Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Shqipëria është një nga “top” vendet e sigurta në Evropë për tu vizituar. Vaksinimi dhe heqja e masave të ashpra në krahasim me vendet e tjera, e kanë kthyer vendin tonë në një destinacion të sigurtë, por a është njësoj edhe për shqiptarët që duan të dalin jashtë Shqipërisë? Dosja.al zhvilloi një intervistë me Alexandros Bouzis, shefin e Zyrës për Diplomacinë Publike në Ambasadën greke në Shqipëri, i cili ka shpjeguar të gjithë hapat e nevojshëm që shqiptarët duhet të plotësojnë për të ikur në Greqi me pushime ose vizita familjare. Bouzis ka folur për masat që e presin Shqipërinë pas 28 qershorit, kohë kur skadon vendimi për kalimin me kuota në kufi, ndërsa ka prezantuar edhe “Parkun Helen”. Parku Helen është hapur që prej 18 qershorit në Tiranë dhe është një vend bashkimi për të gjithë bizneset greke që operojnë në Shqipëri.
INTERVISTA E PLOTË:
Pas vendimit të BE që e rendit Shqipërinë mes vendeve që konsiderohen të sigurta, Greqia hapi kufijtë për Shqiptarët. Si mund të kalojnë në Greqi qytetarët Shqiptarë?
Greqia kishte filluar të lehtësonte masat kufizuese edhe përpara 19 qershorit. Që në datën 7 qershor kishte filluar të funksiononte përsëri pika kufitare e Mavromatit ( Qafë Bote), ndërsa më 14 qershor u rrit numri maksimal ose kuota e qytetarëve që mund të kalonin nëpërmjet pikës kufitare të Kakavies. Tashmë, nga data 19 qershor e në vazhdim, masat janë hequr dhe qytetarët Shqiptarë kanë mundësinë të udhëtojnë drejt Greqisë edhe për qëllime turistike, me kusht që:
1.Të kenë plotësuar dhe të kenë me vete formularin e vlefshëm PLF. Kërkohet një për çdo familje dhe mund të gjëndet në linkun https://travel.gov.gr
2. Të kenë përfunduar vaksinimin të paktën 14 ditë përpara dhe të kenë me vete çertifikatë vaksinimi nga një ent publik, ose të kenë me vete test negativ PCR të nxjerrë gjatë 72 orëve të fundit ose vërtetim rapid testi negativ të 48 orëve të fundit përpara mbërritjes në kufi. Si variant alternativ, mund të kenë me vete çertifikatë diagnoze pozitive Covid 19, të vlefshme për një periudhë prej dy deri nëntë muaj para mbërritjes së tyre në Greqi.
2.A e njeh Greqia vaksinën Sinovac? A ka masa kufizuese që mbeten në fuqi edhe pas 19 qershorit?
Po, Greqia e pranon vaksinën SinovacBiotech. Lista me vaksinat të cilat Greqia i pranon, ndodhet gjithashtu në linkun që iu referova më lart. Sa për kufijtë tokësorë, ka një numur maksimal hyrjesh me PLF, pra kuotash, deri në 1500 në ditë nga pika kufitare e Kakavies, një numur maksimal prej 250 PLF nga pika kufitare e Mavromatit dhe prej 400 PLF nga pika kufitare e Kristallopigjisë ( Kapshticë), por në këtë rast vetëm për punëtorë sezonalë. Po ju rikujtoj se në një PLF të vetme mund të përfshihet gjithë familja. Dëshëroj gjithashtu të theksoj se të gjitha njoftimet për çështjen në fjalë, mund t’i gjeni gjithmonë në faqen Facebook të Amabasadës sonë “Greqia në Shqipëri”.
4.Cilat janë kushtet që duhet të plotësojnë qytetarët shqiptarë që zgjedhin të udhëtojnë me avion?
Për udhëtimet drejt Greqisë me avion nuk ekzistojnë kufizime përsa i përket numrit të udhëtarëve. Sigurisht që janë në fuqi të gjitha kushtet që përmenda më lart. Mundet gjithashtu udhëtarët t’i nënshtrohen kontrolleve të rastësishme për Covid 19 nëpërmjet rapid testit, dhe ky rregull vlen për mbërritjet edhe nga kufijtë tokësorë por edhe për mbërritjet me avion.
4. Më 28 qershor ose më 1 korrik, pritet që të dale vendim i ri. A do të ketë shtim të kuotave apo dhe liberalizim të plotë të lëvizjes për qytetarët shqiptarë?
