Ndarja nga jeta e Kryepeshkopit Anastas, në Katedralen Ngjallja e Krishtit në Gjirokastër mbahen lutje për Fortlumturinë...
Vihet nën kontroll zjarri në pallatin 8-katësh në Tiranë, digjen 3 automjete të parkuara, ja çfarë dys...
"Do t’i japim Selisë së Kryegjyshatës një status të ngjashëm me Vatikanin!" Ideja për krijimin e shteti...
EMRAT/ Vrasja e Lulzim Vishës, në banesë iu gjetën armë zjarri automatike me silenciator dhe gëzhoja, arrestohet 3...
TIRANË– Partia Demokratike ka çuar në Gjykatën Kushtetuese padinë për pengimin e Komisionit “Becchetti”, duke akuzuar maxhorancën. Në një prononcim për mediat pas depozitimit të padisë, deputetja Grida Duma dhe sekretari i Përgjithshëm, Gazment Bardhi pretenduan se është pikërisht kryeministri Edi Rama, personi që i ka shkaktuar vendit 120 milionë euro dëm. Gjatë fjalës së saj, Duma pretendon se vendimi nga Gjykata e Arbitrazhit është marrë dhe se po fshihet nga kreu i qeverisë.
Konkretisht PD ka 2 kërkesa për Gjykatën Kushtetuese; Zgjidhja e mosmarrëveshjes së kompetencës ndërmjet jo më pak se një të katërtës së deputetëve dhe Kuvendit të Republikës së Shqipërisë. Deklarimin si të papajtueshëm me Kushtetutën e Republikës së Shqipërisë të vendimit të Kuvendit për mosmiratimin e ngritjes së Komisionit Hetimor Becchetti. Po ashtu, PD kërkon të hetojë veprimet dhe mosveprimet e institucioneve shtetërore dhe funksionarëve publikë që çuan në një dëm prej 120 milionë euro.
“Jemi sot në Gjykatën Kushtetuese sa i përket hapjes dhe miratimit të Komisionit Becchett-i, çështjes “Becchett-i”. Pa dyshim, fitorja e parë e Partisë Demokratike është fakti që ata treguan publikisht që nuk miratojnë dot një komision hetimor sepse janë të qartë që është një çështje e humbur. Është e qartë pse?! Sepse në dy dekada është traditë normale që nuk ka nevojë për miratimin e asnjë force politike, komisionet hetimore me ¼ e deputetëve mblidhen dhe kjo mjafton është e legjitimuar për të ngritur komisionin hetimor. Padyshim, Partia Demokratike nuk kënaqet dhe nuk mundet që të ndalojë thjeshtësisht tek një fitore publike, mediatike dhe e bërë pasi është bërë fare e qartë se Rama ka frikë të hetojë sepse e di që është shkaktar, përgjegjës për 120 mln euro të cilat arsyeja për të cilat Komisioni Hetimor ekziston dhe duhet të ekzistojë. Megjithëse po vonohet por nuk pengohet dot plotësisht, e sigurt është që Shqipëria është e vonuar në shumë aspekte, por le të përpiqemi që të mos jetë një çështje e penguar dhe harruar. Dhe ne këtë do të bëjmë sepse 120 mln euro i Arbitrazhit Ndërkombëtar që ndëshkon Shqipërinë që ta paguajnë shqiptarët, ku shkaktar është Rama dhe keqqeverisja, për shkak të faktit të thjeshtë se politika merr hak politikisht ndaj një media, ndaj një investitori etj, etj. pra shkaktar janë ata, duke influencuar edhe tek gjykata shqiptare, të cilat në përfundim marrin vendime që ndëshkohen nga gjykatat ndërkombëtare. Kjo është çështja dhe 120 milionët ne do të luftojmë deri në fund që të mos ta paguajnë shqiptarët por ta paguajnë shkaktarët, “Rama and company”,”-tha Grida Duma.
Pyetje: Pse vendosi Partia Demokratike të vihet në lëvizje tani, ndërkohë që vendimi i zbardhur i Gjykatës së Arbitrazhit është bërë që në muajin prill?
Grida Duma: Së pari, jeta parlamentare dhe Komisioni Hetimor Parlamentar nis kur nis zyrtarisht Parlamenti dhe ne nuk mund të nisim në Prill kur jemi në Parlament në shtator. Në këto kushte kemi bërë hapat e parë të Komisionit Hetimor që në fillesën e javës së parë, të dytë, të tretë të Parlamentit. Nuk jemi të vonuar por jemi të shpejtuar. Ndoshta dikush na pyet, përse keni nisur me një axhendë kaq të ngarkuar.
