Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Dita e festës së Pavarësisë, 28 nëntori i vitit që lamë pas u përgjak nga vrasja me breshëri kallashnikovi e Ridvan Ramazanit. Një prej bashkëpunëtorëve në vrasje, Milkjor Gjoka ka treguar në Polici gjithë dinamikën e ngjarjes, duke të zbardhur të plotë sherrin për të cilin ndodhi edhe vrasja e Ramazanit. Sipas Gjokës, në një dëshmi të siguruar nga OraNeës, sherri nisi mes tij, Elhad Ramazanit dhe Hydajet Mehmedajt.
Dy shokët, Mehmetaj dhe Gjoka ndodheshin në fshatin Mjedë për të blerë gjela deti dhe në kthim, rrugës për në fshatin Dajç, kanë nisur që të konfliktohen me Elhad Hysenin (Ramazanin) pasi ky i fundit kishte gërvishtur makinën e tij me një mjet që drejtohej nga një burrë i moshuar. Të nxehur nga debati, Hydajeti dhe Milkjori kanë shkuar në shtëpi për të lënë gjelat e detit dhe kanë marrë vëllain tjetër, Duelin me vete. Ky i fundit për siguri ka marrë edhe armën e tij tip kallashnikov. Në momentin që janë përballur më ‘kundërshtarët’, Gjoka pretendon se ka qënë Ridvani ai që ka qëlluar i pari ndaj tyre (version që konfirmohet edhe nga gëzhoja e gjetur në makinën e tij) dhe pikërisht në këtë moment, Dueli ka dalë nga makina dhe nuk i ka ndalur të shtënat ndaj tij deri në ekzekutimin e “të fortit” të Shkodrës.
“Në këtë moment zbresim nga makina unë dhe Hydajeti, ku unë shkova për t’i ndarë, duke marë për krahu Elhadin dhe i thashë: Hajde këtej se është marre me të pa kush duke bërë debat me pleqtë. Kurse Hydajeti i tha: Ik o legen mos u merr me këtë burrin plak. Ndërkohë Elhadi hipi në makinë, dhe duke ecur, nxori kokën nga xhami i makinës dhe tha: Hajde se po shihena më vonë, duke na sharë nga robtë e shtëpisë. Ridvan Ramazani, nga makina e tij, na qëlloi me pistoletë drejt makinës tonë, ku plumbi ka hyrë tek xhami i parë i imi dhe është ngulur tek kollona midis dy dyerve, mbas meje. Në këtë kohë ka dalë nga makina Dueli, i cili me armë në dorë fillon të qëllojë disa herë nga Ridvani. Më pas Dueli u drejtua nga karburanti, kurse Hydajeti ktheu menjëherë makinën dhe ikëm të dy drejt shtëpive tona. Dueli na tha: Ikni juve…, dhe në ikëm para, ku Hydajeti me la mua në afërsi të shtëpisë ndërsa vetë u drejtua për në fshatin Mushan Dajç,”-shkruhet ndër të tjera në dëshmi.
DËSHMIA E PLOTË:
Ja si e vramë Ridvan Ramazanin
Sot në 28 nëntor 2020 kam dalë nga shtëpia në orën 08:00 dhe tek karburanti i Ded Maçit, takova shokun tim që quhet Hydajet Mehmedaj, me të cilin e kisha lënë që dje në mbrëmje për të shkuar në Mjedë, ku do blinin gjela deti. Hydajeti ishte me makinën e tij tip Benz-Mercedes, ngjyrë te zezë me targë AA 259 BA, dhe pasi unë hipa në vendin e parë të makinës, u nisëm për në Mjedë. Pasi shkuam në Mjedë, te tregu i fshatarëve, Hydajeti bleu 5 gjela deti, dhe pasi i futëm në bagazhin e makinës së tij, u kthyem përsëri në Dajç. Rrugës në kthim në aksin rrugor Velipojë-Dajç, te vendi i quajtur “Te lulet” pamë në rrugë dy makina, të cilat ishin fërkuar me njëra-tjetrën. Unë njoha shtetasin Elhad Hyseni, të cilin e njoh pasi kemi mbaruar shkollën bashkë. Në këtë kohë Elhadi ishte duke bërë debat me personin tjetër të makinës dhe po e shante. Në këtë moment zbresim nga makina unë dhe Hydajeti, ku unë shkova për t’i ndarë, duke marë për krahu Elhadin dhe i thashë: Hajde këtej se është marre me të pa kush duke bërë debat me pleqtë. Kurse Hydajeti i tha: Ik o legen mos u merr me këtë burrin plak. Ndërkohë Elhadi hipi në makinë, dhe duke ecur, nxori kokën nga xhami i makinës dhe tha: Hajde se po shihena më vonë, duke na sharë nga robtë e shtëpisë. E