Politike

Fitoi 74 mandate! Rama nuk i ndahet Bashës, i bën ofertë për bashkëqeverisje: Është koha për t’ju shtrirë dorën, ta bëjmë për Shqipërinë

VIDEO
Rama mban fjalën e parë pas fitores. Falenderoj familjen e tij, gruan dhe fëmijët. Kryeministri kujton të ëmën e ndjerë, Aneta. I bën thirrje Bashës që të
Featured image of article: Fitoi 74 mandate! Rama nuk i ndahet Bashës, i bën ofertë për bashkëqeverisje: Është koha për t’ju shtrirë dorën, ta bëjmë për Shqipërinë
Përditësuar:

TIRANË- Kryeministri Edi Rama ka mbajtur fjalën e parë para qytetarëve pas shpalljes si fitues i mandatit të tretë me 74 ulëse në Parlament pas zgjedhjeve të 25 prillit. Në sheshin ‘Skënderbej’, në një podium përballë qytetarëve të grumbulluar, Rama tha se ai vetë ka thyer rekordin bashkë me socialistët e tjerë. 

Kreu i qeverisë nuk la pa përmendur nënën e tij, Anetën, për të cilën tha se duhet të jetë mjaft krenare nga lart për atë fitore që ka marrë. Pas të ëmës së ndjerë, Rama përmendi edhe fëmijët, për të cilët tha se është mjaft krenar që gjatë kësaj periudhë që po luftonte për mandatin e tretë nuk i kanë shkatuar dhimbje koke.


Kryedemokratit Lulzim Basha, Rama i bëri thirrje që të pranojë humbjen me dinjitet, teksa i shtriu dhe dorën për bashkëpunim. Sipas Ramës, Basha ka bërë aq sa ka mundur dhe jo aq sa ka dashur, por vazhdimësinë e tij në Partinë Demokratike, e dinë vetëm ata.

Për më shumë bëhu pjesë e grupit më viral në Facebook, Dosja.al

Vijon…

(k.m;f.m/Dosja.al)

  • 18:49

    Rama s’i ndal lutjet për Bashën: Armiku na fton dhe na tërheq në rrugën e shkurtër të ndasisë dhe sherrit, është radha jonë


    Kryeministri Edi Rama nuk i ndahet ofertës së bërë për kundërshtarin e tij politik, Lulzim Basha për bashkëqeverisje. Pjesën më të madhe të fjalimit të fitores së zgjedhjeve parlamentare të 25 prillit, Rama ia dedikoi ofertës që i bëri Bashës.

    Armiku na fton dhe na tërheq në rrugën e shkurtër të dasisë dhe sherrit me njëri-tjetrin. Është radha jonë të fitojmë çdo ditë. Zoti qoftë i duruar me ne. Dhe ne të duruar me njëri-tjetrin. Rroftë PS! Rroftë Shqipëria. Rroftë i madh dhe i vogël që ka lindur shqiptar,”-tha Rama.

  • 18:48

    Rama i bën ofertë Bashës për bashkëqeverisje: Politika ka lindur që njerëzit e dalë nga pylli të mos hanë njëri-tjetrin


    Kryeministri Edi Rama i ka bërë sërish thirrje për bashkëqeverisje kryedemokratit Lulzim Basha. Në fjalën e parë që mbajti pas fitores në zgjedhjet e 25 prillit, Rama tha se është politika ajo që ka bërë që njerëzit e dalë nga pylli të mos hanë njëri-tjetrin, duke i bërë kështu thirrje Bashës që të bashkëpunojë me të.

    “Politika ka lindur që njerëzit e dalë nga pylli të mos hanë njëri-tjetrin. Politika e ka lindur edhe fashizmin, edhe SHBA edhe BE, dhe Shqipërinë dje. Dhe Kosovën sot. Politika i ka lindur. Politika e ka penguar të ngjitet Shqipërinë dhe vetëm ajo mund ta çojë në majën ku e ka krijuar Zotit të ngjitet. Shqipëria është shumë e vogël për të mos u bërë ajo që meritojnë shqiptarët. Duhet dhe do ta bëjmë ne. Shqiptarët e kësaj dekade. Duhet nisur punën që nesër,”- tha Rama.

  • 18:43

    Rama i shtrin dorën PD-së: Këtë mandat dua t’ja kushtojmë bashkimit dhe jo ndasive


    Kryeministri Edi Rama i ka shtrirë dorën për bashkëpunim kundërshtarit të tij politik, numrit një të PD-së, Lulzim Basha. Në fjalimin e tij të fitores së zgjedhjeve parlamentare, kreu i qeverisë tha se është politika që i ndan dhe i bashkon qytetarët, ndaj uniteti mes PD dhe PS do ta çonte Shqipërinë në majë.

    Kjo është fiks ora për t’ja shtrirë dorën PD duke e bërë të qartë se dua t’ja kushtojmë bashkimit dhe jo dasive. Jo uljes në skenën e vogël të politikës. Politika na ka ndarë dhe ajo na bashkon,”-tha Rama.

