Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Kreu i grupit parlamentar të Partisë Socialiste, Taulant Balla është shprehur se PS-ja nuk do t’i bëhet pengesë drejtësisë për deputetin Alqi Bllako, duke e çuar praktikisht socialistin pas hekurave. Në një dalje për mediat, Balla tha se PS-ja nuk do të bëhet mburojë për askënd që shkel ligjin. Ai tha ndër të tjera se pa asnjë vonesë, Këshilli për Rregulloren, Mandatet dhe Imunitetin do të mblidhet nesër në orën 18:00 dhe do të vendosë për fatin e Bllakos, pa e pasur aspak pengesën e Partisë Socialiste. Balla tha se ka komunikuar me Bllakon në cilësinë e kryetarit të shumicës parlamentare, të Grupit Parlamentar në rastin në fjalë dhe sigurisht me kryetaren e Kuvendit në funksion të ecjes sa më shpejt të procedurave parlamentare. Kërkesës së PD-së për të mos ndërhyrë në procedura, Balla iu përgjigj me një ftesë, për të parë arkivën e Kuvendit me kërkesat për heqje imuniteti ne Kuvendin e Shqipërisë, se çfarë standardi ka vendosur PS në mazhorancë në rastin e këtyre kërkesave dhe çfarë standardesh ka patur në kuvendin e Shqipërisë.
Deklarata e Kryetarit të Grupit Parlamentar të Partisë Socialiste, Taulant Balla
Taulant Balla: Si ndihem? Unë nuk jam i gëzuar për askënd që kërkohet një masë sigurie me arrest me burg. Në aspektin njerëzor, në aspektin e të qenurit të faktit të kolegut te kuvendit te Shqipërisë nga cilido krah qoftë, nga secili krah qoftë personi apo kolegu. Kështu që në aspektin njerëzor, përgjigja e pyetjes tuaj; s’jam i gëzuar. Por ka një aspekt tjetër, për te cilën biem të gjithë dakord, që forca udhëheqëse e PS ka çuar përpara reformën ne drejtësi, gjithmonë ka patur si objektiv arritjen e një momenti që drejtësia të funksionojë dhe të vendoset para drejtësisë gjithkush pa asnjë dallim nga cili krah politik ai vjen.
Do vazhdojmë të punojmë në këtë drejtim të palëkundur për të thelluar më tej efektet e reformës në drejtësi.
Taulant Balla: Po ashtu, një gjë duhet te jetë e qartë për të gjithë dhe për këdo, pikë së pari brenda PS. PSSH ka vendosur një vijë të kuqe, me këdo, sapo ndaj një përfaqësuesi te PS drejtësia kërkon ose vendosë një masë sigurie ose sjell në kuvend një kërkese për hetime apo për çështje të tjera. Natyrshëm që vija e kuqe është që PS nuk është mburojë për askënd. Në këtë këndvështrim kjo duhet të jetë një vije e kuqe për këdo dhe ne do vazhdojmë te mbajmë këtë qëndrim që kemi mbajtur në mënyrë konsenguente, gjithmonë që jemi vendosur para një situate të tillë. Sepse është shumë e rëndësishme që standardi i vendosur nga PS, të vazhdojë.
Në cilësinë e kryetarit te grupit parlamentar të PS, keni patur komunikim me z.Bllako? Dhe nëse po, a është i gatshëm ai të japë dorëheqjen nga mandati i deputetit dhe a mendoni se duhet ta japë dorëheqjen?
Taulant Balla: T’i marrim me radhë. PS nuk do të jetë dhe s’ka qënë asnjëherë zyrë avokatie për askënd, brenda asaj që vendoset në një përballje me drejtësinë. Ndërkohë që në interesin tuaj, sapo kryetarja e kuvendit ka njoftuar hyrjen nesër në orën 18:00 të këshillit për rregulloren, mandatet dhe imunitetet, i cili është institucioni i cili menjëherë vihet në dijeni nga kryetari i kuvendit. Po ashtu, është vënë në dijeni dhe deputeti Bllako dhe në këtë këndvështrim procedura e kuvendit do vijojë pa asnjë vonesë në funksion të asaj që thashë më sipër. Për ne është shumë e rëndësishme që PS të bëjë detyrën e saj pa u ndikuar në asnjë moment nga çdolloj forme imuniteti apo privilegji parlamentar. Kështu që, në këtë këndvështrim do ju kërkoja që dhe ju mediat të keni durimin e duhur derisa edhe kuvendi te vazhdojë me procedurën e vet parlamentare.
