Antimafia italiane aksion me SPAK për Call Center-at/ Çfarë ndodhi mbrëmë në kullën '4Ever Green', 10 të arrestuar  (AKUZAT ndaj Politikanëve)

Përmes një investigimi gazetari italian Luigi Pelazza i emisionit 'Le Iene'  ka hedhur dritë mbi një rrjet mashtrimesh telefonike që dyshohet të ketë sjellë fitime miliona eurosh, me operacione jo vetëm në rajonin Kampania, por edhe në shtete të tjera, përfshirë Shqipërinë. Hetimi i programit ka fokusuar vëmendjen te aktivitetet e call center-eve të cilët kryenin telefonata mashtruese me qëllim të shfrytëzimit të investitorëve të pafajshëm.

Një element veçanërisht shqetësues në hetim është përfshirja e A.V, një polic italian nga Salerno. Sipas shërbimit të Le Iene, ai dyshohet se ka rekrutuar të rinj italianë për t’i dërguar të punojnë në call center në Shqipëri dhe vende të tjera të Evropës Lindore, ku ata ishin të përfshirë në telefonata mashtruese me qëllim përfitimi financiar. Një dëshmitar anonim ka deklaruar se A.V udhëtonte në Shqipëri rregullisht, rreth një herë në muaj, duke marrë me vete grupe prej katër-pesë personash, të rinj të rekrutuar për punë në këto call center-e.

Në intervistën e tij, polici ka mohuar përfshirje të paligjshme, duke deklaruar se aktiviteti i tij ka qenë vetëm vlerësim gjuhësor i kandidatëve, i kryer vite më parë për një mik dhe pa asnjë përfitim ekonomik personal. Megjithatë, fakti që të rinjtë italianë janë dërguar në Shqipëri për të punuar në call center mashtruese ngre pyetje serioze mbi etikën dhe besueshmërinë institucionale.

Hetimi tregon se Shqipëria nuk është thjesht një vend ku operojnë call center-e, por një nyje kyçe e rrjetit ndërkombëtar të mashtrimeve, ku përfshirja e të rinjve italianë ka lehtësuar telefonatat mashtruese drejt investitorëve të pafajshëm. Rasti nënvizon rëndësinë e bashkëpunimit ndërkombëtar che mbikëqyrjes së aktivitetit të call center-eve që operojnë jashtë vendit.

Gazetari Luigi Pelazza ka bërë të ditur se i gjithë materiali i mbledhur do t’i dorëzohet Prokurorisë, për të vlerësuar nëse ekzistojnë elementë për përgjegjësi penale ose disiplinore, duke përfshirë edhe dërgimin e të rinjve italianë në Shqipëri

Si funksiononte skema?

Përmes call center mashtronin klientët për investime financiare. Sa më shumë para të jepnin klientët që kontaktogeshin telefonikamente për të investuar në kompani italiane aq më të mashtruar mbeteshin. Janë dëshmuar mashtrime klientësh kryesisht italianë që kanë humbur mijëra e qindra mijëra euro në këto investime./Syri.net

Operacioni i SPAK dhe autoriteteve italiane, në kërkim 3 vëllezërit, kokat e grupit që mashtronin qytetarët e BE përmes Call Center (EMRAT)

TIRANË- Detaje të reja janë zbardhur nga operacioni i SPAK në bashkëpunim me autoritetet italiane, për call center-at. Mësohet se tre personat e shpallur në kërkim janë tre vëllezërit, Agim Prekaj, Alfred Prekaj dhe Arjan Prekaj, të cilët dyshohet se janë organizatorët e kësaj veprimtarie kriminale.

Skema e mashtrimit me këtë qendër telefonike në zemër të Tiranës, e njohur gjerësisht edhe si call center, është zbuluar nga programi investigativ italian "Le Iene". Autorët e programit shumë të ndjekur në Itali, kanë infiltruar disa persona në periudha të ndryshme kohore, për të punuar si agjentë në këtë call center. Duke u infiltruar brenda biznesit me zyra në kullën "4Ever Green", ata kanë marrë informacion të plotë për mënyrën sesi operohej nga kryeqyteti i Shqipërisë, në Itali dhe shtete të tjera europiane, duke zhvatur miliona euro./Dosja.al

TIRANË- Operacioni i SPAK dhe BKH në bashkëpunim me autoritetet italiane i cili po zhvillohej në një nga kullat e kryeqytetit "Green Tower Forever" ka përfunduar. Bëhet me dije se deri në këto momente janë arrestuar tetë persona dhe tre të tjerë janë shpalluar në kërkim.

Për të kryer aktivitet, këta persona kanë përdorur ambiente të marra me qira në dy pallate në Tiranë. Gjithashtu mësohet se gjatë kontrollit të ushtruar në këto ambiente janë sekuestruar edhe pajisjet.

