Aktualitet

Ekzekutohet në Elbasan me breshëri plumbash 39-vjeçari me të shkuar kriminale. U qëllua nga një makinë në ecje, autorët djegin mjetin e përdorur në atentat (EMRI)

VIDEO
  • U kap me kokainë në vitin 2017, kush është Emiljano Ramazani që u ekzekutua sot në Elbasan
  • Ramazani me të shkuar të errët kriminale, ishte arrestuar dhe në vitin 2011. U lirua me vendim të GJL
  • Hoxha: Luftë për tregun e kokainës, reagim pas goditjeve nga “djemtë e Dubait”
  • Persona të paidentifikuar janë afruar në mjetin ku po qëndronte Ramazani, që njihet ndryhse si “RramaNi”, dhe e kanë qëlluar atë me breshëri, ngaa një tjetër mjet në ecje.
    Featured image of article: Ekzekutohet në Elbasan me breshëri plumbash 39-vjeçari me të shkuar kriminale. U qëllua nga një makinë në ecje, autorët djegin mjetin e përdorur në atentat (EMRI) Pamje nga vendi i ngjarjes

    ELBASAN– Emiljano Ramazani, 39 vjeç me precedentë të mëparshëm penalë, është ekzekutuar me armë zjarri në makinën e tij “Ford Focus”. Ngjarja ka ndodhur pasditen e sotme, rreth orës 16:45, në lagjen “28 nëntori” të qytetit.

    Persona të paidentifikuar janë afruar në mjetin ku po qëndronte Ramazani, që njihet ndryshe si “Rramani”, dhe e kanë qëlluar atë me breshëri, ngaa një tjetër mjet në ecje.

    Më pas, atentatorët mësohet të jenë larguar në drejtim të Bradashit. Pikërisht pranë kësaj zonë, në fshatin Vidhas, është gjetur edhe një makinë e djegur, që dyshohet se u përket autorëve. Targat e makinës së autorëve ishin denoncuar të vjedhura në komisariatin Nr.2 në Tiranë.

     

     

     

     

     

    Për më shumë bëhu pjesë e grupit më viral në Facebook, Dosja.al

     

     

     

     

    Në vendin e ngjarjes ka shkuar dhe Drejtori i Policisë së Shtetit, Ardi Veliu, Forcat e Ndërhyrjes së Shpejtë dhe forcat RENEA. Banorët janë terrorizuar nga pamjet dhe janë shpërndarë me shpejtësi në rrugë në momentin që ka ndodhur vrasja.

    Kush është Emiljano Ramazani?

    40-vjeçari rezulton të jetë vënë në pranga në vitin 2017, ne kuadër të operacionit të koduar “Porosia e fundit”. “Rramami”, bashkë me mikun e tij, të identifikuar si Marenglen Kamami, 36 vjeç, të dy banues në Elbasan. Atyre iu gjetën edhe 10 doza lëndë narkotike e dyshuar me atë të llojit “Kokainë”. Po ashtu Ramazani rezulton i arrestuar në vitin 2011 për veprën pelane “prodhim dhe shitje të lëndëve narkotike” dhe është liruar një vit më vonë nga Gjykata e Lartë. 

    (f.g;f.m/dosja.al)

    • 21:24

      DETAJET/ Vrasja në Elbasan, një person i maskuar zbriti nga makina dhe qëlloi drejt 39-vjeçarit, kamerat filmuan largimin e autorëve

      Detaje të reja kanë dalë në dritë nga atentati në Elbasan ndaj Emiljano Ramazanit të njohur ndryshe edhe si “Rramani”. Mësohet se në automjetin e autorëve, tip “Volkswagen”, ndodheshin dy persona.

      Pamje nga vendi i ngjarjes

      Njëri prej tyre, i maskuar, zbriti dhe qëlloi në drejtim të 39-vjeçarit duke e lënë të vdekur.  Më pas autorët u larguan me shpejtësi nga vendi i ngjarjes. Kamerat e sigurisë kanë fiksuar mjetin e autorëve, i cili u largua me shpejtësi drejt aksit Elbasan-Papër.

      Pas atentatit autorët dogjën makinën me benzinë, ndërsa spërkatën edhe vendin përreth për të humbur gjurmët. Brenda në makinën e djegur u gjetën një pistoletë TT dhe dy kallashnikovë.

    • 20:30

      Atentati në Elbasan, autorët spërkatën me benzinë të gjithë zonën ku dogjën makinë. Truku që përdorën për të humbur gjurmët

      Atentati kundër Emiljano Ramazanit, duket se ka qenë i studiuar mirë dhe është kryer nga një ‘dorë profesioniste’. Sipas informacioneve, mësohet se autorët kanë spërkatur me benzinë të gjithë vendin ku dogjën makinën, kjo pasi flakët përfshinë dhe kodrën me ullishte aty pranë.

      Pamje nga vendi ku u dogj makina

      Spërkatja me benzinë është bërë për të djegur të gjithë zonën, por dhe për të humbur gjurmët pasi qenë e Policisë nuk mund të nuhasin. Policia ndërkohë po vijon kontrollet në zonë dhe mësohet se janë ngirtur disa postblloqe. Po ashtu mësohet se në makinën djegur është gjetur një pistoletë tip ‘TT’ dhe dy armë kallashnikovi.

