E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
• Sali Berisha, Kreu i Partisë Demokratike pasditen e sotme ka folur në tryezën e organizuar me ekspertë nga fusha e arsimit dhe shëdetësisë, si pjesë e departamenteve të PD-së. • Berisha u ndal fillimisht në planifikimin e përgjithshëm të buxhetit, të cilin e quajti një "mashtrim të madh ndaj shqiptarëve". • Kryedemokrati theksoi se buxheti për shëndetësinë është i pa përputhshëm me kërkesat e qytetarëve. • Ai shtoi se sërish qeveria ka planifikuar miliona euro për aferën e sterilizimit, e cila sipash Berishës është një aferë kriminale. • Berisha u ndal tek buxheti për arsimin, ku shtoi tha se një universitet pa kërkim shkencor është si një shkollë e mesme. • Së fundmi Kreu i PD-së tha se bordet e admonistrimit dhe kancelaritë universitare keqmenaxhojnë fondet, të cilat planifikohen për rritjen e investimeve në universitet.
3 artikuj për këtë temë.
TIRANË-Kryetari i Partisë Demokratike, Sali Berisha po zhvillon një takim me drejtues të departamente dhe specialistë të fushës, në lidhje me buxhetin e 2024 të miratuar nga mazhoranca socialiste në vetëm 4 minuta. Në fjalën e tij, Berisha theksoi se buxheti 2024 për arsimin dhe shëndetësinë, shënon një rënie, një mashtrim dhe një shpërdorim të madh.
Berisha u ndal tek buxheti për arsimin të cilin e konsideroi abuzues dhe një sinjal alarmi, ku sipas tij po e kthejnë universitetin në nivelin e shkollave të mesme.
Berisha: I tillë është edhe buxheti për arsimin. Buxheti i arsimit është, buxheti defakto i rrënimit të arsimit universitar.
Një ulje dramatike e investimit në fushën e kërkimeve. Faktikisht universitetet tona po reduktohen në këtë mënyrë, pa kërkimin shkencor në nivelin e shkollave të mesme. Është dramatike. Një universitet e mban kërkimi shkencor. E dallon nga një shkollë e mesme, përpara së gjithash kërkimi shkencor i pedagogëve, studentëve. Një fakultet mjekësie e dallon nga një shkollë e mesme shëndetësie, kërkimi shkencor.
Fondet janë ulur me 30-40 %, ndonëse kanë qenë minimale. Ankohen se universitetet nuk i administrojnë mirë. Kujt i ankohen, ata i kanë dërguar aty, bordet dhe kancelarët i emëron qeveria. Unë nuk jam që të mos miradministrohen fondet, por faktikisht nuk administron gjë, për ti bërë objekt kritikash. Të gjitha këto i bëjnë kancelarët dhe bordet e qeverisë. Ndaj dhe sigurisht ju do të bëni një analizë më të gjerë, por shifrat e këtij buxheti janë dramatike për dy sektorë jetikë të mbarë shoqërisë tonë.
TIRANË-Sali Berisha, Kreu i Partisë Demokratike, u shpreh pasditen e sotme në një tryezë me ekspertë, se buxheti i 2024 ndëshkon pacientët, ndërsa shtoi se nuk garantohet asnjë shërbim jetik për qytetarët siç janë operacionet apo analizat e domosdoshme.
Berisha në një diskutim me departamentet e PD mbi buxhetin e viti 2024, akuzoi kryemnistrin Edi Rama si sipërmarrësin kryesor të aferës së sterilizimit. Nga ana tjetër kryedemokrati nuk kurseu as akuzat ndaj ish-ministrit Ilir Beqaj në lidhje me sterilizimin dhe koncesionet.
Berisha:Në rast se marrim buxhetin për shëndetësinë. Dy të pestat e tij shkojnë për aferat tashmë kriminale të njohura të sterilizimit, proces i cili në Shqipëri perset me koncesionin e tyre, kushton 4 herë më shtrenjtë se në Gjermani, kushton 83 herë më shumë se sa kushtonte ky proces kur kryhej nga sektori publik. Dhe kjo megjithë vendimet që ka marrë gjoja gjykata, vazhdon njëlloj të gllabërojë paratë e buxhetit vetëm e vetëm se është ndërmarrje e Edi Ramës. Ju garantoj ju dhe shqiptarët se Ilir Beqaj, e asnjë Ilir Beqaj tjetër cilido që të jetë ai, nuk do të guxonte kurrë të firmoste një marrëveshje të tillë.
Nuk ka ministër që mund të firmosë një aferë siç është ajo e sterilizimit. Autori i saj i vërtetë është njeriu që për sipërmarrjen e vet dilte para shqiptarëve me një pincë të thyer dhe gërshërë me një krah. Duke menduar se i mashtron ata, ja se me çfarë operoheshin. Pra sado që Beqaj është një hajdut parekselancë, sipërmarrësi numër 1 i kësaj afere që i shkon vendit deri tani 79 milionë euro, pra i shkon mbi 150 mln euro është direkt Edi Rama.