Skema e mashtrimit me këtë qendër telefonike në zemër të Tiranës, e njohur gjerësisht edhe si call center, është zbuluar nga programi investigativ italian "Le Iene". Autorët e programit shumë të ndjekur në Itali, kanë infiltruar disa persona në periudha të ndryshme kohore, për të punuar si agjentë në këtë call center. Duke u infiltruar brenda biznesit me zyra në kullën "4Ever Green", ata kanë marrë informacion të plotë për mënyrën sesi operohej nga kryeqyteti i Shqipërisë, në Itali dhe shtete të tjera europiane, duke zhvatur miliona euro./Dosja.al

TIRANË- Kryetari i Grupit Parlamentar të Partisë Socialiste, Taulant Balla, ka reaguar ndaj akuzave të kreut të Partisë Demokratike, Sali Berisha. Përmes një videoje të shpërndarë në rrjetet sociale, Balla ka hedhur poshtë pretendimet e Berishës, duke i quajtur ato gënjeshtra të qëllimshme.

Postimi i Plotë:

Thënia e Ditës: “Gënjeshtra udhëton shpejt, por e vërteta mbërrin gjithmonë.” Në një kohë kur lajmet e rreme përhapen me shpejtësi alarmante, dëmi që ato shkaktojnë është real: keqinformim, zemërim dhe humbje besimi. Çdo klikim, çdo shpërndarje pa verifikim i jep forcë gënjeshtrës. Prandaj, të ndalemi, të kontrollojmë burimin dhe të mendojmë kritikisht është një akt përgjegjësie qytetare.

TIRANË- Pas një investigimi të përbashkët të emisionit italian Le Iene me gazetarët tanë, u bë i mundur denoncimi në SPAK dhe ndërhyrja e këtij të fundit bashkë me Byronë Kombëtare të Hetimit në një godinë në rrugën Myslym Shyri të përshtatur për zyra dhe aktivitete private. Ambientet e këtyre zyrave ishin përshtatur për një call center ku bëhej mashtrimi i shtetasve italianë nën mbulimin e investimeve në Forex Trading.

Skema funksiononte me një investim fillestar prej 250 eurosh, duke ju prezantuar klientëve të mashtruar një llogari të rreme prej 50 mijë eurosh. Për të tërhequr këtë të fundit qytetarët duhet të bënin transferta të njëpasnjëshme dhe duke shumëfishuar kësisoj shumën e zhvatur prej tyre.

Në investigim është dokumentuar se grupi ndryshonte vazhdimisht vendndodhjen, emrin e kompanisë dhe kontaktet. Ne fillim quhej Prodata, ndërsa së fundmi në momentin e ndërhyrjes ishte INFINITE SHPK.

Nje bashkëpunëtor i infiltruar i gazetarëve ka arritur madje të punojë për disa ditë në këtë call center duke dokumentuar gjithçka dhe duke nxjerrë informacione të rëndësishme që tregojnë se si funksiononte ky grup kriminal, i cili arrinte të përvetësonte deri në 20 milionë euro në muaj me anë të mashtrimit.

Theksojmë se operacioni i ndërhyrjes në ambientet ku kryhej mashtrimi është dekonspiruar dhe të gjitha pajisjet tashmë ishin spastruar me urgjencë, duke lënë vetëm zyrat bosh dhe pikëpyetje mbi lidhjet e grupit kriminal.

Piranjat falenderojnë emisionin italian Le Iene për investigimin e përbashkët si dhe përgëzojnë SPAK dhe BKH për hetimin ligjor dhe operacionin në terren. Temën e plotë do të mund ta ndiqni në hapjen e sezonit të ri të Piranjave, në Syri TV si dhe në rrjetet tona sociale.

Foto Ilustruese

TIRANË- Gjatë mbrëmjes së djeshme, SPAK dhe oficerë të Byrosë Kombëtare të Hetimit kanë kryer rreth 33 kontrolle në disa zona të Tiranës, si pjesë e nisjes së një hetimi për mashtrime përmes call-center-ave.

Burime pranë SPAK konfirmuan për gazetarin Elton Qyno se kontrollet janë kryer në zonat e Saukut, Astirit, Freskut, Laprakës, si dhe në qendrën e biznesit “4Ever Green Tower”, e cila ndodhet përballë Kishës Ortodokse në qendër të kryeqytetit.

Gjatë kryerjes së kontrolleve janë arrestuar 10 persona, të dyshuar si operatorë të call-center-ave, si dhe janë shpallur në kërkim dy persona të tjerë, të cilët dyshohet se janë organizatorët e kësaj skeme.

Aksionet e djeshme, të kryera nga SPAK dhe të mbështetura nga Policia e Shtetit, janë mbikëqyrur edhe nga një grup gazetarësh të emisionit investigativ “Le Iene” në Itali.