Gjithshka sa përmenda më lart vlejnë deri më 26 qershor 2021, përfshirë dhe atë datë. Nuk mund të bëhet ndonjë parashikim se si do të jetë situata në vazhdim. Ajo që unë mund të them, është se Greqia po bën përpjekje shumë të mëdha që të funksionojë në mënyrën më të mirë të mundshme, sektori shumë i rëndësishëm për ekonominë, turizmi. Por gjithmonë me busull drejtuese sigurinë, si të turistëve, ashtu dhe të popullsisë greke. Po hidhen hapa të kujdesshëm, sepse nuk duam që të shkojë dëm ajo, që me aq mund kemi arritur deri më sot. Për më tepër, Qeveria Greke filloi përpjekjet në nivel Bashkimi Europian për sanksionimin e ‘’Çertifikatës së Gjelbër Digjitale’’, me qëllim që të lehtësohet lëvizja e njerëzve në kushtet e reja që janë krijuar. Këtu duhet të theksojmë se të gjithë qytetarët Shqiptarë janë të mirëpritur që të vijnë për pushime në Greqi dhe të shijojnë edhe këtë verë, bukuritë e vendit tonë. Gjithmonë duke respektuar të gjitha masat parandaluese, në mënyrë që të ndihemi të sigurtë të gjithë.
5. Para disa ditësh u inagurua në liqenin e Farkës në Tiranë, “Parku Helen”. A mund të na flisni për këtë Park, cili është qëllimi i tij dhe si do të funksionojë për qytetarët e thjeshtë?
Më 18 qershor u bë përurimi i “Parkut Helen” në liqenin e Farkës. Është një ambient estetik dhe modern argëtimi, që synojmë të bëhet një ambient relaksimi nga i cili do të përfitojnë të gjithë banorët e Tiranës. ‘’Parku Helen’’ u ndërtua prej Ambasadës së Greqisë në Shqipëri dhe prej Bashkisë së Tiranës, me sponsorizimin e bizneseve të mëdha greke që ushtrojnë aktivitet në Shqipëri. Ai përmban dy pole qëndrorë, atë sportiv dhe atë kulturor, tek të cilët mund të organizohen evente respektivë. Sivjet kishim rastin e lumtur që të festonim njëkohësisht tre përvjetorë: 200 vjetorin e Revolucionit Grek, 50vjetorin e rivendosjes së marrëdhënieve diplomatike Greqi – Shqipëri dhe 40vjetorin e anëtarësimit të Greqisë në Bashkimin Europian. Ky Park i simbolizon të gjitha këto, por mbi të gjitha simbolizon miqësinë shekullore dhe mirëkuptimin mes popullit grek dhe popullit shqiptar. Është me rëndësi fakti se Kryetari i Bashkisë së Athinës Kostas Bakoyannis, vizitoi Tiranën për të përuruar këtë Park.
Më 20 qershor, dy ditë pas përurimit, në “Parkun Helen” u organizua për herë të parë ‘’Tiranathlon’’, aktivitet tregarëshi, për të cilin shpresojmë të sanksionohet dhe të tërheqë për vit vëmendjen në rrafsh ndërkombëtar të komunitetit sportiv, në kryeqytetin shqiptar. Garat ishin shumë të suksesshme dhe të gjithë ne që u gjendëm aty, lamë takim për qershorin e ardhshëm në të njëjtin ambient./Dosja.al
Iftar dhe politikë, a u prek Muaji i Ramazanit nga politikanët?
BERAT– Një person i identifikuar si Hazis Gjishti është vënë në pranga pasi është kapur teksa qarkullonte me armë zjarri. Ngjarja ka ndodhur ditën e sotme...
DURRËS- Një person është arrestuar ditën e sotme në Durrës, ndërsa një tjetër është shpallur në kërkim. 21-vjeçari Emiljan Uka është arrestuar në fl...
KORÇË- Një person është arrestuar ditën e sotme në Korçë, pasi është kapur duke transportuar dy emigrantë të paligjshëm. Vladimir Mataj u kap...
TIRANE– Edhe pse e përndjekur politike gjatë regjimit komunist, aktivistja Ajtanga Lubonja nuk u trajtua asnjëherë me pension special. Kërkesa e saj, iu d...
TIRANË– Ajtanga Lubonja, aktiviste dhe një qytetare e angazhuar në një sërë çështjesh sociale është ndarë sot nga jeta. Lajmi është publikuar nga fa...
TIRANË– Dosja.al ka mësuar detaje të reja në lidhje me familjen Gushi që u shua në aksidentin tragjik sot në Vlorë. Mësohet se familja Gushi jetonte ...
LUSHNJE– Një ngjarje e rëndë ndodhi paraditen e sotme rreth orës 10:35 në qytetin e Lushnjes, ku u raportua se ka humbur jetën një 58-vjeçar. Ai është id...
TIRANE– Aktivistja Edlira Çepani ka komentuar aksidentin që ndodhi paraditen e sotme në Fier-Vlorë dhe iu mori jetën 4 anëtarëve të një familjeje, mes ty...
MIRDITË- Një person është arrestuar ditën e sotme në Mirditë, ndërkohë që një tjetër është shpallur në kërkim për kultivim të lëndëve narkotike, plagosje m...
FIER- Edmond Breshani, shefi i Reaminacionit në Spitalin e Fierit ka folur për gjendjen shëndetësore të tre të rinjve nga Tirana që ishin në makinën tip Audi dh...
