Shqipëria fal shumë, Polonia na përmbys në Varshavë dhe na shuan ëndrrën për Botëror

POLONI- Shqipëria nuk ia doli me Poloninë. Kuqezinjtë humbën 2-1 përballë Polonisë në gjysmëfinalet e fazës “play-off” në Varshavë. Edhe pse kaluan të parët në avantazh me anë të Arbër Hoxhës në pjesën e parë të lojës, kuqezinjtë nuk mundën të ruanin rezultatin, pasi polakët përmbysën gjithçka në pjesën e dytë.

Pak para se polakët të barazonin shifrat në 1-1 me anë të Robert Lewandowskit, Shqipëria humbi dy raste të arta për të mbyllur ndeshjen, fillimisht me anë të Laçit e më pas me anë të Pilos. Dy futbollistët kuqezi shpërdoruan në mënyrë amatoreske dy raste të pastra për të shënuar.

Ndërsa Polonia shënoi edhe golin e dytë me anë të Zielinskit, i cili me një gjuajtje potente nga jashtë zone nuk i dha asnjë mundësi Strakoshës për të reaguar. Në fazën finale, Polonia do të përballet me Suedinë, e cila ka fituar 1-3 përballë Ukrainës./Dosja.al

POLONI- Polonia ka kaluar në avantazh me shifrat 2:1 përballë Shqipërisë. Fillimisht ishte Robert Lewandowski, i cili shfrytëzon një goditje këndi dhe me kokë e dërgon topin në rrjetë duke ndëshkuar portierin Thomas Strakosha.

Më pas, ishte Zielinski, i cili në miniutën e 74′ me një goditje të fortë kaloi polakët në avantazh. Kuqezinjtë kaluan fillimisht në avantazh nga një gabim në prapavijë e kundërshtarit dhe Arbër Hoxha me një goditje të bukur përshëndeti rrjetën në minutën e 42′./Dosja.al

POLONI- Polonia ka barazuar në nisje të pjesës së dytë. Robert Lewandoski ka shënuar në minutën e ’63. Kuqezinjtë kaluan fillimisht në avantazh nga një gabim në prapavijë e kundërshtarit dhe Arbër Hoxha me një goditje të bukur përshëndeti rrjetën në minutën e 42′. Kaq mjaftoi dhe festa u ndez nga tifozët shqiptarë në stadium./Dosja.al

VARSHAVË- Ka startuar pjesa e dytë e ndeshjes Poloni- Shqipëri. Shqipëria ka shënuar kundër Polonisë më Arbër Hoxhën në pjesën e parë, duke e kaluar kombëtaren në avantazh.

Kuqezinjtë përfituan nga një gabim në prapavijë e kundërshtarit dhe Arbër Hoxha me një goditje të bukur përshëndet rrjetën në minutën e 42′. Kaq mjaftoi dhe festa u ndez nga tifozët shqiptarë në stadium./Dosja.al

VARSHAVË- Ka përfunduar pjesa e parë e ndeshjes Poloni- Shqipëri. Kuqezinjtë kanë shënuar kundër Polonisë më Arbër Hoxhën. Kuqezinjtë përfituan nga një gabim në prapavijë e kundërshtarit dhe Arbër Hoxha me një goditje të bukur përshëndet rrjetën në minutën e 42′.

Që nga viti 1949 e deri më sot, ndaj Polonisë kemi luajtur 15 herë, kemi fituar dy ndeshje, që të dyja në kryeqytetin tonë me shifrat 2-0, dhe kemi dalë tri herë barazim./Dosja.al

VARSHAVË- Shqipëria ka shënuar golin e parë në Varshavë përballë Polonisë në fundin e pjesës së parë. Arbër Hoxha ka shfyrtëzuar në maksimum gabimin e mbrojtjes polake, duke u treguar më pas i ftohtë përballë portierit.

Goli ka sjellë ovacione te mbi 3 mijë tifozë kuqezinj, që po e ndjekin në stadium përballjen historike./Dosja.al

VARSHAVË- Ndeshja Poloni-Shqipëri ka startuar. Kombëtarja e Shqipërisë nis takimin me historinë dhe kërkon ta rishkruajë atë në Varshavë, në ndeshjen e parë në “play off” e “Botërorit 2026”.

Që nga viti 1949 e deri më sot, ndaj Polonisë kemi luajtur 15 herë, kemi fituar dy ndeshje, që të dyja në kryeqytetin tonë me shifrat 2-0, dhe kemi dalë tri herë barazim.

Sylvinho ka vendosur që sonte porta do të mbrohet nga Strakosha, ndërsa në mbrojtje do të jetë Hysaj, Gjimshiti, Ajeti dhe Mitaj. Mesfusha do të përbëhet nga Asllani dhe Shehu, ndërsa Laçi do të luajë më i avancuar. Krahët do të mbulohen nga Uzuni dhe Hoxha, ndërsa në majën e sulmit do të luajë Bajrami./Dosja.al

VARSHAVË- Kombëtarja shqiptare, do të luajë sonte në orën 20:45 për herë të parë në fazën “play off”, për kualifikueset e Botërorit 2026. Shqipëria kërkon një rezultat historik, ndërsa asnjëherë nuk është larguar me fitore nga transferta e Polonisë. Siç shihet edhe në pamje, atmosfera në tribunat e mbushura është elektrizuese, me tifozë nga të dyja skuadrat që po presin startimin e ndeshjes.

Formacionet zyrtare janë publikuar. Sylvinho ka vendosur që porta do të mbrohet nga Strakosha, ndërsa në mbrojtje do të jetë Hysaj, Gjimshiti, Ajeti dhe Mitaj.

Mesfusha do të përbëhet nga Asllani dhe Shehu, ndërsa Laçi do të luajë më i avancuar. Krahët do të mbulohen nga Uzuni dhe Hoxha, ndërsa në majën e sulmit do të luajë Bajrami./Dosja.al

VARSHAVË- Kombëtarja shqiptare përballet këtë të enjte me Poloninë në orën 20:45, në PGE Narodowy të Varshavës për gjysmëfinalen e play-off-it të Kupës së Botës 2026. Federata Shqiptare e Futbollit ka ndarë pamjet nga dhomat e zhveshjes, duke zbuluar fanellën që lojtarët e Kombëtares do të veshin gjatë kësaj ndeshjeje të rëndësishme.

Nëse Shqipëria arrin të kalojë këtë pengesë në sfidën teke, katër ditë më vonë do të luajë në transfertë ndaj fituesit të çiftit Ukrainë-Suedi, me objektivin për të siguruar një vend në finalet e Botërorit që zhvillohen këtë verë në SHBA, Meksikë dhe Kanada./Dosja.al

VARSHAVË- Shqipëria luan “finalen” e parë për tu kualifikuar për në Botëror, me kuqezinjtë që do të masin forcat e tyre në Varshavë kundër Polonisë. Porta do të mbrohet nga Strakosha, ndërsa në mbrojtje do të jetë Hysaj, Gjimshiti, Ajeti dhe Mitaj.

Mesfusha do të përbëhet nga Asllani dhe Shehu, ndërsa Laçi do të luajë më i avancuar. Krahët do të mbulohen nga Uzuni dhe Hoxha, ndërsa në majën e sulmit do të luajë Bajrami.

Formacioni Zyrtar:

Shqipëria (4-2-3-1): Strakosha, Hysaj, Gjimshiti, Ajeti, Mitaj, Asllani, Shehu, Uzuni, Laçi, Hoxha, Bajrami.

Trajner: Sylvinho

Nga ana tjetër, është publikuar edhe formacioni zyrtar i ekipit polak.