Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Historiani Kastriot Dervishi, ka reaguar pas pranit nga Gjykata e Tiranës, të kërkesëpadisë së bërë nga Bujar Sheshi, lidhur me vendimin e AIDSSH, sipas të cili prokurori ka qenë pjesë e ish-Sigurimit të Shtetit. (Lexo këtu)
Sipas Dervishit, duke u nisur nga provat e paraqitura nga Autoriteti i Dosjeve, vendimi i gjykatës është i drejtë.
“Gjykata Administrative e Shkallës së Parë Tiranë rrëzoi vendimin nr.12, datë 22.01.2019 të Autoritetit për Informimin mbi Dokumentet e Ish-Sigurimit të Shtetit (AIDSSH). Në vlerësimin tim, vendimi i gjykatës mbi ato prova që janë paraqitur ka qenë drejtë. Subjektit të prekur iu dha mundësia të kundërshtojë një akt administrativ, në një kohë që ai nuk duhej të dilte fare”, – shkruan ai.
Më tej Dervishi ngre një sërë pyetjesh lidhur me dosjen e agjentit të njohur me pseudonimin “Venusi”, mes të cilave është edhe ajo, nëse ka apo jo dyshime se dosja mund të jetë zhdukur kohët e fundit nga persona të interesuar në lidhje me “Venusin”.
Postimi i plotë:
Ka humbur “Venusi”?
Gjykata Administrative e Shkallës së Parë Tiranë rrëzoi vendimin nr.12, datë 22.01.2019 të Autoritetit për Informimin mbi Dokumentet e Ish-Sigurimit të Shtetit (AIDSSH). Në vlerësimin tim, vendimi i gjykatës mbi ato prova që janë paraqitur ka qenë drejtë. Subjektit të prekur iu dha mundësia të kundërshtojë një akt administrativ, në një kohë që ai nuk duhej të dilte fare. Vërtetimi i dokumenteve nuk ka nevojë për akte administrative, por për njësime me origjinalin pa asnjë interpretim. Subjekti mund të ankimonte po të kishte pretendime vetëm vërtetësinë e dokumentit nëse dyshonte se mund ishte fals. Këtë rast bëhej padi në prokurori dhe gjykohej në gjykatë fakti, por kurrsesi në atë administrative sepse ajo që është shkruar nuk diskutohet me vendime. Sipas nenit 58 të ligjit nr.9154, datë 6.11.2003 “Për arkivat”, “Punonjësit e rrjetit arkivor kombëtar shërbejnë dokumentet besnikërisht me origjinalin, pa komente ose interpretime”. Kjo dispozitë mjaft e qartë, është përplasur me disa nene të ligjit të Autoritetit (ndër nulitetet më të përkryera të legjislacionit shqiptar), i cili ka të drejtë të marrë vendime “korrigjojë” “çdo informacion që rezulton i pasaktë” (neni 6 i ligjit 45/2015).
Kërkimi për rastin në fjalë nga AIDSSH nuk ka qenë shterues, por i llojit dembel, vetëm mbi një të dhënë të drejtpërdrejtë si regjistri elektronik i agjenturës (informacion i pjesshëm ky) dhe kartela model 2. AIDSSH duke mos u thelluar në dokumente ka bërë krahasime dhe interpretime.
Me kaq sa kam parë, “Venusi” duhej të kishte dosjen personale, e cila është arkivuar dhe ka qenë pjesë e fondit operativ të MPB-së (krijuar me dosje të ardhura nga kartotekat e degëve). Ky fond u çorganizua nga gafa e vitit 1993 (marrja nga SHIK-u në kundërshtim me ligjin e arkivave e fondit) si dhe së fundi nga marmelata e vitit 2015. Nga veprimi i parë, ende fondi nuk ka vijueshmëri numrash sepse prej asaj kohe, nuk janë vënë numrat arkivorë. Fondi nuk ka një inventar unik, ekzistenca e të cilit do të bënte kthim përgjigjeje brenda një minute. Të dyja veprimet kanë dëmtuar tërësinë arkivore dhe Arkivin e MPB-së, ndërsa sot flitet nga lloj-lloj injorantësh për “arkiva sigurimi”, kur nuk ka pasur kurrë të tilla.
Në lidhje me rastin “Venusi”, referuar praktikës së bërë publike, rezulton shënimi në regjistrin e agjenturës, nr.8023, numri 2015 me dosjen nr.44907 në kartotekën e Drejtorisë së Punëve të Brendshme të Tiranës. Vetëm dosjen personale së bashkëpunëtorit “Venusi”, nr.(636 rendor i listës), me shkresën nr.4978, datë 4.7.1985, ka qenë pjesë e 910 dosjeve të dorëzuara nga Drejtoria e Punëve të Brendshme Tiranë, në Arkivin e MPB-së nëpërmjet Degës së 4-t. Unë besoj se dosja ka pasur numër arkivor. Prandaj këtë rast pyetet:
-Është verifikuar apo jo blloku i punës së operativit Jorgaq Perika?
