Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Në një intervistë ajo u shpreh se problematikë parësore mbetet përdorimi i shërbimit nga moshat e treta, të cilët nuk janë brez i internetit dhe mund të hasin në vështirësi.
Meri Lika ka folur rreth mbylljes së sporteleve të institucioneve në lidhje me shërbime të ndryshme të cilat nga 1 maji kanë kaluar online.
Në një intervistë ajo u shpreh se problematikë parësore mbetet përdorimi i shërbimit nga moshat e treta, të cilët nuk janë brez i internetit dhe mund të hasin në vështirësi.
Zonja Lika, siç dihet nga data 1 maj të gjitha shërbimet e institucioneve shtetërore kanë kaluar online. Si mendoni ju është arritje kjo lloj mënyre shërbimi dhe a ka problematika?
Sigurisht që ofrimi i online i shërbimeve është shumë i rehatshëm në kuptimin e mos humbjes së kohës, të ecejakeve nëpër rrugë e zyra, të pritjeve të radhëve të gjata e të tjera të tilla por ndërprerja e shërbimeve fizike në mënyrë të menjëhershme si dhe mbyllja e çdo sporteli të cilët më parë kanë ofruar shërbimet ka sjellë shumë problematika për qytetarët dhe për bizneset.
Cilat janë problematikat sipas mendimit tuaj?
Ajo që është më e prekshme në momentin e parë janë shërbimet për moshën e tretë, e cila nuk është moshë e internetit dhe për të marrë një dokument të thjeshtë për shembull me shumën e pensionit, është e detyruar të drejtohet nëpër zyra dhe të paguajnë për këto aplikime.
Por nuk është vetëm kjo problematikë. Gjatë punës sime, e cila një pjesë të madhe të saj është e lidhur drejpërdrejtë me këto shërbime, kam hasur problematika të shumta të cilat shoqërohen edhe me penalitete.
Çfarë problematikash, për shembull, ka hasur biznesi?
Unë do të përmend disa raste të cilat i kam hasur vetë me klientët e mi por edhe kolegët e mi.
- Një biznes i ri i cili sipas ligjit i duhet të bëj deklarimin e pronarëve përfitues. Ky biznes ka si ortak kryesor një shoqëri të huaj dhe për të kryer këtë deklarim nevojiten dokumentet e ortakut kryesor, pra të shoqërisë së huaj. Këto dokumente përfshijnë, ekstraktin e shoqërisë (pas apostiles i përkthyer dhe i noterizuar në gjuhën shqipe), statuti i shoqërisë së huaj (i përkthyer dhe i noterizuar) në shqip, dhe dokumente të tjera por nuk po i përmend sepse problematikat në sistemin online i kanë këto dy dokumente.
Në momentin kur shoqëria kryen aplikimin dhe i duhet të ngarkojë dokumentacionin, të cilët kanë shumë faqe në gjuhën e huaj, kanë pothuajse po aq faqe në përkthimin në shqip, plus edhe noterizimin, dokumentin e vulës apostile dhe deklaratën e përkthyesit, pra siç kuptohet kapaciteti i tyre në MB është i madh, është e pamundur të ngarkohen dokumente më të mëdhenjë se 5 MB.
Shoqëria detyrohet ta ndaj dokumentacionin dhe njërën pjesë ta ngarkojë ku duhet dokumenti dhe pjesën e dytë tek seksioni “Të tjera”. E pas kësaj aplikimi refuzohet me shpjegimin se mungon përkthimi i dokumentacionit në gjuhë të huaj (ndërkohë që përkthimi është por thjesht është i ngarkuar tek seksioni “Të tjera”).
- Problematikë tjetër, edhe kjo në deklarimin e pronarëve përfitues, është sërish me një shoqëri të huaj e cila është aksionere kryesore në një shoqëri të krijuar në Shqipëri dhe kur gjatë aplikimit kërkohet të vendoset emri i shoqërisë së huaj që ka shumicën e aksioneve, qeliza ose kutia ku duhet të shkruhet emri pranon vetëm 30 karaktere ndërkohë që emri i shoqërisë së huaj ka 50 karaktere.
Aplikuesi e shkruan emrin me shkurtim por aplikimi i refuzohet me argumentin, sepse nuk është shkruajtur emri i plotë i shoqërisë aksionere. Pas kësaj aplikuesi detyrohet të drejtohet në zyrat e Qendrës Kombëtare të biznesit por atje askush nuk përgjigjet dhe i japin e-mailin, si të vetmen mundësi për komunikim.
Biznesi i drejtohet e-mailit dhe në mënyrë automatike i vjen përgjigja.
Siç mund të shihet edhe në foto përgjigja e e-mailit është në datën 18 maj, por që prej asaj date dhe deri më sot pra në datën 25 maj nuk ka asnjë reagim për problematikën e ngritur nga subjekti.
