Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Fitimet janë rikthyer në vitin 2019-2020 për dy shoqëritë më të mëdha të telekomunikacionit në vend, por ato mbeten larg periudhës së artë të një dekade më parë (në 2008, më i miri historik, fitimet e ish -Telekom Albania dhe Vodafone arritën në 200 milionë euro së bashku, me një normë fitimi para taksave prej përkatësisht 57.5% dhe 50.7%, sipas bilanceve zyrtare).
“Vodafone Albania”, operatori më i madh sipas të ardhurave, me qarkullim vjetor prej 12.6 miliardë lekësh në 2020-n (tkurrje 20%), sipas të dhënave të vetë kompanisë, ka raportuar dhe një rënie të fitimeve, në 311 milionë lekë (-83%).
Për “One Telecommunication”, ndryshimi i pronësisë në fillim të 2019-s ka rezultuar pozitiv. Pas dy vitesh me humbje të mëdha, që arritën në vitin 2018 në një rekord negativ prej 4.7 miliardë lekësh (më se gjysma e të ardhurave të atij viti), dhe rezultatit minimal pozitiv në 2019-n, operatori ka shënuar fitime të larta prej 1.1 miliardë lekësh, që e renditën atë ndër 10 më të mëdhatë në listën e këtij viti. Përmirësimi i rezultatit financiar erdhi si rrjedhojë e uljes së kostove, teksa të ardhurat ishin pothuajse të pandryshueshme në rreth 8.5 miliardë lekë.
Sipas raportit të aktivitetit, 2020-a ka qenë një vit mjaft sfidues, me një ambient të pafavorshëm makroekonomik, si rezultat i pandemisë së COVID-19 dhe konkurrencës së ashpër. Efektet negative të tërmeteve që ndodhën në 2019-n në kombinim me konsolidimin e mjedisit me pakicë dhe një ngopje të tregut (depërtimi i SIM arriti në 117% të popullsisë) kanë përkeqësuar më tej mjedisin makroekonomik.
Por raporti thekson se përkundër mjedisit të pafavorshëm të jashtëm, i cili ka nxitur rënien e të ardhurave totale të sektorit, Shoqëria ka arritur të mbajë të njëjtin nivel të të ardhurave si në vitin 2019. One Telecommunication zgjeroi 37% bazën e klientëve, ndërsa siguroi një kthim të kënaqshëm të kapitalit dhe investimeve në krahasim me vitin paraprak.
Në fillim të 2019-s, Grupi grek OTE – i cili është në pronësi të rrjetit gjerman të telekomunikacionit, “Deutsche Telecom” – dhe zotëronte 99.79% të aksioneve të “Telekom Albania” (sot One Telecommunication) e shiti kuotën e tij te sipërmarrja bullgare “Albania Telecom Invest AD”, për një shumë totale prej 50 milionë eurosh.
“Albania Telecom Invest AD” kontrollohet nga z. Elvin Guri, investitor shqiptaro-bullgar, me 54% të aksioneve, dhe pjesa tjetër zotërohet nga aksioneri, Atanas Dobrev, në Bullgari dhe në rajon. (Në shtator 2020, aksioneri kryesor i kompanisë në momentin që u bë blerja në Shqipëri, Spas Rusev, doli përfundimisht nga investimi në kompani, duke e shitur pjesën e tij të aksioneve te dy aksionerët ekzistues).
“Albtelecom”, me aktivitet në fushën e telefonisë fikse dhe celulare, ka raportuar humbje të larta prej gati 1.2 miliardë lekësh, dy herë më shumë se një vit më parë. Përkeqësimi i rezultatit financiar erdhi nga tkurrja e të ardhurave me 8.6%, në 7.2 miliardë lekë (e ndikuar kryesisht nga tkurrja e shitjeve nga shërbimi telefonik kombëtar mobile, ai ndërkombëtar dhe interkoneksioni ndaj operatorëve). Tkurrja e shpenzimeve, në anën tjetër, nuk arriti të amortizonte rënien e të ardhurave.
“Abcom”, një tjetër operator në telekomunikacione, me shërbimet e trefishta (telefoni, televizion, internet), që u ble nga “Vodafone” në 2019-n, operoi si e vetme edhe gjatë 2020-s. Fitimi para taksave ishte 56.4 milionë lekë, sipas burimeve nga kompania.
Më 30 dhjetor 2020 u miratua dhe bashkimi me përthithje i “Abcom”, nga “Vodafone”, ku u bë transferimi i aktiveve dhe pasiveve të “Abcom” “Vodafone”, bazuar në bilancet e audituara përkatëse, 2020.
“Info-Telecom”, me aktivitet shërbimet e faturimit të tranzitit kombëtar e ndërkombëtar, apo transmetimin e të dhënave, raportoi fitime para taksave prej 340 milionë lekësh në vitin 2019, me një normë minimale kthimi prej 1.3%, për shkak të natyrës së aktivitetit (kompania bazohet në shitblerjen me shumicë të minutave të telefonisë Voice, sms, roaming, data roaming midis operatorëve ndërkombëtarë).
Cila mendoni se është alternativa më e mirë:
Ndonëse një vit i vështirë, pjesa më e madhe e sipërmarrjeve të mëdha kanë arritur që të mbajnë norma fitimi të qëndrueshme, teksa rënia e të ardhurave, në shum...
Luana është një vajzë transgjinore e cila ka rrëfyer për emisionin “Rudina” në Tv Klan disa nga situatat që ajo është ndjerë më krenare në jetë. Ishte vetëm 14 ...
Nga 1800 shqiptarë të anketuar, në një studim të realizuar nga këshilli i Europës në bashkëpunim me komisionerin për mbrojtjen nga diskriminimi, ka rezultuar se...
I mituri E.K., është në listën e atyre fëmijëve që dhjetëra herë është shoqëruar në ambientet policore. Akuza ndaj tij vjedhje. I listuar në “brezin” e atyre 10...
TIRANË- Furnizuesi i Tregut të Lirë (FTL), një nga tre kompanitë pjesë e OSHEE Group, ka arritur të sigurojë energjinë elektrike deri më datë 16 nëntor por...
TIRANË- Banka e Shqipërisë ka kryer një studim për impaktin që vala e rritjes së çmimeve mund të sjellë në inflacion gjatë tremujorëve të ardhshëm, ...
Kur ndodh një fatkeqësi natyrore ose një krizë, burimet e brendshme të financave publike shpesh janë porti i parë të cilit i drejtohen qeveritë për t’iu përgjig...
Vendet e Ballkanit Perëndimor shënuan një rritje dramatike të agjencive dhe entiteteve shtetërore gjatë tranzicionit ku në disa raste kishte dhe mbivendosje.Por...
TIRANË– 11 Nëntor 2021, Tiranë. BKT Smart Invest, Aplikacioni për Investime Ndërkombëtare ka marrë miratimin nga Autoriteti i Mbikëqyrjes Financiare ...
TIRANË- Dhoma amerikane e tregëtisë nuk është dakord me paketën fiskale të gartuar nga qeveria për vitin 2022. Kryetari i kësaj dhome, Enio Jaço u k...
