Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANE– Ishte përfolur, por tashmë është realitet. Lëvizja Vetëvendosje do të jetë edhe në Shqipëri. Në gjykatën e Tiranës është dorëzuar para 1 muaji kërkesa për Qendrën “Lëvizja Vetëvendosje në Shqipëri”.
Boiken Abazi e ka zbuluar në FB, por nuk e ka sqaruar statusin e Qendrës. Nëse është regjistruar në Shqipëri si shoqatë, apo si një forcë politike. Nga ajo që përshkruhet në kërkesë, duket si një shoqatë politike, që nuk ka për momentin qëllime elektorale.
Kërkesa për regjistrimin mban datën 11 mars 2019 dhe vetë Abazi ka zbuluar personat që do të jenë pjesë e Bordit drejtues të Vetëvendosjes në Shqipëri.
“Anëtarët e Bordit të kësaj organizate, të gjithë nënshtetas të Republikës së Shqipërisë, janë: Enis Sulstarova (Kryetar i Bordit i votuar unanimisht), Liburn Aliu, Hysamedin Feraj, Elvis Hoxha, Dejona Mihali, Sami Kurteshi, Arbër Zaimi dhe Gearda Demiraj. Drejtor Ekzekutiv i votuar unanimisht nga Bordi është Boiken Abazi. Themeluesit, të gjithë nënshtetas të Republikës së Shqipërisë janë: Glauk Konjufca, Gearda Demiraj, Dejona Mihali, Enis Sulstarova, Hysamedin Feraj, Elvis Hoxha dhe Boiken Abazi. Presim nga Gjykata e Rrethit Gjyqësor Tiranë vendimin në lidhje me regjistrimin e kësaj Qendre brenda afateve ligjore”, shkruan ndër të tjera Boiken Abazi.
Deklarata e plotë:
Në datën 11 mars 2019 kemi dorëzuar pranë Gjykatës së Rrethit Gjyqësor Tiranë dokumentacionin dhe kërkesën për regjistrimin e Qendrës “Lëvizja VETËVENDOSJE! në Shqipëri”.
Anëtarët e Bordit të kësaj organizate, të gjithë nënshtetas të Republikës së Shqipërisë, janë: Enis Sulstarova (Kryetar i Bordit i votuar unanimisht), Liburn Aliu, Hysamedin Feraj, Elvis Hoxha, Dejona Mihali, Sami Kurteshi, Arbër Zaimi dhe Gearda Demiraj.
Drejtor Ekzekutiv i votuar unanimisht nga Bordi është Boiken Abazi.
Themeluesit, të gjithë nënshtetas të Republikës së Shqipërisë janë: Glauk Konjufca, Gearda Demiraj, Dejona Mihali, Enis Sulstarova, Hysamedin Feraj, Elvis Hoxha dhe Boiken Abazi.
Presim nga Gjykata e Rrethit Gjyqësor Tiranë vendimin në lidhje me regjistrimin e kësaj Qendre brenda afateve ligjore.
Qëllimi dhe fusha e veprimtarisë së organizatës janë si në vijim:
Qendra e Lëvizjes VETËVENDOSJE! në Shqipëri funksionon bazuar mbi parimin e barazisë, të demokracisë, dhe të lirisë së vullnetit e drejtësisë sociale për të rritur vetëdijen dhe angazhimin në lidhje me çështjen kombëtare shqiptare dhe progresin shoqëror në të gjitha dimensionet dhe problematikat e tyre, brenda dhe jashtë territorit të Republikës së Shqipërisë. Qendra synon të japë mbështetjen për ushtrimin e së drejtës demokratike për vetëvendosje të popullit shqiptar për realizimin e bashkimit të shtetit të pavarur të Kosovës me Shqipërinë, duke u bazuar në Preambulën e Kushtetutës së Republikës së Shqipërisë dhe parimin e vetëvendosjes së popujve të shprehur në Kreun 1 të Kartës së Organizatës së Kombeve të Bashkuara. Qendra frymëzohet nga vlerat e shprehura të Lëvizjes VETËVENDOSJE! në Republikën e Kosovës dhe nga historia e rezistencës së popullit shqiptar në përpjekjen për liri, ku duhen theksuar Rilindja Kombëtare si dhe luftrat e fundit çlirimtare nën shtetet e ish Jugosllavisë.
