45-vjeçarja shqiptare sulmohet për vdekje nga ish-bashkëshorti në Itali/ Prej tre vitesh të divorcuar, 55-vjeçari me probleme të shëndetit mendor, vihet në pranga autori: Bëra atë që duhet! (EMRAT+FOTO)

Pamje nga vendi i ngjarjes

ITALI- Detaje të reja janë zbardhur në lidhje me vrasjen e 45-vjeçares shqiptare në Itali. Mësohet se viktima Gentiana Hudhra ishte rrugës për në punë kur u sulmua me thikë nga ish-bashkëshorti i saj, Nikollaq Hudhra.

Burime nga autoritetet italiane bëjnë të ditur se autori dyshohet të ketë pasur probleme të shëndëtit mendor. Gjithashtu bëhet me dije se ndaj tij nuk ka pasur asnjë denoncim për dhunë apo precedent penal.

Raportohet se 45-vjeçarja ishte nënë e dy vajzave të moshës 21 dhe 23 vjeç. Ajo punonte si kujdestare dhe po shkonte në punë, kur u sulmua papritur në parkun e Viale Benadduci, pak pas orës 20:00. Mësohet se çifti ishte ndarë prej tre vitesh. Ende nuk dihen shkaqet që çuan në këtë ngjarje të rëndë ndërsa policia ka arrestuar autorin e ngjarjes i cili nuk u arratis por u ul në një stol pranë trupit të viktimës.

Pamje nga vendi i ngjarjes

ITALI- Një ngjarje e rëndë e cila rezultoi fatale për Gentiana Hudhrën ka shokuar qytetin e Tolentinos në Itali. Gentiana u plagos për vdekje nga ish-bashkëshorti i saj po shqiptar. 55-vjeçari fillimisht e ka goditur me thikë ish-gruan dhe më pas e ka shkelmuar. Pas aktit të rëndë autori nuk është larguar por ka qëndruar ë vendin e ngjarjes dhe ka pritur deri kur ajo ka ndërruar jetë.

Ai gjithashtu është shprehur se ka bërë atë që duhet. Gjithë akti i rëndë ka ndodhur në sy të kalimtarëve të cilët nuk arritën të bënin dot asgjë për shqiptaren. Nga pamjet e publikuara nga vendi i ngjarjes duket zona e rrethuar teksa trupi i viktimës është në tokë e mbështjellë.

Dëshmitarët dhe klientët e bareve përreth kanë dëgjuar britmat dhe kanë lajmëruar menjëherë ndihmën mjekësore, por kur ambulanca mbërriti, ishte tepër vonë. Përpjekjet për ta reanimuar rezultuan të kota. Ende nuk dihen shkaqet që çuan në këtë ngjarje të rëndë.

Viktima

ITALI- Një ngjarje e rëndë është regjistruar mbrëmjen e sotme në Tolentino, në provincën e Maceratës në Itali. Mediat italiane raportojnë se një 45-vjeçare shqiptare ka mbetur e vdekur pasi u godit me thikë në rrugë.

Ngjarja ka ndodhur në sy të kalimtarëve ndërsa autori i krimit është ish-bashkëshorti i saj. Autori është vënë në pranga ndërsa bëhet me dije se kur policia ka arritur në vendin e ngjarjes e kanë gjetur të ulur në një stol pranë trupit të pajetë të ish-gruas.

Viktima është identifikuar si Gentiana Hudhra. Në pranga është vënë 55-vjeçari, Nikollaq Hudhra. Autori fillimisht e ka goditur me thikë viktimën dhe më pas e ka shkelmuar. Pas aktit të rëndë autori është shprehur se ka bërë atë që duhet.

Viktima ishte nënë e dy fëmijëve të rritur dhe po shkonte në punë kur u sulmua në afërsi të parkut të qytetit, një zonë ku dhe kalonte përditë. Dëshmitarët dhe klientët e bareve përreth kanë dëgjuar britmat dhe kanë lajmëruar menjëherë ndihmën mjekësore, por kur ambulanca mbërriti, ishte tepër vonë. Përpjekjet për ta reanimuar rezultuan të kota.