Politike

Takimi me “Venecian”/ Meta: Nuk shkarkohem se s’kam shkelur Kushtetutën, dekoroj Ramën po hapi negociatat

Presidenti Ilir Meta në një konferencë për mediat është shprehur i bindur se nuk shkarkohet. Meta tha se të hënën do publikojë dokumentet që do të dërgohen në Venecia. Ai tha se takimi me anëtarët e Komisionit ishte shumë i frytshëm dhe është i gatshëm që të shkoj në Venecia në 11 tetor. Meta më tej u shpreh se i gjithë debati për shkarkimin e tij bëhet për ta shmangur debatin për datën 18 tetorin.

TIRANË- Për gati 90 minuta Presidenti Ilir Meta ka dalë sot në një konferencë për mediat ku ka folur për takimin me anëtarët e Komisionit të Venecias. Meta u shpreh se takimi ka qenë shumë i mirë dhe e respekton këtë komision, pasi sipas tij kanë bërë gjëra të mira për Shqipërinë. Ai u shpreh se është besimplot që nuk do të shkarkohet pasi nuk ka thyer asnjë nen të Kushtetutës. Ai tha se të gjitha vendimet e tij janë para marrë para të gjithë shqiptarëve dhe nuk i druhet asnjë shkarkimi.

Një pjesë të mirë të fjalës së tij ia dedikoi dhe raportimit në Komisionin Hetimor Parlamentar për shkarkimin e tij. Kreu i shtetit shtoi se qetësia në komision vinte sespe shkoi për të respektuar institucionin. Më tej foli dhe për hapjen e negociatave të Shqipërisë me BE-në, duke thënë se është gati që të festoj.

Meta u shpreh se po bën çdo gjë që negoicatatat të hapen dhe është i gatshëm që ulet në dialog dhe me Ramën, pasi bashën e takoi sot, duke thënë se ishte thjeshtë një bisede pas pushimeve. Meta bëri dhe një premtim publik, se nesë Shqipëria do të marrë “PO-në” nga BE, ai do të japë dekoratën “Urdhri i Skënderbeut”, ndërsa Bashën dhe Kryemadhin nuk i dekoron sepse kanë braktisur insticionet.  Nuk mungoi një koment për deklaratën e Mimi Kodhelit se “komisioni i Venecias e kishte marrë vendimin për Metën”, ku Presidenti u shpreh se nuk mund të flas në emër të një institucioni të nderuar.

Ndërkohë Presidenti Ilir Meta dha llogari 3 ditë më parë në Komisionin Hetimor në Kryesinë e Kuvendit. Meta arsyetoi se i anuloi zgjedhjet pasi kishte informacione se Kuvendi do të digjej më 8 qershor. Një arsye tjetër e tij ishte edhe se shqiptarët nuk kishin të drejtën e zgjedhjeve pasi kishte vetëm nga një kandidat në garë.  Socialistët u panë të ç’tensionuar në bisedën e tyre me kreun e shtetit. Nuk munguan edhe falënderimet e njëpasnjëshme të Ulsi Manjës për presidentin. Vetë demokratët deklaruan për Dosja.al se nuk kanë qenë në dijeni informacionit për djegien e Kuvendit.

(A.B. Dosja.al)

  • 19:14

    Darka me Ramën tek Gjiri i Lalzit, Meta flet për ‘ngjalat’: S’kam pasur mundësi ta takoj, jam pro dashurisë

    Presidenti Ilir Meta mbajti një konferencë për mediat pas takimit me Komisionin e Venecias. Meta foli për zbatimin e Kushtetutës dhe për krizën politike në Shqipëri. I pyetur në lidhje me lajmin që bëri ‘bujë’ në media në muajin korrik, pasi u përfol se Presidenti kishte konsumuar një darkë më kryeministrin Edi Rama në Gjirin e Lalzit, Meta e mohoi këtë gjë.


    Ai foli gjithashtu edhe për ‘zbutjen’ e toneve me qeverinë, Meta u shpreh se ka qenë gjithmonë pro qetësisë dhe dashurisë.

    “Dashuria është shumë e mirë për të gjithë. Edhe për politikanët është gjithashtu shumë e mirë. Nuk ka gjë më të mirë sesa dashuria por me rëndësishme për një politikan është përgjegjshmëria dhe unë mendoj se ata të dy kanë reflektuar një mungesë të përgjegjshmërisë prej një kohë të gjatë, në mënyrë të veçante gjatë këtij viti.

