Politike

Kuvendi/ Rama: Amnistia fiskale do të miratohet me 84 vota, do ketë një taksë! Hajdari thirrje qeverisë: Kam qenë viktimë e dhunës, merrni masa për gratë

  • Sot në 17:00 Ilir Meta zbret në bulevard, masa të rrepta nga policia
  • Rudina Hajdari thirrje qeverisë që të marrë masa për dhunën ndaj grave. Deputetja deklaroi se më herët ka qenë viktimë e dhunës. Rama deklaroi se OFL-ja ka si subjekt personat që janë dënuar nga gjykata. Krue i qeverisë: Amnistia fiskale se do të miratohet shumë shpejt me 84 vota, deklarimi do të ketë një taksë të favorshme.
    Featured image of article: Kuvendi/ Rama: Amnistia fiskale do të miratohet me 84 vota, do ketë një taksë! Hajdari thirrje qeverisë: Kam qenë viktimë e dhunës, merrni masa për gratë Rama, Manastirliu dhe Hajdari
    Përditësuar:

    TIRANË–Seanca plenare në Kuvend ka nisur që prej orës 10:00 të mëngjesit të sotëm. Në fillim të seancës deputetja Rudina Hajdari bëri deklaratën e fortë pasi u shpreh se ka qenë viktimë e dhunës. Ajo i bëri thirrje qeverisë që të marrë masa urgjente për dhunën ndaj grave.

    Ndërsa për koronavirusin ministrja e Shëndetësisë, Ogerta Manastirliu deklaroi se në Shqipëri nuk ka asnjë person të infektuar me këtë virus. Një fjalim të gjatë mbajti në Kuvend edhe kryeministri Edi Rama, ku iu bëri thirrje shqiptarëve që të mos blejnë maska, pasi nuk i mbrojnë nga koronavirusi. 

    Po kështu, Edi Rama foli edhe për OFL-në (Operacioni Forca e Ligjit), ku theksoi se ka si subjekt personat që janë dënuar nga gjykata. Rama theksoi se politikanët, gjytarët dhe prokurorët do t’i hetojnë organet e drejtësisë.Kreu i qeverisë u shpreh se nga rrjeta e OFL-së nuk shpëton askush. Nuk la pa përmendur edhe amnistinë fiskale, ku theksoi se do të miratohet shumë shpejt me 84 vota në parlament dhe nënvizoi se nuk do të ketë shans ta kthejë njeri pas për arsye politike. Ai u shpreh se deklarimi do të ketë një taksë, që do të jetë shumë e favorshme.

    Për më shumë bëhu pjesë e grupit më viral në Facebook, Dosja.al

    Në seana ka pasur edhe debate mes Taulant Ballës dhe Lefter Maliqit për  manifestim e organizuar nga President Ilir Meta, që do të nisë  sot në orën 17:00. Balla është shprehur se askush nuk do të pengojë Reformën në Drejtësi.  Meta i ka bërë thirrje popullit që të dalë në shesh në mbrojtje të Kushtetutës dhe asaj që ai quan grusht shteti. 

    (f.m/j.v/dosja.al)

    • 13:20

      Amnistia fiskale/ Rama: Do të ketë një taksë, shumë shpejt do të miratohet në Kuvend me 84 vota

      Kryeministri Edi Rama deklaroi në seancën e sotme plenare se amnistria fiskale do do të miratohet shumë shpejt me 84 vota në parlament dhe nënvizoi se nuk do të ketë shans ta kthejë njeri pas për arsye politike. Ai u shpreh se deklarimi do të ketë një taksë, që do të jetë shumë e favorshme.

