Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në një analizë të Këshillit Botëror për Udhëtimin dhe Turizmin u trajtua mungesa e madhe e burimeve njërëzore në sektorin e turizmit, mungesë kjo e cila do të ndikojë në të gjitha segmentet e industrisë, duke përfshirë sektoret e fluturimit, strukturat akomoduese, restorantet, operatorët turistikë dhe organizatat e destinacionit.
TIRANË- Zhvillimi i madh që ka marrë sektori i turizmit keto vitet e fundit në Shqipëri ka theksuar nevojën për rritje të kapaciteteve të burimeve njërëzore, sidomos për të rinj të arsimuar apo kualifikuar në këtë fushë. Pavarësisht, thirrjeve në media lidhur me këtë problem, njoftimeve të vazhdueshme nga vetë bizneset, numrit në rritje të strukturave akomoduese duke përfshirë këtu edhe brandet ndërkombëtare, ky do të jetë problemi më i madh që do të shoqërojë turizmin në këtë sezon (duke mos lënë mënjane edhe cështjen e transportit të paorganizuar dhe formave të tij ende primitive).
Koha e pandemisë dhe fenomeni që u shoqërua bashkë me atë, krijoi një reflektim për punëtorët që të rivlerësojnë karrierat e tyre dhe të lëvizin në industritë tjera, por nga ana tjetër edhe industritë e akomodimit filluan të rishikonin rrugët aktuale të karrierës dhe të vlerësonin çfarë duhet të sillnin te re në sytë e punonjesve që do të hynin në këtë sektor. Qeratë e larta të banesave dhe cmimet e apartamenteve në rritje e bënin shumë të vështirë qëndrimin e të rinjve në kushtet e pagesave aktuale.
Punonjësit po kërkojnë vende pune që ofrojne pagesa më të larta, orare më fleksibël dhe mundësi për rritje të vazhdueshme në një organizatë.
Në një kurs me studentët e mi, në përfundim të degës së tyre të studimit, më thanë të bindur që në kushtet e sotme, me shpenzimet që vinin si rezultat i cmimeve në rritje, nuk do të pranonin punë me pagë më të ulët se 60.000 lekë të reja në muaj. Edhe pse një pjesë e mirë e tyre nuk kanë ende një eksperiencë, arsyet që ata jepnin dhe analizat që bënin e justifikonin pretendimin e tyre. Nga ana tjetër, paga më të larta rrjedhimisht nënkuptonte cmime më të larta. Botëkuptimi i punëdhënësit te 30 viteve te fundit kishte ndryshuar. Per pronarin e ketyre viteve kishte funksionuar koncepti qe nese punonjesi kerkonte rritje page, hi qe nga puna se ka plot te tjere qe presin te punesohen. Shumica e te rinjve keto vite e kane gjetur veten ne emigrim dhe nje pjese e mire kerkojne ende te largohen per kushte me te mire jetese.
Punëdhënësit duhet të marrin parasysh investimin që bëjnë tek një punëtor i ri, prandaj në vitet në vijim, tërheqja e talentit të duhur dhe aftësia për të mbajtur talentin duhet të jetë një prioritet i lartë, pasi kthimi i punonjësve është një problem i kushtueshëm që ndikon në shënimin e fundit të organizatës.
A trajnohen punonjësit e rinj? A ndiqet një plan motivimi për ata që të mos e mendojnë vendin e punës thjesht si të përkohshëm dhe të mos jenë efektiv?
Brezi i ri mund të jetë potencialisht i gatshëm për të plotesuar nevojat për burime njerëzore në sektorin e turizmit sot, por ka disa hapa të rëndësishëm që duhen marrë për të përgatitur ata në mënyrë efektive:
1. Arsimimi dhe Trajnimet e vazhdueshme: Është e rëndësishme të ofrohet arsimimi në fusha të ndryshme që lidhen me turizmin (gjë që eshte duke u bërë në disa institucione të larta, përmend ketu Universitetin Mesdhetar të Shqipërisë, qoftë ne nivelin bachelor dhe atë Master), si menaxhimi i hotelierisë dhe restoranteve, marketingu i turizmit, guida e udhëtimeve, etj..
