Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Të pyetur nëse mund të zgjidhnin një kancelar nga ndonjë parti politike, vetëm 5 për qind përmendën emrin e Scholz. Por ky vit ka qenë i vështirë edhe për gjermanët. Çmimet e ushqimeve janë rritur me 6.1 për qind më shumë sesa në vitin 2022.
Nga Katja Hoyer “The Spectator”
“Xhuxhmaxhuxh, “hidraulik”, “mendjemadh: Olaf Scholz-it i janë vendosur shumë epitete. Por deri më tani kancelari gjermane i ka marrë me sportivitet kritikat. “Më pëlqen krahasimi me xhuxhmaxhuxhët. Ata janë të vegjël, dinakë dhe në fund fitojnë gjithmonë”- deklaroi ai për mediat gjermane. Edhe lidhja me “zanatin e nderuar të hidraulikut” e bën të ndihet “krenar”. Dhe nga të gjithë epitetet ai i “mendjemadhit” mund të mos ketë qenë më i keqi, nëse nuk ju mbarojnë përgjigjet për pyetjet që ju shtrohen përpara.
Scholz ka pasur një vit të ndërlikuar gjatë 2023-shit. Teksa krizat e njëpasnjëshme kanë përfshirë administratën e tij, pak gjermanë i besojnë sot atij se mund të ofrojë zgjidhje të qëndrueshme. Një sondazh në fillim të dhjetorit, sugjeroi se vetëm 20 për qind e votuesve janë aktualisht të kënaqur me punën e kancelarit. Ky është rezultati më i keq i regjistruar që nga fillimi i këtij sondazhi çerek shekulli më parë.
Të pyetur nëse mund të zgjidhnin një kancelar nga ndonjë parti politike, vetëm 5 për qind përmendën emrin e Scholz. Por ky vit ka qenë i vështirë edhe për gjermanët. Çmimet e ushqimeve janë rritur me 6.1 për qind më shumë sesa në vitin 2022.
Rritja e çmimeve të energjisë, ka detyruar 5.5 milionë gjermanë të thonë se nuk ishin në gjendje ta ngrohnin siç duhet shtëpinë e tyre gjatë vitit të kaluar. Në një sondazh të kryer në zonat më të varfra lindore të vendit, treçereku i të pyeturve tha se ka bërë shkurtime të shpenzimeve të tyre për artikujt e konsumit dhe për aktivitetet e kohës së lirë.
Dikush mund të argumentojë, siç ka bërë vetë Scholz, se këto probleme nuk kanë të bëjnë fare me politikën e tij. Tek e fundit, norma vjetore e inflacionit në Britani prej 4.6 për qind në tetor, ishte edhe më e lartë se 3 për qind në Gjermani, ashtu siç ishte ajo e Spanjës (3.5 për qind) dhe e Francës (4.5 për qind).
Por shumë gjermanë janë tejet të pakënaqur me mënyrën se si Scholz i ka trajtuar këto kriza. Vetëm 25 për qind e tyre mendojnë se ai është i përshtatshëm për të qenë kancelar, nga mbi 60 për qind kur e mori detyrën në dhjetorin e vitit 2021. Skandalet e fundit dhe dështimet spektakolare të qeverisë së tij, e kanë forcuar përshtypjen e publikut mbi paaftësinë e tij.
Për më tepër këtë vit, ka pasur hetime të mëtejshme mbi lidhjet e tij të dyshuara me një skemë të mashtrimit tatimor kur ai ishte kryebashkiak i Hamburgut (Scholz i mohon akuzat). Muajin e kaluar, një vendim i Gjykatës Kushtetuese e shpalli të paligjshëm kontabilitetin e administratës së tij, duke zbuluar një vrimë prej 60 miliardë eurosh në financat publike.
Por gjermanët nuk janë acaruar vetëm nga mungesa e dukshme e kompetencës së Scholz, por sepse atij nuk duket se i intereson dëshpërimi në rritje në vendin e tij. Vazhdimisht i përmbajtur, sjelljet dhe retorika e tij duken ndonjëherë si një shpërfillje e plotë ndaj realitetit.
I pyetur kohët e fundit mbi çmimet e papërballueshme të banesave për shumë të rinj gjermanë sot, ai u përgjigj me një këshillë paternaliste: “Pyetini prindërit tuaj:Me çfarë normash interesi i keni ndërtuar shtëpitë tuaja? Shumë më të larta. Në atë kohë njerëzit kursenin”.
Akuzat se të rinjve gjermanë u mungon disiplina fiskale e gjeneratave të mëparshme, nuk ka gjasa të ketë frymëzuar votues të tillë, treçereku i të cilëve sipas një sondazhi të fundit shqetësohen se nuk mund të gjejnë dot një strehim të përballueshëm. Të përballur me një kancelar që nuk do dhe nuk mund t’i zgjidhë dot problemet e tyre, gjermanët kanë nisur t’ia kthejnë shpinën Scholz-it dhe partisë së tij.