gjitha kjo situatë ka ndodhur rreth orës 10:00. Elhadi iku para nesh me makinën e tij tip SLS ngjyrë e bardhë me targa 666, gërmat nuk ia mbaj mend. Kurse unë dhe Hydajeti kemi ardhur për në shtëpi pas tij. Kur arritëm tek lokali i kushërinjve të Hydajetit, unë kam zbritur, ndërsa Hydajeti ka shkuar në shtëpi për të lënë gjelat. Pas pak erdhi Hydajeti dhe ndaloi makinën para këmbëve të mia, dhe unë hipa në vend të parë të pasagjerit, ndërsa pas meje qëndronte Dueli, vëllai i Hydajetit, i cili në dorë mbante një automatik. Në këtë kohe teksa ne po ecnim me makinë, kaloi me makinë babai i Elhadit, Ridvan Hyseni (Ramazani) me makinën e tij tip X5 ngjyrë e bardhë dhe ne direkt i jemi vënë pas atij. Unë isha ulur në vendin e parë të makinës, në timon ishte Hydajeti dhe pas meje ka qenë Dueli, i cili kishte dhe armën automatik në dorë. Makina tip BMË X5 ishte para nesh në një distancë të shkurtër dhe sapo kemi mbëritur tek karburanti i Filip Gramshit, mjeti BMË X5 i Ridvanin ka ndaluar duke na zënë rrugën. Ridvan Ramazani, nga makina e tij, na qëlloi me pistoletë drejt makinës tonë, ku plumbi ka hyrë tek xhami i parë i imi dhe është ngulur tek kollona midis dy dyerve, mbas meje. Në këtë kohë ka dalë nga makina Dueli, i cili me armë në dorë fillon të qëllojë disa herë nga Ridvani. Më pas Dueli u drejtua nga karburanti, kurse Hydajeti ktheu menjëherë makinën dhe ikëm të dy drejt shtëpive tona. Dueli na tha: Ikni juve…, dhe në ikëm para, ku Hydajeti me la mua në afërsi të shtëpisë ndërsa vetë u drejtua për në fshatin Mushan Dajç. Unë shkova në shtëpi, takova vëllain dhe babën, por nuk u tregova asgjë se çfarë kishte ndodhur.
Për vrasjen e ndodhur më 28 nëntor, në burg ka përfunduar vetëm bashkëpunëtori Mikljor Gjoka, ndërsa dy vëllezërit Duel dhe Hydajet Mehmedaj, vijojnë të jenë në kërkim nga policia. Dyshohet se të dy janë larguar në drejtim të Malit të Zi por ende nuk është bërë e mundur kapja e tyre.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
LUSHNJE– Një i ri ka përfunduar në pranga të policisë pasi ka vjedhur një makinë të parkuar. I riu, 28-vjeçari A. D., banues në Bënçë, Tepelenë, u...
KUKËS– Reshjet e dëborës kanë qenë intensive në Shishtavec të Kukësit gjatë 24 orëve të fundit.Fshati i Shishtavecit është zbardhur nga dëbora, por mësoh...
TIRANË– Del fotoja e të riut Rigels (Riljon) Lala me origjinë nga Burreli, i cili u arratis mëngjesin e sotëm nga ambientet e komisariatit numër 1 në Tiran...
Ato kanë pritur ndërrrimin e viteve. Festuan me prindërit dhe familjarët më të ngushtë ashtu siç e kërkon tradita. Trokitën gotat dhe thanë gëzuar. E sap...
DURRËS– Dy biznese në Durrës janë gjobitur me nga 1 milionë lekë pasi kanë shkelur masat anti-COVID19, duke mbajtur hapur aktivitetin e tyre edhe pas ‘rëni...
GREQI– Media greke ‘To Vima’ raporton se 12 miljet në detin Jon nuk do të ndikojnë në përcaktimin e ardhshëm të zonave detare.Në shkrim thuhet se ekipit negocia...
TIRANË– Një video amatore është arrestuar nga dy qytetarë që janë gjobitur për mosmbajtjen e maskës anti-COVID19. Dy efektivë policie, pa dalë nga mjeti i ...
SEMAN-Një ditë më parë dy vëllezër u bllokuan në det të hapur teksa po bënin serf në bregdetin e Semanit. Dy vëllezërit u shpëtuan pas disa orësh nga forcat e p...
VLORË– Ditën e djeshme u raportuan të shtëna me armë në qytetin e Vlorës. Policia ka dhënë njoftimin zyrtar për ngjarjen që alarmoi qytetarët. Në njoftim ...
DURRËS– Porti i Durrësit është përballur me fluks qytetarësh gjatë ditëve të festave, duke shënuar mijëra hyrje dhe dalje të emigrantëve shqiptarë. Nga 31 ...