  • 18:25

    Rama i bën thirrje Bashës nga sheshi: Prano humbjen me dinjitet, nuk bëre çfarë deshe por sa munde


    Kryeministri Edi Rama i ka bërë thirrje kryedemorkatit Lulzim Basha që të pranojë humbjen përballë tij në zgjedhjet e 25 prillit. Nga sheshi “Skënderbej”, ku organizoi festën e PS-së pas fitores, Rama tha se Basha në të vërtetë ka bërë aq sa ka mundur, por jo aq sa ka dashur. “Përtej shakasë është detyra jonë që me fjalët dhe me sjelljen tonë të mos i bëjmë te ndjehen edhe më keq seç ndjehen nga humbja rivalët demokratë. Basha dhe PD ishin në skuadër e mirë, demokratët ishin kundërshtarë jo shumë të lehtë që mendojnë vlerësim për përpjekjen për të arritur të paarritshmen për ta. Më shumë se kaq nuk bëni dot, madje bën më shumë, se të mundësh PS është më ë vështirë se mundësh Barcelonën e Pep Guardiolës. Mesazhi im është pranoje humbjen me dinjitet dhe me bindjen se bëre sa munde. Miq demokrat jemi më të mirë, ju jeni më të mirët pas nesh, ky është fak dhe faktet pranohen, nuk luftohen, nuk më takon mua dhe nuk është përgjegjësia as e drejta jonë të vendosim se si do e pranoni, nëse do jetë apo jo Basha në 4 vite e ardhsme është puna juaj, por me apo pa Bashën, opozita jonë është vetja jonë. Shtrijmë dorën e një bashkëpunimi të sinqertë dhe konkret pa asnjë paragjykim. Ju jeni më të mirët pas nesh. Është fakt. Fakti pranohet nuk luftohet. Nuk më takon mua dhe nuk është as përgjegjësia të vendosim si do e lexoni dhe qëndrimin me udhëheqjen. Nëse do të jetë apo jo Basha ai që do drejtojë PD? Është puna juaj. E kemi të qartë që opozita jonë është PD. Fitorja e qartë na e shton detyrimin që të shtrijmë dorën për bashkëpunim. Dua të jem kryeministri i të gjithë shqiptarëve. Jo vetëm i socialistëve por edhe i demokratëve,”- tha Rama.

  • 18:23

    Rama krenohet me fëmijët: Faleminderit Reas dhe Gregut që nuk na shkaktoni asnjë dhimbje koke, me fodullëkun si ca fëmijë kryeministrash, Linda na e mbledh…Zaho nuk erdhi se nuk mori vota


    Kryeministri Edi Rama ka deklaruar se ëhstë mjaft krenar për fëmijët e tij që gjatë kësaj periudhë që po luftonte për mandatin e tretë nuk i kanë shkatuar dhimbje koke. Në fjalën e tij pas fitores së zgjedhjeve të 25 prillit, Rama tha se Linda, gruaja e tij, është ajo që i mbledh, teksa shtoi se i vogli Zaho është mërzitur. Ky i fundit, sipas Ramës është i trishtuar sepse nuk ka marrë asnjë votë në Vlorë, por i ka marrë të gjitha vetë Rama.

    “Siç isha kur iu thirra për votën, do të jem unë aty për ju në çdo ditë e natë për 4 vitet që do vijnë. Një falenderim për gjysmën time më të mirë, dhe të vetmen opozitë që nuk e mund dot, por kënaqem me barazim. Linda është guri që na mbledh. Grua shumë faleminderit. Faleminderit edhe Reas dhe Gregut që nuk na shkaktoni asnjë dhimbje koke, me fodullëkun si ca fëmijë kryeministrash dhe asnjëherë nuk i keni bezdisur njerëzit me mënyrën tuaj të jetesës. Zaho nuk erdhi se është i mërzitur se unë i mora votat, dhe ai nuk mori asnjë në Vlorë,”- tha Rama. 

  • 18:19

    Rama nis festën: Jam krenar për shqiptarët që me urtësi kaluan një provë të madhe


    Kryeministri Edi Rama ka mbajur fjalën e parë pasi zyrtarisht ka fituar mandatin e tretë pas zgjedhjeve të 25 prillit. Nga sheshi “Skënderbej”, Rama tha se ai vetë ka thyer rekordin bashkë me socialistët e tjerë. Kreu i qeverisë nuk la pa përmendur nënën e tij, Anetën, për të cilën tha se duhet të jetë mjaft krenare nga lart për atë fitore që ka marrë.