Keni komunikuar me z.Bllako?
Taulant Balla: Natyrshëm në cilësinë e kryetarit të shumicës parlamentare, të Grupit Parlamentar në rastin në fjalë, kam komunikuar dhe sigurisht kam komunikuar dhe me kryetaren e Kuvendit, sapo, në funksion të ecjes sa më shpejt të procedurave parlamentare.
PD ka kërkuar të mos bllokoni procesin në këshillin e mandateve?
Taulant Balla: Do ju ftoja të shkoni më pjesën tjetër të kuvendit, ku është arkiva e kuvendit dhe gjeni të gjitha rastet dhe kërkesat për heqje imuniteti ne Kuvendin e Shqipërisë, se çfarë standardi ka vendosur PS në mazhorancë në rastin e këtyre kërkesave dhe çfarë standardesh ka patur ne kuvendin e Shqipërisë. Kështu që, të jeni të sigurt që s’ka asnjë vonesë, përkundrazi gjithçka do ecë sipas një procedure te përcaktuar qartë nga kuvendi. Duhet të jetë e qartë për këdo, ajo që thashë më lartë. Asnjë vonesë dhe asnjë pengesë për të çuar, do ta quaja unë, përpara një arritje të cilën Shqipëria e ka të panegociueshme. Reforma në drejtësi po jep efektet e saj të pakundërshtueshme.
Është çështje dhe jo aferë, çështja e inceneratoreve?
Taulant Balla: Nuk interpretoj dokumente zyrtare, dokumentet zyrtarë unë di vetëm t’i lexoj dhe kam lexuar një dokument zyrtar, i cili sapo më është vënë në dijeni si anëtar, në rastin në faje të këshillit, imunitet apo mandate te rregullores së kuvendit, dhe si i tillë jam vënë po në dijeni me vendimin e kryetares se kuvendit, zonja Nikolla për të thërritur nesër në 18:00 mbledhjen e këtij këshilli.
(F.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Është zbardhur kërkesa që Prokuroria e Posaçme Kundër Korrupsionit dhe Krimit të Organizuar (SPAK) i ka dërguar Kuvendit të Shqip...
TIRANË– Prokuroria e Posaçme Anti-Korrupsion (SPAK) ka njoftuar ditën e sotme se i ka kërkuar Kuvendit të Shqipërisë se caktimin e masës “arre...
TIRANË– Një 16-vjeçare rezulton të jetë zhdukur nga shtëpia në Tiranë pas denoncimit të bërë nga babai i saj.Sipas njoftimit të policisë, 46-v...
TIRANË- Një sherr për pak sa nuk ka përfunduar në tragjedi në Tiranë. Disa të rinj janë konfliktuar me njëri-tjetrin disa ditë më parë në zonën e Kombinati...
TIRANË– Prokuroria e Posaçme Kundër Korrupsionit dhe Krimit të Organizuar (SPAK) është i bindur për shkeljet që janë kryer në lidhje me incene...
TIRANË– Policia e Tiranës ka vënë në pranga dy persona për veprat penale “Ndihma për kalim të paligjshëm të kufijve” dhe “Fshehja e të ardhurav...
TIRANË– Policia kufitare malazeze sekuestroi 54 kg marijuanë e cila dyshohet se vinte nga Shqipëria në drejtim të Malit të Zi. Lënda narkotike e pake...
GREQI– Një 28-vjeçar shqiptar ka rënë në prangat e policisë greke ditën e djeshme nën akuzën e trafikut të lëndëve narkotike.Sipas mediave greke, a...
TIRANË– Deputeti i Partisë Demokratike, Belind Këlliçi tha se do të ketë tentativë për të ulur deputetët në mënyrë që të ecin përpara me qëlli...
SPANJË– Këto janë pamjet nga arrestimi i vëllezërve nga Shijaku, Enkel dhe Morel Kërtalli në Spanjë. 37 dhe 41-vjeçari akuzohen se në vitin 20...
