Aktualitet

Ndërron jetë 88-vjeçari në Spitalin Infektiv, asimptomatik nga COVID-19, Ministria e Shëndetësisë: Vdiq nga ataku kardiak

Gjithashtu u bë me dije se 88-vjeçari përveç koronavirusit, vuante nga insuficienca renale kronike, diabeti, hipertensioni dhe anemia grave.
Featured image of article: Ndërron jetë 88-vjeçari në Spitalin Infektiv, asimptomatik nga COVID-19, Ministria e Shëndetësisë: Vdiq nga ataku kardiak Foto ilustruese

TIRANË– Një 88-vjeçar i infektuar me koronavirus, ka ndërruar jetë në spitalin Infektiv.  Në një njoftim zyrtar, Ministria e Shëndetësisë ka bërë me dije se i moshuari ishte bartës i COVID-19, por asimtomatik për sëmundjen.

Sipas Ministrisë së Shëndetësisë i moshuari nga Tirana ka ndërruar jetë si pasojë e atakut kardiak nga insuficienca kardio-respiratore, por jo nga COVID-19.

“Një pacient 88 vjeçar nga Tirana ka ndërruar jetë sot në spitalin Infektiv. Referuar shërbimit infektiv, shkaku i humbjes së jetës ishte si pasojë e arrestit kardiak nga insuficienca kardio-respiratore. I moshuari ishte bartës i COVID19, por asimtomatik për sëmundjen.  88 vjeçari vuante nga insuficienca renale kronike, stadi i katërt, diabet, hipertension, anemi grave,”-thuhet në njoftim.

Për më shumë bëhu pjesë e grupit më viral në Facebook, Dosja.al

Deri më tani në Shqipëri janë shënuar 1143 raste të infektuara, ndërsa 33 persona kanë ndërruar jetën për shkak të pandemisë. Aktualisht 28 persona po marrin mjekim në spital,  nga të cilët 3 janë në terapi intensive, njëri prej tyre është i intubuar. Ndërkohë numri i të shëruarve ka shkuar në 877.

(k.m/dosja.al)

Shto Koment