      “Veprimtaria e OFL-së është e fokusuar tek ndarja me  thikë e parave të fitura nga puna, siç është paraja e emigrantëve, apo siç është paraja e shumë sipërmarrëve këtu që nuk kanë deklaruar të ardhurat dhe nga paraja e krimit. Nuk ka asnjë tolerancë nga ana e shtetit.  I ftoj të gjithë biznesmenët që të deklarojnë paratë  apo astet e tyre edhe ato që kanë jashtë shtetit, të mos bëjnë shaka me këto mosdeklarimet. Shumë shprejt ligji do të vijë në Kuvend.  Do të përjashtohen ata që i kanë të ardhurat nga krimi, amnistia do të jetë penale dhe fiskale dhe do të votohet me 84 dhe nuk do të ketë shans ta kthejë njeri pas për arsye politike.  Amnistia do të jetë me një komision, një taksë që do të jetë shumë e favorshme, sikur është në të gjitha amnistitë fiskale dhe penale për t’u përdorur përsëri për investime për njerëzit”, u shpreh Rama. 

    • 13:11

      Amnistia, Denaj: Tarifa që do të paguhet e ulët, frymëmarrje bankave për kredi

      Anila Denaj

      Ministrja e Ekonomisë dhe Financave, Anila Denaj ka deklaruar se taksa që do të paguhet për deklarimin e pasurisë në kuadër të amnistisë do të jetë e ulët. Ajo theksoi se do të bëhet një diferencë mes atyre biznezeve që punuar dhe atyre që kanë përfituar të ardhura nga veprimtari të paligjshme.

      Kjo nismë është për të gjitha bizneset që nuk kanë ngjyrim politik. Do të bëhet diferenca mes atyre që kanë punuar dhe atyre që kanë realizuar me apo pa deklarime me veprimtari të paligjshme, kjo do të jetë e mirë markuar. Do i bëjë mirë të gjithë procesit të konsultimit publik, që nuk do të jetë shumë i gjatë. Për të marrë parasysh një zhvillim ekonomik. Sektori bankar e ndjen këtë, prej janarit të 2018 në kredidhënie ka një ngërç dhe kjo do i japë frymëmarrje edhe kreditimit. Kjo nuk ka të bëjë me parti dhe në këtë proces do të donim ta shikonin të gjithë në këtë format. Kemi folur për disa shifra, është një tarifë e ulët. Jemi duke e diskutuar, do të kemi edhe mbështetjen e ekspertëve ndërkombëtarë“, u shpreh ajo.

    • 12:30

      Manifestimi i Metës/ Balla: Beslikja nuk mund të pengojë Reformën në Drejtësi, është udhërrëfyesi jonë për në BE

      Kreu i Grupit Parlamentar të Partisë Socialiste, Taulant Balla ka deklaruar se çdo lloj proteste apo manifestimi i organizuar nga Presidenti Ilir Meta nuk mund të pengojë Reformën në Drejtësi.

      “Prandaj edhe e beslikja me republikën e saj janë sot për të penguar çdo hap të Reformës në Drejtësi. Çdo lloj protreste manifestimi kundër Reformës në Drejtësi,as ka për t’ja arritur ndonjëherë të pengojë këtë angazhim. Të jenë të sigurit dhe për ndonjë që vjen dhe flet si zëdhënësi Likes, apo shangist,apo boksier, apo edhe gjyshja e mikut tim, Bes Kallaku nuk e dinë fare se çfarë është reforma në Drejtësi. Ky është udhërrëfyesi jonë për Bashkimin Europian.”, u shpreh Taulant Balla.

    • 11:54

      Rama: OFL-ja nuk ka subjekt hetimi gjyqtarët, prokurorët apo politikanët, por personat e dënuar

      Kryeministri Edi Rama ka deklaruar në Kuvend  se OFL-ja (Operacioni Forca e Ligjit) ka si subjekt personat që janë dënuar nga gjykata. Rama theksoi se politikanët, gjytarët dhe prokurorët do t’i hetojnë organet e drejtësisë. Ai nënvzoi se emigrantët dhe biznesmenët shqiptarë, të gjitha asetet dhe pasuritë e tyre që i kanë vënë nga puna duhet t’i deklarojnë pasi ligji për amnistinë do të vijë shumë shpejt në Kuvend.

