Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
L. jeton në një fshat të Shqipërisë. Dy vite më parë, kur ishte 15 vjeç, ajo ishte shumë e dashuruar me një bashkëmoshatar, shok të klasës. Për disa muaj ata ishin në një marrëdhënie romantike sëbashku dhe në një moment kryen marrëdhënie seksuale.
“Nuk e dija që ky do të ishte makthi i jetës sime. Djali filmoi gjithçka. Vetëm disa kohë më vonë filloi të më kërcënonte, se me këto materiale më kishte në dorë dhe se mund të më përdorte. Vetëm një javë më vonë krëkoi që ta takoja sërish. Ishte një tmerr, që nuk do ta harroj gjatë gjithë jetës sime. Atje gjeta disa djem, të cilët pasi më tregonin videon nisën të më rrahin dhe dhunojnë në të gjithë format”, rrëfen L. Ajo shton se pavarësisht frikës, vendosi t’i denoncojë, duke mos pasur rrugë tjetër.
Edhe historia e M., një vajze 14-vjeçare nga Kamza është e ngjashme.
“Shkoja shpesh në shtëpinë e shoqes sime të ngushtë. Vëllai i saj, katër vjet më i madh se ne, shpesh vinte na kontrollonte dhe donte të dinte edhe bisedat që bënim me njëra-tjetrën. Një ditë, kur unë vendosa të fle në shtëpinë e shoqes sime ndodhi ngjarja më e rëndë e jetës sime. Vëllai i saj më përdhunoi në një moment që shoqja ime nuk ishte aty. Kisha frikë t’i tregoja shoqes sime, kisha turp nga prindërit e mi. Ndërkohë që ai më kërcënonte se nëse e denoncoja në polici do ta pësoja më keq, sepse ai kishte të njohur në rajonin e policisë”, thotë vajza.
Rastet e L. dhe M. janë vetëm disa nga abuzimet seksuale të vajzave adoleshente.
Sipas një raporti të ditëve të fundit të Barnahus, Child & Youth Policy Hub dhe CRCA Shqipëri, “varfëria është një ndër shkaqet kryesore që nxit krimet dhe dhunën seksuale kundër fëmijëve në Shqipëri!”
Në raport theksohet se numri më i madh i krimeve seksuale ndaj fëmijëve janë kryer nga bashkëmoshatarët e tyre dhe 32% e dhunuesve të fëmijëve që i përkasin grup-moshës nga 14-24 vjeç.
Rreth 41 % e abuzuesve e kanë kryer krimin e dhunës seksuale në grup me mbi 4 persona.
Grupmosha 10-14 vjeç është më e prekura nga krimet seksuale me 44% të rasteve të raportuara, e ndjekur nga grupmosha 15-18 vjeç që ze 36 % të rasteve.
Raporti thekson se 55 % e fëmijëve që i kanë mbijetuar dhunës seksuale jetojnë në kushte tepër të vështira ekonomike dhe rreth 42 % e tyre jetojnë në banesa të papërshtatshme për jetesë.
Gati gjysma e rasteve të dhunës seksuale ndodhën në Jug të vendit
Jugu i Shqipërisë renditet në vendin e parë përsa i përket raportimit të rasteve të dhunës seksuale ndaj fëmijëve me 50 % të rasteve të raportuara, e ndjekur nga Shqipëria e Mesme me 42 % të rasteve, ndërsa Veriu i vendit me 8 % të tyre.
Raporti “Analiza e sistemit të mbrojtjes fëmijëve bazuar në rastet e abuzimit seksual të fëmijëve” është raporti i parë, që përgatitet në këtë fushë specifike të mbrojtjes të të drejtave të fëmijëve, ndaj të dhënat e tij paraqesin një rëndësi të veçantë, si për politikë-bërësit ashtu edhe për organizatat e fëmijëve.
Analiza e raportit bazohet në studimin e detajuar të 36 rasteve të dhunës dhe shfrytëzimit seksual të ushtruar ndaj fëmijëve, të trajtuara nga Barnahus Shqipëri përgjatë viteve 2019-2020. Studimi ndalet dhe analizon sistemin e mbrojtjes së fëmijëve, referimin dhe trajtimin e rasteve të abuzimit seksual ndaj fëmijëve.
Rezultatet e tij janë edhe një kambanë alarmi, jo vetëm për opinionin publik në vend, por sidomos për institucionet që përfaqësojnë arsimin, mbrojtjen sociale, rendin, drejtësinë, dhe politikën në tërësi.