2. Gjuhët e Huaja: Për shkak të natyrës ndërkombëtare të industrisë së turizmit, njohja e gjuhëve të huaja, si anglishtja, gjermanishtja, spanjishtja apo gjuha italiane, etj., është një avantazh i madh. Investimi në mësimin dhe zhvillimin e aftësive të gjuhëve të huaja është kritik për të siguruar konkurrueshmëri në tregun global të turizmit.
3. Me e rendesishmja(per menidmin tim), në vazhdimësinë e profesionit janë: Aftësitë Komunikuese dhe Fleksibiliteti: Të rinjtë duhet të kenë aftësi të shkëlqyera të komunikimit dhe të shërbimit ndaj klientëve. Trajnimi për të zhvilluar këto aftësi është i domosdoshëm për të siguruar një përvojë të mrekullueshme për turistët dhe për të ruajtur imazhin pozitiv të destinacionit.
Përmes investimeve në arsimim, trajnim, dhe zhvillim personal, brezi i ri mund të bëhet një burim i rëndësishëm i burimeve njerëzore për sektorin e turizmit, duke kontribuar në rritjen dhe suksesin e industrisë së turizmit në Shqipëri.
Duke ecur përpara me diplomimin e studentëve në fushën e turizmit, Shqipëria ka një mundësi të jashtëzakonshme për të zhvilluar tregun e turizmit.
Ky do të jetë shqetësimi kryesor me të cilin do të perballen bizneset shqiptare që operojnë në fushën e turizmit këtë sezon dhe më gjerë.
Peizazhi i larmishëm i Shqipërisë ofron një varietet të shkëlqyer të atraksioneve turistike, nga plazhet e bukura në bregdetin e Adriatikut, deri te zonat malore me parqe kombëtare, fshatra tradicionale dhe peizazhe alpine që i bëjnë të panjohur.
Duke pasur parasysh trashëgiminë natyrore dhe kulturore të pasur të Shqipërisë, turizmi ka një potencial të madh për të ndikuar në zhvillimin ekonomik dhe krijimin e vendeve të reja të punës. Në fakt, mund të ndihmojë në rikthimin e popullsisë në rajone që kanë vuajtur nga largimi i qytetarëve.
A ka Shqipëria personel të mjaftueshëm për t’i shërbyer numrit në rritje të turistëve?
Përpjekjet për të rritur pagat në sektorin e turizmit dhe për të përmirësuar kushtet e punës janë të domosdoshme për të rritur motivimin e të rinjve për të zgjedhur karrierën në këtë fushë dhe për të bërë Shqipërinë më tërheqëse për turistët. Pagat konkurruese dhe kushtet e mira të punës janë faktorë të rëndësishëm që ndikojnë në qëndrueshmërinë dhe konkurrueshmërinë e sektorit të turizmit.
Në këtë drejtim, modernizimi i menaxhimit dhe ofrimi i kushteve të mira të punës për personelin janë hapa të rëndësishëm. Një menaxhim i mirë i biznesit turistik dhe kushte të mira të punës, përfshirë mundësitë për zhvillim profesional dhe përparim në karrierë, do të ndihmojnë në rritjen e fuqisë punëtore dhe në tërheqjen e talenteve të reja në sektorin e turizmit.
Për të siguruar që kjo fuqi punëtore të qëndrojë dhe të zhvillojë kapacitetin e saj në vend, është e rëndësishme të investohet në trajnime dhe zhvillim profesional për personelin ekzistues dhe për të rinjtë që dëshirojnë të hyjnë në fushën e turizmit. Kjo do të ndihmojë në përballimin e numrit në rritje të turistëve dhe në ruajtjen e një cilësie të lartë të shërbimit në sektorin e turizmit në Shqipëri.
Mund të identifikohen disa arsye për këtë situatë:
1. Pagat e ulëta dhe çmimet e larta: Pagat e ulëta për punonjësit në sektorin e turizmit shpesh ndikon në mungesën e personelit të kualifikuar dhe të motivuar. Në të njëjtën kohë, çmimet e larta të produkteve dhe shërbimeve turistike mund të bëjnë që turistët vendas të mos ndjehen tërhequr për të vizituar vendin. Në këtë mënyrë, do të largojmë turistët vendas drejt shteteve të tjera për të tërhequr turistët e huaj. A ka pasoja kjo politikë? E ardhmja do të na e tregojë.
