Aktualitet

1 mld lekë pasuri e pajustifikuar, KPA shkarkon kryetarin e Gjykatës së Lartë, Xhezair Zaganjori

  • Profil/ Dvorani, ‘sheiku’ që i dha pafajësinë Metës për ‘Bllokun’ në krye të Gjykatës së Lartë
  • KPA shkarkon nga detyra për modeklarim të saktë të pasurisë dhe mosjustifikim të saj, kryetarin e Gjykatës së Lartë, Xhezair Zaganjori. Me shkarkimin e Zaganjorit, GJL ngelet me vetëm një anëtar, Ardian Dvoranin. Dvorani, merr kompetencat e kryetarit të Gjykatës. Zaganjori mungoi në seancë.

    TIRANE- Kryetari i Gjykatës së Lartë, Xhezair Zaganjori fundoset nga pasuria. Kolegji i Posaçëm i Apelimit ka vendosur shkarkimin nga detyra të Zaganjorit, pasi KPK e kaloi atë në shkallën e parë të Vettingut. Një pasuri marramendëse prej plot 1 miliardë lekësh, e pajustifikuar ishte shkaku që Zaganjori u rrëzua nga KPA.

    Relatorja Albana Shtylla lexoi vendimin për Zaganjorin, dhe tha se kryetari i Gjykatës së Lartë, ka kryer deklarim të pasaktë të pasurisë. Ai nuk justifikon blerjen e apartamenteve, shpenzimet për shkollimin e fëmijëve jashtë vendit, e blerjen e pasurive të tjera të paluajtshme. Pasuri si shtëpia, një dyqan, garazhi dhe një bibliotekë ishin gjetur me probleme nga verifikimi i Komisionerit Publik, që “dogjën” përfundimisht Zaganjorin e rrëzuan vendimin e një viti më parë të marrë nga Komisioni i Pavarur i Kualifikimit.

    “Referuar deklaratës fillestare të 2013 dhe të vitit 2017, subjekti Xhezair Zaganjori është i pasaktë në deklarimin e sipërfaqeve, vlerës dhe burimit të këtyre pasurive të paluajtshme. Ai nuk arrin të justifikojë pasuritë. Për rrjedhojë ka kryer deklarim të pasaktë”, tha relatorja.

    Me shkarkimin e Zaganjorit, Gjykata e Lartë ngelet me vetëm 1 anëtar, që është Ardian Dvorani. Me shkarkimin e Zaganjorit, Dvorani merr kompetencat e rkeytarit të Gjykatës së Lartë, megjithëse ky institucion është ende jo funksional.

    Zaganjori nuk ishte sot prezent në seancën për dhënien e vendimit, ndërsa në seancat e mëparshme ka thënë se pasuria e tij është ndërtuar edhe nga trashëgimia që ka patur bashkëshortja e tij, ndërsa me batutë e ka kaluar: Kështu si më kërkoni ju, do të duhet të mos isha martuar fare.

    Për më shumë bëhu pjesë e grupit më viral në Facebook, Dosja.al

    Por si u konfirmua 1 vit më parë Xhezair Zaganjori me 1 miliardë lekë pasuri të pajustifikuar?

    Ishte komisioneri publik që ankimoi vendimin në KPA, si të dyshimtë dhe jo korrekt pasi sipas komisionerit, Zaganjori nuk e justifikonte pasurinë e tij. Zaganjori u konfirmua në detyrë më 24 korrik 2018, pavarësisht problemeve me pasurinë. Komisioni i Pavarur i Kualifikimit konstatoi se Xhezair Zaganjori shmangu tatimet dhe gënjeu për pronat, por kjo se pengoi të kalonte shkallën e parë të Vettingut. Sipas KPK, ai ka shmangur detyrimet tatimore ndaj shtetit, duke gënjyer për vlerën e pronave të regjistruara në hipotekë me vlerën e tyre reale. Pasuria e kryetarit të Gjykatës së Lartë llogaritet rreth 1 miliard lekë.

    Sipas KPK-së, Zaganjori ka në pronësi një apartament 293 metra katrorë në bashkëpronësi, me vlerë 5.8 milionë që ka si burim shitjen e një apartamenti; një dyqan me vlerë 1. 4 milionë lekë nga të ardhurat personale dhe të qirasë; zyrë me sipërfaqe 15 metra katrorë, apartament 81 metra katrorë në lagjen 13, në plazhin e Durrësit, blerë në vitin 2006 për 32 mijë dollarë. Pasaktësi u konstatuan edhe sa i takon pasurisë së bashkëshortes si dhe shkollimit të djalit në Londër.

    Karriera e Zaganjorit

    Në vitet 1992-1997, Zaganjori ka qenë ambasador në Gjermani. Ndërsa në vitet 1998-1999 ka qenë bashkëpunëtor shkencor pranë Institutit Max-Planck, për të Drejtën Ndërkombëtare dhe të Drejtën Kushtetuese në Heidelberg të Gjermanisë. Në vitin 2003, Zaganjori është zgjedhur anëtar i Gjykatës Kushtetuese, detyrë të cilën e ka mbajtur për një dekadë. Në mars të vitit 2013 ai zgjidhet anëtar i Gjykatës së Lartë dhe një muaj më pas emërohet kryetar i kësaj gjykate.

    (F.g/dosja.al)

    Shto Koment