Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 Situatë...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
GJERMANI– Objektivi i saj është i madh: të fitojë me partinë e saj, Të Gjelbrit, zgjedhjet parlamentare të shtatorit në Gjermani. Dhe pastaj të drejtojë si kancelare Gjermaninë. Pritjet ndaj një personi që kandidon me synimin për të ripërtërirë Gjermaninë janë të mëdha, ky person pritet të jetë një model që ta ndjekin pas të tjerët.
Por në librin “Tani. Si ta ripërtërijmë vendin tonë”, të publikuar në 21 qershor, kandidates së Të Gjelbërve për kancelare, Annalena Baerbock-ut dhe ekipit të saj i kanë shpëtuar disa pakujdesi. Për to tani atë e akuzojnë për plagjiarizëm.
Një specialist austriak i mediave, Stefan Weber, lektor në Universitetin e Vjenës, që e kontrolloi librin e Baerbockut, ka publikuar pesë gabime, nga 11 sa ka gjetur deri tani në libër.
Në to autorja (apo ekipi i saj) ka kopjuar, ndër të tjera fjali nga dy gazeta gjermane (Tagesanzeiger), nga një institucion (Bundeszentrale für Politische Bildung), nga një autor amerikan (Michael T. Klare) dhe nga një revistë pa dhënë burimin, pa treguar pra që nuk janë fjali të saj. Përndryshe libri me 240 faqe i Baerbockut përmban teza politike të Të Gjelbërve, të cilat Baerbocku i shoqëron me përjetime personale të saj.
Libri i Annalena Baerbock
Në muajt e fundit, kandidates për kancelare të Të Gjelbërve i është dashur të saktësojë edhe biografinë: në të ajo kishte të dhëna të pasakta, apo zmadhime, siç thonë kritikët. Veç kësaj, Annalena Baerbock-ut iu desh të kërkonte falje edhe për harresën për të deklaruar para shtesë, të marra si deputete.
Sa të rënda janë rastet e kopjimeve?
Disa juristë thonë se fjalitë e kopjuara nuk janë temë për ta, nga pikëpamja juridike. Për ta nuk kemi shkelje të të drejtave të autorit. Arsyeja është se një libër tematik popullarizues, siç është libri i Baerbock-ut, nuk duhet të plotësojë kriteret e rrepta të një libri shkencor. Ai mund të botohet edhe pa shënime, të cilat tregojnë se ku janë marrë informacionet. Një pjesë e fjalive, për të cilën e akuzojnë Baerbockun, janë tashmë pjesë e dijes së përgjithshme në dispozicion të publikut. Pra janë fakte të njohura.
Juristë të tjerë thonë se edhe në publikime jo shkencore është mirë të ruhet parimi i citimit të burimit. Gazeta konservatore “Frankfurter Allgemeine Zeitung” shkruan për fyerje të dinjitetit në botime nga kandidatja e Gjelbër për kancelare.
Por pesha e pakujdesive që i kanë shpëtuar Annalena Baerbockut është më e madhe politikisht. Analistë në media thonë se fakti që ajo paraqet si të sajat mendime të të tjerëve, shtron pyetjen nëse ajo ndjen nevojën të paraqitet më e mirë se është në të vërtetë. Edhe biografinë e publikuar në internet asaj iu desh ta saktësojë. A është kandidatja e Gjelbër për kancelare ajo politikane e palodhur dhe perfeksioniste, siç e paraqet partia e saj, pyesin vëzhgues.
Këto pakujdesi kanë bërë edhe që të bjerë rrufeshëm numri i atyre që e konsiderojnë Baerbockun të aftë për postin e kancelares: në maj ishin 43 përqind e gjermanëve, ndërsa në qershor janë vetëm 26 përqind (sipas barometrit mujor të televizionit publik ZDF). I tillë është ndëshkimi i opinionit në Gjermani, kur mendon se është në pikëpyetje besueshmëria e një politikani.
Pakuptim për pakujdesitë e kandidates së Gjelbër për kancelare
Pakujdesitë që i kanë shpëtuar kandidates për kancelare të Të Gjelbërve mund të qenë shmangur plotësisht. Ajo ka angazhuar një ekip të madh këshilltarësh dhe ka qenë e përgatitur që fushata elektorale do të ashpërsohej.
Njëkohësisht, në plan kombëtar, me shpalljen si kandidate për kancelare, Baerbocku është vënë për herë të parë nën një dritë të pamëshirshme të prozhektorëve të mediave. Kjo megjithëse ajo njihet më gjerë që kur u zgjodh bashkëkryetare e Të Gjelbërve, në vitin 2018.
