Protestuesit grisën flamurin izraelit/ Ambasadorja e Izraelit në Tiranë, Peleg: Ky akt cënon dinjitetin e popullit shqiptar ...
Rama: Jemi këtu për të ndarë faktet dhe jo për të fluturuar aty ku faktet nuk kanë vlerë 21 Qershor, 09...
PAMJET/ Mijëra qytetarë ‘derdhen’ në sheshin “Skënderbej”, diaspora ‘ngre’ në k&eum...
Berisha: Sot po vërshojnë nga të 4 anët e dheut drejt Tiranës, në protestën shpëtimtare për Shqip&e...
Të arrestuarit e grupit Mezhgorani, ku u prangos edhe botuesi Henri Çili, kishin krijuar një linjë të mirëfilltë të trafikut të drogës. Nga të gjitha qytetet e Shqipërisë, ata e mblidhnin drogën për t’a çuar më pas në Malin e Zi. Të dhënat e dosjes, që publikohen sot për herë të parë nga Dosja.al, zbulojnë se janë Ermir dhe Elisjon Breza, dy bashkëpunëtorët kryesorë të kunatit të Henri Çilit, Gazmir (Enri) Ajdinaj. Bashkë me Ajdinajn, ata merreshin me trafik lënde narkotike, për të furnizuar një laborator droge, që është krijuar nga grupi në Dajç të Shkodrës, pranë Xhamisë. Konkretisht në dosje thuhet se:
“Nga përmbajtja e bisedave të përgjuara dhe të kryera ka rezultuar se shtetasit Ermir Breza dhe Elisjon Breza, që nga data 11.11.2019 ato po përgatiten për të marrë një ngarkesë edhe më të madhe lënde narkotike cannabis sativa, se ajo e sekuestruar prej 74 kg, në qytetin e Tepelenës. Për këtë qëllim këto shtetas kanë komunikime të vazhdueshme me personat që kanë në përdorim numrat celular 0692****** dhe 06929****8, të cilët mendohet se janë nga qyteti i Fushë-Krujës. Nga përmbajtja e bisedave të përgjuara rezulton se këto shtetas furnizojnë me lëndë të dyshuar si narkotike shtetasit Elisjon Breza dhe Ermir Breza, lëndë e cila po grumbullohet në qytetin e Shkodrës në vendin e quajtur Dajç, në një zonë pranë xhamisë. Referuar përmbajtjes së bisedave të përgjuara dyshohet se këto shtetas posedojnë një laborator për përpunimin e lëndës narkotike të cilën e marrin nga qytetet Tepelenë, Përmet, Gjirokastër, Ballsh dhe Shkodër, të cilën më pas dyshohet se e eksportojnë në Mal të Zi, (pasi nga bisedat e Zia Bezës rezulton se ai flet për para të cilat i ka marrë nga automjeti me targa malazeze).
Arrestimi i Brezajve, policia i lejoi të kalonin me drogë për të mos dekonspiruar operacionin
Në fashikullin 1.18, zbulohet se më 24 dhjetor 2019, grupi po kalonte një sasi droge në Lezhë me 3 makina. Në dosje thuhet se për të mos prishur operacionit, ata kanë kaluar, por më pas kanë mundur të largohen pa u arrestuar, pavarësisht se iu shtë bërë shenjë ndalimi. Konkretisht zbulohet se: “Nga bisedat e përgjuara dhe nga ndjekja në terren me metoda special ka rezultuar se më datë 23.12.2019 shtetasit Elisjon Breza dhe Ermir Breza dhe bashkëpunëtorët e tyre, të cilët thërriten me emrat “Rimi”, i cili ka në përdorim numrin celular 0694*****1 për të cilin prokuroria ka autorizuar përjgimin më datë 23.12.2019 ora 19:00 dhe “Alban”, lëvizin së bashku me tre automjete. Me qëllim për të mos dekonspiruar operacionin dhe sekuestrimin e lëndës narkotike, këto automjete janë lejuar të lëvizin. Në momentin që drejtuesve të mjeteve u është bërë me shenjë të ndalojnë, ato janë braktisur nga drejtuesit, të cilët janë fshehur. Gjithashtu, këto shtetas kanë fshehur në një parking në qytetin e Lezhës automjetin me targa AA 887 ZM.”.
Në këtë moment, pasi kanë mundur të largohen pa u kapur, dy Brezajt kanë folur me familjarët dhe të dashurat, por ishin nën përgjim. Pasi kanë kërkuar një makinë, ata janë ndjekur nga policia, që ka bërë arrestimin e tyre. Në dosje thuhet se: “Që nga momenti i arratisjes shtetasit Elisjon Breza dhe Ermir Breza me numrin e telefonit celular 0693*****8 komunikojnë me të dashurat dhe familjarëve të tyre, të cilëve u kërkojnë një automjet për të transportuar bashkëpunëtorët e tjerë. Nga përmbajtja e bisedave të zhvilluara nga ky numër celulari ka rezultuar se ai komunikon me shtertasen e cila ka në përdorim numrin e celularit 069 3*****2, të cilës i kërkon që t’a ndihmojë për t’u larguar nga vendi i ngjarjes. Si pasojë e bisedave të përgjuara dhe nga ndjekja me metoda special të shtetasve të përmendur është bërë i mundur arrestimi në flagrancë i shtetasve Ermir Breza, Albano Kalei, Irini Ruçi dhe janë sekuestruar një sasi prej 51 kg lëndë narkotike e llojit kanabis.”
