Politike

‘Lufta’ e Ndocajt me KQZ-në, ngatërresa në procesverbale, asnjë votë gabim për Pjerin Ndreun

Në KQZ sot janë numëruar 11 kuti votimi të qarkut të Lezhës pas akimimit të Eduard Ndocajt. Vetëm 3 vota rezultuan të ngatërruara në radhitje në procesverbal mes Eduard Ndocajt dhe Salvador Kacajt. Asnjë votë gabim në kutinë për Pjerin Ndreun. Zguri: Rinumërimi një proces farsë. Ndreu: Në procesverbale kishte gabime njerëzore.

Tiranë- Ditën e sotme KQZ ka hapur kutitë e votimi të 11 qendrave në Bashkinë Lezhë. Nga KQZ u konstatua se 3 vota rezultuan të  ngatërruara në radhitje në procesverbal mes Eduard Ndocajt dhe Salvador Kacajt. Asnjë votë gabim në kutinë për Pjerin Ndreun.  KQZ theksoi nuk ka asnjë lloj shkelje tjetër.

Vendimi për hapjen dhe numërimin e kutive të votimit u morr dje nga KQZ pasi u pranua ankimimi nga kandidati i Partisë Konservatore, Eduard Ndocaj që garoi përballë Pjerin Ndreut të Partisë Socialiste.Eduard Ndocajt, kandidatit për kryebashkiak pretendoi se në 11 qendra votimi në bashkinë e Lezhës ka pasur më shumë vota sesa votues dhe për këtë arsye.

Pas pranimit të kësaj kërkese, sot në orën 10:00, KQZ nisi rinumërimin dhe rivlerësimin e votave në 11 qendrat e votimit. Kujtojmë se në zgjedhjet e 30 qershorit, pati disa parregullësi, ku një ndër to ishte shifra e pjesëmarrësve. Në shumë KZAZ rezultonte se numëri i atyre që kishin votuar, me votat e vlefshme ishte më i vogël. Po sot Komisioni Qendror i Zgjedhjeve certifikoi edhe mandatin e kryetarit të Tiranës, Erion Veliaj si dhe atë të Shkodrës, Valdrin Pjetri.

J.V/Dosja.al

  • 13:11

    Eduard Ndocaj

    Eduart Ndocaj ka reaguar mjaft ashpër pas hapjes së kutive. Në një video të publikuar në faqen e ti në Facebook, Ndocaj shprehet se nuk e pranon këtë tallje që i ka bërë KQZ-ja pasi kjo hapja e kutive ishte  gjitha një fasadë sipas tij.

    Ndocaj vijon më tej teksa i quan mjeranë anëtarët e KQZ-së.

    “Tallen me ankimuesit, siç bën edheDeanr Bba që thotë se ankimuesit janë injorantë. Një qumështor i veshur me kollare thotë që ankimuesit janë budallenj.

    Ndërsa në vendin tonë është bërë nami. Në shumë zona janë ndërruar kutitë fare, në Shën Koll kam dalë pas ansjë votë.

    Biba e quan fakir ankimuesin, ky rriqna në tulin e by*ës time. Në 10 kuti u gjetën 2 kuti të manipuluara. Po në 200 kuti çfarë ka ndodhur zoti B*tha? Sepse ti s’je zoti Biba, por je tamam By*a.

    Ramën që ti e quan shef unë e quaj bandit. Ti je një mjeran, një bastard. Nuk e pranoj absolutisht këtë fasadë të KQZ-së, këtë tallje me atë mjeranë që keni aty  që paguhen me taksat tonë.

    Kemi kërkuar rinumërimin, rivotimin. Nuk ka rëndësi nëse fiton apo jo Ndocaj, rëndësi ka të shkojë në vend votat e shqiptarëve. Ka mijëra njerëz që kanë deklaruar se kanë votuar për Nodcaj por nuk gjenden këto vota,”– dëgjohet teksa thotë Ndocaj më tej.