    Përsa i përket darkës unë nuk kam pasur mundësi të takohem me kryeministrin Edi Rama dhe ky është një lajm krejtësisht i pavërtetë. Gjithsesi vazhdoj e pres, unë i takoj të gjithë se kjo është detyra ime.

    Unë kam qenë gjithmonë pro dashurisë dhe u kam ofruar gjithmonë mundësi për dialog, por mesa duket ata (maxhoranca) kanë reflektuar kohët e fundit,”– tha Meta ndër të tjera.

  • 19:14

    “Do ta shkarkojmë”, Meta flet për deklaratën e Kodhelit: E kam përzemër, le ta bëjë zëdhënësen e Komisonit të Venecias, e urova për ditëlindje

    Presidenti Ilir Meta mbajti një konferencë për mediat pas takimit me Komisionin e Venecias. I pyetur për deklaratën e deputetes Mimi Kodheli, e cila një ditë më parë u shpreh se Komisioni i Venezias e ka gati opinionin dhe rekomandimin për kushtetutshmërinë e dekreteve për zgjedhjet e 30 qershorit, Meta e kaloi me shaka dhe shtoi se e ka xhan këtë të fundit.

    Gjithsesi Presidenti u shpreh se Komisioni i Venecias ka në dorë deri më tani rreth 300 faqe raport, por që sipas tij do të shtohen me kalimin e ditëve.

    “Unë nuk ja lejoj vetes të flas në emër të Komisionit të Venezias. Nuk mundem të flas në emër të tyre apo të askujt tjetër.

    Unë flas vetëm në emër të institucionit të presidencës. Unë jam takuar me ta dhe ka qenë një takim më shumë kënaqësi, të cilën e kam shprehur.  Nëse Shqipëria do kishte zbatuar rekomandimet e Venezias, situata do të ishte krejt tjetër.

    Kodheli është një politikane mjaft e rëndësishme e mazhorancës në Kuvend. Ajo ndoshta mund të flasë në emër të komisionit të Venezias, është vendim i saj. Ajo mund të bëjë edhe zëdhënësen e Komisionit të Venecias. Unë e kam shumë përzemër Kodhelin, i ka uruar dhe ditëlindjen se e ka sot.

    Urojeni edhe ju, se edhe me ju është shumë e sjellshme,”- tha Meta më pas.

    Një ditë më parë e ftuar në studion e “Balkaweb”, Kodheli  ushpreh se maxhoranca do t’i shkojë deri në fund shkarkimit të Metës.

  • 19:14

    Meta pranon shkeljen: Kushtetutën e respektova në mënyrë perfekte, cënova Kodin Zgjedhor

    Presidenti Ilir Meta mbajti një konferencë për mediat pas takimit me Komisionin e Venecias. Teksa fliste për shkeljet në Kushtetutë për të cilat edhe është akuzuar, Meta thkesoi se ka shkelur pak vetëm Kodin Zgjedhor. Ai shpjegoi më tej se kjo gjë është krejtësisht e parëndësishme pasi ka ndodhur vetëm nga caktimi i datës së re të zgjedhjeve.

    Siç jua shpjegova edhe më parë dekreti nga pikëpamja kushtetuese i takon vetëm presidenti të Republikës. Jo më kot Komisioni i Venecias që është një nga kushtetutë-bërësit prej shumë vitesh ja ka lënë këtë të drejtë Presidentit të Republikës.

    Kështu që rrini të qetë pasi Presidenti nuk ka shkelur aspak Kushtetutën por e ka respektuar atë në mënyrë perfekte.

    Ama një shkelje e kam bërë, kam cënuar Kodin Zgjedhor me një tejkalim prej dy ose tre muajsh. Kjo është tërësisht e parëndëishsme pasi u bë për shkak të vendosjes së datës së re të zgjedhjeve.

    Këtë të drejtë e ka përcaktuar Gjykata e Strasburgut,”– tha Meta ndër të tjera.

  • 18:39

    Meta shkrin së qeshuri gazetarët, premton dekoratën për Ramën: Monës s’ja jap se i dha besën Lulit

    Presidenti Ilir Meta konferencën për mediat e ka mbyllur me humor, ku ka shkaktuar të qeshura tek gazetarët që kishte përballë. I pyetur nëse ishte xheloz për Ramën dhe Bashën që janë në sinkron se negociatat do të hapen ne 18 tetor, Meta tha se kjo nuk mund të ndodh kurrë.

