Mijëra qytetarë ‘derdhen’ në sheshin para Kryeministrisë/ Diaspora ‘ngre’ në këmbë Kryeqytetin: Rama në burg, Berisha në burg

TIRANË- Aktivistja Arilda Lleshi deklaroi se mërgata ëndërron çdo ditë që të rikthehet në atdhe dhe tani të gjithë së bashku po pjekin kushtet që kjo të jetë e mundur. Duke folur në podiumin para Kryeministrisë, ajo tha se vendi nuk është në luftë e megjithatë emigrimi vijon edhe më shumë se në vitet ‘90.

“Ata na larguan, por ka ardhur koha t’i largojmë zvarrë. Shqiptarët janë një ndër popujt më të lidhur me vendin e tyre. Ata ëndërrojnë cdo ditë të rikthehen nëse piqen kushtet, e tani po i pjekim kushtet vetë. Kryeministri thotë se nuk duam zhvillim, po emigrojmë pikërisht sepse na keni mohuar zhvillimin. Ata nuk duan zhvillimin tonë, por tokën tonë. Një shoqëri është e paplotë nëse nuk kthen mërgatën, është shumë e thjeshtë, ne duhet të çlirojmë tregun dhe politikën nga kapja. Mjaft emigrate janë rikthyer, por kur janë përballur me padrejtësitë janë laruar me vrap. Përse në duhet të emigrojmë sikur jemi në luftë? Si në vitet ’90. Unë vetë jam emigrante e rikthyer, jam përballur me dorëzimin e shqiptarëve dhe dhunën e pushtetit, por kur ju shoh them se ishte vendimi më i mirë. Mirë se erdhër në shtëpi mërgatë”, tha ajo./Dosja.al

TIRANË- Banorja e Rrjollit, Luçiana Kokaj theksoi se kontrata për Shqipërinë e re nuk mund të përfshijë kurrsesi kryeministrin Edi Rama. Banorja e rrjollit i ka bërë këto komente në përgjigje të deklaratave të kryeministrit Edi Rama të bëra më herët.

“Kontratë për Shqipërinë e re. Ke keqkuptuar diçka zoti kryeministër se shqipëria e re, pikën e parë të kontratës është që ti të mos jesh pjesë e saj. Qytetarët kanë një kërkesë të thjeshtë, jep dorëheqjen Rama në burg, Berisha në burg”, tha mes të tjerash banorja e Rrjollit./Dosja.al

TIRANË- Në kryeqytet po zhvillohet protesta e 21 kundër kryeministrit Edi Rama. Pamje madhështore dhe një pjesëmarrje rekord është në këtë tubim. Protestuesve iu është bashkuar edhe diaspora, e cila ka mbërritur sot me një autokolonë makinash. 

Me flamuj në duar dhe thirrjet “Rama në burg, Berisha në burg”, ata kërkojnë largimin e kryeministrit por edhe të gjithë klasës politike. “Vdekje tradhtarëve, Shqipëria e shqiptarëve”, përsërisin ata. Kjo është dita e 21-të e protestës së qytetarëve, të cilët kërkojnë dorëheqjen e kryeministrit Edi Rama./Dosja.al

TIRANË- Kryeministri Edi Rama ka reaguar sërish në rrjete sociale, teksa protesta para Kryeministrisë është në ditën e 21-të. Me anë të një postimi në Facebook, Rama pretendon se një prej protestueseve që ka bërë thirrje për mobilizimin e diasporës është njëkohësisht ndërtuesja e një shtese pa leje brenda mureve të Kalasë së Durrësit, objekt që sipas tij do të shpronësohet në kuadër të projektit për Rilindjen e Zonës Historike. Sipas tij, një shkelëse e ligjit po vishet me flamurin e interesit publik, që tregon se si funksionon algortimi i manipulimit në rrjetet sociale. 

REAGIMI

DY FOTOGRAFI DHE DY FYTYRAT E NJË SIMBOLI TË THIRRJES PËR DIASPORËN NË PROTESTË

Majtas: Një shtesë skandaloze pa leje brenda mureve të kalasë së Durrësit. Shteti do ta shpronësojë në kuadrin e pastrimeve për Rilindjen e Zonës Historike, sipas projektit të miratuar.