Qendra do të punojë në rritjen e vetëdijes se bashkimi kombëtar dhe integrimi i Shqipërisë, dhe më gjerë i shqiptarëve, në strukturat Euro-Atlantike (si Bashkimi Evropian dhe NATO) janë procese që duhen realizuar paralelisht dhe e plotësojnë njëri-tjetrin. Ajo ka për qëllim rritjen e ndërgjegjësimit dhe aktivizmit qytetar në Republikën e Shqipërisë mbi problematikat e shqiptarëve që jetojnë në treva autoktone shqiptare jashtë territorit të Republikës së Shqipërisë, dhe anasjelltas.
Qendra beson në njeriun si qenie e lirë dhe në realizimin e tij vetëm duke i zhvilluar bashkërisht liritë themelore, politike, qytetare, ekonomike, sociale dhe demokratike, si kolektivitet dhe si individë. Ajo e konsideron me rëndësi vetëbesimin qytetar, autenticitetin e mendimit kundër formave të (neo)kolonizimit të tij, duke i dhënë vlerë realizimit të lirive dhe të drejtave të popujve, të kolektiviteteve e të individëve përsa janë në përputhje me liritë dhe të drejtat burimore, të barabarta dhe universale të njerëzimit.
Qendra vlerëson se modeli neoliberal i aplikuar në ekonomi si dhe mungesa e një ekonomie të bazuar në prodhim, i kanë përqëndruar të mirat materiale, dhe në përgjithësi kapitalin, në duart e një pakice të vogël në Shqipëri dhe në trevat e tjera shqiptare të rajonit, duke krijuar pabarazi të skajshme dhe varfëri për një pjesë të madhe të popullit shqiptar. Prandaj, Qendra beson te parimet e shtetit zhvillimor, dhe synon t’i përhapë vlerat e këtij modeli ekonomik që bazohet në prodhim dhe lufton pabarazinë.
Për realizimin e qëllimeve të saj Qendra e konsideron të rëndësishme veprimin lokal si mbështetja më e mirë për veprimin e tillë rajonal dhe botëror.
Qendra e Lëvizjes VETËVENDOSJE! në Shqipëri synon ta realizojë qëllimin përmes veprimtarisë në vijim:
Ngritjen e urave të komunikimit dhe projekteve të bashkëpunimit me shoqërinë civile, sferën akademike dhe intelektuale, sindikatat dhe studentët, në Shqipëri, Kosovë e në trevat shqiptare të rajonit të Ballkanit, si dhe me bashkatdhetarët që jetojnë në mërgim.
Bashkëpunimin me organizata shqiptare dhe të huaja që kanë vlera të përbashkëta me Qendrën.
Hartimin e analizave në lidhje me çështjet kombëtare, ekonomike, institucionale, gjeopolitike, arsimore, shëndetësore, sindikaliste, biznesore, mjedisore, të drejtave të grave dhe socio-kulturore që ndikojnë drejtpërdrejt në mirëqenien shoqërore dhe çështjen kombëtare shqiptare, si dhe organizimin e prezantimeve publike për to.
Përfshirja në veprimtari publike e qytetarëve të profesioneve dhe rajoneve të ndryshme në lidhje me problematikat shumëdimensionale të prodhimit e të krijimit.
Realizimin dhe pjesëmarrjen në konferenca kombëtare dhe ndërkombëtare.
Organizimin e fushatave publike ndërgjegjësuese në lidhje me qëllimin e Qendrës.
Nxitjen e angazhimit aktiv dhe demokratik qytetar në lidhje me publiken.
Studimi dhe analiza e marrëdhënieve mes dy Republikave shqiptare në lidhje me:
Bashkëpunimin institucional në zbatimin e marrëveshjeve ndërqeveritare.
Marrëdhëniet tregtare, bashkë me avokimin për eliminimin e barrierave që pengojnë krijimin e një tregu të përbashkët dhe unionin doganor Shqipëri–Kosovë.