    Ai tha se dhe Rama e di vet që ai kurrë nuk bëhet xheloz për të. Më tej shtoi se ishte i gatshëm që t’i jepte medalje Kryeministrit nëse do të hapeshin negociatat. “Do bëjmë një ceremoni këtu, do i jap dekoratë po u hapën negociata, do i jap “Urdhrin e Skënderbeut”, në fakt do i jap dy një si Kryeministër dhe si ministër i Jashtëm se i meriton të dyja. Ai po deshi le të vijë në ceremoni”.

    Më tej u shpreh se Bashës dhe Kryemadhit nuk u jepte dekorata se kanë braktisur institucionet. “Bashës nuk jap dekoratë se ka braktisur institucionet, as Kryemadhit nuk i jap se i ka dhënë besën Bashës”, ishin këto fjalët e kreut të shtetit që sollën të qeshura në sallë.

  • 18:24

    Meta flet për shkarkimin: S’kam frikë, s’ka shans të dal nga zyra para 22 korrikut 2022

    Presidenti Ilir Meta ka deklaruar se ai nuk ka frikë nga shkarkimi. Ai është shprehur se nuk ka frikë duke hedhur dhe “thumba” për Bashën e Ramën, duke thënë se ata kanë frikë nga zgjedhje të lira.

    Më tej Meta u shpreh se ai nuk do të dal nga zyra para datës 22 korrik 2022, datë që është dhe disa e fundit e mandatit 5-vjeçar.

    Unë disa gjëra i kam thënë shumë qartë, unë nuk jam nga ata që kanë frikë, si ata që kanë frikë nga zgjedhjet e lira. Nuk ka shans që Ilir Meta të dalë para 22 korrikut 2022 nga ky institucion”, tha Meta.

  • 18:07

    “Jam nga vendi i rakisë”, Meta flet për 18 tetorin: Nuk frikë nga shampanja, Bajrami s’bëhet me mend

    Ilir Meta në një konferencë për mediat ka bërë me dije se është i gatshëm që të festojë në 18 tetor për hapjen e negociatave, por shtoi se nuk është i bindur që do kemi një përgjigje pozitive. Ai tha se është nga vendi i rakisë dhe nuk trembej nga festa me shampanjë, por nuk mund të festohet vetëm me mend.

    Presidenti i republikës ka bërë çdo gjë që vendi ta kishte marrë datën e integrimit me kohë. Këtë e ka bërë më parë kryetari i Kuvendit dhe do të vazhdoj të bëj më të mirën për ti shërbyer integrimit europian. Të gjithë ppërpjekjet e mia kanë synuar që Shqipëria të dilte sa më mirë në provimin e qershorit, atëherë unë kam bërë  përpjekjet më të mëdha që të merrnin provimet e vjeshtës, por nuk jam dëgjuar sa duhet.  Kemi dëgjuar  lajme të mira, por unë jam dyshues deri sa suksesi të ndodh dhe gotat e shampanjës të  hapen. Kemi dëgjuar nga të dyja palët se ata do të çelen. Kemi dëgjuar nga maxhoranca. Kënaqësi të dëgjonin edhe nga ana e PD, që do të çelen negociata në 18 tetor. Presidentin e keni nga vendi i rakisë. Nuk ka se si ti trembet gotës së shampanjës, por duhet të presim deri në 18 tetor.  Mos bëni Bajram Me mend. Ta bëjmë një festë të vërtetë. Unë shpresoj të jemi i gabuar në të gjithë këto muaj, por askush nuk mund të më fajësojë. Çfarë mund të bënte presidente që dy fjalët . Presidenti t vetëm shampanja i ka ngelur, por pres të ma japin ata.”-tha Meta.

  • 17:51

    Meta sërish kundër të gjithëve: Nuk ndryshoj mendimin si politikanët që luftojnë për vota

    Presidenti Ilir Meta gjatë fjalës së tij para gazetarëve, në një konferencë për takimin që pati me anëtarët e Komisionit të Venecias, ka thënë se respekton shumë atë komision.

    Ai ndërkohë hodhi dhe një ‘thumb’ kundër politikanëve dhe ambasadorëve, duke thënë se ndryshojnë mendimin çdo ditë.

    Unë për Komisionin e Venecias kam shumë respekt, e kam thënë dhe më parë. Ata nuk janë si këta politikanët që ndërrojnë mendimin çdo ditë se luftojnë për vota. Dy vota atje, 3 ketu dhe ndryshojnë mendimin. Po nuk janë dhe as si ca ambasadorë që vinë këtu dhe ikin duke mosmbajtur asnjë përgjegjësi për ato që bëjnë”, u shpreh Meta.