2.Emigracioni i të rinjve: Pamundësia për të gjetur vende pune të arsyeshme në sektorin e turizmit, që do të ofrojnë një nivel të mirë të pagave, pune e perhershme dhe jo sezonale, kushte më të mira të punës, kontrata dhe siguri në vendin e punës, detyron shumë të rinj të emigrojnë në vende të tjera për t’í gjetur këto që u mungojnë këtu. Kjo do të rezultojë dukshëm në mungesën e fuqisë punëtore në vend.
Në disa raste, bizneset në sektorin e turizmit operojnë me një model të vjetruar të menaxhimit, c’ka mund të çojë në mungesën e motivimit dhe të krijojë një ambient të punës negativ për personelin.
Përmirësimi i kapacitetit të fuqisë punëtore dhe mbajtja e tyre në Shqipëri janë sfida të rëndësishme për zhvillimin e sektorit të turizmit dhe për ekonominë në tërësi. Në një kontekst ku numri i turistëve po rritet, mungesa e një fuqie punëtore të cilësuar mund të frenojë potencialin e zhvillimit ekonomik.
Punëdhënësit duhet të angazhohen në zhvillimin e strategjive të reja dhe inovative për të siguruar që ata të kenë një forcë punëtore të talentuar dhe të aftë për të përballuar sfidat dhe rreziqet ekonomike. Kujdesi për mirëqënien e punonjësve, ofrimi i kushteve të punës fleksibël dhe krijimi i një ambienti pune të frytshëm dhe inkurajues mund të ndihmojnë në rritjen e produktivitetit dhe angazhimit të punonjësve.
Për të adresuar këto sfida në mënyrë efektive, është e rëndësishme që të zhvillojmë strategji të qëndrueshme dhe të përshtatshme për të përmirësuar sektorin e turizmit në Shqipëri. Kjo përfshin investime në arsimim dhe trajnim për fuqinë punëtore, promovimin e diversitetit në vendin e punës, përshirjen e motivimit si proces i rëndësishëm në mbajtjen e saj, si dhe bashkëpunimin e ngushtë mes sektorit privat, qeverisë dhe organizatave jo-qeveritare për të gjetur zgjidhje inovative dhe të qëndrueshme për sfidat në të ardhmen. Në këtë mënyrë, ne mund të sigurojmë një zhvillim të qëndrueshëm dhe të përparuar për funksionimin e duhur të sektorit të turizmit si burimi primar i ekonomisë.
xhevahir zhabina Kompania ‘5D Konstruksion’ është përfshirë dhe në procesin e rindërtimit. Në kohën q&e...
antoneta munçaku “Çmendet Ilir Meta”, “Tërbohet Ilir Meta”, “Shfrenon gjuhën Ilir Meta”, &ldquo...
dorian sadiku Shëndetësia është një nga zejet më komplekse dhe më të vështira të njeriut. Ajo ësht&e...
Veliaj Me se pari, nuk eshte distancuar nga gjema, madje thote qe drejtoret jane te njerez te mire qe mund te kene gabuar, pra si prove ai i ka dale ne mbr...
Foto ilustruese Nga Enver Robelli Po bie borë në Gjermani! Natyrisht, jo borë si reshje atmosferike. Fjala është për ...
Klodian Tomorri Një njeri me NIPT hap fjalë se po merr leje për një projekt ndërtimi. Mjafton vetëm kaq dhe fillon të a...
flamur vezaj Altin Dumani lexoi raportin vjetor të institucionit të SPAK-ut pranë Këshillit të Lartë të Prokurorisë...
Këshilli Shqiptar i Medias Këshilli Shqiptar i Medias e sheh me shqetësim të thellë idenë për ngritjen e një Komisi...
Ola Xama Kur korrupsioni kthehet në problem sistemik. Nga ajo që lexohet nga hetimet e Prokurorisë së Posaçme deri tani, si te &...
Nga Flamur Vezaj Kur thua “Xibraka”, mua me kujtohet ai ministri trup shkurter, i denuar tashme, qe dilte me forcat e “FNSH”-se nga m...