  • 13:03

    Rinumërimi në Lezhë, reagon qeveria, Spiropali: S'ka manipulim, Basha humbet dhe quan zgjedhjet ilegjitime

    Ministrja për Shtetin dhe zëdhënësja e qeverisë, Elisa Spiropali ka komentuar në një konferencë për mediat, rinumërimin e 11 kutive në Lezhë pas ankimimit të Eduart Ndocajt dhe partisë Konservatore Albania. Spiropali ka thënë se kjo ishte prova se zgjedhjet e 30 qershorit nuk janë të manipuluara.

    Elisa Spiropali, zedhenese e qeverise

    “Nuk ka manipulim zgjedhor. Faktet janë kokëforta. Rezultatet përkojnë 100%. Sa herë që Basha humbet, i quan zgjedhjet ilegjitime. Shqiptarët e kanë kuptuar hallin e Berishës, Metës dhe Bashës. Zgjedhjet e 30 qershorit ishin ndarje e qartë dhe e prerë nga e shkuara. Pavarësisht gjullurdisë, shqiptarët refuzuan dhunën dhe Shqipërinë Evropiane.”-tha Spiropali.

  • 12:44

    Rinumërimi i votave në Lezhë, reagon Ndreu: Në procesverbale gabim njerëzor

    Pjerin Ndreu

    Pas rinumërimit të votave në KQZ për bashkinë e Lezhës pas ankimimit të Eduard Ndocajt se kishte më shumë vota sesa votues, ka reaguar edhe Pjerin Ndreu.

    “Procesi i Lezhës, model, hapni të gjitha kutitë.  Vetëm një gabim njerëzor në plotësimin e procesverbalit. “, u shpreh Pjerin Ndreu.

     

     

  • 12:26

    Rinumërimi, Zguri: O zot listat e zgjedhësve qenkan 'mollë e ndalume'

    KQZ

    Pas rinumërimit të votave në KQZ për bashkinë e Lezhës pas ankimimit të Eduard Ndocajt se  kishte më shumë vota sesa votues, ka reaguar edhe Klement Zguri.

    Zguri tha se rinumërimi ishte një farsë pasi sipas tij ankimuesit duhet të kishin kërkuar listat e votuesve.

    “Në përfundim të këtij procesi vë re, në fakt me dhimbje që subjektet zgjedhore, të drejtën e tyre ligjore për të ankimuar e kanë kthyer në një farsë dhe do e shpjegoj pse. Kam kërkesën ankimore dhe më duhet të jap një konsideratë: Arsyet pse kundërshtojmë këto vendime ka lidhje me shkeljet e rënda ligjore që janë konstatuar gjatë procesit zgjedhor për zgjedhjen e kryetarit të Bashkisë Lezhë,. Në shumë qendra votimi kanë rezulutuar më shumë vota se numri i zgjedhësve që kanë marrë pjesë. Është shumë e thjeshtë. Nëse ka pretendim se ka vota më shumë se zgjedhës minimumi është lista e zgjedhësve. O Zot! Si një ankimues nuk thotë dot të shikohen listat e votuesve Pretendimi është tjetër dhe listat si përmend njeri. Unë kthehem shumë vite më parë te Migjeni, listat e zgjedhësve qënkan mollë e ndalume. Këtë e them me shumë dhimbje”, tha ai

  • 10:56

    Përfundon numërimi i votave për Lezhën, Ndocaj përfiton votën e humbur, i ishte dhënë Ndreut

    KQZ

    Vetëm pak minuta ka zgjatur numërimi i votave për 11 kutitë në qarkun e Lezhës. Nga KQZ u konstatua se 3 vota rezultuan të  ngatërruara në radhitje në procesverbal mes Eduard Ndocajt dhe Salvador Kacajt. Asnjë votë gabim në kutinë për Pjerin Ndreun.  KQZ theksoi nuk ka asnjë lloj shkelje tjetër.

     

Shto Koment