    • 18:59

      VIDEO/ Xhamat e “Ford Focus-it” të bëra shoshë nga breshëria e plumbave, momenti kur Policia largon nga vendi i ngjarjes makinën e viktimës

      Policia e Elbasanit, 2 orë pas vrasjes, ka larguar nga vendi i ngjarjes makinën e Emiljano Ramazani, 39-vjeçarit që u ekzektua me breshëri plumbash.


      Siç shihet dhe nga pamjet, karrotreci ka larguar nga vendi i ngjarjes makinën e viktimës Emiljano Ramazani, tip ‘Ford Focus’ me targa AA 945 DG.

      Po ashtu shihen dhe xhamat janë bërë shoshë nga breshëria e plumbave të kallashnikovit. Autorët mësohet se e kanë qëlluar Ramazanin, kur ai ndodhej brenda në makina dhe kishte ngadalësuar pasi do parkonte.

    • 18:22

      Policia gjen kallashnikov në makinën e djegur të autorëve, Ramazani baba i katër vajzave

      Detaje të reja janë mësuar në lidhje me atentatin ndaj Emiliano Ramazanit. Policia ka zbuluar prova që mund të ndihmojnë në zbardhjen e ngjarjes.

      Makina e djegur

      Sipas informacioneve mësohet se në makinën e djegur në Papet të Elbasanit, është gjetur dhe një armë tip kallashnikov, që mendohet se me të është qëlluar në drejtim të viktimës. Nga ana tjetër mësohet se 39-vjeçari që mbeti viktimë në atentat është baba i katër vajzave.

    • 18:03

      Atentati në Elbasan, 39-vjeçari u qëllua brenda “Ford Focus-it”, drejt vendgjarjes edhe Tonin Vocaj

      Detaje të reja janë zbuluar nga atentati në Elbasan, ku mbeti i vrarë, 39-vjeçari Emiliano Ramazani. Mësohet se Ramazani u qëllua për vdekje, teksa po udhëtonte brenda një mjeti “Ford Focus”.

      Pamje nga vendi i ngjarjes

      Ndërkohë përsa i përket makinës së autorëve, targat e saj, janë denoncuar të vjedhura në komisariatin Nr.2 në Tiranë. Në vendngjarje ndërkohë, pas Drejtorit të Përgjithshëm të Policisë, Ardi Veliu, ka shkuar edhe Drejtori i Policisë për Krimet e Rënda, Tonin Vocaj.

    • 17:27

      Ekzekutimi i “Rramamit” në Elbasan, Policia: Kemi ngritur pika kontrolli, autorët janë larguar në kodrat përballë Paperit

      Policia e Elbasanit ka zbardhur detajet paraprake në lidhje me ekzekutimin e 39-vjeçarit, Emiljano Ramazani, që ndodhi pasditen e sotme. Sipas njoftimit zyrtar, Policia bën me dije se pasi kanë ekzekutuar 39-vjeçarin, që njihej ndryshe si “Rramami”, autorët janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit.

      Pamje nga vendi i ngjarjes

      Policia shton se janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh dhe se në ndihmë të Policisë lokale janë nsiur FNSH dhe RENEA, si dhe një grup specialistësh të Departamentit të Policisë Kriminale.

      Në Elbasan, në vendin e quajtur “Rrethrrotullimi i luleve”, në rrethana ende të paqarta është vrarë me armë zjarri shtetasi E. R. 39 vjeç Autorët dyshohet se janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit. Shërbimet e Policisë janë vënë në ndjeke të autorëve, po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh. Në ndihmë të Policisë lokale janë nsiur FNSH dhe RENEA, si dhe një grup specialistësh të Departamentit të Policisë Kriminale. Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve. Nën drejtimin e Prokurorisë vijon puna për zbardhjen e plotë të rrethanave të ngjarjes“, shkruan Policia.

    • 17:27

      Digjet makina që dyshohet se u përdor nga autorët, zjarri ka përfshirë dhe zonën me ullishte

      Makina e djegur në Elbasan, që dyshohet se është e autorëve të vrasjes së Emiljano Ramazanit ka shkaktuar një zjarr të madh në ullishtet pranë Bradasheshit.

      Makina duke u djegur

      Siç shihet dhe nga FOTO, makina është djegur në një rrugë dytësore dhe si shkak i flakëve, janë djegur dhe disa ullishte aty pranë në zonën mes Paprit dhe Vidhasit rrugës për në Peqin. Makina është tip CLA MERCEDES BENZ.

    • 17:07

      Identifikohet viktima/ 39-vjeçari me precedentë të mëparshëm penalë u ekzekutua në makinën e tij

      Personi që është ekzekutuar me armë zjarri pasditen e sotme është 39 vjeç. Dosja.al mëson se Emiljano Ramazani është qëlluar me armë zjarri teksa ndodhej në makinën e tij.

    • 17:09

      Ekzekutimi në Elbasan, FNSH, RENEA dhe Veliu nisen drejt vendit të krimit

      Forcat e Ndërhyrjes së Shpejtë, RENEA dhe vetë drejtori i Policisë së Shtetit Ardi Veliu janë nisur për në Elbasan, aty ku sapo ka ndodhur një ekzekutim me armë zjarri.

      Mësohet se Veliu, bashkë me efektivët do të hetojnë ngjarjen që sapo ka terrorizuar të gjithë banorët e zonës.

    Shto Koment