SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
Vladimir Putin dhe Xi Jinping qëndrojnë të heshtur ndërsa Irani pret të shohë se si SHBA do të kompensojë sanksionet e Trump.
Shumica e liderëve botërorë nxituan ta përgëzojnë Joe Biden për fitoren e tij në zgjedhje, por Rusia dhe Kina, dy humbës të mundshëm nga humbja e Donald Trump, qëndruan të heshtur, mbase duke pritur që Presidenti në largim të pranonte humbjen.
Presidenti i Maldiveve, Ibrahim Mohamed Solih, mendohet të jetë i pari që e ka uruar Biden, duke postuar në Twitter mirëseardhjen brenda 24 minutave pasi rrjetet amerikane e shpallin Biden fitues. Në të kundërt, Vladimir Putin, i akuzuar për bashkëpunim në fitoren e Trump në 2016 dhe Xi Jinping kanë mbajtur një qëndrim ‘hermetik’ duke mos bërë asnjë reagim zytar.
Irani, duke vuajtur nga sanksionet e frymëzuara nga Trump dhe tani duke regjistruar gati 500 vdekje nga Covid çdo ditë, festoi rrëzimin e Trump dhe tha se SHBA tani duhet ta kompensojnë Iranin për gabimet e tij.
Presidenti i Iranit, Hassan Rouhani, i cili pritet të lërë detyrën verën e ardhshme, tha se ai do t’i japë kohë dhe do të shohë se çfarë do të bëjë Biden para se të vendosë nëse ka ndonjë ndryshim midis Trump dhe pasardhësit të tij.
Rouhani tha: “Politika dëmtuese e Trump është kundërshtuar nga populli amerikan. Administrata e ardhshme e SHBA-së duhet të përdorë mundësinë për të kompensuar gabimet e së kaluarës.”
Ministri i jashtëm i Iranit, Javad Zarif, tha se veprimet e Uashingtonit, jo fjalët, do të kenë më shumë rëndësi. Të shtunën, lideri suprem, Ajatollah Ali Khamenei, u tall me zgjedhjet e SHBA-së, duke thënë se ato ishin “një shembull i fytyrës së shëmtuar të demokracisë liberale”, e cila ka treguar “rënien e qartë politike, civile dhe morale të regjimit të SHBA”.
Tensionet gjithashtu u përhapën nga Turqia, me figura të afërta të Rexhep Tajip Erdoğan që paralajmëruan Biden të mos mbështeste Kurdët Sirianë ose të sfidonte ambiciet e gjëra të Turqisë në Lindjen e Mesme.
Zv. Presidenti turk, Fuat Oktay, tha se humbja e Trump nuk do të ndryshojë marrëdhëniet midis aleatëve të vjetër.
“Kanalet e komunikimit do të funksionojnë si më parë, por natyrisht do të ketë një periudhë tranzicioni,”- tha ai, duke shtuar që Ankaraja do të monitorojë nga afër qasjen e politikës së jashtme të Biden.
Biden dhe Turqia ka të ngjarë të kenë mospërputhje rreth mbështetjes së SHBA për YPG Siriane Kurde – parë si një gur themeli në luftën kundër Shtetit Islamik nga Demokratët, por nga turqit si një degë e grupit terrorist PKK turko-kurd. Diplomacia kaotike e Trump ka parë ndikimin në rënie të SHBA në të gjithë Lindjen e Mesme, ndërsa Turqia dhe Rusia shfaqen gjithnjë e më të gatshme për të mbushur vakumin.
Asnjë deklaratë e menjëhershme nuk erdhi nga gjykata mbretërore Saudite, e cila varet shumë nga pajisjet mbrojtëse të SHBA-së për të mbrojtur veten. E majta në partinë Demokratike dëshiron “fundin e luftrave të përhershme”, veçanërisht tërheqjen e mbështetjes së SHBA për luftën Saudite në Jemen. Sauditët gjithashtu duan t’i japin fund ndërhyrjes katastrofike për sa kohë që nuk e lënë Jemenin nën kontrollin e plotë të rebelëve Houthi.
Udhëheqësi i Izraelit, Benjamin Netanyahu, një aleat i ngushtë i Trump, i dërgoi Biden urime zyrtare pa e emëruar atë president të zgjedhur, por Izraeli do të dëshirojë siguri në lidhje me mbajtjen e presionit të SHBA mbi Iranin dhe mbështetjen e tij të vazhdueshme për normalizimin e marrëdhënieve midis Izraelit dhe shteteve Arabe.
Në Azi, shumica e shteteve po kërkojnë vazhdimin e një linje të ashpër ndaj Kinës dhe gjithashtu më shumë detaje mbi ekuilibrin midis bashkëpunimit dhe përballjes me superfuqinë në rritje të botës.
