Politike

Incident në takimin e Rudina Hajdarit në Shkodër, nxënësi: S’njeh Azemin, je një turp. Deputetja: Politika përçan (VD)

  • Rudina Hajdari: S'lejoj shembjen e shkollës Azem Hajdari
  • Rudina sfidon të gjithë, kërcen vallen e Tropojës, kush është ‘ëngjëlli mbrojtës’ që s’i ndahet
  • Një prej nxënësve të shkollës 'Shejnaze Juka' i ka thënë se ajo nuk e njeh të atin e saj Azem Hajdarin dhe se mbron kryeministrin Edi Rama.

    SHKODËR– Një incident ka ndodhur në takimin e deputetes Rudina Hajdari me nxënesit e shkollës ‘Shejnaze Juka’ në Shkodër. Kur Rudina Hajdari mori fjalën përpara nxënësve, një zë u dëgjua nga fundi i sallës. Në këtë moment, Rudina Hajdari nisi të qeshte dhe e ftoi nxënësit që të dilte para të gjithë shokëve të tij dhe të fliste. Nxënësi u çua në këmbë, doli para të gjithëve dhe përballë Hajdarit dhe e akuzoi atë se është po ndihmon kryeministrin Edi Rama, që sipas tij të instalojë diktaturën në Shkodër. Hajdari e mori me humor akuzën e të riut, dhe i kujtoi se politika nuk duhet të ndajë njerëzit.

    INCIDENTI:

    Rudina Hajdari: Të dashur nxënës, të dashur mësues, me qetësi…
    (I riu ndërhyn duke folur)
    Rudina Hajdari: Hajde, hajde, hajde këtu, hajde ma thuaj këtu
    I riu: Shko pas Edi Ramës, Shkodra është e PD-së
    Rudina Hajdari: Ti je djalë i ri dhe nuk duhet të merresh me politikë
    I riu: E njeh ti Azem Hajdarin?
    Rudina Hajdari: Më vjen mirë që e njeh Azem Hajdarin
    I riu: Unë e njoh por nuk e njeh ti.
    Rudina Hajdari: Tani besoj se …
    I riu: Ai ka luftuar për të sjellë demokracinë, ti je duke kthyer komunizmin, shtojcë e Edi Ramës, je turpi i shqiptarëve…
    (Ndërhyn Halit Valteri për ta larguar)
    Rudina Hajdari: Të dashur nxënës
    (Ovacione në sallë për Rudina Hajdarin)

    Teksa nxënësi fliste, ndaj tij ka ndërhyrë deputeti tjetër i opozitës së re i dalë nga radhët e PD-së, Halit Valteri. Ky i fundit bashkë me mësues e ka shtyrë djalin derisa ai u largua nga ambienti i shkollës. Ndërsa nxënësit e tjerë fillluan të brohorisnin në kor emrin e deputetes.

    (k.m;f.g/dosja.al)

    Shto Koment