Gazment Bardhi: Asokohe kur vendimi u bë publik Partia Demokratike ka depozituar një kallëzim në SPAK për përgjegjësit e kësaj afere 120 milionë Euro. Këtu bëhet fjalë për një hetim Parlamentar, për të përcaktuar përgjegjësitë administrative secilit prej zyrtarëve publikë dhe për t’i përballur ato me pasojat financiare që sjell ky vendim. Përsa i përket aksionit tonë, që në Prill kur janë publikuar faktet, kemi depozituar kallëzim penal në SPAK. Kemi ndjekur të gjitha rrugët institucionale qoftë hetimin penal, duke investuar SPAK-un, dhe sigurisht në shtator kur jemi rikthyer në Parlament kemim paraqitur kërkesën për Komision Hetimor.
Pyetje: Po me Komisionin Hetimor për Inceneratorët çfarë po ndodh?
Gazment Bardhi: Siç e dini nuk ka patur bisedime të tjera. Ne kemi depozituar kërkesën në Kuvend. Kanë kërkuar 1 javë kohë për të reflektuar mbi kërkesën dhe besoj të enjten do të jetë për votim. Shpresojmë pa surpriza në seancën e radhës parlamentare. Ne kërkojmë të hetohet afera e inceneratorëve, jo të krijojmë grup pune për mbetjet. Ato i krijon qeveria e cila nuk bën asnjë punë vetëm krijon grupe pune.
Shqipëria humbi përfundimisht gjyqin me sipërmarrësin italian Francesco Becchetti, lidhur me dëmshpërblimin e kërkuar nga ai për mbylljen e televizionit “Agon” në vitin 2015. Becchetti kishte kërkuar 650 milionë euro dëmshpërblim, por sipas vendimit të marrë në gjykatën ndërkombëtare në çështjen ‘Beccheti’ kundër Shqipërisë, vendi ynë duhet t’i paguajë 110 milionë euro biznesmenit. Opozita kërkoi ngritjen e një Komisioni Hetimor për vendimin e Arbitrazhit, por maxhoranca e rrëzoi duke pretenduar se ende nuk është marrë.
(k.m/dosja.al)
Cila mendoni se është alternativa më e mirë:
ITALI- Edhe pse numri i infeksioneve është ulur, qeveria italiane ka vendosur të zgjasë kufizimet për për personat që duan të hyjnë në vend. Medait italiane shk...
SHKODËR– Avioni që u rrëzua mesditën e katër tetorit në zonën e Kelmendit në Vermosh të Shkodrës transportonte kanabis. Tre javë pas rrëzimit të tij ...
Për autoritetet, emri i Elton Mermalit, padyshim është në vazhdën e të vrarëve që ndër vite po numërohen të ekzekutuar në Lushnjë dhe që kanë vetëm një të përba...
TIRANË– Veliaj po mban një takim me përfaqësuesit e transportit publik. Ata u shprehën se problemet që kanë po i çojnë në mosfunksionimin e tr...
TIRANË– Ilir Kumbaro ndodhet në Brazil! Gazetari Artan Hoxha tha në studion e ABC tha se kishte mësuar nga burimet e tij se Kumbaro ishte arratisur n...
TIRANË– Mbrëmjen e së shtunës u ekzekutua me armë zjarri në Fier biznesmeni Demir Backa, i cili deri më tani nuk rezulton si person me precedentë pen...
TIRANË– Gazetari Artan Hoxha ka zbardhur skemën e ekzekutimit të biznesmenit Demir Backa në Fier, i cili u qëllua për vdekje brenda makinës së tij. S...
NORVEGJI– Është publikuar momenti ku punonjësja e shtetit norvegjez largon me forcë dy vajzat e vogla të çiftit Alitcia Forsberg dhe Armend Ca...
FIER– Një sasi prej 60.4 kg kanabis është gjetur dhe sekuestruar në një stallë në fshatin Hamil të Fierit, duke sjellë në prangosjen e 7 personave dhe pro...
Erozioni i detit në Vlorë ka marrë nga viti në vit hapësirë të konsiderueshme të tokës. Një qytetar i cili jeton jashtë vendit tha se shenjat janë të dukshme, p...
