EMRI/ Të shtëna me armë gjatë natës në Lundër, qëllohet drejt banesës së pabanuar, gjenden 6 gëzhoja
EMRI/ Të shtënat gjatë natës në Tiranë, banesa e zyrtarit të OSHEE-së, shkak dyshohet konf...
EMRI/ Të shtënat gjatë natës në Tiranë, banesa e zyrtarit të OSHEE-së, shkak dyshohet konf...
Kurti sot në Tiranë, takohet me Ramën, marrëveshja në Ohër në qendër të bisedimeve 26 Mars, 0...
Si janë ndarë vendet në këshillat bashkiakë? Berisha: PL merr 240 vende, PBDNJ-a 20, ndërsa PDK, 6 vende 25 Mars,...
Tym e flamuj të bardhë para Qeverisë, kshu ka përfunduar protesta e PSD-së 25 Mars, 14:59 "Kurti si p...
•Një mjek dhe një teknik imazherie të cilët punonin në Qendrën Spitalore Universitare ‘Nënë Tereza’, janë arrestuar nga policia e Tiranës. •Nazmi Metali, mjek dhe dhe Astrit Mansaku, teknik imazherie, u morën para pacientëve për të shmangur procedurën standarte spitalore për bërjen e skanerit. •Ndaj tyre rëndon akuza e korrupsionit. Ndërsa hetimet proaktive drejtuar nga prokurori, Bledar Valikaj kishin nisur prej javësh dhe janë dokumentuar disa raste të korrupsionit.
4 artikuj për këtë temë.
TIRANË- Korrupsioni në Qendrën Spitalore Universitare “Nënë Tereza” vijonte prej kohësh nga mjeku Nazmi Metaliu dhe tekniku i imazherisë Astrit Mansaku. Ata u vunë në pranga me dyshimet se u kërkonin para qytetarëve për të kryer skaner. Këta persona u kanë kërkuar qytetarëve shumë të ndryshme për të marrë shërbimin e skanerit. Kjo shumë sipas të dhënave varionte nga 100-150 mijë lekë të vjetra.
Ka qenë një prej qytetarëve, i cili ka kallëzuar mjekët në Prokurorinë e Tiranës, ndërsa kjo e fundit i ka mbajtur nën vëzhgim prej disa kohësh. Tashmë pretendohet se janë mbledhur të dhënat e mjaftueshme, që implikojnë këta dy persona në skemën e korrupsionit.
Nazmi Metaliu, mjeku 63-vjeçar së bashku me teknikun e imazherisë, Astrit Mansakun, merrnin rryshfet për tu bërë skaner qytetarëve në QSUT. Hetimet për to kanë nisur rreth tre javë më parë, ndërsa hetuesit kanë dokumentuar disa raste ku mjekët iu merrnin para qytetarëve qe iu nënshtroheshin skanerit.
TIRANË- Personi në foto është Nazmi Metaliu, mjeku 63-vjeçar i arrestuar për korrupsion. Metaliu, së bashku me teknikun e imazherisë, Astrit Mansakun, merrnin rryshfet për tu bërë skaner qytetarëve në QSUT.
Hetimet për to kanë nisur rreth tre javë më parë, ndërsa hetuesit kanë dokumentuar disa raste ku mjekët iu merrnin para qytetarëve qe iu nënshtroheshin skanerit.
Në fotot e publikuara në rrjetin social 'Facebook', Metaliu shihet nën shoqërinë e kolegëve të tij në QSUT. Ai pozon para aparatit fotografik teksa ndodhet në punë si dhe në disa raste nuk harron të shpërndajë mesazhe sensibilizuese siç është ajo në kohën e pandemisë.
'Unë rri në shërbim, ti rri në shtëpi'- shkruhet në fletën që mbante në dorë mjeku në vitin 2020, aty ku ka marrë shumë pëlqime dhe komente vlerësuese nga miqtë dhe të afërmit.
TIRANË- Mjeku Nazmi Metaliu dhe tekniku i imazherisë në QSUT, Astrit Mansaku, bashkëpunonin me njëri-tjetrin duke përfituar para nga pacientët të cilët donin të bënin skanerin. Policia informon se dy mjekët kanë qënë në hetim për një kohë të gjatë. Nga veprimet hetimore, ka rezultuar se dy personat, në bashkëpunim me njëri-tjetrin, gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit, në kundërshtim me rregulloren e Spitalit, për kryerjen e kësaj procedure.
NJOFTIMI I POLICISE:
Finalizohet si rezultat i një hetimi disamujor, të ndjekur me metoda proaktive, operacioni policor i koduar “Skaneri”, për gjurmimin dhe goditjen e rasteve të korrupsionit dhe të shpërdorimit të detyrës. U morën para pacientëve, për të shmangur procedurën standarde spitalore, për bërjen e skanerit, vihen në pranga 2 shtetas (mjeku dhe tekniku i Shërbimit të Imazherisë në QSUT). Specialistët e Seksionit për Hetimin e Krimeve Ekonomike dhe Financiare të DVP Tiranë, si rezultat i një hetimi disamujor, të ndjekur me metoda proaktive, në bashkëpunim me Prokurorinë pranë Gjykatës së Rrethit Gjyqësor Tiranë, me qëllim konstatimin e rasteve të korrupsionit dhe nxjerrjen përpara përgjegjësisë penale, të autorëve të tyre, organizuan dhe finalizuan operacionin policor të koduar "Skaneri".
Si rezultat i këtij operacioni, u vunë në pranga shtetasit:
- N. M., 63 vjeç, banues në Tiranë, me profesion mjek;
- A. M., 51 vjeç, banues në Tiranë, me profesion teknik imazherie.
Nga veprimet hetimore, ka rezultuar se këta shtetas, në bashkëpunim me njëri-tjetrin, gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit, në kundërshtim me rregulloren e Spitalit, për kryerjen e kësaj procedure.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
TIRANË-Arrestohen në flagrancë dy mjekë në ambientet e brendshme të Qendrës Spitalore Universitare 'Nënë Tereza' në Tiranë. Burime për Dosja.al bëjnë të ditur se në pranga kanë përfunduar Astrit Mansaku dhe Nazmi Metaliu. Këto dy mjekë, dyshohet se bënin skanera për pacientët kundrejt një shpërblimi monetar.
Mjekët ishin nën hetim për 3 javë, mirëpo mëngjesin e sotëm u bë i mundur arrestimi i tyre./Dosja.al