Djathtas: Një protestuese e përbetuar për mbrojtjen e mjedisit që bërtet, “Diaspora këtë vit nuk do të vijë për pushime, por për protestë”. Ajo është vetë ndërtuesja e shtesës pa leje, e cila ka deklaruar përpara meje se do hidhet me kokë nga tarraca, po nuk e pranon fondin e shpronësimit të atij çibani ngaqë i duket pak!

Pikërisht kështu funksionon algoritmi i manipulimit në rrjetet sociale: Një shkelëse e ligjit, qëndrestare kundër pastrimit të trashëgimisë kulturore nga çibanët e ndërtuar pa leje vishet me flamurin e interesit publik, ve kujën për atdheun në rrezik dhe kthehet në heroinë.

Fakti pastaj që ky personazh grotesk është edhe militante e vajmedet Partisë Demokratike, e fut rastin në një kornizë shembullore të dashurisë për natyrën. Çibani ka një hipotekë nga koha e dy gishtave./Dosja.al

TIRANË- Sot mbahet protesta 21 në Tiranë kundër kryeministrit Edi Rama. Me mijëra shqiptarë të diasporës kanë mbërritur në kryeqytet dhe i janë bashkuar revoltës kundër kryeministrit.

Shqiptarët janë bërë bashkë si asnjëherë tjetër. Kjo është revolta më madhështore që është mbajtur ndonjëherë në vend, me një pjesëmarrje rekord si asnjëherë tjetër. Siç shihet edhe në pamje i gjithë Kryqyteti është veshur kuq e zi/Dosja.al

TIRANË- Protesta e 21 për largimin e kryeministrit Edi Rama ka nisur.  Kjo e sotmja është cilësuar si protestë kombëtare, ndërsa qytetarëve në Tiranë u janë bashkuar edhe diaspora.

Siç shihet edhe në pamje, disa prej shqiptarëve të diasporës kanë kaluar me makina në akset kryesore të kryeqytetit.

Diaspora është grumbulluar në sheshin ‘Skënderbej’ dhe pritet të nisin marshimin drejt kryeministrisë. Me flamuj në duar dhe thirrjet “Rama në burg, Berisha në burg”, ata kërkojnë largimin e kryeministrit por edhe të gjithë klasës politike./Dosja.al

TIRANË- Sot mbahet protesta 21 në Tiranë për largimin e kryeministrit Edi Rama. Qytetarët fillimisht janë mbledhur në sheshin ‘Skënderbej’ dhe më pas do zhvendosen drejt Kryeministrisë.

Me pankarta në duar, thirrje përmes megafonëve dhe fjalime të shkurtra, protestuesit po adresojnë kërkesat e tyre ndaj qeverisë, duke kërkuar mes të tjerash edhe largimin e saj. 

Qytetarëve shqiptarë u janë bashkuar sot edhe shqiptarët e diasporës. Shqiptarët janë bërë bashkë si asnjëherë tjetër dhe kjo është revolta madhështore që po mbahet për të larguar Ramën nga pushteti./Dosja.al

TIRANË- Autokolona me flamuj kuq e zi të shqiptarëve të diasporës kanë "pushtuar" sot në mesditë rrugët e Tiranës. Një nga shqiptarët e diasporës tha se ka ardhur nga Anglia për t'iu bashkuar protestës për largimin e Edi Ramës.

Ai tha se shpreson që sot të jetë dita e fundit në pushtet e Ramës, ndërkohë theksoi se janë mbi 1 mijë makina nga e gjithë Europa që kanë ardhur. 

“Kemi ardhur nga Londra jemi nisur që pardje. Na shtyu zoti kryeministër i cili nuk pati asnjë reagim. Shpresojmë që sot të jetë dita e fundit për të. Jemi mbi 1 mijë makina nga e gjithë Europa” thotë njëri.  

Ndërsa një tjetër u shpreh se kanë ardhur për të mbështetur shqiptarët dhe për t'iu thënë që nuk janë vetëm. 

“Shpresojmë që sot të jetë dita e fundit. Unë po të isha Edi nuk do të doja të isha në vend të tij. Jemi këtu se kemi gjak shqiptari. Kemi ardhur ti japim forcë e moral shqiptarëve për ti thënë që nuk janë vetëm. Ne kemi ikur por nuk kemi humbur”  thotë një tjetër.

