banesë, humbi jetën sot në spital. I moshuari, u grabit nga Ervis Halimi dhe Musa Gudo, të cilët tashmë janë vënë në pranga. Për mediat, i afërmi i viktimës, ka treguar se kjo ishte hera e dytë që 89-vjeçari binte pre e grabitjes. Ai shton se Shehaj nuk kishte shumë para, e se jetonte vetëm me gruan, pasi 4 fëmijët banojnë jashtë shtetit. 

'Jetonte me gruan, fëmijët i ka jashtë vendit, e vranë në shtëpi për t'i marrë paratë. Nuk kishin përkrahje, kjo është hera e dytë që shkojnë për ta vjedhur, policia nuk mori masa. Ata mendonin për lek të madh po nuk kishte. Ai kishte 4 fëmijë, 3 në Greqi dhe një në Francë.'- tha i afërmi.

Nipi i tij, nga ambientet e spitalit shprehet se kjo është hera e dytë që i moshuari grabitet dhe sipas tij, nga i njëjti person.

“Jo jemi indinjuar, por nëse ka shtet, nëse ka ligje, në qoftë se ka Perëndi lart, se ne ndiejmë keqardhje të jashtëzakonshme, nëse ka ligje ata për mua duhen varur. Të punosh një jetë të tërë, dhe të të vijë tjetri të të marrë, të të dhunojë të të vrasë për djersën tënde është sakrificë e madhe. E vranë në 2 të natës, lakuriq, e kanë shëmtuar, e kanë masakruar, nga fytyra, nga brinjët, nga kofshët, e kanë bërë nuk i duket mishi i bardhë”, tha një prej nipave.

Çaush Shehaj u grabit ditën e djeshme në banesën e tij në fshatin Klos. Dy autorët, Ervis Halimi dhe Musa Gudo, u futën me dhunë në banesën e të moshuarit, e nën kërcënimin e armës i morën një shumë parash. I moshuari, u dërgua në spital, mirëpo nuk mundi t'i përballonte dot plagët e marra. Autorët do të hetohen për veprat penale “Vjedhja me dhunë”, e kryer në bashkëpunim, "Plagosje e rëndë me dashje", “Mbajtja pa leje e armëve dhe municionit luftarak” dhe "Moskallëzimi i krimit".

Spital

MALLAKASTËR-Ka ndërruar jetë në spital Çaush Shehaj, 89-veçari i cili ra pre e grabitjes me armë në banesën e tij. Autorët e dyshuar të ngjarjes, Ervis Halimi, 22 vjeç dhe Musa Gudo, 28 vjeç janë arrestuar nga policia.

Ngjarja ka ndodhur rreth orës 02:30 të mëngjesit të djeshëm në fshatin Klos, Mallakastër. Dy autorët e dyshuar, nën kërcënimin e armës kanë grabitur vetëm 5000 lekë. I moshuari pas ngjarjes, u dërgua në spital ku dhe ndërroi jetë nga plagët e marra.

Autorët do të hetohen për veprat penale “Vjedhja me dhunë”, e kryer në bashkëpunim, "Plagosje e rëndë me dashje", “Mbajtja pa leje e armëve dhe municionit luftarak” dhe "Moskallëzimi i krimit".

Tentative vjedhje

MALLAKASTËR- Grabitet një 89-vjeçar në fshatin Klos. Ngjarja ndodhi ditën e djeshme, rreth orës 02:30. 

Dy autorët, Ervis Halimi dhe Musa Gudo (tashmë të arrestuar), u futën me dhunë në banesën e të moshuarit, e nën kërcënimin e armës i morën një shumë parash. I moshuari, me inicialet Ç.SH, ndodhet në spital, nën kujdesin e mjekëve. 

Po ashtu, policia ka vënë nën hetim edhe personin me inicialet F. Ç., 16 vjeç, banues në Roskovec, për veprën penale "Moskallëzimi i krimit". Në cilësinë e provës materiale u sekuestrua arma e zjarri tip automatik me një krehër me fishekë. Dy autorët do të hetohen për veprat penale “Vjedhja me dhunë”, e kryer në bashkëpunim, "Plagosje e rëndë me dashje", “Mbajtja pa leje e armëve dhe municionit luftarak” dhe "Moskallëzimi i krimit".

NJOFTIMI I POLICISË:

Falë reagimit në kohë dhe veprimeve profesionale të Policisë, zbardhet vjedhja me dhunë dhe nën kërcënimin e armës, e ndodhur në orët e para të mëngjesit të djeshëm, në fshatin Klos, Mallakastër.
Finalizohet operacioni policor i koduar "Klosi”. Vodhën me dhunë dhe nën kërcënimin e armës, një shumë parash, në banesën e një të moshuari, arrestohen në flagrancë 2 autorët e dyshuar.

Sekuestrohet arma e zjarrit dhe automjeti që autorët përdorën gjatë vjedhjes. Rreth orës 08:00 të datës 19.11.2022 është njoftuar salla operative se në orën 02:30, në fshatin Klos, Mallakastër, kishte ndodhur një vjedhje me dhunë, në një banesë. Menjëherë pas marrjes së njoftimit, shërbimet e Policisë organizuan punën për zbardhen e ngjarjes, identifikimin dhe kapjen e autorëve. Falë veprimeve të shpejta dhe profesionale, bazuar dhe në inteligjencën informative, u bë e mundur zbardhja e ngjarjes dhe identifikimi i personave që, nën kërcënimin e armës së zjarrit, i morën me dhunë një shumë parash, shtetasit Ç. Sh., 89 vjeç, i cili aktualisht ndodhet në spital, nën kujdesin e mjekëve.

Bazuar në provat e grumbulluara, shërbimet e Komisariatit të Policisë Mallakastër, në ndërveprim me të gjitha strukturat e DVP Fier dhe në bashkëpunim të ngushtë me Prokurorinë pranë Gjykatës së Rrethit Gjyqësor Fier, organizuan dhe finalizuan operacionin policor të koduar "Klosi", në kuadër të të cilit u bë kapja dhe arrestimi në flagrancë i shtetasve: E. H., 22 vjeç, banues në Fier dhe M. G., 28 vjeç, banues në Portëz, Fier.
Gjithashtu, u procedua penalisht në gjendje të lirë shtetasi F. Ç., 16 vjeç, banues në Roskovec, për veprën penale "Moskallëzimi i krimit". Në cilësinë e provës materiale u sekuestrua arma e zjarri tip automatik me një krehër me fishekë. Materialet do t’i kalojnë Prokurorisë pranë Gjykatës së Shkallës së Parë Fier, për veprat penale “Vjedhja me dhunë”, e kryer në bashkëpunim, "Plagosje e rëndë me dashje", “Mbajtja pa leje e armëve dhe municionit luftarak” dhe "Moskallëzimi i krimit".