Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
POGRADEC – Një qytetar nga Pogradeci ka denoncuar ditën e sotme dhunën e ushtruar ndaj tij nga disa punonjës të policisë.
Elton Muço ka treguar në emisionin Stop se ka qenë në një festë të organizuar nga Bashkia e Pogradecit në ambient publik, kur disa punonjës policie pasi e parë disa herë i kanë kërkuar që të shkojë me ta dhe të futet në furgonin e policisë. Ai thotë se aty ka nisur dhuna ndaj tij dhe se policët i shkaktuan fraktura të rënda. Kjo nuk mbaron me kaq pasi sipas Mucos pasi e shoqëruan në komisariat i nxorrën edhe shpatullën pasi i përplasën derën.
“Në datë 3 Tetor në festën e verës këtu në Pogradec ka qenë një moment që siç mblidhen të gjithë me organizimin e bashkisë për festën që bëhet çdo vit, ka ardhur në një moment duke konsumuar diçka që kemi porositur për të pirë, ka kaluar polici mbrapa meje dhe më ka tërhequr vëmendjen një kushëriri im. Në një moment është afruar patrulla policore afër meje dhe më kanë tërhequr të shkoj pak me ta. Në moment që kam ecur drejt furgonit, ju kam thënë zotëri nuk hipi në furgon, më thuaj një arsye“, tregoi ai.
Ai tha se i njeh disa prej policëve që e dhunuan. Ai përmend emrat e Kejsi Balliut edhe Emrat Dervishit dhe thotë se gjatë kohës që ishte në fugon ndaj tij janë përdorur fjalë banale por pa ju dhënë arsyeja pse po e çonin në komisariat. Ai tregon se ka kërkuar të shkojë në spital pasi i kanë nxjerrë shpatullën por policët nuk janë kënaqur me kaq dhe kanë dashur të ushtrojnë dhe më tepër dhunë duke e kërcënuar se do i thyenin dhëmbët.
“Nga ai moment kur i kam thënë më thuaj arsyen, janë kthyer me fjalë banale dhe njëri nga policët më ka goditur, pastaj më kanë goditur komplet. Njërin e njoha direkt, Kejsit Balliun edhe Emrat Dervishin, edhe gjatë rrugës, në momentin që hipi në furgon, polici përdorte fjalë banale. Kur kam zbritur në degë jam dhunuar po në të njëjtën kohë deri sa jam shoqëruar te dhoma dhe në një moment nga dhuna e kryer, për vetëmbrojtje jam munduar që të mbështetem mbrapa derës të shmang dhunën ndaj meje, në atë moment jam goditur me shkelma dhe më kanë përplasur me derën duke më nxjerrë shpatullën. Në moment që kam kërkuar spitalin, dëgjoja policët që thonin aty të vdesësh. Dikush nga këta thoshte aman më ler 5 minuta sa të hyj t’ia shkul dhëmbët”, tregon Elton Muço.
Pasi e dhunuan, Policia e Pogradecit përpiloi dokumentacionin ku shkruante se Elton Muço ishte rrëzuar nga shkallët dhe për këtë arsye kishte nxjerrë shpatullën. Eltoni nuk pranoi ta firmoste këtë proces-verbal. Por në vend të tij firmosi kushëriri i Eltonit pasi donte vetëm që të nxirrte nga komisariati dhe ta dërgonte në spital. Në këtë rast Policia e Pogradecit ka falsifikuar firmën e Elton Muços në raportin e shërbimit dhe ndalimit.
“Në momentin që kam dalë po mundoheshin të më detyronin të firmosja edhe po më mbanin dorën. Kam dalë, ka firmosur djali i tezes thjesht nga keqardhja që kishte se më ishin nxjerrë damarët e qafës. Firmosi deklaratën që bënin policët gjasme sikur i kam fajet unë dhe rrena. Unë nuk pranova. Ata shkruanin sikur unë isha gjasme i pirë dhe që rashë u pengova tek shkallët. Domethënë çfarë dëshironin ata”.
Për këtë ka reagaur dhe kushëriri i Eltonit i cili ka thënë se gjithçka ndodhi për një keqkuptim. Ai tregon se ndaj kushëririt është uhtruar dhunë dhe ka qënë në gjendje të rëndë fizike dhe psikologjike. Ai tha se ka qënë i detyryar që të firmosë që të kishte mundësi ta nxirrte kushëririn dhe ta dërgonte në spital.
“Unë jam djali i tezes së Erton Muços. Në festën e verës në Pogradec, ka ndodhur një keqkuptim midis kushëririt tim dhe Policisë së Pogradecit. Në ato momente e kanë shoqëruar për komisariat. Më pas kam vajtur unë. E shoh në gjendje tepër të rënduar, psikologjikisht, fizikisht. Ishte ushtruar dhunë ndaj tij dhe kam qënë i detyruar të firmos për ta çuar tek Spitali i Pogradecit. Arsyeja dihet, sepse ai nuk ishte më në gjendje të qëndronte atje dhe dua, që të vihet drejtësia në vend për atë”.
