Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Një nga figurat kryesore të partisë së Merkelit, deputeti gjerman Johann David Wadephul, është vënë në qendër të vëmendjes në Tiranë. Deklarata e tij e fundit u ka dhënë krahë demokratëve, ndërsa e ka detyruar kryeministrin Rama të flasë për një mik të mirë dhe një evropian të palëkundur, por që këtë herë e ka zhgënjyer. Në fakt ajo që numri dy i grupit parlamentar të CDU-CSU-së tha një ditë më parë, mund të quhet pa frikë si një nga kërcënimet më të forta që ndonjë lider shqiptar ka marrë që prej vitit të zi ’97.
Ai e kërcënoi Ramën se nëse shkon përpara me prishjen e njëanëshme të marrëveshjes së 5 qershorit, kjo mund të shpjerë në pezullimin e negociatave me Shqipërinë. Dhe kjo deklaratë nuk vjen nga një politikan dosido. Lapsi.al ka hetuar mbi të. Johann David Wadephul është një njeri tejet i afërt i Merkelit dhe i shefes së BE, Von der Lyen me të cilën ka punuar ngushtë për hartimin e strategjisë për politikën e jashtme të koalicionit të sotëm qeverisës. Ky ish avokat nga Kieli i Gjermanisë ka qenë pjesë e CDU që përpara katër dekadash. Ai është një nga anëtarët më të zëshëm të komisionit të jashtëm të Bundestagut, ku është marrë kryesisht me vendet e lindjes së mesme, gjirin Persik, Iranin, Rusinë, Bjellorusinë dhe natyrisht Ballkanin Perendimor.
Në këtë kuadër ai ka qenë i njohur edhe në Shqipëri. Ndryshe nga kolegu i tij Krichbaum, i cili i ka artikuluar herët kritikat ndaj regjimit të Ramës dhe i cili paralajmëroi i pari kushtet ndaj vendit tonë, Johann David Wadephul, ka qenë më i ekuilibruar në gjykimin e politikës së brendshme të Shqipërisë. Ai ka qenë kundër djegies së mandateve nga opozita, duke i bërë asaj thirrje: “Mos u mbyllni përgjithmonë”. Ai ka përshëndetur disa vendime të qeverisë Rama si ai për ta hapur vendin për pritjen e refugjatëve, një lëvizje që kryeministri e ndërmori si shkelje syri ndaj Gjermanisë për të hapur negociatat. Wadephul deklaroi disa herë se Gjermania është pro Shqipërisë në këtë proces dhe se ajo po bën të gjitha përpjekjet për të bindur Francën që të mos përdorë veton e saj për hapjen e negociatave.
Pra, ky aleat i krahut të djathtë, ndonëse i përket të njëjtit spektër si PD-ja, nuk mund të konsiderohej mes kundërshtarëve të Edi Ramës në Berlin. Por pika ku ai u thye, ndodhi diku në pranverën e vitit të shkuar, kur ai kuptoi se ato që po ndodhnin, nuk ishin thjeshtë probleme të një demokracie në tranzicion, por një përpjekje e Ramës për të instaluar një regjim njëpartiak në vend. Pas çdekretimit të datës së zgjedhjeve moniste nga presidenti Meta, Wadephul deklaroi: “Zgjedhjet pa pjesëmarrjen e opozitës janë problematike në aspektin demokratik. Prandaj duhen vënë në tryezë të gjitha opsionet që u garantojnë qytetareve dhe qytetarëve mundësi të vërteta për të zgjedhur në zgjedhjet lokale. Këtu hyjnë edhe masa të jashtëzakonshme, si për shembull, shtyrja e datës së zgjedhjeve lokale. Qëllimi më i lartë duhet të jetë kthimi pa ekuivok në procedurat demokratike dhe respektimi i standardeve të shtetit të së drejtës në zgjedhje”. Ai së bashku me deputetin tjetër gjerman Christian Schmidt, ofruan ndërmjetësimin e tyre për krizën e zgjedhjeve lokale. Por Rama e refuzoi dorën e tyre të shtrirë.