      Janë të paamnistuesshme të ardhurat e gjyqtarëve, politikanëve apo prokurorwve pasi ata nuk janw të dënuar. Paratë apo kategoritë e këyre personave që janë subjekt i deklarimeve nuk mund të justifikohen. OFJ-ja ka objekt të ofensivës së vet personat që e kanë kryer procesin gjyqësor, pra që janë dënuar. Ndërkohë që politikanët dhe gjyqtarët kanë deklaruar pasuritë dhe i takon institucioneve që të hetojnë. Do fillojë nga puna SPAK, siç është edhe puna e Vettingut që ka skualifikuar shumë zyrtarë. Gjytarët dhe Prokurorët do të përgjigjen para organeve të drejtësisë për pasuritë e tyre. OFL-ja është një operacion policor dhe nuk mund të zbatohet për politikanët dhe gjyqtarët apo prokurorët që nuk janë dënuar. Veprimtaria e OFL-së është e fokusuar tek ndarja me thikë e parave të fitura nga puna, siç është paraja e emigrantëve, apo siç është paraja e shumë sipërmareësve këtu që nuk kanë deklaruar të ardhurat dhe nga paraja e krimit. Nuk ka asnjë tolerancë nga ana e shtetit.  I ftoj t¡ gjithë biznesmenët që të deklarojnë paratëa po astet e tyre edhe ato që kanë jashtë shtetit, të mos bëjnë shaka me këto mosdeklarimet. Shumë shprejt ligji do të vijë në Kuvend., u shpreh Rama. 

    • 11:54

      “420 euro nëse doni të punoni në rindërtim”/ Rama: Kemi hapur kufijtë dhe për të huajt. Nga rrjeta e OFL nuk shpëton askush

      Kryeministri Edi Rama në seancën e sotme plenare tha se qeveria do të imponojë kompanitë e ndërtimit që të paguajnë punonjësit me një pagë mesatare që është, rreth 420 euro, bashkangjitur dhe me siguracionet. Ndër të tjera Rama foli edhe për institucionet e reja të Drejtësisë, ku tha se janë në rrugën e duhur dhe se askush nuk do të shpëtojë nga rrjeta e OFL-së. Rama tha nga foltorja e kuvendit se ato pasuri që nuk kanë bazë, do të sekuestrohen menjeherë nga OFL-ja.

      Pjesë nga fjala e Edi Ramës: 

      Ne jemi të përgatitur të kryejmë trajnime, por nga ana tjetër jemi të sfiduar nga fakti se kemi ankesa se s’kemi punë. Por do të shtojmë vendet e punës. Kemi nevojë për punë me krahë. Dua të bëj me dije se qeveria do të imponojë që komapnia të vendosë një pagë mesatare. Do të negociojmë me kompanitë, asnjeherë nuk do të pranojmë që kompanitë të paguajnë me pagën minimale që është sot, por me pagën mesatare që është sot dhe me të gjitha sigurimet. Paga për ata që do përfshihen në ndërtim, do të jetë rreth 420 euro. Ne do të hapim dhe rrugën për ardhjen e punonjësve të huaj.Kjo është një sfidë e madhe  e gjithë Europës, ne kemi mundësinë që të kemi punonjës nga jashtë në të gjithë sektorët, ku vuajnë për mungesë të krahut të punës, pasi refuzojnë një punë të tillë se shumica duan punë në shtet. Puna në shtet iu është lënë studentëve ekselentë, ose atyre që vijnë nga eksperienca të tjera. Puna në shtet që vjen nga miqtë apo krushqit do të ngushtohet. Procesi i rindërtimit do të hapë shumë vende pune.Vendi nuk mund të mabjë në kurriz çështjet kriminale. Për fat të mirë institucionet e reja të drejtësisë janë në rrugën e duhur. Sekuestrimet e para po trajtohen nga SPAK. Askush nuk do të shpëtojë nga rrjeta e OFL-së. Kjo ka krijuar një pasiguri që nuk ka bazë, pasi OFL nuk ka bazë tjetër, përveç atyre që janë përfshirë në krime, apo kanë asete të padeklaruara. Për të adresuar këtë pasiguri dhe për të njohur të drejtën e atyre që vijnë nga djersa e punës së ndershme,nuk i ka pritur njeri me krahë hapur, por kanë bërë lloj-lloj punësh. Emigrantët të sjellin të ardhurat e tyre në bankat e vendit tonë.

