Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Epidemiologu Ilir Alimehmeti, ka analizuar sesa të rrezikuar janë fëmijët dhe adoleshentët nga covid-19, në një kohë kur në shumë vende të botës po përhapet me shpejtësi variant Delta.
Përmes një statusi të shpërndarë në rrjetin social “Facebook”, Alimehmeti ka rënditur studimet dhe analizat e realizuara nga “National Health System” në bashkëpunim me institucione të tjera britanike, të publikuara më 2 korrik të këtij viti, në të cilat trajtohen arsyet e vdekjeve të fëmijëve dhe adoleshentëve përgjatë 1 viti pandemi duke nisur nga 1 marsi i 2020 deri në 28 shkurt të 2021. Epidemiologu shkruan se në bazë të studimeve është arritur në përfundimin se 99.995% e fëmijëve dhe adoleshentëve i mbijetojnë SARS-COV-2 dhe se kjo shkallë vdekshmërie është krejtësisht e njëjtë me shkallën e vdekshmërisë nga gripi sezonal, e cila në këtë grupmoshë luhatet nga 0.003% – 0.009%, në varësi të viteve. Sipas citimit, autorët kanë dalë në përfundimet se SARS-CoV-2 shumë rrallë është fatal për fëmijët dhe adoleshentët, madje edhe për ata me sëmundje bashkëshoqëruese.
NHS arrin në përfundimin se fëmijët dhe adoleshentët e kanë riskun krejt minimal dhe të krahasueshëm me gripin sezonal. Së fundmi epidemiologu apelon: “Lërini fëmijët të lirë që të luajnë, të zbaviten, të arsimohen, të rriten, siç është e drejta e tyre!”
Statusi i plotë i mjekut Alimehmeti:
Fëmijët e shëndetshëm nuk do t’i frikësohen jetës, nëse të rriturit do të kenë mjaftueshëm integritet sa të mos i frikësohen vdekjes.”
Cit.: Prof. Erik Erikson (1902-1994)
Risku i COVID-19 për fëmijët dhe adoleshtët është krejtësisht minimal miqtë e mi!
Siç ishte vërejtur që në fillim, të rinjtë dhe adoleshentët përgjithësisht e kalojnë krejt lehtë infeksionin nga SARS-CoV-2.
Tashmë këto vrojtime mbështeten nga evidencat zyrtare, si në rastin e të dhënave zyrtare të Mbretërisë së Bashkuar.
NHS (National Health System) në bashkëpunim me institucionet të tjera elitare britanike, publikoi më 8 Korrik 2021 studimin e arsyeve të vdekjeve të fëmijëve dhe adoleshentëve (<18 vjeç) përgjatë një viti pandemi (periudha 1 mars 2020 – 28 shkurt 2021).
Gjetjet e tyre janë aq mbresëlënëse saç ishin edhe të parashikueshme.
Në detaj, gjatë një viti, ndër fëmijët dhe adoleshentët në Mbretërinë e Bashkuar kanë ndodhur:
3.105 vdekje totale,
61 vdekje me tampon pozitiv, por
25 vdekje të vetme ishin si rrjedhojë e COVID-19.
Duke kujtuar se në Mbretërinë e Bashkuar ka mbi 12 milionë fëmijë dhe adoleshentë:
vdekshmëria nga SARS-CoV-2 rezultoi më pak se 2 ndër 1 milionë.
Shkalla e vdekshmërisë nga infeksioni (IFR) rezulton krejtësisht e ulët:
469.982 fëmijë dhe adoleshentë kanë qenë të infektuar në këtë periudhë, si rrjedhojë
IFR = 25 / 469.982 = <0.005%.
Pra, 99.995% E FËMIJËVE DHE ADOLESHENTËVE I MBIJETOJNË SARS-COV-2.
Kjo shkallë vdekshmërie është krejtësisht e njëjtë me shkallën e vdekshmërisë nga gripi sezonal, e cila në këtë grupmoshë luhatet nga 0.003% – 0.009%, në varësi të viteve.