  • 17:44

    Qetësia në Komisionin Hetimor, Meta: Jam i sigurt për vendimet e mia, jetojmë në shtetit e propagandës

    Presidenti Ilir Meta në konferencën e tij për mediat ka folur për qetësinë që tregoi ditën e hënë në Komision Hetimor. Meta tha se nuk kishte si të sillej ndryshe, pasi është i bindur që nuk ka shkelur asnjë ligj.

    Unë jam gjithmonë i qetë dhe kur artikuloj me forcë. Nuk mund të isha ndryshe pasi vendimet e mia janë marrë para të gjithë qytetarëve. Nuk kam pasur asnjë arsye që të sillesha ndryshe në këtë Komision. Pvarësisht që mund të kem mendime të ndryshme për institucione të caktuara unë do jem shembulli i respektit të institucioneve. Jetojmë në dy shtete njëkohësisht, në shtetit e propagandës dhe në shtetin e së drejtës. Unë mendoj se jetoj në shtetin e së drejtës, prandaj unë veprova si pjesë e shtetit të së drejtës dhe nuk rashë pre e propagandës”, tha Meta.

  • 17:35

    ‘Djegia e Kuvendit’, Meta: S’kam thënë asnjëherë gënjeshtra, kam informacione të plota

    Presidenti i Shqipërisë, Ilir Meta, në një konferencë për mediat ka folur dhe një herë për skenarët për djegien e Kuvendit. Meta tha se ka pasur informacione të plota dhe nuk kishte pse të gënjente, pasi sipas tij ai kurrë nuk ka thënë asnjë gënjeshtër.

    Keni tronditur opinionin publik për djegien e Kuvendit? A mundet Presidenti të japë më shumë informacion se kush ishin ata që do digjnin Kuvendin?

    Kjo është e vërtetë, unë nuk kam thënë asnjë herë ndonjë gënjeshtër. Nuk mund të them diçka më shumë në respekt të ligjit. Komisioni ka të gjitha mundësitë që të njihen me atë informacion.

    Nuk besoj se kjo gjë ka ndodhur para 100 vitesh, ndoshta se kemi bërë pushime dhe na duket sikur situata ka qenë shumë e thjeshtë dhe e qetë. Ajo që mund të them është se në këtë dokument do të jepen të gjitha momentet e atyre ditëve. Do shikoni që ka qenë një situatë shumë e çmendur dhe këtë gjë e ka treguar dhe raporti i OSBE-së.

  • 17:35

    “S’kam shkelur asnjë ligj”, Meta: Jam gati të shkoj në Venecia, në 11 tetor nuk ndodh asgjë

    Ilir Meta nga një konferencë për mediat ka bërë me dije se është i gatshëm që të shkoj në Komisionin e Venecias në 11 tetor, ku do jepet dhe mendimi përfundimtar për shkarkimin ose jo të tij. Meta u shpreh se në 11 tetor nuk do ndodh asgjë, pasi u shpreh se nuk ka shkelur asnjë ligj.

    Data 11 tetor do të jetë e mirë, pasi Presidenti nuk ka shkelur asnjë ligj, por e ka mbrojtur atë. Kjo datë ësthë për të shmangur datën 18 tetor që është një datë shumë e rëndësishme. Presidenti në 11 tetor është i gatshëm që të shkoj në Venecia”, tha Meta.

  • 17:35

    Takimi me Venecian, Meta në konferencë: Të hënën publikoj dokumente në shqip dhe anglisht

    Presidenti Ilir Meta, dy ditë pas raportimit në Komisionin Hetimor Parlamentar për Shkarkimin e tij ka dalë në një konferencë për mediat.

    Meta nga selia e Presidencës, ka folur për takimin që ka patur me anëtarët e Komisionit të Venecias, dhe shtoi se kishte patur një bisedë e frytshme.

    Bashkëpunimi i Presidentit të Republikës me Komisionin e Venecias do të jetë i shkëlqyer. Duke nisur nga dita e hënë do të keni dokumente për misionin e “Venecias” në Tiranë, do jenë dokumente në shqip dhe anglisht që do ndihmojnë këtë çështje. Kemi të bëjmë me një çështje shumë të rëndësishme dhe kemi të bëjmë më një kauzus në fushën e së drejtës.  Gjithçka do të jetë në dispozicionin tuja hde mbarë opinionit publik”, tha Meta.

Shto Koment