2 të vrarë nga sulmet ruse Zelensky: Do ti mposhtim terroristët! 27 Mars, 15:23 Paralajmërimi i aleatit t...
Lobingu rus/ Berisha: Bashën e ka denoncuar Nick Muzin, Rama e shpëtoi nga 6 vite burg dhe e shndërroi në një peng 27 ...
Preisdenti austriak krah Begajt: Hiqni dorë nga pasaportat e arta, cënon integrimin në BE 27 Mars, 12:51 Presid...
Gjermania në kaos, shkak greva në hekurudha, aeroporte dhe porte 27 Mars, 11:10 Transporti “paralizohet”...
Si rrjedhojë bizneset e vogla, kryesisht bujqësia, por edhe shërbimet e vogla si avokat, IT, ndërmjetës, etj, pra biznese që nuk kalojnë pragun e 10 milionë/vit do të formalizoheshin, duke deklaruar më shumë xhiro, sepse supozohej që këto ishin biznese me informalitet të lartë. Për këtë u premtua një taksim zero për 8 vite.
Ligji i ri tatimor është shumë i ngjashëm me ligjin e mëparshëm, kategoria që preket më shumë me ligjin e ri janë kategoria e biznesit të vogël, të vetëpunësuar ose siç quhen teknikisht “Nipt Persona Fizik”.
Kjo kategori u prezantua në 2020, për vitin tatimor 2021 e deri në 2029, si një kategori që do të taksohej zero deri në një xhiro (turnover) vjetore prej 10 milionë lekë.
Si rrjedhojë bizneset e vogla, kryesisht bujqësia, por edhe shërbimet e vogla si avokat, IT, ndërmjetës, etj, pra biznese që nuk kalojnë pragun e 10 milionë/vit do të formalizoheshin, duke deklaruar më shumë xhiro, sepse supozohej që këto ishin biznese me informalitet të lartë. Për këtë u premtua një taksim zero për 8 vite.
Ne gjykojmë që kjo masë fiskale pati sukses të madh për institucionet, sepse u rrit deklarimi dhe u formalizua ekonomia. Njëkohësisht kjo rriti besimin te programi i qeverisë në fuqi dhe te mënyrat inovative që ato kishin për të rritur PPB-në dhe formalizimin në vend.
Për shembull, në sektorin e ndërmjetësimeve të pronave ne vëmë re shumë ndryshim në deklarimin e atyre operatorëve që më parë operonin të paregjistruar dhe përbënin një konkurrent jo të barabartë për kompanitë e mëdha që operonin sipas ligjit dhe taksimit të asaj kohe. Jemi të bindur që kjo ka funksionuar në çdo biznes dhe çdo sektor.
Në “Century21” si kompani që operojmë me mbi 35 zyra që janë entitete më vete (shumica entitete me TVSH) dhe 300 agjentë ku pjesa më e madhe janë si të vetëpunësuar (një pjesë më e vogël si pagë marrës) e kishim shumë përshtat këtë ligj, sepse ndikonte në partnerët tanë franchise dhe agjentet ndërmjetësues për shkak të taksimit zero.
Duke qenë kompani franchise, ne paguhemi nga deklarimi i zyrave dhe agjentëve dhe si rrjedhojë kemi pasur sukses nga kjo politikë taksimi.
Theksojmë se për shkak se jemi marke ndërkombëtare, për shkak se raportojmë performancën në kompaninë globale, për shkak të organizimit të kompanisë dhe madhësisë kemi qenë gjithnjë të drejtuar dhe raportuar me korrektësi gjithë aktivitetin e biznesit, ku më parë punonjësit tonë taksoheshin, por që nga 2021 ata kishin taksën zero.
Nisur nga taksimi zero dhe mbi të gjitha nga pragu i ri i bizneseve me TVSH apo pa TVSH, ne kemi zhvilluar trajnime motivuese për gjithë stafin tonë për t’i orientuar ata të mbajnë mirë librat deklarues dhe për të qenë sa me korrekt, normalisht në çdo biznes sidomos tek të vetëpunësuarit deklarimi sa me i madh krijon mundësi zhvillimi sepse “biznesi i vetëpunësuar” lëshon gjurmë financiare dhe si rrjedhojë nesër mund të përdorë instrumente financiarë për të kredituar biznesin ose personin fizik në blerje të aseteve të mëdha, si: shtëpi, makinë etj.
Kjo na ka dhënë mundësinë të afronim shumë agjentë të rinj (rreth 120 në 2 vitet e fundit) të cilët më parë operonin në treg të paafirmuar me një markë, për shkak të taksave të larta që duhet të paguanin nëse punonin me kompaninë e madhe.
Si rezultat në treg u zhvilluan edhe më tej 4-5 operatorët më të mëdhenj, sepse prej taksimit zero tashmë shumë ndërmjetësues të pasurive të paluajtshme mund të afroheshin në kompanitë e mëdha pa frikë se duhet të paguanin edhe taksa në shtet edhe komisionin kundrejt markës ndërkombëtare.
Taksimi zero vërtet na ka ndihmuar në rritjen e kompanisë tonë, por jo vetëm ne, jemi të bindur që kjo ka ndodhur me shumicën e kompanive në gjithë sektorët që kanë pasur informalitet të lartë. Ne kemi venë re një tendencë edhe të agjensive ndërmjetësuese të vogla për t’u formalizuar akoma më shumë. Kjo ka rregulluar shumë tregun dhe sektorin.