-A përmendet subjekti me dosjen e drejtimit inteligjencie-rini?
-A citohet apo përmendet në praktikat shoqëruese Drejtori e Punëve të Brendshme Tiranë-Dega e Katërt-Arkiv i MPB-së?
-Ka qenë dosja pjesë e fondit operativ?
-Janë verifikuar të gjithë inventarët e trashëguara, ato me numra progresivë apo me numrat e vjetër të kartotekave.
-Ka apo jo dyshime se dosja mund të jetë zhdukur kohët e fundit nga persona të interesuar në lidhje me “Venusin”?
Çfarë është çështja “Venusi”
Akuzat për Bujar Sheshin u bënë nga Autoriteti i Dosjeve, ku deklaroi se prokurori ka qenë bashkëpunëtor i Sigurimit të Shtetitv kur ka qenë i ri. Menjëherë pas këtyre akuzave reagoi dhe Sheshi, i cili i mohoi akuzat dhe kallëzoi në Prokurori, Autoriteti i Dosjeve.
“Unë kam deklaruar dhe rideklaroj nën përgjegjësinë time ligjore që nuk kam qenë asnjëherë në jetën time as bashkëpunëtor dhe as anëtarë i Ish Sigurimit të Shtetit; Të gjitha faktet e pasqyruara në pikën a) të dispozitivit të vendimit janë të rreme sepse nuk përputhen dukshëm me të dhënat e administruara nga AIDSSH”, shkruhej në padinë e Sheshit.
Pas kallëzimi të bërë disa javë më parë, edhe drejtoresha e Autoritetit të Dosjeve, Gentiana Sula, reagoi duke thënë se sipas dokuementeve që ka në dispozicion ky Autoritet, Bujar Sheshi rezulton se ka qenë bashkëpunëtor i Ish-Sigurimit të Shtetit.
“Jemi të hapur për çdo hetim, procesi ka qenë i drejtë, janë marrë masat, është i dokumentuar mirë. Pretendimi mbi ngatërrimin e gjeneraliteteve? Autoriteti si organ kolegjial ka bërë verifikimet. Personi ka të drejtë e animimit. Nuk ka axhendë politike, do të bëjmë punën kështu sikur po e bëjmë”, shprehej Sula.
(B.B/ Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Jamarbër Malltezi, ish pedagog në UBT dhe njëherazi dhëndri i ish kryeministrit Berisha, ka publikuar mesazhin e një kolegu socialist, ku shkruan s...
Tiranë- Nga Athina është ekstraduar Astrit Dule, pasi është i dënuar nga Gjykata e Durrësit me 15 vjet burg për veprën penale,”Trafikim i femrave për qëllim pro...
TIRANË- Grabitja e miliona eurove në Rinas, ka hapur dhjetra pista hetimi që të çojnë tek gravbitës pa emër, apo tek viktima Admir Murataj. Por ësht...
Tiranë- UBT vendosi pro ndërtimit të shkollës 9-vjeçare brenda Korpusit Universitar. Senati i UBT-së deklaroi se shkolla është një domosdoshmëri për kom...
GREQI- Ishte fillimi i viteve ’90 kur u nis në Greqi. Me vet kishte vetëm shpresën për një punë, për të ardhura të mjaftueshme për të jetuar vetë dhe për të ndi...
SHKODËR- Ndonëse është i ndërtuar rishtaz, tregu i ri në Shkodër nuk plotëson standardet për tregtimin e peshkut dhe bulmetit.Një fakt i tillë është pohuar...
Tiranë- Studentët e Juridikut apo të gjithë ata që duan të bëhen prokurorë, gjykatës apo edhe kështillarë gjyqësor duhet të kalojnë teksin i cili ka pyetje elem...
Tiranë- UBT është tërhequr nga pengimi i ndërtimit të shkollës 9-vjeçare “Nënë Tereza” në Kodër Kamëz. Mësohet se shkolla në Kodër Kamëz do të ndërtohet...
LEZHË- Një 65-vjeçar me iniciale P.P., ka rënë në prangat e policisë pasi ka goditur një mjeke. Ngjarja ndodhi rreth orës 9 e 30 minuta të së shtune...
KORÇË– Një 20 vjeçar ka rënë në prangat e policisë në Maliq të Korçës, pasi akuzohet për posedim armësh dhe municionesh pa leje.Sipas ...