Autorët thellohen më tej dhe bëjnë të ditur, se ndër 25 vdekjet:
19 kishin sëmundje të rënda,
13 kishin sëmundje të rënda neurologjike (shkaqet: sëmundje gjenetike/metabolike, ishemi cerebrale ose të lindur parakohe), dhe
8 individë me sëmundje neurologjike kishin edhe sëmundje të rënda respiratore,
6 të tjerë kishin sëmundje të rënda onkologjike, hematologjike, kardiake, endokrinologjike dhe ndërlikime të lindjes parakohe.
Ndër 25 vdekjet,
6 (24%) ndodhën në individë pa sëmundje, që është e njëjtë me
729 vdekje që ndodhën te fëmijët pa COVID-19 (729 / 3080 = 24%).
Fatmirësisht asnjë vdekje nuk ndodhi në:
persona vetëm me sëmundje respiratore (përfshirë astmën),
persona me diabet tip 1,
persona me trizomi 21 (sindromë Doën), apo
persona vetëm me epilepsi.
Autorët dalin në përfundimet e qarta:
SARS-CoV-2 shumë rrallë është fatal për fëmijët dhe adoleshentët, madje edhe për ata me sëmundje bashkëshoqëruese.
Mbijetesa është 99.995%.
Gjetjet tona janë 60% më të ulëta se sa shifrat që vijnë nga testet pozitive, duke e ulur edhe më tej përllogaritjen e riskut të vdekjes nga pandemia për këtë grupmoshë.
Më të riskuar ishin moshat >10 vjeç me etni aziatike ose të zezë.
Këto gjetje janë të rëndësishme për udhëheqjen e familjeve, klinicistëve dhe politikëbërësve mbi strategjitë e ardhshme të mbrojtjes dhe vaksinimit.
Shkurt, bukur, qartë:
NHS na thekson qartë se fëmijët dhe adoleshentët e kanë riskun krejt minimal dhe të krahasueshëm me gripin sezonal.
Pra, miqtë e mi:
Lërini fëmijët të lirë që të luajnë, të zbativen, të arsimohen, të rriten, siç është e drejta e tyre!
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
Akademia e Shkencave të Shqipërisë
(kle.m./dosja.al)
Iftar dhe politikë, a u prek Muaji i Ramazanit nga politikanët?
TIRANË– Moti paraqitet me alternime kthjellimesh dhe vranësira kalimtare në zonat e ulëta dhe malore, por mot me diell mbizotëron vijnë bregdetare de...
TIRANË– Kuvendi i Shqipërisë miratoi në pranverë të vitit 2020 disa ndryshime ligjore, të cilat synojnë lehtësimin e marrjes së vizave dhe qëndrimin për ar...
TIRANË– Nga industria që punon me material porositësi te turizmi e deri te teknologjia e informacionit, call center e mjekësia, shumë sektorë në vend po vu...
BRITANI E MADHE– Një 27 vjeçar, i identifikuar si Tony Green është dënuar me burgim të përjetshëm, pasi akuzohet për vrasjen e shqiptarit, Shkëlzen Taka....
14-vjeçarja G. K., që u mbyt tragjikisht pasditen e djeshme në ujërat e lumit Devoll në Kuçovë, është përcjellë sot mes lotësh për në banesën e fu...
GREQI– Alarm në ‘ishullin e erërave’! Policia vendase e ishullit të Mykonos ka nisur një “gjueti” për kapjen e një krimineli famëk...
TIRANË-Zëvëndëskryeministri i Malit te Zi, Dritan Abazoviç, i cili bëri histori sishqiptari i parë që dominoi në politikën e vendit fqinj, gjatë viz...
DURRËS– Një tjetër denoncim i rëndë ka ardhur në adresë të ish-kryeministrit Sali Berisha, ku një qytetar denoncon se pas një plagosjeje të ndodhur, ...
Komisioneri Publik, Darjel Sina u qëndroi të premten gjatë konkluzioneve përfundimtare të gjitha shkaqeve të ngritura në ankimin ndaj vendimit të Komisionit për...
FIER– Një ngjarje e rëndë ka ndodhur në një spital privat në Fier, ku pretendohet se një prej infermierëve ka ngacmuar seksualisht nënën e një fëmije të m...