Angela Merkel tha se “miqësia transatlantike është e pazëvendësueshme nëse duam të plotësojmë sfidat e mëdha të kësaj kohe“, ndërsa Macron tha se Evropa dhe SHBA “kanë shumë për të bërë për të kapërcyer sfidat e sotme. Le të punojmë së bashku! “
Presidenti i këshillit Evropian, Charles Michel, renditi “Covid-19, multilateralizmin, ndryshimin e klimës dhe tregtinë ndërkombëtare” si fusha të bashkëpunimit në të ardhmen, ndërsa shefi i politikës së jashtme të BE-së, Josep Borrell, foli për një “ditë të madhe për SHBA dhe Evropën” dhe të nevojës për të “rindërtuar partneritetin tonë”.
Prioritetet kyç të politikës së jashtme të Biden, përveç emërimeve në departamentin e shtetit që i nënshtrohen miratimit nga Kongresi, ka të ngjarë të jenë: një ofertë për të bashkëpunuar në luftën kundër koronavirusit, një angazhim i menjëhershëm për t’u ribashkuar në marrëveshjen e KB për klimën në Paris dhe, më gjerë, për të premtuar një ndryshim në tonin ndaj aleatëve tradicionalë të SHBA. Një vizitë e hershme në Bruksel për t’u takuar ose me udhëheqësit e BE-së ose të NATO-s do të simbolizonte këtë qasje.
Pavarësisht se këshilltari i Biden, Tony Blinken, foli muajin e kaluar për t’i dhënë fund “luftës artificiale tregtare” me BE, këshilltarja speciale e politikës së jashtme të BE, Nathalie Tocci, tha se ajo parashikonte që proteksionizmi nuk ka per t’u larguar.
“Rezultatet e zgjedhjeve tregojnë se Trumpizmi është aktiv dhe i përhapur, dhe është diçka që ai [Biden] nuk mund ta injorojë,” tha ajo.
Ekipi i Biden gjithashtu do të duhet të vendosë nëse ia vlen të premtohet ribashkimi me marrëveshjen bërthamore të Iranit që Trump braktisi në 2016. Shumë specialistë të Iranit po e nxisin Biden të shkojë për një fitore të shpejtë dhe të heqë sanksionet në këmbim të një angazhimi iranian për t’iu bindur detyrimeve të tyre në marrëveshje. Debati brenda Iranit formohet nga zgjedhjet presidenciale në qershor, me disa që thonë se një ofertë paqeje nga Biden do të ndihmojë kauzën e reformistëve në zgjedhjet e tij.
Udhëheqësit e Iranit deri tani kanë përjashtuar çdo bisedim më të gjerë që synon të frenojë aktivitetin bërthamor të Teheranit, të ndalojë programin e tij të raketave balistike dhe të kufizojë ndikimin rajonal të Republikës Islamike.
Biden gjithashtu do të duhet të ekuilibrojë kohën që i kushton politikës së jashtme me kërkesën e brendshme për të ulur normën e infeksionit të Covid-19 dhe për të mbajtur ekonominë në këmbë. Shkalla e tij e manovrës së politikës së jashtme varet nëse në janar demokratët mund të marrin kontrollin e Senatit në dy balotazhe në Georgia apo jo.
Përktheu dhe përshtati për Dosja.al A.A
1 vit nga zgjedhjet e 25 prillit si e shikoni gjendjen e vendit:
SHBA– Sa keq që Ursula von der Leyen nuk hap shishet e shampanjës. Presidentja e Komisionit të BE i ka të gjitha arsyet për ta tundur duke festuar këtë fundjavë...
Pranimi i dështimit ka qenë pjesë e transferimit paqësor të pushtetit në SHBA që nga viti 1796, vit kur u mbajtën zgjedhjet e para të diskutuara midis partive, ...
Në tre spitalet private kryesore në vend, shqiptarët kanë shpenzuar rreth 8.5 miliardë lekë, gati 70 mln euro për t’u kuruar në 2019-n, ose 10% më shumë se një ...
Shqipëria është vendi më bujqësor në Europë. Bujqësia kontribuon në gati 19% të asaj që prodhon ekonomia në një vit, nga rreth 2%, që është mesatarja europiane....
TIRANE– Ish-komandanti i divizionit të Kukësit, Kudosi Lame në një intervistë për “ABC”-në ka treguar se çfarë ndodhi në tre ditët e luftimeve në v...
Prognozat e para për rezultatet e votimeve presidenciale në SHBA në Gjermani u pritën disi me habi. Të gjitha sondazhet paraprake sugjeronin një përparësi të qa...
SHBA– Donald Trump vijon sërish me akuzat në lidhje me kundërshtarin e tij politik, Joe Biden. Ai shkruan se vjedhjet e votave do të ndiqen ligjërisht.‘Të gjith...
Donald Trump shpalli në mënyre të parakohshme fitoren në garën në zgjedhjet presidenciale në orët e para të mëngjesit të së mërkurës, ndërkohë që dhjetëra milio...
Gjithsesi, as kjo nuk është një zgjidhje e mrekullueshme. Kur inflacioni të rikthehet në nivele të konsiderueshme (3 ose 4 për qind në vit), do të jetë e nevojs...
Ndërsa SHBA-të janë zgjuar mes dëshirës dhe ankthit të votimit, e gjithë bota ka ndalur. Sytë janë tek Shteti më i fuqishëm në Botë, që po kalon një sprovë hist...