"Je dele e Edi Ramës"/ Plas debati te "Ligjet", Gogu-Dogjanit: Mos më dhuno
18 Mars, 14:51
Kundër aktit normat...
Aktualitet
Korrupsion! Arrestohet me urdhër të SPAK ish-ministri Koka, pranga dhe dy të tjerëve
14 Dhjetor 2021, 11:19Nga DOSJA
TIRANË– Ish-ministri i Mjedisit Lefter Koka është vënë në pranga bashkë me dy persona të tjerë pasi akuzohet për shpërdorim detyre, pastrim parash dhe korrupsion. Dosja.al ka mësuar se Koka është arrestuar me urdhër të Prokurorisë së Posaçme kundër Korrupsionit dhe Krimit të Organizuar (SPAK) që mban firmën e prokurorit Klodian Braho e gjyqtarit Erion Bani.
Përveç Kokës, në pranga kanë përfunduar edhe dy persona të tjerë që akuzohen si bashkëpunëtorë në këtë skemë korrupsioni, të identifikuar me inicialet K.Z. dhe S.B.. Mbi të gjithë rëndon kryerja e 4 veprave penale: “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
Dosja.al ka siguruar edhe pamjet e mbërritjes së ish-ministrit Koka në Drejtorinë e Policisë në Tiranë, ku edhe shfaqet i pashqetësuar, pa pranga dhe me duar në xhepa, Koka është futur në ambientet e Drejtorisë së Policisë, ndërsa rreth tij ishin vetëm dy efektivë policie. Hetimet e nisura që në vitin 2020 kanë zbuluar se nuk është ndjekur procedura e duhur për dhënien e një koncensioni, ku ministri i Mjedisit kishte cilësinë e titullarit të autoritetit kontraktor. Ndërkohë që po ashtu, SPAK njofton se për çështjen vazhdojnë hetimet për të zbuluar nëse ka persona të tjerë, apo funksionarë publikë që mund të jenë përfshirë në këtë aferë korruptive.
Arrestimi i Kokës është përshëndetur nga ambasadorja e Shteteve të Bashkuara të Amerikës, Yuri Kim e cila përgëzoi SPAK për operacionin e kryer. Në reagim e saj, Kim shkruante se askush nuk mund të jetë mbi ligjin. Kryedemokrati Lulzim Basha reagoi gjithashtu, por ai nuk u mjaftua me arrestimin e Kokës. Kreu i Partisë Demokratike kërkoi arrestimin e ‘peshkut të madh’ të kësaj dosjeje korruptive. Para mediave ai theksoi se operacioni i sotëm tregon se denoncimet e PD-së kanë patur bazë, por deri në kapjen e ‘peshkut të madh’, do mbetet një farsë.
Kush është Lefter Koka
Lefter Koka u përfshi në politikë në vitin 2000 si anëtar i Këshillit Bashkiak të Durrësit, pas angazhimit në sektorin privat. Në vitet 2003-2007, Lefter Koka ka shërbyer si kryetar i Bashkisë së Durrësit, ndërsa në vitin 2009 u bë deputet i Kuvendit të Shqipërisë nën siglën e Lëvizjes Socialiste për Integrim. Ai u zgjodh ministër i Mjedisit në kabinetin e kryeministrit Edi Rama pas zgjedhjeve parlamentare të vitit 2013, si pjesë e Lëvizjes Socialiste për Integrim, por u largua nga funksioni pas një mandati të plotë në vitin 2017, si pasojë e prishjes së koalicionit PS-LSI.
Ndryshe nga shumica e deputetëve të opozitës, Lefter Koka nuk pranoi ta djegë mandatin e deputetit në shkurt 2019, ndërsa në nëntor 2020 ai iu bashkua Partisë Socialiste. Më 1 shtator të këtij viti, edhe pse i zgjedhur si deputet nga votat e qytetarëve të Durrësit nga zgjedhjet parlamentare të 25 prillit, Koka vendosi të japë dorëheqjen nga mandati.
TIRANË– Zhvillimet në partinë më të madhe opozitare në vend, atë demokratike nuk kanë të ndalur. Sot, një ditë pasi selia u kthye në kryeqendrën e mediave ...
TIRANË– Gjashtë ambasadorët që takuan sot kryedemokratin Lulzim Basha e kishin ftesën nga kreu i Partisë Demokratike. Top-Channel shkruan se ata u pr...
TIRANË– Pamjet më poshtë vijnë nga drejtoria e Policisë së Tiranës, aty ku ka mbërritur ish-ministri Lefter Koka, i arrestuar për shpërdorim detyre, ...
DURRËS –Bregdeti shqiptar është shndërruar në strehë të sigurt për mijëra shtetas afganë, që ikën nga vendi i tyre pasi talibanët u kthyen në pushtet...
TIRANË– Kryedemokratik Lulzim Basha nuk mjaftohet me arrestimin e ish-ministrit të Mjedisit, Lefter Koka, i cili u vu sot në pranga. Në një prononcim...
TIRANË- Një ngjarje e rëndë tronditi Turqinë, pasi Habip Ozturk vrau vajzën e tij 7-vjeçare duke i prerë fytin dhe më pas tentoi të vriste veten. Ai...