Aktualisht vetëm 15 për qind do të votonin për socialdemokratët e tij të qendrës së majtë (SPD). Një rënie prej 10 për qind nga zgjedhjet e fundit, dhe rezultati më i ulët i SPD në historinë e pasluftës. Dikush do të mendonte se një humbje kaq e madhe e besimit do të nxiste një reflektim serioz nga Scholz apo brenda SPD-së.
Në fakt nuk ka asnjë shenjë të ndonjë reflektimi të tillë kritik. Në konferencën e partisë në fillim të këtij muaji, Scholz u duartrokit gjatë nga 600 delegatët edhe përpara se të mbante fjalimin. Edhe kur e mbajti lavdëroi unitetin brenda partisë, ndërsa një bashkëdrejtues i SPD, i tha atij: “Na i ke ngrohur zemrat!”.
Një vetëkënaqësi e tillë rrezikon jo vetëm pozitën e partisë më të vjetër të Gjermanisë, por edhe stabilitetin politik të vendit. Alternative për Gjermaninë (AfD) e së djathtës ekstreme, renditet tani si partia e dytë mbi 20 për qind. Vitin e ardhshëm, ajo mund të fitojë zgjedhjet lokale në 3 lande të Gjermaninë lindore.
Dhe lëvizja e vetme e Scholz-it ndaj këtij rreziku në konferencën e partisë, ishte një referencë ndaj historisë antifashiste të SPD-së (shumë anëtarë të saj i kundërshtuan nazistët në vitet 1920-1930, duke e vënë në rrezik jetën e tyre). Por ai nuk mori asnjë përgjegjësi për humbjen e madhe të besimit tek ai dhe partia e tij, dhe as nuk sugjeroi ndonjë ndryshim kursi.
Përkundrazi, delegatëve iu tha që të transmetonin tek votuesit një mesazh “optimizmi”, duke u thënë atyre se “ne jemi në krye të vendit për ju”. Duket se Gjermaninë e pret një tjetër aluzion futbollistik, nën sloganin e preferuar dhe të shumë-përsëritur të Scholz: “Nuk do të ecësh kurrë vetëm”, një frazë kaq boshe saqë shkaktoi të qeshura kur ai e përmendi për herë të fundit në parlamentin gjerman.
Gjermanët janë zakonisht një popull i duruar kur bëhet fjalë për kancelarët e tyre të pasluftës. Që prej Luftës së Dytë Botërore, kanë qeverisur vetëm 9 kancelarë, ndër të cilët vetëm 2 prej tyre kanë shërbyer 16 vjet me radhë: Angela Merkel dhe ish-mentori i saj Helmut Kohl. Me një histori shumë shkatërruese të kaosit politik, gjermanët janë të prirur të qëndrojnë me “Djallin” që njohin.
Por mbështetja tek frika që ka publikut gjerman nga rreziqet politike, është një strategji e rrezikshme për Scholz-in dhe SPD-në për 2 vitet e mbetura të mandatit qeverisës. Ata kanë të drejtë: vërshëllima finale do të dëgjohet në vitin 2025. Por deri atëherë, shumë nga spektatorët e zemëruar të Gjermanisë mund të kenë dalë furishëm nga stadiumi.
Shënim:Katja Hoyer, është një historiane anglo-gjermane. Libri i saj i fundit titullohet “Përtej Murit: Gjermania Lindore në vitet 1949-1990”.
foto ilustruese Nga Nina L.Khrushcheva “Project Syndicate” Graham Allison i Universitetit të Harvardit, shkroi kohët e fundit se nd&...
vladimir putin Nga Andrew C.Kuchins & Chris Monday “National Interest” Vladimir Putin konfirmoi më 8 dhjetor kandidaturën e tij ...
vladimir putin Nga Mark Galeotti “The Spectator” Sot është bërë e modës të përpiqesh të identifikosh d...
Foto ilustruese Nga Ana Palacio “Project Syndicate” Viti që po lëmë pas ka qenë i mbushur me ngjarje, për ta thë...
foto ilustruese Nga Jared Malsin & Anat Peled “Wall Street Journal” Militantët e mbështetur nga Irani dhe forcat izraelite shk&e...
Joe Biden Nga Daniel Larison “Responsible Statecraft” Rekordi i politikës së jashtme të administratës Biden në SHBA p...
Nga Nicasia Picciano “Dtt-net.com” Më 24 dhjetor, në prag të Krishtlindjeve, opozita serbe tentoi që të sulmonte godin&e...
Nga Valerio Chiappaino “Il Giornale” Sulmi ushtarak i nisur nga Izraeli kundër Hamasit pas sulmit të paprecedentë të 7 tetori...
Silicon Valley SHBA- Nga Jennifer Cassidy “TRT World” Në peizazhin e sotëm të politikës globale, termi “politi...
Foto ilustruese Nga Anatol Lieven “ZNetwork” Ndërsa mbështetja publike për Ukrainën ka rënë me kalimin e koh&eum...
