LIVE UPDATES
Ekonomi

Konsumi për mallrat e bulmetit vijon të mbetet larg niveleve të para luftës në Ukrainë, për shkak të çmimeve

Rritja e çmimeve solli edhe pakësim të konsumit, veçanërisht për produktet e qumështit të deles ku u shënua shtrenjtimi më i lartë i çmimeve.

11 Maj 2024, 07:27 Nga r.ll
Konsumi për mallrat e bulmetit vijon të mbetet larg niveleve të
Foto ilustruese

TIRANË- Edhe pse rënia e çmimeve të produkteve të bulmetit ka përmirësuar kërkesën për blerje nga konsumatorët në raport me vitin e kaluar, sipas përfaqësuesve të fabrikave të përpunimit të qumështit, konsumi vijon të mbetet larg niveleve para krizës së çmimeve në 2022.

Luis Ndreka, përfaqësues i kompanisë ADG (ish-Lufra) pohon se krahasuar me vjet, kërkesa ka shënuar rritje të lehtë, por ende nuk ka kapur nivelet para 2022.

Ndërsa në muajt e dimrit, sipas tij, nuk ka pasur rritje të shitjeve. Rritja e çmimeve të mallrave të bulmetit nisi nga marsi 2022 dhe vijoi gradualisht deri në gusht të 2023, muaj në të cilin arritën pikun.

Çmimet e asaj periudhe ishin 40% më të larta se para periudhës së krizës së çmimeve që erdhi nga lufta në Ukrainë.

Rritja e çmimeve solli edhe pakësim të konsumit, veçanërisht për produktet e qumështit të deles ku u shënua shtrenjtimi më i lartë i çmimeve.

Luis Ndreka, më herët pohoi për “Monitor” se kjo solli rënie të kërkesës 10 – 15% në 6-mujorin e parë të 2023, krahasuar me të njëjtën periudhë të 2022.

Çmimet, sipas tij, kanë tendencë rënëse për shkak të konkurrencës nga produktet e importit, por edhe nga ulja e çmimit të qumështit vendas, pasi është shtuar prodhimi.

Importet e qumështit vijojnë të shënojnë rritje. Sipas të dhënave të Doganave në periudhën janar-mars janë importuar 4,6 milionë litra qumësht, sasia më e lartë që nga viti 2016. Importet e periudhës krahasuar me vjet janë rritur rreth 33%.

Rritja e importeve po nxitet edhe nga problematikat e shitjes së prodhimit vendas. Brenda një viti, çmimi i shitjes së qumështit të lopës për fermerët është ulur me 25%, nga 80 lekë pa TVSH që ishte në muajin prill të vitit të kaluar, aktualisht po kërkohet me 60 lekë pa TVSH.

Në harkun e një viti, çmimi i shitjes së qumështit është ulur disa herë me 2 deri në 3 lekë.

Ulja e fundit u shënua më 1 prill 2024 edhe me 10 lekë të tjera. Çmimi i shitjes së qumështit, nga 70 lekë pa TVSH, arriti në 60 lekë pa TVSH.

Ervin Resuli, drejtues i një ferme të mesme në Fier, tha se nga fabrikat e përpunimit të qumështit nuk po blihet qumësht i prodhuar nga fermat e mëdha dhe të mesme, për shkak konfliktit me çmimet.

Të vetmit që po shesin qumështin me çmim 60 lekë, nën koston e prodhimit janë fermat e vogla.

Z. Resuli tha se situata është krijuar pas rënies drastike të çmimit të shitjes që rrezikon falimentimin e fermave. Sipas tij, nga muaji prill 2023, kur qumështi tregtohej me çmim 80 lekë pa TVSH deri tani, çmimi i shitjes ka rënë 20 lekë për litër.

Ulja e çmimit të shitjes detyroi blegtorët të dalin për herë të dytë në protestë në mbrojtje të prodhimit tyre, duke kërkuar më tepër subvencione nga shteti shqiptar.

Luis Ndreka, nga kompania “Lufra”, pohon se çmimi i qumështit si lëndë e parë ka qenë më i larti në Europë e ndoshta edhe në botë, deri afër fundit të vitit 2023.

Sipas tij, çmimi mbetet ende i lartë krahasuar me vendet europiane edhe me uljen e fundit të datës 1 prill 2024, për shkak subvencioneve që jepen ndaj fermerëve të huaj, duke iu garantuar rënia e kostove.

“Çmimi i qumështit që vjen nga fermat e importit është më i lirë. Javën që shkoi arriti minimumin prej 38 cent në derën e fermës në Hungari.

Bashkë me transport (që i shton rreth 20% kosto) dhe taksën mbrojtëse të prodhimit vendas 10%, ai vjen këtu në pikat e grumbullimit me kosto rreth 59-61 lekë pa TVSH, përsëri më lirë sesa çmimi i ofruar te fermerët vendas.