Edhe njëherë ju them nuk ka ministër, zv/kryeministër që mund të firmosë një marrëveshje të tillë. Atë e firmos vetëm në emër të kryeministrit. E tillë po në këto përmasa është check up. I tillë janë analizat.
Mirë po këto procedura përveç se një vjedhje e madhe në qindra milionë të taksave të qytetarëve janë një gjobë e rëndë shumë për qytetarët e sëmurë. Sot shqiptarët detyrohen të bëjnë analizat ku munden, dhe me çmime, ju garantoj unë, këtu në Shqipëri analizat kanë çmimin 3-4 herë më të larta se në Gjermani. Çmime stratosferike.
Buxheti që u lihet tani spitaleve për analiza është kërkund për plotësimin e nevojave me çmimet që ka vendosur koncensionari. Në takimin tjetër u tha se, qytetarët në Shqipëri paguajnë për shërbimin shëndetësor mbi 50% të kostos së tij. I paguajnë po çfarë shërbimi marrin. Por jo të gjithë mund ti paguajnë.
Pra një sektor kaq jetik është në shkatërrim e sipër. Me një buxhet që nga 5% që ishte premtuar katandiset në 1.3 %. Ndaj dhe buxheti për shëndetësinë, në fakt është një buxhet vjedhje, ndëshkimi, gjobe dhe ndëshkimi për qytetarët. Me këtë buxhet nuk garantohen shërbimet jetike, siç janë operacionet, analizat e domosdoshme në sektorin publik për qytetarin shqiptar.
TIRANË-Sali Berisha, Kryetari i Partisë Demokratike në një takim pasditen e sotme me Departamentin e PD-së për Asimin dhe Shëndetësinë, ka folur në kuadër të fushatë "Buxheti dhe tepsia e pushtetit". Berisha e ka quajtur buxhetin si një mashtrim të madh nga qeveria, ku sipas Berishës nuk përputhet me kërkesat.
Nga ana tjetër kryedemokrati theksoi se "është shënuar një precedent i pa ndodhur më parë ku buxheti është votuar në 4 minuta".
Berisha: Së pari, dëshiroj të ju përshëndes ju përzemërsisht, dhe të mësueset, mësuesit, pedagoget, pedagogët e shkollave dhe universiteteve tona. Ne diskutojmë sot për buxhetin në dy fusha më të rëndësishme për qytetarët, për shërbimet, por në tërësi për kombin. Në dy fusha, si arsimi dhe shëndetësia, të një rëndësie të jashtëzakonshme në zhvillimin njerëzor të një kombi. Buxheti i këtij viti siç e patë, kaloi në 4 minuta në një parlament monist, në një parlament që ka përjashtuar opozitën duke i mohuar asaj të drejtat kushtetuese. Mes respektimit të të drejtave kushtetuese, deputetëve të opozitës dhe popullit opozitar në parlament dhe kalimit në mënyrën më të turpshme, të papërgjegjshme të buxhetit vjetor të shtetit, Edi Rama zgjodhi këtë të dytën. Zgjodhi të dytën duke dëshmuar se ai është i vendosur të konfiskojë të drejtat kushtetuese të popullit opozitar, të qëndrojë mbi kushtetutën e vendit, është i vendosur defakto të bëjë gjithçka për pushtetin e tij monist.
Kurrë në asnjë vend nuk është regjistruar votimi në 4 minuta i një buxheti. Kjo ndodh vetëm në narkoshtetin e Edi Ramës. Qëndresa e deputetëve të PD-së, për të drejtat kushtetuese nxori në dritën e diellit para gjithë botës, fytyrën e vërtetë të regjimit të Tiranës. Nxori shkallën më të lartë të papërgjegjshmërisë. Të votosh buxhetin e një viti në 4 minuta, do të thotë se je larg çdo norme, çdo standardi, çdo ligji. Por ne jemi të vendosur që me këto takime të paraqesim para shqiptarëve, pikëpamjet, opinionet, mendimet tona lidhur me buxhetin që kaloi në 4 minuta. Ky është takimi i dytë i rëndësishëm që bëhet nga departamentet dhe unë i përgëzoj. Diskutimi i buxhetit me specialistët, grupet e interesit, qytetarët është detyrim kushtetues nga ata që hartojnë dhe miratojnë buxhetin.
Por kur hartoj një buxhet të tillë dhe miratoi një buxhet të tillë, ata do të donin që ta kalonin edhe për 3 minuta. Buxheti për shëndetësinë dhe arsimin nuk shënon një avancim, jo që nuk përputhet kërkund me kërkesat e domosdoshme të këtyre fushave, të një rëndësie jetike për shoqërinë shqiptare, por përkundrazi shënon një rënie, shënon një mashtrim të ri dhe një shpërdorim të madh.
