Politike

“Tërmet apokaliptik në Ballkan?”/ Xhaçka i kthen përgjigje Metës: S’parashikohen. Reagon Blushi: Papagajtë nuk kanë nevojë për fakte

Ministrja e Mbrojtjes, Olta Xhaçka i kthen përgjigje letrës së presidentit Ilir Meta për tërmetin apokaliptik. Xhaçka: Qeveria vëmendje maksimale ndaj fatkeqësive natyrore. Blushi: Papagajtë nuk kanë nevojë për fakte.
Featured image of article: “Tërmet apokaliptik në Ballkan?”/ Xhaçka i kthen përgjigje Metës: S’parashikohen. Reagon Blushi: Papagajtë nuk kanë nevojë për fakte Olta Xhaçka dhe Ilir Meta

TIRANË– Ditën e sotme Ministrja e Mbrojtjes, Olta Xhaçka i ka kthyer përgjigje presidentit Ilir Meta lidhur me shqetësimin e tij për tërmetin që pritet të bjerë në rajonin e Ballkanit.  Në letrën e saj dërguar presidentit Meta, Xhaçka shkruajti se parashikimi i tërmeteve është përtej mundësive të shkencës dhe i pamundur. Duke i kujtuar se sizmiologu Tsentelis përgënjeshtroi lajmin e rremë. Megjithatë Xhaçka siguroi kreun e shtetit se Qeveria dhe Ministria e Mbrojtjes kishin  vëmendje maksimale ndaj fatkeqësive natyrore duke sjellë edhe shembullin e Korçës. 

“Shprehja më e qartë e seriozitetit të punës sonë është ligji “Për Mbrojtjen Civile” për të cilin presim dekretimin nga ana juaj. Dekretoni ligjin, jepni një kontribut real në përgatitjen e vendit për t’u përballur me fatkeqësitë natyrore,”-shkruan Xhaçka.

Por menjëherë reagoi në një status në Facebook, zëdhënësi i Presidentit Ilir Meta, Tedi Blushi ku u shpreh ndaj Xhaçkës se papagajtë nuk kanë nevojë për fakte.

Për më shumë bëhu pjesë e grupit më viral në Facebook, Dosja.al

Papagajtë nuk kanë nevojë për fakte dhe as për argumente, ata vetëm përsërisin veten çdo herë. Për ata që kanë dëgjuar sot “zëdhënësen” e re në Shqipëri të z.Tselentis, po u rikujtojmë shkrimet e publikuara në mediat ndërkombëtare dhe kombëtare që i gjeni në linkun më poshtë. Ndërsa për ligjin “Për Mbrojtjen Civile” bën mirë të jetë e informuar se është dekretuar para se të përfundojë afati!”, tha Blushi.

Disa ditë më parë presidenti Ilir Meta dha alarmin për tërmet. Sizmiologu grek Akis Tselentis paralajmëroi tërmet apokaliptik në Balkan. Meta i dërgoi letër kryeministrit Edi Rama, ministrit të Brendshëm, Sandër Lleshaj dhe ministres së Mbrojtjes, Olta Xhaçka. Kreu i shtetit pyet lidhur me kapacitetet e vendit.

Përgjigja e Xhaçkës ndaj Metës
Përgjigja e Xhaçkës ndaj Metës

(j.v/k.m/dosja.al)

Shto Koment