Nuk është për t’u çuditur që konkurentët politikë, si CSU-ja bavareze e shfrytëzoi këtë rast. Sekretari i përgjithshëm CSU, Markus Blume, tha se “mashtrimi i qëllimshëm…zmadhimi i punës vetjake është me sa duket sistem i Annalena Baerbockut…”
Kurse Të Gjelbrit thonë se këtu kemi një fushatë, me të cilën synohet “diskreditimi”, “shkatërrimi i reputacionit” të kandidates së tyre. Por problemi është se diçka, nga të gjitha këto, te njerëzit mbetet.
A duhet konsideruar Baerbock kartë e djegur?
Të Gjelbrit po paguajnë çmim të ndjeshëm politik për pakujdesitë, të zmadhuara nga kundërshtarët, por ekzistente, në biografi dhe në librin e kandidates së tyre. Mbështetja për ta në sondazhe që nga marsi ka rënë ndjeshëm, në 20 përqind mbështetje që nga marsi, kurse CDU/CSU është ngjitur në 28-30 përqind (sipas instituteve demoskopike Forsa dhe ARD-së). Kjo kur për një periudhë kohe Të Gjelbrit prinin para konservatorëve. Njëkohësisht është rritur edhe mbështetja në sondazhe për kandidatin konservator për kancelar, Armin Laschet: aktualisht atë e mbështesin për kancelar 43 përqind e gjermanëve.
Megjithatë deri në zgjedhjet parlamentare të 27 shtatorit ka edhe tre muaj, në të cilat mund të ndodhin shumë gjëra. Baerbocku vetë është dëmtuar, por jo eleminuar. Dhe mbështetja për Të Gjelbrit nuk erdhi me mbështetjen – fillimisht të jashtëzakonshme- për kandidaten e tyre për kancelare. Mbështetja për Të Gjelbrit ka qenë konstante dhe ka ardhur duke u zgjeruar vitet e fundit në Gjermani.
Edhe sikur të mos forcohen më, ka shumë gjasa që Të Gjelbrit të jenë njëri nga dy partnerët në qeverinë e ardhshme gjermane, krahas konservatorëve të CDU/CSU-së, që janë forcuar sërish. Përsa u përket shifrave, i mundshëm është edhe një koalicion midis konservatorëve, socialdemokratëve dhe liberalëve të FDP. Por ky nuk është një koalicion shumë i preferuar, sepse socialdemokratët janë prej disa mandatesh në koalicion me konservatorët.
Marrë nga DW
Iftar dhe politikë, a u prek Muaji i Ramazanit nga politikanët?
KOSOVË– Ministria e Shëndetësisë së Kosovës ka bërë me dije se në 24 orët e fundit janë shënuar dy viktima dhe 17 raste pozitivë me Covid-19. Në njof...
OHËR– Kreu i Bosnjë dhe Hercegovinës, Zoran Tegeltija ka dalë pro mini-shengenit gjatë fjalës së tij në Forumin e Prespës. Ai vuri në dukje se i “Mini Sche...
OHËR– Kryeministri Zoran Zaev ka shprehur zhgënjimin e tij, se Bashkimi Evropian nuk e caktoi konferencën e parë ndërqeveritare për hapjen e negociat...
OHËR– Zëvëndës ndihmës sekretari për Europën në Departamentin Amerikan të Shtetit, Philip T. Reeker ka shprehur mbështetje duke pohuar se SHBA-ja e përkrah...
ITALI– ‘5 Yjet’ e cila është partia politike, e themeluar në Milano në 4 tetor 2009 është drejt përçarjes.Ndërmjetësit për të mos lejuar këtë veprim, nga...
OHER- Kryeministri i Kosovës, Albin Kurti gjatë fjalës së tij në Samitin e Prespës doli kundër “minishengenit rajonal”. Kurti e cilësoi si një ide pa vizion për...
PRESPË– Kryetari i Partisë “Bashkimi Demokratik për Integrim”, Ali Ahmeti ka publikuar foto nga takimi që ka pasur sot me kryeministrin Edi Rama. Krahas fo...
GREQI– Humbja e turistes Violet Gigano rezultoi një tragjedi. Ajo u gjet e vdekur në rrugë nga disa persona. Ajo u gjet e vdekur në plazhin e Krios, aty ku park...
Deutsche Welle: Ai ka lindur në Prizren. Fakultetin e shkencave politike në Beograd e ka mbaruar si studenti më i mirë i brezit të tij, por në vitin 1990 Ivica ...
Gjatë takimeve që pati me presidenten Vjosa Osmani dhe kryeministrin, Albin Kurti Sekretari i Përgjithshëm i NATO-s, Jens Stoltenberg deklaroi se autoritetet ko...