Avokimi për një sistem të përbashkët energjetik Shqipëri–Kosovë.
Paraqitjen e propozimeve për marrëveshje të reja Shqipëri–Kosovë.
Avokimi për një politikë të jashtme të përbashkët dhe për një politikë e strategji të përbashkët Shqipëri-Kosovë të mbrojtjes dhe sigurisë kombëtare.
Avokimin për bashkimin e institucioneve qendrore kulturore dhe të trashëgimisë kulturore, arsimore, shkencore, si dhe të ligave të ndryshme të sportit në nivel profesionist në Shqipëri dhe Kosovë.
Avokimi për mbrojtjen e të drejtave të shqiptarëve në trevat e tyre autoktone në Ballkan.
Monitorimin, analizimin dhe paraqitjen e alternativave në lidhje me marrëveshjet rajonale, e më gjerë, që ndikojnë drejtpërdrejt në çështjet publike e kombëtare.
Analiza e mediave dhe opinionit publik në Republikën e Shqipërisë, dhe trevat e tjera shqiptare të rajonit.
Lëvizja Vetëvendosje u themelua në vitin 2004 nga Albin Kurti, i cili e drejton për gati 15 vite. Një nga tezat kryesore të Vetëvendosjes është bashkimi Shqipëri-Kosovë dhe organizimi i një referendum.
“Vetëvendosje!” ishte slogani kryesor gjatë protestave që u zhvilluan në vitin 1968 në të gjithë Kosovën, me qëllim të përparimit të të drejtave kombëtare të shqiptarëve dhe forcimit të statusit politik si një entitet brenda Jugosllavisë.
Vetëvendosje fitoi në vitin 2017, disa komuna, si Prishtinën, Prizrenin dhe Dardanën por pas disa ndarjeve brenda partisë në Maj 2017 Lëvizja humbi kryeqytetin dhe Dardanen. Vetëvendosje kishte grupin më të madh parlamentar, me 32 deputetë, ndërkohë që sot është grupi i tretë parlamentar me 19 deputetë.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ish-deputeti i PD-së Ervin Salianji, ka deklaruar me bindje të plotë se nëse sot do të kishte zgjedhje parlamentare, opozita do të siguronte 80 man...
TIRANË– Zëvendësndihmës Sekretari Amerikan i Shtetit, Matthew Palmer ka zhvilluar një takim me kryeministrin Edi Rama në Kryeministri. Takimi mes tyre zgja...
TIRANË- Ish-kryeministri Sali Berisha, në një postim në Facebook jep alarmin se qeveria për përgatit mbjellen në masë të kanabisit. Berisha shton se inform...
TIRANË- Ish-deputeti demokrat, Luçiano Boçi, flet për Dosja.al pas vendimit të Gjykatës së Tiranës që e dënoi për shpifje në dëm të ish-minis...
Tiranë- Presidenti i vendit Ilir Meta ka deklaruar së fundmi në lidhje me ngërçin politik në vend se do të donte të kishte një gjendje politike më optim...
TIRANË- Deputetja e PS-së, Almira Xhembulla ndryshe nga pjesa tjetër e maxhorancës që e ka sulmuar kreun e PD-së, kjo e fundit ka vlerësuar Lulzim Bashën p...
TIRANE- Deputetja rebele e Partisë Demokratike, Rudina Hajdari, i është vënë punës seriozisht për Reformën Zgjedhore. Sot ajo ka takuar ish-ministrin e Drejtësi...
TIRANË– Kreu i grupit parlamentar të LSI-së, Petrit Vasili ka bërë një status në facebook, ku shkruan se shqiptarët nuk besojnë se procesi i Vettingut do t...
(F.g/dosja.al)Tirana është boshatisur për ditët e pushimit. Cilën nga ritet e shenjta po ndiqni:View Results...
TIRANE- Dënohet për fyerje dhe shpifje ish-deputeti i Partisë Demokratike, Luçiano Boçi. Gjykata e Tiranës e dënoi Boçin pasi u shpall fajt...
