Diaspora

KQZ-ja publikon rezultatin përfundimtar të zgjedhjeve/ LVV-ja shpallet fituese me mbi 438 mijë vota, arrin 58 deputetë, Vjosa Osmani “shkruan historinë”, shpallet personi më i votuar

Sipas Gazeta Express, lajmi është konfirmuar nga kryetarja e Komisionit Qendror të Zgjedhjeve (KQZ), Valdete Daka, e cila ka thënë se fituese e zgjedhjeve është Lëvizja Vetëvendosje me 438 mijë e 334 vota.
Featured image of article: KQZ-ja publikon rezultatin përfundimtar të zgjedhjeve/ LVV-ja shpallet fituese me mbi 438 mijë vota, arrin 58 deputetë, Vjosa Osmani “shkruan historinë”, shpallet personi më i votuar Foto ilustruese
Përditësuar:

KOSOVË- Lëvizja Vetëvendosje shpallet fituese e zgjedhjeve. Sipas Gazeta Express, lajmi është konfirmuar nga kryetarja e Komisionit Qendror të Zgjedhjeve (KQZ), Valdete Daka, e cila ka thënë se fituese e zgjedhjeve është Lëvizja Vetëvendosje me 438 mijë e 334 vota.

Ndërkohë e dyta ka dalë, Partia Demokratike e Kosovës me 148 mijë e 296 vota dhe e treta ka dalë Lidhja Demokratike e Kosovës me 110 mijë 978 vota.

Po ashtu është bërë publike dhe lisa e deputetëve që kanë marrë partitë. LVV-ja që është shpallur dhe fituese e zgjedhjeve ka marrë 58 deputet. Ndërsa, më e votuara në këtë listë është Vjosa Osmani që ka marrë mbi 300 mijë vota, ndërsa pas saj renditet Glauk Konjufca.

Më pas, PDK-ja ka arritur të marrë 19 deputet, LDK-ja 15 deputet. Ndërsa AKK-ja 8 deputet dhe Lista Serbe 10 deputet.

Çfarë ndodhi në 14 shkurt?

Për më shumë bëhu pjesë e grupit më viral në Facebook, Dosja.al

Më 14 shkurt, ditë që përkoi edhe me Shën Valentinin, qytetarët e Kosovës por edhe ata që jetojnë jashtë vendit zgjodhën me votë emrat që do të jenë pjesë e parlamentit të ri. Në zgjedhjet në Kosovë garuan 28 subjekte politike për 120 vende në parlament. Në zgjedhjet e jashtëzakonshme parlamentare të 14 shkurtit, të drejtë vote kishin 1.794.862 qytetarë. Pjesëmarrja në votime ishte 46.90 %, më shumë se në vitin 2019.

Zgjedhjet e Kosovës spikatën kësaj here pasi partitë politike garuan me emra konkretë për postin e kryeministrit, i cili zgjidhet më pas nga Kuvendi. VV kishte Albin Kurtin si kandidat për kryeministër, i cili nuk u lejua të garonte nga KQZ-ja për shkak të problemeve me ligjin. LDK garoi me kryeministrin në detyrë, Avdullah Hotin dhe PDK me Enver Hoxhajn. Synimet janë të forta edhe për postin e presidentit.

Vjosa Osmani është emri i Vetëvendosjes, ndërsa edhe Ramush Haradinaj ka të njëjtën dëshirë për tu emëruar president. Presidenti i ri do të zgjidhet nga parlamenti dhe për zgjedhjen e presidentit në Kosovë duhen 2/3 e deputetëve në sallë dhe zgjedhja mund të arrihet në tri raunde, që në rast se dështojnë atëherë vendi kalon menjëherë në zgjedhje të jashtëzakonshme. Edhe në rast se presidenti zgjidhet, VV-së i duhen 61 mandate për të krijuar qeverinë e re dhe e ka të nevojshme një parti tjetër në koalicion.

(K.a/dosja.al)

  • 17:13

    Politikania më seksi në Kosovë mbetet jashtë Kuvendit, merr vetëm 2213 vota

    Duda Baljes

    Partia Bashkimi Social Demokrat me kryetare, Duda Baljes, nuk ka mundur të futet në Kuvend, pasi ka marrë vetëm 2569 vota. Ndërkohë, sipas Gazeta Express, vetë deputetja ka marrë vetëm 2213 vota. Mësohet, se Duda Balje, ka paraqitur një ankesë në PZAP, në lidhje me rezultatin dhe ka deklaruar po ashtu do ta paraqesë dhe në Gjykatën Supreme dhe në atë Kushtetuese. Ndërkohë, në lidhje me këtë Dudës i ka dalë në mbështetje dhe 50 organizata jo qeveritare boshnjake në Kosovë, të cilat thonë se nuk pranojnë si përfaqësues ata politikanë që u zgjodhën me vota të komuniteteve të tjera.