Albano Kalei dhe Kristi, dy aleatët e trafikantëve…por kush është Adi, Qorri e Lajdi? Droga nga Hekali transportohej me mushka
Albano Kalei ishte shitës kartash telefoni, ndërsa Kristi, një nga të dashurat e Elisjon Brezës. Edhe ajo është e arrestuar, dhe përkon me emrin e Kristina Bashit. “Sikurse ka rezultuar nga përmbajtja e bisedave të deritanishme, shtetasi Albano Kalei, i cili merret me tregtinë e kartave rimbushëse në qytetin e Shkodrës, ka vënë në dispozicion të shtetasit Elisjon Breza, karta telefoni. Shtetasi Elisjon Breza bisedon me një shtetase të qytetit të Tiranës, të identifikuar si “Kristi”, të cilën e njofton se është në përgjim dhe i thotë që i quhen 10 000 euro. Kjo e fundit, i thotë se këtë shumë mund t’a gjejë “Gazmiri”. Nga zhvillimi bisedave që janë përgjim të dyshuarit Elison Breza dhe të dyshuarve të të tjerë, rezulton se Elsion Breza, në datë 15.01.2020 ka ardhur në qytetin Këlcyrë dhe ka takuar një shtetas banor të qytetit Këlcyrë, por për shkak të rrethanave objective ka humbur nga vëzhgimi në rrugën automobilistike Këlcyrë-Gjirokastër. Fakt i cili rezulton dhe nga biseda e zhvilluar me shtetasen me emrin Kristi.”-thuhet në dosje.
Në janar të 2020, në momentin kur të rinjtë ishin ende në arrati, ata komunojnë me Behar Marën nga Mallakastra, i cili bashkë me disa persona të tjerë transportonin nga Hekali i Mallakastrës, drogën, që do të merrej nga disa persona nga Fushë-Kruja, të identifikuar si Adi, Lajdi, Soni dhe Qorri. Ata më pas do të çonin të gjithë drogën në laboratorin e Dajçit.
Në dosje thuhet se: “Gjithashtu, ky shtetas e ka siguruar përdoruesen e këtij numri “Kristin”, që të mos ketë frikë pasi është në dijeni të çdo kontrolli që kryhet në Fushë-Krujë. Ndërsa më datë**.01.2020 po në Fushë-Krujë një automjet tjetër i ngarkuar me lëndë narkotike po përgatitej për të transportuar lëndë narkotike drejt Malit të Zi. Po në këtë datë shtetasi Behar Mara nga Mallakastra, komunikon me dy shtetas që kanë në përdorim numrat e telefonit 06821****2 dhe 06836****6, të cilët janë duke transportuar me kafshë në fshatin Hekal të Mallakastrës sende që dyshohen se janë të kundra ligjshme dhe i kërkojnë që të shkojë makina për të marrë ngarkesën. Nga përgjimet e bisedave telefonike të numrit 06947****7 në përdorim të shtetasit që thërritet “Adi” nga Fushë-Kruja, ka rezultuar se ky shtetas, komunikon për shkëmbimin e lëndës narkotike me shtetasiit e identifikuar si “Lajdi”, 069 97****0, Soni, 068 55****, Qorri 069 31 ****1 dhe një shtetasi tjetër të paidentifikuar.”
Botuesi dhe pronari i UET, Henri Çili, u arrestua gjatë operacionit “Mezhgorani”, mbrëmjen e të enjtes. Bashkë me të u arrestuan avokati Ilir Korbi, biznesmeni Sait Fishta dhe 25 persona të tjerë. Të arrestuarit akuzohen se kanë ndikuar tek gjyqtarët për të liruar bandën e Lazaratit, por edhe përfshirje në trafikun e drogës, falsifikimin e monedhave. Ndaj Çilit rëndojnë akuzat për korrupsion, ushtrim të ndikimit të paligjshëm, falsifikim të dokumenteve dhe shpërdorim detyre. Sot është mësuar se e përfshirë në dosje është edhe Marina, vajza e këngëtares Eli Fara, pasi komunikonte me një nga të ndaluarit. Në shtëpinë e saj, policia ka ushtruar kontroll dje.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË–Policia e Tiranës ka vënë nën pranga një djalë të ri, pasi ky i fundit mbante në shtëpi armë pa leje.Për këtë shkak sipas institucionet policore i ...
TIRANË- Refat Stani nga Fieri kërkoi ndihmën e Gazmir Ajdinajt për të rrahur me pagesë një fqinjin e tij në Fier. Kunati i botuesit, Henri Çili rezu...
TIRANË- Kunati i botuesit Henri Çili, Gazmir (Enri) Ajdinaj është personazhi kyç i dosjes hetimore të prokurorisë për operacioni “Mezhgorani”...
TIRANË- Trafik droge, falsifikim parash, rrahje me pagesë, kontrata të manipuluara pronash, e takimi me zyrtarin e lartë për të liruar vëllezërit Aliko, ja...
TIRANË– OBSH kërkon testimin e planit të emergjencës për qeveritë e këtyre vendeve dhe gjithashtu lëshoi disa rekomandime për publikun se si mund të admini...
Dimri i ngrohtë i këtij viti, duket se po shpejton ardhjen e pranverës, ndaj dhe në fshatin Bistrovicë, të Njësisë Administrative Cukalat, në bashkinë e Urës Va...
SPANJË– Aleksandër Nikolla, 47-vjeçari shqiptar i akuzuar për sulmin me dhunë ndaj një shtëpie në vitin 2007 do të lirohet nga burgu pasi Gjykata e ...
DURRËS– Një aksident ka ndodhur mëngjesin e sotëm tek rrethrrotullimi pranë Urës së Dajlanit në qytetin e Durrësit.Ngjarja ka ndodhur në orën 2:00 të mëngj...