    “Me gjithë numrin marramendës të fletëve të pavlefshme të atyre që kanë zgjedhur 12 por kanë gabuar me preferencën, ne e kemi thyer rekordin tonë. Ky është rekordi historik i kësaj skuadre të madhe njerëzish të zakonshëm me një shpirt gare që nuk ka të dytë në këtë vend. Jam krenar për shqiptarët që me urtësi kaluan një provë të madhe. Fitoi karaketeri ynë. Fitoi besimi ynë se ky vend bëhet dhe bindja se është misioni ynë ta bëjmë këtë vend Fitoi forca më e madhe demokratike që shqiptarët kanë krijuar ndonjëherë për Shqipërinë: PS. Gëzuar fitoren sepse është e gjitha e juaja. Por mos harroni kurrë, asnjëherë me tutje se kjo fitore duhet merituar në çdo ditë të 4 viteve që kemi para. Duhet të bëjmë natën ditë me përkushtim për Shqipërinë, për këdo pavarësisht se për kë ka votuar. Kjo është fitorja ime e parë, në mungesën e dikujt që më ka ndjenjur pranë dhe më ka ndjekur si hije. Dikush që më mungon tmerrësisht sot mes jush dhe shpresoj që po më sheh atje lart. Nëna ime Aneta…Uroj të jetë krenare për mua dhe mirënjohëse për ju të gjithë që më mbështetët pa pushuar. Më thatë mundësi që të ngjitemi drejt majës. Faleminderit ju që jeni këtu me mua sot,”- tha Rama.

  • 18:17

    Në mbështetje të të vëllait! Olsi Rama zbret në festën e Partisë Socialiste

    Olsi Rama

    Olsi Rama, drejtori i klubit sportvi “Partizani” ka mbërritur në sheshin ‘Skënderbej”, aty ku Partia Socialiste ka organizuar festën e fitores së mandatit të tretë.

  • 18:17

    Më në fund del nga selia! Rama dorë për dorë me gruan shkon në shesh, ku e ka simbolin e fatit…

    Kryeministri Edi Rama ka dalë nga selia rozë për t’ju bashkuar festës së socialistëve në sheshin “Skënderbej”. Rama shoqërohet nga bashkëshortja e tij, Linda, ndërsa dorë për dore kanë ecur drejt sheshit.

  • 17:49

    PS gati për të festuat fitoren… Një dron ‘tmerron’ Gardën, frikë për sigurinë e Ramës…kapen të rinjtë, ishin ulur në shkallët e Muzeut

    Një dron mbi qiellin e sheshit “Skënderbej” ka alarmuar Gardën e Republikës së Shqipërisë. Teksa po zhvillohen përgatitjet e fundit për mitigun e fitores së Partisë Socialiste, ngritja e një droni ka alarmuar Gardën.

    Mjeti fluturues është ngritur nga disa të rinj që qëndronin në shkallët e Muzeut Kombëtar dhe janë rrethuar menjëherë nga efektivët. Grupet e vëzhgimit dhe kolegët e tyre kanë lokalizuar ngritësit e dronit duke i kërkuar edhe largimin nga zona. Nuk dihet asnjë detaj lidhur me të rinjtë, nëse janë mbështetës të PS-së apo ishin mbledhur për të xhiruar për “punët” e tyre. E njëjta skenë ka ndodhur edhe në mitingun hapës të fushatës së PS-së, po në të njëjtin shesh…

  • 14:54

    Rama njoftoi takimin e fitores! Nisin përgatitjet, vendosen karriget kuqezi në Sheshin “Skënderbej”

    Kryeministri Edi Rama ka lajmëruar ditën e sotme se në orën 18:00 do të mblidhet në sheshin ‘Skëndërbej’ me mbështetësit e tij pas fitores. Tashmë në shesh kanë nisur përgatitjet e para për organizimin e vendit. Në shesh janë vendosur karriget e kuqe në formë rrethore. Pritet që në mes të vendoset lulja, simboli i partisë.

    Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores”, njoftoi më herët Rama.
  • 09:30

    FOTO/ Me elefantin e “fitores” mbi tryezë, Rama pozon buzagaz: Kemi festë sot në Sheshin Skënderbej!

    Kryeministri Edi Rama ka bërë të ditur se ditën e sotme në orën 18:00 do të jetë i pranishëm në sheshin Skëndërbej së bashku me skuadrën e patronazhistëve. Me anë të një fotoje të publikuar në ‘Facebook’, Rama bën të ditur se do të ftojë të gjithë që ti bashkohen në shesh. Në foto Rama shihet i veshur me bluze të zezë dhe pranë mban elefantin e ‘fitores’.

    Edi Rama

    POSTIMI:

    Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores

2 Komente në “Fitoi 74 mandate! Rama nuk i ndahet Bashës, i bën ofertë për bashkëqeverisje: Është koha për t’ju shtrirë dorën, ta bëjmë për Shqipërinë

  1. Ky popull ty te do o enver ..jepi me fort tani ke dhe 4 vite tja lerosh te gjitha kti mileti …jepiiii me fort ..

  2. Pse ja shtrike doren lulit tani apo e ndjen se tani kontestimi i zgjedhjeve do te nxjerrr lakuriq sic je mesuar te rrish ti

Shto Koment