Jemi të bindur nga studimi që ka rregulluar dhe shumë sektorë të tjerë që më parë operonin me deklarime parciale ose në informalitet. Fatkeqësisht, në javët e fundit kemi ndjekur me vëmendje taksimin e ri për të vetëpunësuarit dhe jemi të revoltuar me faktin se pas vetëm 18 muajsh në operim ka filluar të diskutohet një ndryshim në këtë ligj.
Sipas draftit të projektit taksimi për bizneset e vetëpunësuar nuk do të jetë më zero, por do të jetë = xhiro vjetore – 50% shpenzime në rastin e shërbimeve = baza e taksueshme.
Baza e taksueshme taksohet me 15% për xhiron deri në 14 milionë lekë. Konkretisht në ndërmjetësimin e pasurive të paluajtshme kur një ndërmjetës faturon mesatarisht 2,000,000 lekë/vit do të zbritet 50% si shpenzime dhe ndërmjetësi do të taksohet për 15% të diferencës së mbetur prej 1,000,000 lekë.
Theksojmë se iniciativa sërish i mbron nga taksimi duke njohur 50% si shpenzime, por sërish nuk është zero, ashtu si programi i prezantuar që nga 2020 dhe që merrte efekt në 2021 për 8 vite.
Ky ndryshim ndikon ndjeshëm në programet e stafit tonë dhe ne rrezikojmë që një pjesë e konsiderueshme e agjentëve ose zyrave ndërmjetësuese të largohen nga ne për shkak të shpenzimeve ekstra nga taksimi.
Ajo çka është për t’u përmendur është se këto ndryshime prishin shumë besueshmërinë e institucionit, le të themi që taksa prej 15% nuk është shumë e madhe si tatim fitim sepse vërtet krahasuar me vende të tjera të Europës dhe botës 15% është shumë pak, duke konsideruar se edhe njohja e shpenzimeve deri 50% nga shteti ndihmon ne taksim dhe praktikisht në sektorin e shërbimit të vetpunësuarit do të taksohen me 50% të 15% = 7,5% të xhiros.
Duke diskutuar në këto norma, sërish themi që Shqipëria nuk përmban taksim të lartë dhe jemi shumë mirë me standardet ndërkombëtare si në rajon ashtu edhe në Europë, por problemi më i madh që ne evidentojmë është ndryshimi i shpeshtë i normave dhe ligjit të taksimit. Ne e mirëkuptojmë që kjo bëhet për të përmirësuar, por duhet pasur parasysh që kompanitë dhe njerëzit bëjnë plane afatgjate dhe nuk mund të kemi ndryshime në afate kohore kaq të shkurtra.
Për të përmbledhur gjithë kjo lëvizje do të inicionte si më poshtë dy gjera themeltare:
1) rënien e besimit tek politikat e taksimit nga institucionet shtetërore prej ndryshimeve të shpeshta
2) rritjen e informalitetit në shumë fusha të biznesit për të evituar taksimin.
Me këto ne do te ktheheshim disa vite pas dhe kjo nuk i bën aspak mirë ekonomisë së vendit, por sidomos një sektori në zhvillim siç është ndërmjetësimi i pasurive të patundshme.
Shpresojmë shumë që kjo të konsiderohet në muajt në vijim dhe gjatë procesit të konsultimit ky projekt të ketë ndryshimet e duhura, sepse vërtet do të përbëjë një problem për gjithë strukturat e mirë organizuara, duke i dhënë mundësi strukturave më të vogla të mos deklarojnë dhe të bëhen një konkurrent agresiv dhe jo i barabartë për ata që deklarojnë./MONITOR
Politika e rritjes së pagës minimale dhe presioni i mungesës së fuqisë punëtore në tregun e punës po i shtyn drejt rri...
Euro Kursi i këmbimit të Euros vazhdon të shënojë rekorde të reja në rënie. Sipas Bankës së Shqipër...
Papunesi Kriza që shkaktoi pandemia e COVID-19 në vitin 2020 dhe 2021 shihet si një mundësi për qeveritë që të refl...
Fiksimi i çmimeve të karburanteve nga Bordi i Transparencës po krijon pasoja në tregun e karburanteve, nga falimetimi i kompanive të...
Parku Teksa në vend vlon debati për parkun Arkeologjik të Butrintit i cili do të menaxhohet nga një fondacion në një mod...
Banka Boterore Qeveria ka nevoja të mëdha për investime në infrastrukturë sidomos në furnizimin me ujë, transport dhe en...
Qeveria shqiptare do të zhvillojë në muajin shtator një ankand të ri të obligacioneve me maturim 15 vjeçar. Sipas Minist...
Harta Ndonëse Shqipëria është shteti më i varfër në Europë, me prodhimin e brendshëm për frymë q&eum...
Gruri Serbia dhe Rusia e dominuam furnizimin e vendit me grurë në pesë-mujorin e parë të vitit 2022 edhe pse lufta në U...
Familjet e varfra, ato që trajtohen me ndihmë ekonomike po ndeshën më vështirësi kohët e fundit, për shkak të sht...
