Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANE– Partia Demokratike, ka reaguar pas kapjes së 2.6 ton kanabis mbrëmjen e djeshme në Podgoricë. Ish-deputeti i PD-së, Enkelejd Alibeaj në një deklaratë për mediat tha se kamioni kaloi në territorin shqiptar pa kontroll dhe sipas tij ky fakt tregon lidhje e qeverisë me krimin.
Alibeaj e quajt këtë ngjarje si një nga ” vitet e errëta 2014-2017 të qeverisë Rama kur vendi u shndërrua në plantacion gjigand droge”, ndërsa thekson se transporti i drogës ndodh para periudhave zgjedhore.
‘Qeveria e Ramës, vetëm “qimen e bardhë ka ndërruar, por zakonin nuk e ka harruar’-shprehet Alibeaj.
DEKLARATË E ENKELEJD ALIBEAJ
Media raportoi se dje, në Podgoricë, është kapur një sasi prej 2.6 ton lëndë narkotike. Kamioni së bashku me lëndën masive të drogës ka kaluar në gjithë territorin shqiptar, prej Kapshticës e deri në Han të Hotit. Pa u shqetësuar e pa i hyrë gjemb në këmbë. 2.6 ton lëndë narkotike janë kapur përtej kufirit shqiptar, në Mal të Zi. Kjo ngjarje risjell edhe një herë në kujtesën e shqiptarëve vitet e errëta 2014-2017 të qeverisë Rama kur vendi u shndërrua në plantacion gjigand droge e kur sasi të tilla masive përshkonin territorin shqiptar, vite kur policia shqiptare ishte bashkëpunëtore dhe mbështetja e këtij trafiku ishte deri në rangje qeveritare. Kjo ngjarje, e cila mbahet e fshehur nga qeveria, apo duke e kaluar me një njoftim të thatë, është provë e qartë, se qeveria e Ramës, vetëm “qimen e bardhë ka ndërruar, por zakonin nuk e ka harruar”. E njëjta papërgjeshmëri politike, i njëjti skenar bashkëpunimi me krimin, i njëjti skenar justifikues i policisë, sipas së cilës për drogën e kapur jashtë kufijve, që ishte gjeneruar apo kaluar nëpërmjet territorit shqiptar, kjo e fundit kishte kontribuar duke bashkëpunuar!
E në fakt ka edhe një rastësi tjetër: sasi të tilla çuditërisht si në atë kohë edhe tani, zbulohen para periudhave zgjedhore. Provë është fakti se lëvizjet e drejtueseve të policisë në këto ditë, nuk synojnë luftën ndaj krimit e drogës, e trafikut, por thjesht përgatitjen për mësymjen në zgjedhje! Kjo ngjarje, tregon në rastin më të mirë, se Policia e Shtetit është tërësisht e shpartalluar dhe se nuk ka kurrfarë kontrolli mbi territorin dhe mbi fenomenin kriminal të drogës që është plaga me e madhe që e ka bërë Shqipërinë të lëngojë nën qeverisjen Rama. Në rastin më të keq, atë që ka më shumë gjasë, tregon se policia është bashkëpunëtore me krimin. Rrugët, portet dhe dyert e kufijve të Shqipërisë janë të shkallmuara që droga të trafikohet në sasira kolosale. Në fakt është edhe njëra edhe tjetra. Policia e shtetit e rënë në duart e njerëzve që dallohen për bashkëpunimin me krimin dhe trafiqet, nga njëra anë e kanë shpartalluar me qellim atë, e nga ana tjetër, pasi e kanë paralizuar praktikisht, krerët e saj janë aksionerët kryesorë në trafikun e drogës. Ja pse qeveria e Ramës sot është tërësisht e refuzuar dhe pa asnjë besueshmëri për agjensitë lgjzbatuese partnere. Edhe sikur të marrim për të vërtetë versionin e Policisë së Shtetit në deklaratën e saj për shtyp, kur pohon se kamioni me ngarkesën e drogs ka hyrë nga Greqia e ka dalë në Mal të Zi, dhe se policia shqiptare nuk ka patur asnjë sinjalizim.
Në fakt, midis Greqisë, Shqipërisë dhe Malit të Zi, fatkeqësisht vendi i cili dallohet në këtë 8 vitet e fundit, në gjithë raportet ndërkombëtare si gjenerues i kanabisit, vend kultivues i tij, është Shqipëria.
Kjo është e vërteta e hidhur që Rama, i ka bërë vendit tonë, pasojat e së cilit janë duke i vuajtur shqiptarët. Kjo është një ndër arsyet se përse vendet e BE-së, qartësisht e vënë gishtin në plagë, teksa detyrohen të mos hapin dyert e integrimit. Krimi dhe trafiqet janë një nga produket e vetme “Made in Albania” të përcjella në Europë. Krime, trafiqe, pasiguri dhe strehë e ngrohtë për kriminelët është shndërruar ky vend nga Edi Rama. Ndaj, zgjidhja e vetme për shqiptarët dhe të ardhmen e Shqipërisë, është të reagojmë të gjithë së bashku me vote në 25 prill, për të larguar këtë regjim të krimit si e zeza më e madhe për ne, e që përditë e më shumë po shndërrohet si i tillë edhe për Europën. Në 25 prill, të izolojmë bandën në qeveri për të mos pranuar izolimin e vendit nga bota. Në 25 prill, të çlirohemi nga droga e nga bandat për një të ardhme europiane për vendin. Në 25 prill, të çlirojmë vendin nga krimi e t’i hapim rrugën sundimit të ligjit dhe prosperitetit.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Kryeministri Edi Rama me një vendim të Këshillit të Ministrave ka emëruar Erlis Hereni në pozicionin e drejtorit të Përgjithshëm të Agjencisë Shtet...
TIRANE– Diskutimi në lidhje me kornizat e negociatave për Shqipërinë dhe Maqedoninë e Veriut për konferencën e parë ndërqeveritare do të shtyhet për ditën e nes...
TIRANE- Kryetari i Partisë Demokratike Lulzim Basha pas takimit me drejtuesit e urdhërit të Farmacisë është shprehur se gjatë mbledhjes u diskutua në lidhje me ...
TIRANE– Deputetja Rudina Hajdari ndodhet në karantinë në banesën e saj, pasi pak ditë më parë rezultoi pozitive me koronavirus.Ajo ka treguar gjendjen shëndetës...
BALLSH– Të rinjtë e ‘Lëvizjes për Ndryshim’, të kryesuar nga Jozefina Topalli kanë qenë sot në Ballsh, në grevën e urisë që gratë naftëtare po zhvillojnë në amb...
TIRANE– Në lidhje me lajmin se kryetarja e LSI-së, Monika Kryemadhi është gjobitur ditën e sotme në Kombinat pasi nuk kishte maskë, ka reaguar partia e saj.Në n...
TIRANE– Kryeministri Edi Rama ka publikuar një video nga ndërtimi i shkollës ‘Sami Frashëri’. Rama shkruan se gjimnazi do të rilindë më i sigurtë më i madh më i...
TIRANE– Debati në lidhje me gjimnazin ‘Sami Frashëri’ ende vijon mes Partisë Demokratike dhe Socialiste.Në një reagim të fundit ish-deputetja demokrate, Jorida ...
TIRANE– Kryetarja e Lëvizjes Socialiste për Integrim, Monika Kryemadhi së bashku me Kryetaren e Lëvizjes Rinore për Integrim, Floida Kërpaçin janë gjobit...