Ndoshta, ky është edhe momenti i fundit që e bindi numrin dy të CDU CSU-së t’i ashpërsojë qëndrimet. Ai u bë strumbullari i marrëveshjes për reformën zgjedhore mes mazhorancës dhe opozitës, i bindur se kjo e fundit nuk mund të qëndrojë më jashtë sistemit. Kur Edi Rama provokoi rëndshëm konsensusin fraxhil të sapo arritur, duke shkatërruar Teatrin Kombëtar në kohën e gjendjes së jashtëzakonshme, reagimi i Wadephul ishte larg qëndrimeve të ekuilibruara që kishte mbajtur më parë.Ai e etiketoi këtë akt të nxituar dhe të dhunshëm, duke e shoqëruar me një pyetje retorike: “A kishin të drejtë kundërshtarët e mij politikë të parlamenteve të ndryshme, kur refuzonin hapjen e negociatave me Shqipërinë?”
Edhe deklaratat e tij të fundit pas përmbysjes që Rama po i bën marrëveshjes së 5 qershorit, nuk janë aspak të pafajshme. Duke qenë se Wadephul është njeri shumë pranë kancelares Merkel dhe tejet i dëgjueshëm prej saj për Ballkanin Perendimor, qëndrimet e tij të para një dite nuk mund të shihen të palidhura me ato që Merkel mbajti para parlamentit europian, kur e diferencoi Shqipërinë nga Maqedonia dhe para nesh vuri ndajfoljen ndoshta për mundësinë e fillimit të bisedimeve me BE. Pra kur Wadephul, thotë se negociatat mund të pezullohen, ato janë fjalë që vijnë nga një njeri i afërt i kancelares dhe i shefes se Komisionit Europian , Ursula Von der Lyen. Por mbi të gjitha, ato janë fjalë që shqiptohen nga një përfaqësues i së djathtës, që kur u afrua me Shqipërinë nuk qe aspak armiqësor me Ramën, ashtu sikurse e pranon edhe vetë kryeministri ynë, por që duke parë dhe analizuar aktet e tij, ka ndryshuar radikalisht për të mbërritur në kërcënimet që po artikulon sot.
Marrë nga Lapsi.al
1 vit nga zgjedhjet e 25 prillit si e shikoni gjendjen e vendit:
TIRANË- Kreu i Partisë Republikane, Fatmir Mediu, ka zbuluar sot prapaskenat për ndryshimet kushtetuese që po miratohen në Kuvend. Në një intervistë në Fax...
TIRANË- Presidenti Ilir Meta ka sjell në vëmendje një tjetër deklaratë të Kryeministrit Edi Rama, i cili në kohë kur ishte në opozitë shprehej se Kushtetut...
TIRANË– Kreu i Partisë Demokratike, Lulzim Basha, ka reaguar sërish në lidhje me takimin që ka zhvilluar sot me Presidentin. Në një postim në mediat social...
TIRANË- Ish-kryeministri Sali Berisha ka publikuar një denoncim në profilin e tij në Facebook, për fshehjen e rasteve me COVID-19 në Universitet. Sipas den...
TIRANË- Nënkryetari i Partisë Demokratike, Edi Paloka ka publikuar sot një video të Myslim Murrizit, ku ky i fundit pranon se kërkesën për heqjen e koalici...
KOSOVË -Ministri i Jashtëm, Gent Cakaj, ka zhvilluar një takim me kryekomunarin e Skënderajt, Bekim Jasharin dhe kryetarin e Drenasit, Ramiz Lladrovcin. Në...
TIRANË- Kryetarja e LSI, Monika Kryemadhi është shprehur sot Edi Rama nuk provokon dot më opozitën. Ajo u shpreh se partitë opozitare do të futen në zgjedh...
TIRANË- Partia Demokratike, me anë të Sekretarit të Përgjithshëm, Gamzent Bardhi, i është përgjigjur Kryeministrit Edi Rama për deklaratat e bëra sot në li...
TIRANË-Demokracia në Shqipëri është ende në tranzicion. Ky është rezultati i raportit të fundit të Freedom House. Sipas raportit, Shqipëria ka marrë vetëm ...
TIRANË -Ministrja e Shëndetësisë, Ogerta Manastirliu njoftoi ditën e sotme aktin e ri normativ të qeverisë, ku maka bëhet e detyrueshme në ambjentet e mbyl...