    • 11:37

      Koronavirusi/ Rama thirrje shqiptarëve: Mos harxhoni para për maska, nuk ju mbrojnë, duhet t’i përdorin të prekurit

      Kryeministri Edi Rama në seancën e sotme plenare ka deklaruar se në Shqipëri nuk ka asnjë person të infketuar me koronavirus. Ai iu bëri thirrje shqiptarëve që të mos harxhojnë para për të blerë maska pasi nuk të mbrojnë nga koronavirusi. Sipas Ramës maskat janë të dobishme vetëm për të prekurit dhe stafin mjekësor.

      “Thirrja që bën OBSH-ja dhe unë është që mos blini maska, nuk ju mbrojnë, janë të dobishme për personat e prekur dhe personelin mjekësor.Të jemi të qartë që gjithë histeria që ka përfshirë botën për të blerë maska është thjesht prishje parash. Sot Ministria e Shëndetësisë numëron 1.2 milionë maska, të cilat do të ngelen relike. Nuk kemi asnjë rast me koronavirus. 31 testime të kryera në persona me simptoma të dyshimta dhe të ngjashme me ato të koronavirusit kanë rezultuar negative. Në numrin 127 ka mjekë dhe infermierë që përgjigjen. Deri më tani asnjë rast nuk rezulton me koronavirus. 16 mijë kontrolle janë kryer në pikat kufitare. Është shumë e rëndësishme të them që mos u alarmoni nga infodemia, qëndrojini larg informacioneve jozyrtare, vendosni maskë për nurmin e klikimeve në portale, që flitet për vrasje dhe fundin e botës. Statistikat tregojnë se koronavirusi prek kryesisht të sëmurët dhe të moshuarit. Kemi filluar të angazhojmë një grup për të angazhuar 300 nxënës të shkollave profesionale në fushat e ndërtimit.”, u shpreh kryeministri Edi Rama.

    • 11:10

      Rreziku nga Koronavirusi/ Manastirliu: Kemi marrë masat për parandalimin, në Shqipëri asnjë i prekur

      Ministrja e Shëndetësisë Ogerta Manastirliu teksa foli për përhapjen e koronavirusit, nga foltorja e Kuvendit deklaroi se Shqipëria nuk ka asnjë person të prekur nga ky virus. Në fjalën e saj, Manastirliu theksoi se Ministria e Shëndetësisë ka marrë masa për parandalimin e koronavirusit, duke thënë se janë shtuar aksionet për të ndaluar situatën. Ministrja u shpreh se janë dyfishuar punonjësit në pikat kufitare.

      “Shqipëria ka marrë masa për kontrollin dhe mbrojtjen ndaj koronavirusit. Aktualisht Shqipëria nuk ka asnjë rast të prekur nga koronavirusi i ri deri në momentet që flasim. Janë 31 të testuar, që kanë rezultuar negativ sa i takon prekjes nga koronavirusi i ri. Ne kemi përforcuar aksionet tona për të ndaluar situatën. Kemi forcuar të gjitha kapacitetet laboratorike për identifikimin e koronavirusit të ri. Janë përcaktuar gjithashtu udhëzuesit si të veprojmë ndaj këtij virusi. Masat që kemi ndërmarrë janë shumë të rëndësishme, pasi shtimi i masave të higjienës personale ndalon koronavirusin e ri. Kemi dyfishuar punonjësit në pikat kufitare”, tha Manastirliu në seancën e sotme plenare.

