"Me Lulin kur e keni lënë për foto?", Rama i përgjigjet komentuesit: Fizikisht nuk puqemi por zemrën e kemi të lid...
Njohu pavarësinë e Kosovës, Kurti zhvillon bisedë telefonike me presidentin e Kenias: I bëra një ftesë pë...
Bisedat në Signal/ Trump dhe zyrtarët thanë se gazetari gënjen, Goldberg poston artikullin e ri: Njerëzit duhet t'i sho...
"Nesër shpalosim programin Shqipëria 2030", Rama: Nuk jemi si ata që premtojnë pensione 500 euro dhe naftën 5 cent dhe ...
• Të shtëna me armë zjarri kanë ndodhur pasditen e kësaj të marte në hyrje të qytetit të Lezhës. • Mësohet se si pasojë e të shtënave ka mbetur i plagosur Egzon Gega. Gegaj është qëlluar tre herë me armë zjarri në gjoks, dhe fillimisht është dërgua në spitalin e qytetit të Lezhës për ndihmë mjekësore por gjendja e tij shëndetësore është përkeqësuar dhe më pas është nisur me urgjencë drejt Spitalit të Traumës në kryeqytet. • Shkak për ngjarjen është bërë një konflikt i çastit mes palëve, i cili ka agravuar më pas në përdorimin e armëve. • Po ashtu dyshohet se autori është një 23-vjeçar i cili është shpallur në kërkim nga Policia. • Sakaq policia ka rrethuar zonën dhe grupi hetimor po punon për zbardhjen e plotë të rrethanave të rastit si dhe kapjen e autorit.
4 artikuj për këtë temë.
LEZHË - Policia ka dalë me një reagim zyrtar lidhur me ngjarjen që ndodhi këtë pasdite në Lezhë ku mbeti i plagosur me armë zjarri 30-vjeçari Egzon Gegaj.
Policia sqaron se ngjarja ka ndodhur në lagjen "Nënë Tereza" dhe shkak është bërë një konflikt për motive të dobëta mes palëve. Autori është identifikuar si L.N, 23-vjeç i cili është shpallur në kërkim pasi menjëherë pasi ka qëlluar me armë zjarri drejt Gegajt është larguar nga vendngjarja.
Gegaj aktualisht ndodhet në Spitalin e Traumës ku po merr ndihmë mjekësore, dhe raportohet se ka marrë plagë në gjoks.
Njoftimi i policisë:
Në hyrje të qytetit të Lezhës, në lagjen Nënë Tereza, gjatë një konflikti për motive të dobëta dyshohet se shtetasi L.N, rreth 23 vjeç, ka plagosur me armë zjarri pistoletë shtetasin E.G, rreth 30 vjeç, i cili është transportuar në spital për ndihmë mjekësore dhe ndodhet jashtë rrezikut për jetën.
Shërbimet e Policisë vijojnë kontrollet për kapjen dhe shoqërimin e autorit të dyshuar.
Grupi hetimor nën drejtimin e Prokurorisë vijon punën për zbardhjen e rrethanave dhe dokumentimin e plotë ligjor të rastit.
LEZHË - Detaje të reja kanë dalë në dritë nga ngjarja e rëndë që u raportua pasditen e sotme në Lezhë, ku 30-vjeçari Egzon Gegaj mbeti i plagosur me armë zjarri.
Bëhet me dije se Gegaj është qëlluar me armë nga një 23-vjeçar me iniciale L.N, i cili ndodhet aktualisht në arrati. Shkak për ngjarjen është bërë një konflikt mes palëve, i cili ka agravuar më pas në përdorimin e armëve.
Gegaj është qëlluar tre herë me armë zjarri në gjoks, dhe fillimisht u dërgua në spitalin e qytetit të Lezhës për ndihmë mjekësore por gjendja e tij shëndetësore është përkeqësuar dhe është nisur me urgjencë drejt Spitalit të Traumës në kryeqytet.
Sakaq policia ka rrethuar zonën dhe grupi hetimor po punon për zbardhjen e plotë të rrethanave të rastit. Gjithashtu janë ngritur edhe pika kontrolli për lokalizimin dhe kapjen e autorit.
LEZHË - 30-vjeçari Egzon Gegaj, i cili mbeti i plagosur me armë zjarri këtë të martë në Lezhë, është nisur drejt spitalit të Traumës. I riu u qëllua me tre plumba dhe u dërgua për ndihmë mjekësore në spitalin e qytetit por mësohet se gjendja e tij shëndetësore është përkeqësuar dhe si pasojë është nisur me urgjencë drejt Spitalit të Traumës në Tiranë.
Ngjarja e rëndë u raportua vetëm pak minuta më herët ku në rrethana ende të paqarta Gegaj u qëllua me tre plumba në gjoks. Dyshohet se autori është një 23-vjeçar i cili është shpallur në kërkim nga Policia.
LEZHË - Të shtëna me armë zjarri janë dëgjuar pasditen e kësaj të marte në hyrje të qytetit të Lezhës. Mësohet se si pasojë e të shtënave ka mbetur i plagosur Egzon Gegaj.
Mësohet se ky i fundit është qëlluar tre herë me armë zjarri në gjoks. Ai është dërguar në spitalin e qytetit të Lezhës, dhe ndodhet nën kujdesin e mjekëve, ndërsa ende nuk dihen shkaqet dhe rrethanat e ngjarjes. Policia ndodhet në vendngjarje dhe detaje të reja pritet të dalin në vijim.