Autokolona me makinat e diasporës ndaluan në Bulevardin e ri dhe shqiptarët e diasporës po bëhen gati për tiu bashkuar protestës që pritet të nisë sot në orën 19:00 para kryeministrisë. 

Sipas organizatorëve, ky mobilizim synon të tregojë se zëri i shqiptarëve dëgjohet jo vetëm brenda vendit, por edhe përtej kufijve të tij. Diaspora do iu bashkohet nesër protestuesve në Tiranë, të cilët prej shumë ditësh po kërkojnë largimin e qeverisë Rama./Dosja.al

TIRANË- Një video e një vogëlushi që përlotet për ardhjen e mijërave shqiptarëve të diasporës në mbështetje të protestës kundër Ramës, ka bërë bujë në rrjet. Vogëlushi shprehet se ndonëse është i vogël, e kupton shumë mirë se çfarë po ndodh në vend. Ai shprehet se ndihet i lumtur që mijëra emigrantë po i bashkohen revoltës qytetare, që tani ka hyrë në ditën e 21-të.

Në video, vogëlushi thekson se kur bëhen të gjithë bashkë, çdo gjë shkon me sukses dhe se qeveria mund të mundet. Në fund, ai u bën thirrje qytetarëve që të mos dorëzohen, pasi çdo gjë që bëhet me njëri-tjetrin del me sukses.

“Po qaj me lot gëzimi sepse më në fund po rregullohet vendi, vendi ku ti ke lindur. Gëzim për mua. Jam akoma i vogël por e kuptoj se çfarë ka ndodhur.  Nuk është e drejtë për njerëzit çfarë ka bërë Rama. Gëzohem kur shoh njerëz së bashku që po vijnë dhe bëjnë diçka. Nuk jemi vetëm ne, por e gjithë bota që po na ndihmo. Kënaqem kur i sheh të gjithë së bashku. Mos u dorëzoni sepse çdo gjë që bëhet me njëri-tjetrin del me sukses. Duhet të jemi të gjithë bashkë që ta mundim atë problem”, u shpreh ai./Dosja.al

Edi Rama, shqiptarët e diasporës

TIRANË- Mijëra shqiptarë të diasporës dhe qytetarë nga qytete të ndryshme të vendit janë nisur drejt Tiranës për të marrë pjesë në protestën kundër qeverisë Rama. Disa prej autokolonave të shqiptarëve të diasporës kanë mbërritur në Kryeqytet.

Ndërkohë, Kryeministri Edi Rama reagoi në mbledhjen e grupit parlamentar lidhur me vargun e makinave të protestuesve nga diaspora. Mësohet se nga mbledhja me dyer të mbyllura Rama është shprehur se autokolonat e makinave që po vijnë në Shqipëri për protestën kanë në bord vetëm shoferët dhe se, sipas tij, gjithçka po bëhet për efekt mediatik dhe viralitet.

“Më vjen një video ku në Muriqan po kalojnë autokolona me makina që kanë brenda vetëm shoferin. Është e paguar, e bëjnë për viralitet”, mësohet të ketë thënë kreu i qeverisë.

Por siç shihet në pamje, deklarata e Ramës bie poshtë, pasi shqiptarët e diasporës kanë "pushtuar" Kryeqytetin edhe pse na ndajnë disa orë nga protesta.

 Aolona automjetesh me emigrantë kanë hyrë në vend përmes pikës kufitare të Muriqanit gjatë orëve të mëngjesit të sotëm, ndërsa më pas janë ndalur në Lezhë dhe rreth tre orë para nisjes së tubimit kanë mbërritur në Tiranë.

Me thirrjet “Rama ik, Berisha ik” shqiptarët e diasporës prej disa minutash janë duke përshkuar rrugët e Tiranës. Prania e diasporës në protestë konsiderohet një mesazh solidariteti dhe mbështetjeje për protestuesit, duke treguar se jehona e pakënaqësive qytetare ka kapërcyer kufijtë e vendit dhe ka mobilizuar edhe shqiptarët që jetojnë jashtë./Dosja.al

VIDEO/ Protesta kundër Ramës, autokolona me shqiptarët e diasporës mbërrinë të Tiranë