Gjatë kontrolleve janë sekuestruar kompjuterë dhe sende të tjera dokumentare, të cilat besohet se kanë lidhje me një çështje mashtrimi ndaj qytetarëve të Bashkimit Europian.

Rasti po ndiqet gjithashtu nga një prokuror i huaj dhe një prokuror shqiptar./Syri.net

Sali Berisha

TIRANË- Kreu i Partisë Demokratike, Sali Berisha, ka publikuar një denoncim duke hedhur akuza të rënda ndaj Taulant Ballës. Në postimin e tij nw Facebook, Berisha shkruan “Miq, Tao në tavë!”, duke ndarë edhe denoncimin ku pretendohet se Taulant Balla është pronar i një call center-i që, merret me mashtrime financiare të tipit “forex”.

Denoncimi pretendon se Policia e Shtetit ka shkuar për të ushtruar kontroll në ambientet e këtij call center-i, pas komunikimeve me agjenci ligjzbatuese të një shteti tjetër. Momentin e mbërritjes së policisë, Taulant Balla dyshohet se ka kontaktuar vetë punonjësit e policisë, duke bërë që kontrolli të ndërpritej dhe forcat të largoheshin.

Postimi i Plotë:

Lexoni mesazhin e qytetarit dixhital!

Përshëndetje Doktor Berisha do të doja të bëja një denoncim edhe pse nuk kam prova faktike do të doja ta publikonit këtë.

Sipas të dhënave Taulant Balla (Tao Tao) është pronari i një call-centeri mashtrimi ‘forex’ në zonën e Astirit në pallatin që ndodhet mbi Nami Longue. Policia e Shtetit ka shkuar për të ushtruar kontroll në këtë call center për arsye të komunikimeve me agjensitë ligjzbatuese të një shteti tjeter. Në momentin e mbërritjes së forcave të policisë për kontroll vetë Taulant Balla ka telefonuar policët të cilët ndodheshin për kontroll kjo sipas fjalëve të gjjthë punonjësve të këtij call centeri duke i detyruar policët që të largoheshin menjëherë. Call Center është mbyllur përkohësisht dhe për të shmangur arrestimin dhe kontrollin janë urdhëruar për të goditur një call center mashtrues forexi tjetër i cili ndodhej po në të njëjtën godinë dhe për të njoftuar organet që call centeri që operonte u kap dhe mbas disa ditësh puna ka vijuar normalisht në biznesin e jashtligjshëm të Taos. Punonjësit e call center janë të gjjthë të rinj dhe të reja të cilët janë detyruar të punojnë në këto vende pune nga mospërkrahja e qeverisë dhe pagat e ulëta. Ju ftoj ju dhe Partinë Demokratike të investigoni këtë çështje të turpshme ku qytetarëve europianë po i vidhen çdo muaj miliona euro. Gjjthashtu i përfshirë në këtë skemë është dhe Drejtori aktual i krimit ekonomik. Jam i bindur që mbas publikimit menjëherë ky biznes ka për tu mbyllur. Ju lutem Anonim keni përshëndetjet e mia të përzemërta.

TIRANË- Një operacion i Prokurorisë së Posaçme dhe Drejtorisë së Antimafias në Itali, është zhvilluar në orët e mbrëmjes së djeshme në kryeqytet, në kullën e famshme "4Ever Green", përballë Kishës Orthodhokse.

Paraprakisht, bëhet me dije se në këtë godinë 24 katëshe, të paktën sipas lejes së ndërtimit, kanë zyrat disa biznese të njohura dhe ndër to edhe një "call center". Në shënjestër të organeve të hetimit ka qenë pikërisht kjo qendër telefonie, e cila dyshohet se ka mashtruar me mijëra qytetarë italianë dhe të tjerë në Europë, duke u boshatisur llogaritë bankare.

Në krye të operacionit ka qenë vetë prokurori Vladimir Mara dhe drejtues të Antimafias. Siç është parë dhe nga pamjet që kanë dalë në media, ambientet e kullës kanë qenë nën mbikëqyrje të lartë policore, ndërkohë që oficerët e Byrosë Kombëtare të Hetimit dhe kolegët e tyre italianë kontrollonin biznesin e shënjestruar.

Skema e mashtrimit me këtë qendër telefonike në zemër të Tiranës, e njohur gjerësisht edhe si call center, është zbuluar nga programi investigativ italian "Le Iene". Autorët e programit shumë të ndjekur në Itali, kanë infiltruar disa persona në periudha të ndryshme kohore, për të punuar si agjentë në këtë call center. Duke u infiltruar brenda biznesit me zyra në kullën "4Ever Green", ata kanë marrë informacion të plotë për mënyrën sesi operohej nga kryeqyteti i Shqipërisë, në Itali dhe shtete të tjera europiane, duke zhvatur miliona euro./Dosja.al