  • 16:28

    Rezultatet përfundimtare/ Publikohen kandidatët më të votuar nga LVV-ja, PDK-ja dhe LDK-ja në Prishtinë

    Foto ilustruese

    Komisioni Qendror i Zgjedhjeve (KQZ) ka shpallur, ditën e sotme rezultatin përfundimtar të zgjedhjeve. Ndërkohë, në telegraf janë publikuar kandidatët më të votuar në Prishtinë nga LVV-ja, LDK-ja dhe PDK-ja. Kandidatët më të votuar nga LVV-ja:Vjosa Osmani 51 mijë 440 vota; Glauk Konjufca 36 mijë e 751 vota; Vasfije Krasniqi 13 mijë e 135 vota; Arben Vitia 30 mijë e 793 vota; Avni Dehari 11 mijë e 405 vota; Kandidatët më të votuar nga LDK-ja: Avdullah Hoti 11 mijë e 574 vota; Kujtim Shala 6 mijë e 850 vota; Behgjet Pacolli 3 mijë e 641 vota; Hykmete Bajrami 3 mijë e 204 vota; Anton Quni 2 mijë e 406 vota; Kandidatët më të votuar nga PDK-ja: Enver Hoxhaj 8 mijë e 420 vota; Uran Ismaili 5 mijë e 466 vota; Bedri Hamza 3 mijë e 56 vota; Memli Krasniqi 2 mijë e 983 vota; Eliza Hoxha 2 mijë e 330 vota;

     

  • 14:48

    Publikohet rezultati, votat që kanë marrë tre kandidatët për kryeministër, Kurti, Hoti dhe Hoxhaj

    Albin Kurti, Enver Hoxhaj dhe Avdullah Hoti

    Rezultati përfundimtar i zgjedhjeve është publikuar ditën e sotme, ku fitues është shpallur Lëvizja Vetëvendosje. Ndërkohë, në telegraf janë treguar votat që kanë marrë tre kandidatët për kryeministër Avdullah Hoti, Albin Kurti e Enver Hoxhaj. Në bazë të listës së Komisionit Qendror të Zgjedhjeve, rezulton se Enver Hoxhaj ka marrë 100 mijë e 518 vota. Ndërsa Avdullah Hoti ka marrë 69 mijë 640 vota. Në lidhje me fituesin e zgjedhjeve Albin Kurtin, votat llogariten ndryshe. Me vendim të Gjykatës, Kurtit nuk iu lejua t’i printe listës së kandidatëve për deputet të partisë së tij, por megjithatë nga kjo parti ishte bërë thirrje të votohet Kurti, kështu ai do të marrë po aq vota sa ka marrë edhe partia. Kjo është konfirmuar dhe nga zëdhënësi i LVV-së, Arlind Manxhuka, i cili ka thënë se Kurti ka qenë bartës i listës dhe se të gjitha votat e LVV-së i ka marr edhe ai, pra 438 mijë e 334 vota. “Albini ka qenë bartës i listës dhe kandidati ynë për kryeministër, të gjitha votat që kanë marrë VV-ja i ka marrë edhe Albin Kurti”, tha Manxhuka.

  • 13:45

    Nisma Socialdemokrate nuk arriti të kalojë pragun e zgjedhjeve, ka marrë mbi 21 mijë vota

    Fatmir Limajt,

    Nisma Socialdemokrate, me kryetar Fatmir Limajt, nuk e ka kaluar pragun zgjedhor për t’u bërë pjesë e Kuvendit të Kosovës. Sipas Gazeta Express, partia e tij mori vetëm 21 mijë e 998 vota, apo 2.50 për qind, e cila është e pamjaftueshme për të kaluar pragun zgjedhor.  Ndërkohë, në bazë të rezultateve më e votuar nga NISMA, ka dalë kreu i partisë Fatmir Limaj, duke arritur të marrë 17 mijë e 703 vota.

  • 13:28

    Publikohen emrat e 10 deputetëve nga Lista Serbe

    Disa nga deputetët e Listës Serbe

    Rezultati përfundimtar i zgjedhjeve të 14 shkurtit është shpallur ditën e sotme. Telegrafi ka publikuar emrat e deputetëve nga Lista serbe, e cila ka marrë 44.404 vota ose 5.06%.  Lista e plotë e deputetëve dhe votat e tyre;  Slavko Simiq 19,728. Igor Simiq 19,263. Miljana Nikoliq 18,348. Zoran Mojisiloviq 18,340. Ivan Todosijeviq 17,980. Verica Qeraniq 15,394. Branislav Nikoliq 14,499. Milosh Peroviq 14,392. Ljubinko Karagjiq 13,804. Jasmina Dediq 13,793.

