Politike

Rama jep lajmin e mirë: Nga e hëna kthejmë falas me ‘Lasgushin’ shqiptarët në atdhe, nesër del kalendari i pikave të kthimit

VIDEO
  • Lista e plotë/ MPEJ: Telefononi 51 përfaqësitë tona për t’u kthyer në atdhe
  • Më shumë ka në Itali, Britani, Kroaci, Greqi e Gjermani, por kryeministri tha se për çdo vend do të kryehet një mision shtetëror. E gjitha, falas nga avioni “Lasgush” i kompanisë shqiptare “Air Albania”
    Featured image of article: Rama jep lajmin e mirë: Nga e hëna kthejmë falas me ‘Lasgushin’ shqiptarët në atdhe, nesër del kalendari i pikave të kthimit Edi Rama, kryeminister

    TIRANË- Kryeministri Edi Rama ka njoftuar sot se nga e hëna e javës që vjen do të nisë riatdhesimi i të gjithë shqiptarëve që kanë ngelur nëpër vende të ndryshme të Evropës dhe kërkojnë të kthehen në Shqipëri. Rama tha se riatdhesimi do të kryehet me lista vendodhjesh për t’i grumbulluar të gjithë. Më shumë ka në Itali, Britani, Kroaci, Greqi e Gjermani, por kryeministri tha se për çdo vend do të kryehet një mision shtetëror. E gjitha, falas nga avioni “Lasgush” i kompanisë shqiptare “Air Albania”. “Javën e ardhshme nis riatdhesimi i atyre që kanë ngelur jashtë. Do vijnë pa pagesë. Do i sjellë Lasgushi. Në këtë hall i kërkova kompanisë të marrë barrën e të qënit shqiptar. Nesër del kalendari. Të hënën nis hartimi i listave dhe pikave ku do të marrim qytetarët tanë “tha Rama. 

    Gjithashtu, kryeministri tha se po torturohet për të ndihmuar të gjithë, gati sipas tij, e gjithë qeveria “po bëhet në 14 copa”.  “Duhet durim, është një armë që duhet ta mbushim përditë. Dua t’ju siguroj të gjithëve se të gjithë po bëhemi 14 copash, përditë e përnatë që të mos lemë asnjë prej jush vetëm. Për të gjithë nga nevojat ushqimore deri tek ata që kanë ngecur jashtë Shqipërisë. Ata janë gati të vinë të vinë në Shqipëri. Janë gati edhe të paguajnë, i falenderoj në fakt, se ka të tjerë që bëjnë vetëm komente me qarje për popullin që gjoja po vdes për bukë me kërkesa absurde e me tallje për ata me uniformë e punonjësit socialë. Këto janë të turpshme. S’kemi shkop magjik, por as në shtëpitë më të pasura të kontinentit nuk po shoh të bëhen mrekulli. Unë s’do lë gur pa lëvizur dhe gjë pa bërë për t’ju ardhur në ndihmë të gjithëve, por dreqi e mori, merreni vesh që jemi në luftë. Qeveria mbahet me kontribute jo me dokrra në rrjetet sociale. Kamat-vonesat nuk i falja kurrë por jemi në luftë. OSHEE do të goditet në financat e saj, mospagesa e rrëzon përtokë me një efekt shkatërrues, do na e bënte të pamundur fitore,”tha Rama. 

    Për më shumë bëhu pjesë e grupit më viral në Facebook, Dosja.al

    Qindra shqiptarë kanë ngelur në rrugët e Evropës pas shpërthimit të pandemisë së koronavirusit. Ata nuk kanë mundur dot që të kthehen në Shqipëri pas mbylljes totale të kufijve. Dhjetra denoncime në rrjetet sociale dhe në media kanë sjellë ndërgjegjësimin e qeverisë, pasi deri më dje, Ministri i Jashtëm Gent Cakaj, thoshte se nuk kishte asgjë në dorë për të mundësuar kthimin e tyre.

    (F.g/dosja.al)

    Një Koment në “Rama jep lajmin e mirë: Nga e hëna kthejmë falas me ‘Lasgushin’ shqiptarët në atdhe, nesër del kalendari i pikave të kthimit

    1. Ndodhemi ne Kroaci ne Zagreb këtu punojmë duam te kthehemi ne Shqiperi jemi një grup qe jemi te punesuar ne nje kompani ndërtimi ju lutemi te na kontaktoni kur dhe si mundemi hallallë t’a keni per punën e mire qe po beni. Bravo kryeminister

    Shto Koment