Fermat e shteteve të BE-së, siç është Hungaria apo dhe shtete të tjera janë mbështetur shumë nga politika dhe subvencione dhe vazhdojnë të subvencionohen, gjë që ia ul shumë koston e prodhimit”, pohon z. Ndreka./MONITOR

mallrat e bulmetit rritja e çmimeve

Sondazh

Poll
MË SHUMË

Kryeministri Rama kryen nderimet në homazhet për gazetarin Enrik Mehmeti

Kryeministri Rama kryen nderimet në homazhet për gazetarin Enrik Mehmeti

Emigrantët bllokohen në pikën kufitare mes Kroacisë dhe Serbisë, kërkojnë informacion

Pesë turistë gjermanë mbetën të bllokuar në Karaburun, ekipet e shpëtimit bënë të mundur gjetjen

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Berisha: Ky është procesi më i thellë i ripërtëritjes së PD që nga themelimi i saj!

“Neomalsorja” i bashkohet protestës së 49-të para Kryeministrisë: Rezistenca e qytetarëve nuk ndalet

Regjisori krijues i Star Wars mbështet Inteligjencën Artificiale

Rama: Deri në 1 mld euro mbështetje për bizneset, kredi deri në 2 milionë euro me interesa të ulëta

Rama i kthehet biznesmenit: Në Shqipëri ka para të pista, por s'mund t'i veshim këtë kostum vendit

Rama i përgjigjet komentuesve: Ka qeveri që bëjnë punë të mira, ka që bëjnë të këqija

Dyfisho sipërmarrjen tënde/ Rama: Cikël takimesh me bizneset e interesuara

Moment paniku në Theth! Guri bie mbi makinë, turistët shpëtojnë pa lëndime

Përfaqësuesi i Sindikatës së Punonjësve të Universiteteve:Dua të përcjell mbështetjen e profesoratit

Plagosja me thikë te Poliklinika e Shkodrës, dalin pamjet e rënda!

Si po ecën marrëdhënia mes Ariana Grande dhe ish të dashurit të saj pas ndarjes me Ethan Slater?

Nuk më pëlqen ta ekspozoj jetën time, Benny Blanco rrëfen si po mësohet me jetën e Selena Gomez

Edi Rama përmend vrasjen e Martin Canit: E kujtoj çdo ditë, ata që e përdorën për politikë e harruan

Rama: Kemi hyrë në zemër të problemit, djegia e makinës pas krimit nuk mund të ndodh më

Kush është modelja që u bë virale për ngjashmërinë me futbollistin Erling Haaland?

Kujtimet tona do të jetojnë gjithmonë, mesazhi i Donatella Versace për të vëllain Gianni Versace

Berisha: Dënoj heshtjen prej vasali të qeverisë shqiptare ndaj deklaratës së ministres së Vuçiçit

Berisha: Drejtimi i PD është ripërtërirë me personalitete ndër më të shquarit në fushat e tyre

Berisha uron drejtuesit e rinj të PD: Vota e lirë në themel të kësaj force politike

Çfarë detajesh tërhoqën vëmëndjen në festimet e ditëlindjes së Jennifer Lopez në Paris?

Salla: Fermeri do ta shohë prodhimin edhe si aset për financim

Përplasje e ashpër në Kuvend/ Bido: Populizëm që dëmton Kosovën

Tentoi të transportonte pistoleta! Kapet në tunelin e Skërficës, 31-vjeçari

Ndryshimet në "Ligjin për Turizmin", Balla: Pezullohen punimet në bregdet gjatë sezonit turistik

Balla mbron Ramën nga Redi Muçi: Lani gojën kur t'i përmendni emrin

Deklarata diskriminuese e ministres serbe/ Muçi akuzon Ramën për heshtje: Çfarë pret kryeministri?

Spiropali dërgon në Asamblenë e PS mocionin për hapjen e partisë

Kuvendi mblidhet sot në seancë plenare, ‘blindohet’ me autobotë uji dhe forca të shumta policore

Ilirjana Kuçana akuzon lidershipin për shkelje të Statutit dhe "Mulizim" të partisë

Protestuesja: Shqipëria nuk e përmban dot një koncert si të Kanye West, vendi ynë ka marrë fund

Thirrjet për Ramën, protestuesi: Traumë për fëmijët të thonë Rama jep dorëheqjen

Dita 46-të e protestës/ Protestuesi: Sali Berisha dhe Edi Rama të thyejnë qafën

Protesta qytetare bën bashkë shqipëtarë nga çdo krahinë, valëviten flamujt nga diaspora

Protesta e 46-të/ Mbyllen fjalimet para Kryeministrisë, nis marshimi rrugëve të Tiranës

PD ndërpret sinjalin për median/ Anëtarja e Këshillit Kombëtar përplaset me Berishën

Berisha prezanton emrat: PD do të ketë nënkryetar nga diaspora dhe rinia

Berisha: Gjenerata Z dhe qytetarët i hapën varrin narkodiktaturës dhe do ta marrin me vete

Berisha: Protesta 46-ditore që vazhdon është tërësisht antidiktatoriale

Shiko video te tjera