  • 13:14

    Sigurojë vetëm 97 vota, Diellza Rexhepi është deputetja më pak e votuar nga AAK-ja

    Lista e votave

    Aleanca për Ardhmërinë e Kosovës ka arritur që t’i sigurojë 8 deputetë, në Kuvendin e Kosovës. Ndërkohë, në Gazeta Express është publikuar kandidatja për deputete më pak e votuar. Sipas rezultatit në listën e KQZ-së, deputetja më pak e votuar është Diellza Rexhepi, e cila ka marrë 97 vota në nivel të vendit. Diellza Rexhepi ka qenë deputetja më e re nga AAK-ja për deputete, ajo ka hequr dorë nga kandidimi pas gjatë zgjedhjeve, por gjithësi janë publikuar votat që ajo ka marrë në total.

  • 12:56

    U shpall personi më i votuar, votat që ka marrë Vjosa Osmani në të gjitha qytetet

    Drejtuesja e iniciativës “Guxo” dhe kandidatja e Lëvizjes Vetëvendosje për presidente, Vjosa Osmani, është shpallur personi më i votuar në historinë e zgjedhjeve në Kosovë, prej kohës që ato organizohen me lista të hapura.  Në Gazeta Express, janë publikuar vendet ku Vjosa ka marrë më shumë vota. Osmani në total ka marrë mbi 300 mijë vota, ku më shumë i ka marrë në Prishtinë, rreth 51 mijë e 440.  Më pas në radhë vjen Gjilan me 21.229 vota, Gjakovë 14.914, Mitrovicë e Jugut 16.860, Podujevë 14.988, Prizreni 21.343, Pejë 18.676 dhe Vushtrri 15.580. Lista e plotë e qyteteve ku është votuar:  Deçan: 3.830. Gjakovë: 14.914. Drenas: 3.834. Gjilan: 21.229. Dragash: 2.461. Istog: 6.725. Kaçanik: 6.319. Klinë: 4.068. Fushë Kosovë: 8.467. Kamenicë: 6.068. Mitrovicë e Jugut: 16.860. Leposaviq: 76. Lipjan: 10.598. Novobërdë: 627. Obiliq: 4.787. Rahovec: 7.931. Pejë: 18.676. Podujevë: 14.988. Prishtinë: 51.440. Prizren: 21.343. Skenderaj: 2.632. Shtime: 4.841. Shtërpcë: 553. Suharekë: 8.676. Ferizaj: 23.350. Viti: 8.595. Vushtrri: 15.580. Zubin Potok: 177. Zveçan: 96. Malishevë: 5.105. Junik: 526. Mamushë: 71. Hani i Elezit: 1.194. Graçanicë: 314. Ranillug: 12. Partesh: 1. Kllokot: 276. Mitrovica e Veriut: 692.BM139: 2.838

  • 12:26

    Deputetja Gjorgjeviç nga Iniciativa Rome është më pak e votuar, ka marrë 713 vota

    Foto ilusstuese

    Komisioni Qendror i Zgjedhjeve ka publikuar rezultatin përfundimtar të zgjedhjeve, ku fitues është shpallur Lëvizja Vetëvendosje. Ndërkohë, sipas Gazeta Express, personi më i votuar ka dalë Vjosa Osmani me 300 mijë e 788 vota. Ndërsa, personi më pak i votuar që ka arritur të bëhet deputet është Fatime Gjorgjeviç nga Iniciativa Rome. Mësohet se ajo bashkë me Fadil Gashin, të cilët janë nga e njëjta parti kanë arritur të marrin 713 vota.

     

  • 12:12

    Shpallet rezultatit përfundimtar, sa deputet ka marrë secila parti, kryeson LVV-ja me 58 ulëse

    KOSOVË-Komisioni Qendror i Zgjedhjeve (KQZ), ka publikuar rezultatin përfundimtar, ku fitues është shpallur Lëvizja Vetëvendosje. Sipas Gazeta Express, në bazë të rezultatit përfundimtar, Lëvizja Vetëvendosje, ka marrë 58 ulëse. Më pas, PDK-ja ka arritur të marrë 19 ulëse. LDK-ja 15 ulëse.  Ndërsa AKK-ja 8 ulëse. Kurse Lista Serbe do të marrë 10 ulëse.