    • 10:49

      Deklarata bombë e Rudina Hajdarit: Unë kam qenë viktimë e dhunës, të mos lejojmë që të jenë edhe fëmijët tanë

      Në seancën e sotme plenare deputetja Rudina Hajdari ka deklaruar se edhe ajo, si shumë gra shqiptare, ka qenë viktimë e dhunës. Ajo theksoi se ka qenë viktimë e dhunës kur ka qenë me e re dhe se duhet të luftohet që fëmijët tanë të mos bien  pre e dhunës. Deputetja u shpreh se edhe nëna e saj mund të ketë qenë viktimë e dhunës në kohën e komunizmit.

      Pjesë nga deklarata e Rudinës:

      “Më lejoni të prek sot dy probleme. Isha në Ballsh javën e kaluar për të folur me naftëtarët për pagat e tyre. Historia e tyre është e dhimbshme,kur ne shpesh i dëgjojmë historitë e tyre, shikojmë vetëm ca shifra. Qeveria sot nuk i ka qejf njerëzit e varfër. Naftëtari Gramozi më thoshte që shkonte çdo ditë dhe helmohej për të përpunuar naftën dhe këtë e bënte për fëmijët e tij. Naftëtarëve nuk u është siguruar paga. Një histori tjetër ishte rrëfimi i një naftëtari që tha se nuk kam lekë t’ja çoj fëmijës që kam në Tiranë, kam marrë borxh më tha. Çfarë bën sot qeveria arrogante përballë këtyre njerëzve? Këto histori janë histori të vëllezërve tanë, ndaj tyre ju keni vetëm një qasje grabiqare, ju jeni bërë miliarderë. Kjo sallë është salla e miliarderëve, si ka mundësi që ata njerëz jetojnë mbi naftë dhe nuk kanë para as për ilaçe. Ne jemi një vend me pasuri natyrore, po ndodh kjo që disa njerëz janë bërë miliardera dhe po grabisin shqiptarët. Pse naftëtarët janë akoma në grevë urie? Rama nuk e mbajti premtimin. Kemi një klasë politike që nuk i duron dot njerëzit e thjeshtë, madje sot i kanë brezdi. Ju mos e harroni asnjëherë se të gjitha këto mëkate të gjitha do të paguhen. Isha pikërisht në këtë parlament dy vite më parë, ku thashë për një gjyqtare që ishte vrarë, çfarë bëri parlamenti, asgjë. Në 2 muaj janë vrarë 7 gra. Vajzat dhe gratë dhunohen çdo ditë, më vjen keq që pas dy vjet e gjysmë, vriten gra në rrugët e Tiranës. Çfarë po bëni ju sot? A e kuptoni ju sot, që çdo grua që ju keni në krah mund të jetë dhunuar një ditë. Duhet të luftojmë për këtë fenomen. Zonja ministre duhet të kishte marrë një hap për këtë gjendje, duhet të kishte marrë masa më konkrte për këto gra. Ministri i rendit duhet të kishte marrë masa për këtë fenomen, duhet të kishte shkarkuar dikë. Historia e gruas shqiptare është historia e një gruaje që vuan gjithë jetën e saj.  Femra shqiptare vuan më shumë se çdo grua tjetër. E deklaroj edhe unë para jush se kur kam qenë më e re kam qenë pre dhe viktimë e dhunës. Jemi të gjitha viktimë e këtij fenomeni. Nëna ime patjetër mund të ketë qenë viktimë e dhunës në kohën e komunizimit. Unë kam qenë  viktimë e dhunës por fëmija im nuk dihet të jetë viktimë e dhunës. E dini pse? Unë të paktën i mora forcat  sepse jetova në një vend si SHBA ku më armatosi me të gjitha mjetet për të luftuar sot. Duhet të luftojnë gratë”,  u shpreh Hajdari. 

    Shto Koment