“Realiteti me të cilën përballen fëmijet e dhunuar seksualisht, shpesh është një realitet i papranueshëm! Ne jemi përgjegjës jo vetëm për arsimimin e fëmijëve, por edhe rritjen e tyre në një shoqëri të sigurtë dhe pa dhunë! Të dhënat tregojnë të kundërtën. Jo vetëm sistemi i mbrojtjes së fëmijëve, por në tërësi të gjitha sistemet, përfshi edhe shoqërinë dhe familjen, janë të papërgatitura për të mbrojtur fëmijët nga dhuna seksuale. Sidoqoftë asnjëherë nuk është vonë për t’i shpallur luftë dhunës seksuale në të gjitha aspektet!”, shprehet drejtori i CRCA/ECPAT Shqipëri, Altin Hazizaj, duke nënvizuar rëndësinë e madhe, që këto të dhëna krijojnë në përmirësimin e sistemit të mbrojtjes së fëmijëve dhe përgjigjes së koordinuar institucionale që duhet t’i jepet këtij fenomeni të rëndë.
Gjetjet dhe rekomandimet e raportit dy-vjeçar u bënë publike në një takim konsultues midis përfaqësuesve të insititucionve publike si policia, prokuroria, deputetë, organizata të shoqërisë civile dhe partnerëve ndërkombëtarë.
“Dy vitet e ardhshme do të jenë shumë të rëndësishme në luftën kundër abuzimit seksual të fëmijëve – thotë Klaudio Pulaha, bashkëautor i raportit, nga Barnahus Albania – në drejtim të prezantimit dhe vendosjes së standardeve të reja, politikave, ligjeve dhe masave për mbrojtjen e fëmijët nga abuzimi seksual. Raporti ofron një bazë të mirë për t’a filluar një ndryshim të tillë.”
Abuzimi seksual i fëmijëve në Shqipëri mbetet një ndër krimet më pak të raportuara. Studimet tregojnë se 1 në 10 fëmijë është viktimë e abuzimit seksual. Numri i fëmijëve që bien viktima të abuzimit dhe të shfrytëzimit seksual rritet me moshën e fëmijës. Vetëm dy vjet më parë Shqipëria hapi shërbimin e parë (Barnahus Albania) në mbështetje të fëmijëve dhe adoleshentëve, që i kanë mbijetuar dhunës seksuale.
Marrë nga GazetaSi
1 vit nga zgjedhjet e 25 prillit si e shikoni gjendjen e vendit:
GREQI– Mediat greke kanë publikuar foto të 45-vjeçarit shqiptar që u kap të premten gjatë natës në makinë me Alket Rizain në Lamia. ‘Taqi shqiptar’...
TIRANË– Detaje të reja kanë dalë në dritë nga dosja e infermieres Ronida Hysa e cila i vodhi portofolin pacientit që humbi jetën nga Covid si dhe i tërhoqi...
TIRANË– Zhdukja e biznesmenit italian Davide Pecorellin vazhdon të mbetet në fokusin e ekspertëve shqiptarë dhe ato italianë. Deri më tani janë marrë...
Në Institutin e Shëndetit Publik, në Tiranë, mbërritën të hënën në mbrëmje, (01,02) nga Aeroporti Ndërkombëtar “Nënë Tereza”, 1 mijë e 170 vaksina e para ...
TIRANË– Sipas IGJEUM jemi në ditët e fundit me shi. Instituti i Gjeoshkecës bën të ditur se nivelet dhe prurjet e ujit në Liqenin e Shkodrës dhe Lumin Buna...
TIRANË– Sinoptikania Adiola Bani ka sqaruar se reshjet e shiut për këtë javë do të marrin fund ditën e sotme. Në një intervistë për “Wake Up”, u shpr...
TIRANË– Ajdin Morina, është 29-vjeçari nga Gjakova i cili u akuzua për përndjekjen e moderatores së njohur Luana Vjollcës. I riu ishte i fiksuar pas...
VLORË-Shkolla jo publike në qytetin e Vlorës “Fan Noli” është mbyllur ditën e sotme nga ISHSH. Bëhet e ditur se 5 mësues kanë rezultuar pozitiv me Covid-19...
TIRANË– Një 45-vjeçar është shpallur në kërkim pasi ka abuzuar seksualisht me një të mitur i cili ishte i afërm i tij. Burimet bëjnë me dije se 45-v...
ITALI– Zhdukja e italianit Davide Pecorellit në Shqipëri vijon të mbetet mister për mediat italiane. Sipas tyre pista e vetëvrasjes tashmë ka rënë pasi një miku...