     

  • 12:02

    Fitore historike, Vjosa Osmani personi më i votuar ndonjëherë në Kosovë, ka marrë mbi 300 mijë vota

    Drejtuesja e iniciativës “Guxo” dhe kandidatja e Lëvizjes Vetëvendosje për presidente, Vjosa Osmani, është zyrtarisht kanditatja më e votuar në historinë e zgjedhjeve në Kosovë që prej kur ato organizohen me lista të hapura. Osmani e cila mban pozitën e ushtrueses së detyrës së Presidentes, në zgjedhjet e 14 Shkurtit ka marrë besimin e gjithsejt 300,788 kosovarëve të cilët kanë zgjedhur numrin dy në listën e partisë që drejton Albin Kurti. Megjithatë në kohën kur mbaheshin zgjedhjet me lista të mbyllura e ku votat që merrte partia i shkonin drejtpërdrejt liderit të partisë, rekordin e njeriut më të votuar në Kosovë e mban ish-presidenti dhe themeluesi i LDK’së, Ibrahim Rugova. Në vitin 2001, Lidhja Demokratike e Kosovës kishte marrë 359 mijë e 851 vota apo 45.65 % që ishte përkthyer në 47 deputetë në Kuvendin e Kosovës. Atë kohë Rugova kishte lënë prapa Hashim Thaçin me Partinë Demokratike të Kosovës që kishte marrë 202 mijë e 622 vota dhe Ramush Haradinajn që me AAK-në kishte marrë afro 62 mijë vota. Një rekord të tillë votash Osmani e ka marrë pas përplasjeve që ka pasur me kreun e LDK-së, Isa Mustafën, dhe pas vendimit që përfundimisht t’i ndajë rrugët me partinë ku kishte nisur karrierën e saj politike. Si kandidate e LDK-së për kryeministre, Vjosa Osmani, kishte humbur zgjedhjet e 6 Tetorit përballë kandidatit të VV-së, Albin Kurti. Pavarësisht një rezultati të tillë dhe rivalitetit, të dy partitë pas disa muajsh negociata kishin arritur pajtueshmëri të qeverisin bashkë edhe falë insistimit të Vjosa Osmanit. Problemet dhe mospajtimet brenda qeverisë kishin bërë që Kurti të mos qëndronte gjatë në pushtet. LDK kishte vendosur që ta rrëzonte liderin e VV-së nga pushteti pavarësisht se brenda partisë kishte mospajtime për një gjë të tillë. Ky ishte një prej vendimeve të LDK-së që Vjosa Osmanin e vendosi përfundimisht në anën tjetër, krah Albin Kurtit. Osmani pas ndarjes nga Lidhja Demokratike e Kosovës ka krijuar listën e saj “Guxo” me të cilën ka garuar edhe në zgjedhjet e 14 Shkurtit si pjesë e listës së Vetëvendosjes.

  • 12:12

    U shpall fituese, reagon LVV-ja: Falënderoj mbështetësit jashtë dhe brenda Kosovës

    Lëvizja Vetëvendosje ka reaguar pas shpalljes së rezultatit përfundimtar të zgjedhjeve. Me anë të një postimi në Facebook, LVV-ja ka falënderuar votuesit brenda dhe jashtë vendit për mbështetjen që iu kanë dhënë. Po ashtu, postimin e kanë shoqëruar me një foto ku shkruhet se LVV-ja ka marrë 50% të votave. “Falënderojmë qytetarët e Republikës së Kosovës brenda dhe jashtë vendit për mbështetjen e jashtëzakonshme! Falenderojmë Vullnetarët për punën e madhe, Aktivistët për përpjekjet dhe angazhimin e palëkundur, dhe vëzhguesit e komisionerët, veçanërisht atyre që kanë vijuar punën edhe pas ditës së zgjedhjeve në Qendrën e numërimit. Së bashku krejt dhe drejt!,”-ka shkruar LVV-ja.

  • 11:56

    Publikohet lista/ LVV-ja merr 58 deputet, Vjosa Osmani personi më i votuar

    Kosova ka shpallur rezultatin përfundimtar të zgjedhjeve, ku fituese është Lëvizja Vetëvendosje. Ndërkohë, në Gazeta Express, është publikuar edhe lista e numrit të deputetëve që kanë marrë partitë. LVV-ja ka marrë 58 deputetë ndërsa, më e votuara në këtë listë është Vjosa Osmani.  Mësohet se ajo ka marrë mbi 300 mijë vota, ndërsa pas saj si përsoni i dytë më i votuar renditet Glauk Konjufca.  Ndërsa personi i tretë më i votuar është  Arben Vitia.

     

Shto Koment