Politike

Ambasadorja Yuri Kim mesazh të prerë politikës: S’ka pazare dhe lojëra me Reformën Zgjedhore dhe atë në Drejtësi! Mbani fjalën me popullin dhe SHBA

VIDEO
  • Gjata: Duan të gllabërojnë atë që ka mbetur nga Gjykata e Lartë dhe Kushtetuesja
  • Tensionet politike në vend, Meta me gazetarët: S’po e sabotoj unë Reformën në Drejtësi
  • Ambasadorja amerikane në Tiranë Yuri Kim flet pa doreza një ditë pas tensionimit të deklaratave publike për Reformën në Drejtësi. Kim tha se është koha që dy reformat thelbësore që do t'i hapin rrugë Shqipërisë për në BE, por edhe për të qenë një aleat strategjik i SHBA-ve, të realizohen. 
    Featured image of article: Ambasadorja Yuri Kim mesazh të prerë politikës: S’ka pazare dhe lojëra me Reformën Zgjedhore dhe atë në Drejtësi! Mbani fjalën me popullin dhe SHBA Ambasadorja e Shteteve të Bashkuara të Amerikës Yuri Kim
    Përditësuar:

    TIRANË– Një ditë pasmesazhit të dhënë në Twitter, se Reforma në Drejtësi rrezikohet nga një marrëveshje e fshehtë, ambasadorja e Shteteve të Bashkuara të Amerikës Yuri Kim iu bën thirrje liderëve politikë në Shqipëri të heqin dorë nga lojërat. Teksa po hynte në Kolegjin e Posaçëm të Apelimit, para marrjes së vendimit për gjyqtarin Luan Daci, (Lexo këtu), Kim u shpreh se SHBA-të dhe populli shqiptar presin realizimin me çdo kusht të Reformës Zgjedhore dhe asaj në Drejtësi. “S’ka më lojëra dhe pazare”, -tha Kim për gazetarët.

    Mesazhi im është shumë i qartë. SHBA duan të njëjtën gjë që populli shqiptar do. Duam që Shqipëria të jetë aleat i fortë, i aftë i SHBA dhe të jetë pjesë e familjes evropiane. Ju nuk mund ta keni këtë pa reformë zgjedhore, ju nuk mund ta keni këtë pa reformë në Drejtësi. Këto të dyja s’janë pazare, por domosdoshmëri. Është koha të realizohen, jo për lojëra. Është koha të realizohet reforma në Drejtësi dhe ajo zgjedhorja. Është koha që liderët e drejtësisë të mbajnë fjalën para shqiptarëve. Kjo është ajo që shqiptarët dhe SHBA-të presin prej tyre.

    Për më shumë bëhu pjesë e grupit më viral në Facebook, Dosja.al

    Yuri Kim, ambasadore e SHBA

    Por pse u ashpërsua qëndrimi i amerikanëve me klasën politike në Shqipëri? 

    Një ditë më parë, presidenti Ilir Metat takoi kryetarët e partive të opozitës, ku një ndër pikat e propozuara nga kreu i shtetit për rikthimin në sistem të opozitës është edhe moderimi i Reformës në Drejtësi. Përmes një drafti me 14 pika, Meta kërkon ngritjen e një Këshilli Politik, që do të vendos për ndryshimet ligjore e Kushtetuese në Reformën në Drejtësi. Ky propozim duket se ka ngjallur edhe acarimin e SHBA. Ambasadorja Yuri Kim e cilësoi këtë aludim, si një marrëveshje për të sabotuar Reformën në Drejtësi. Rama e Basha akuzuan njëri-tjetrin për ndërhyrje, ndërsa sot pritet një komunikim nga presidenti Ilir Meta me gazetarët për këtë çështje.

    (F.g/dosja.al)

    Shto Koment