Mjeku ligjor i ka klasifikuar dëmtimet e Eltonit si të rënda dhe ka lëshuar raportin 9-ditor. Elton Muco tregon gjithashtu se ka pasur ndërhyrje për ta mbyllur këtë çështje dhe i janë ofruar edhe para për të mbyllur gojën. Ndërhyrja është bërë nga punonjës të tjerë të Policisë së Pogradecit, të cilët Eltoni i njeh.
“Më kanë ardhur shumë miq, më kanë ofruar si ta mbyllim këtë muhabetin. Polica janë edhe miqtë, që i kanë dërguar miqtë e tyre të brendshëm dhe më kanë ardhur në shtëpi dhe më kanë thënë po qe se mendohesh mirë na merr në telefon e na thuaj sa do dhe ta mbyllim këtë çështje. Normale që s’do pranoj, nesër-pasnesër mund t’i ndodhë dikujt tjetër”, tha ai.
Një regjistrim mes punonjësit të policisë Guxim Hamzallari dhe Eltonit, nxjerr policin që kërkon që ky incident të konsiderohet i mbyllur.
Elton Muço – Ty ç’a të thanë?
Polici, Guxim Hamzallari- Ata çunat thanë: mirë është, mos të merremi me ato, kjo është ideja, unë hyra në mes, që ti të mos kesh probleme, e ato mos të kenë probleme. Më kupto situatën! Ça mendje ke ti Erton, më thuaj mua, që mos të lozim, mos të luajmë me lojra fjalësh koti?
Elton Muço – Ju kemi shtet juve, ju duhet të na mbroni ne, jo të na rrihni!
Polici, Guxim Hamzallari– Logjika është kështu siç thua ti më, unë jam 100%.
Erton Muça– Se po ta zësh nga një anë, ti thua kështu…
Polici, Guxim Hamzallari– Jam 100% me ty.
Elton Muço – Po pra!
Polici, Guxim Hamzallari– Jo 100, po 1000% me ty.
Elton Muço – Unë, po qe ashtu..
Polici, Guxim Hamzallari- Ajo iku, u harrua, këshilla ime kjo është: takohemi me ata çunat, t’i themi të të japim një kafe, një drekë, si t’ia marri mendja atyre, që dhe unë mos të ngatërrohem fare! Mua mos më keqkupto, sepse..
Elton Muço – Kjo është për një vetë, pse t’i ndodhi atij? Më kupton?
Polici, Guxim Hamzallari– E marr vesh.
Elton Muço – Vëre veten në atë situatë!
Polici, Guxim Hamzallari- Jam 100% me ty. Iku tani, u harrua.
Çështja shkoi edhe në Prokurorinë e Pogradecit për shkak të kallzimit që bëri Eltoni në SHÇBA në Korçë. Por prokurori i çështjes, Gazment Frengu, pa hetuar vendosi mosfillimin e procedimit penal për këtë ngjarje pa i bërë të ditura arsyet.
LEXO DHE KËTË:
I nxorën shpatullën në komisariat, reagon Policia e Korçës: Pezullojmë një efektiv
(m.k/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
KORÇË – Policia e Korçës ka pezulluar një efektiv të saj nga detyra pas denoncimit të qytetarit nga Pogradeci Elton Muço në emis...
FRANCË – Me 17 kg kanabis në makinë, dënohet me 8 muaj burg shqiptari në Francë, gjobë 28 mijë euroNjë 34-vjeçar nga Tirana Antonio H. u dënua...
TIRANË – Partia Demokratike iu kundërpërgjigj ish-kryeministrit Sali Berisha, i cili akuzoi kryetarin e PD Lulzim Basha dhe Sekretarin e saj Gazment ...
TIRANË – Babai i Arbër çekajt, Selim çekaj e konsideroi inskenim arrestimin e tij dhe të birit për 49 kg kokainë që u gjetën në një kon...
SHKUP – Presidenti i Shqipërisë, Ilir Meta, në ditën e tij të dytë të vizitës zyrtare 3-ditore në Maqedoninë e Veriut, është takuar sot me liderin e BDI, Ali Ah...
POGRDEC -Tre fshatra në Progradec të njësisë administrative Udënisht janë dukë hasur prej dy ditësh mungesën e energjisë elektrike.Fshatrat që kanë probleme me ...
BRITANI E MADHE- Një shqiptar, i identifikuar si Fabio Balliu u kap brenda një ferme kanabisi në Angli, e cila kishte brenda bimë që nëse arrinin në treg kapnin...
Transmetueshmëria e lartë e variantit “Omicron” ka sjellë rritje të të infektuarve në një kohë shumë të shkurtër.Ajo që e bën shqetësuese është do te infektohen...
MAL I ZI- 400 kilogramë kokainë janë sekuestruar nga autoritetet e Malit të Zi pasditen e sotme në një magazinë brenda arkave me banane. Mësohet se droga ishte ...
TIRANË– Përplasja e 8 janarit duke se ka shënuar “kulmin e luftës” mes mbështetësve të ish-kryeministrit Sali Berisha dhe kryedemokratit Lulzim Basha...