Ndërkohë që subjekti e ka të pamundur të kryej deklarimin e pronarit përfitues, ligji parashikon penalitete pasi kalojnë afatet. Por nuk është ky problemi i vetëm që ka biznesi, gjatë kohës që ai orvatet të zbatojë ligjin, e ka të pamundur të hap një llogari bankare për arsye se asnjë bankë e nivelit të dytë nuk e hap llogarinë bankare pa ekstraktin e regjistrit të pronarit përfitues. Kjo pamundësi për t’ia dalë e vendos biznesin përpara paaftësisë për të paguar pagat e punonjësve të tij.
Problematikë tjetër haset edhe në rastet e ndryshimeve të biznesit bazuar në vendimet e aksionerëve. Aplikimi shkon deri në momentin kur duhet të klikohet “Dërgo aplikimin” dhe sapo klikohet dërgimi i aplikimit sistemi nuk gjeneron numër gjurmimi për aplikimin por automatikisht shkon në faqen kryesore të e-albanias gjë që do të thotë se sistemi nuk e ka marrë aplikimin.
Edhe në këtë rast, nëse kalon afati 30 ditor dhe vendimi i aksionerëve nuk dorëzohet, subjekti penalizohet.
- Ka edhe probleme të tjera për dorëzimin e pasqyrave financiare për shoqëritë me administrator të huaj, sepse sipas Qendrës Kombëtare të Biznesit, fillimisht subjekti duhet të deklarojë administratorin e huaj që më pas të kryhen procedurat.
Por kjo hallkë është një absurditet sepse administratori është i deklaruara si në Qendrën Komëbtare të Biznesit po ashtu edhe në sistemin tatimor. Por problemi më i madh nuk është kjo është se për të kuptuar se përse është i pamundur dorëzimin i pasqyrave financiare duhet të kalosh zyrave të cilat refuzojnë të të shërbejnë fizikisht por duhet vetëm të komunikosh online me to. Por kthimi i përgjigjeve online zgjat ndërkohë që afatet kalojnë.
Por për qytetarët a keni dijeni ju se çfarë problematikash ka shërbimi online?
Në fakt puna ime lidhet me bizneset dhe jo me individët por duke ndihmuar një të afërmin tim ka vërejtur një problematikë në lidhje me aplikimin për pension.
Në rubrikën ku qytetari duhet të aplikojë për pension janë të përcaktuara se cili është dokumentacioni që duhet të ngarkojë qytetari dhe cili është dokumentacioni që institucioni e siguron vetë.
Siç shihet qytetari duhet të ngarkojë në sistem vetëm 3 dokumente. Por në fakt gjatë aplikimit sistemi i kërkon një lum me dokumente, plotësime e deklarime.
Edhe pas plotësimit dhe ngarkimit të gjithë dokumentacionit aplikimet refuzohen me shpjegimin se gjithë dokumentacioni duhet të dërgohet pranë Drejtorisë Rajonale të Sigurimeve Shoqërore edhe me postë.
E thashë edhe më parë problemin më të madh e ka mosha e tretë, të cilët për çdo shërbim duhet të drejtohen ta kërkojnë kundrejt pagesës këtë shërbim, nëpër zyra të cilat çuditërisht kanë reklamuar ofrimin e këtyre shërbimeve përpara sesa qeveria të nxirrte vendimin.
Sipas mendimit tuaj, si mund të eleminohen këto problematika?
Për mendimin tim, duhet të vazhdojnë të funksionojnë sportelet të cilat të ofrojnë shërbimin për të gjitha rastet kur sistemi nxjerr problematika. Nëse nuk do të ketë më sportele duhet që të pezullohen penalitetet të cilat vijnë si rezultat i kalimit online për procedurat e ndryshme. Penalitetet duhet të pezullohen deri në momentin që sistemi të funksionojnë mirë.
E njëjta problematikë do të haset edhe me procesin e fiskalizimit për të cilin penalitetet fillojnë nga data 1 korrik por ndërkohë që sistemi nuk funksionon mirë.
(d.a/dosja.al)
Dhurata Ministria e Financave dhe Ekonomisë ka nisur hartimin për ndryshimin e ligjit për “Tatimin mbi të ardhurat” i ndrys...
Kukes Qarku i Kukësit u rreshtua edhe në vitin 2020 si qarku më i varfër në vend edhe pse ka densitetin më të lartë...
Bankat Sektori bankar e frenoi rritjen në tremujorin e parë të këtij viti. Të dhënat paraprake dhe të paaudituara nga S...
Rruge Qeveria ka ngrirë fondet e investimeve për rreth 28 projekte me vlerë 12 miliardë lekë (100 mln euro) në buxhetin 2022 ...
Pasi u godit nga pandemia e Covid-19 për dy vjet, sektori i turizmit po shfaq shenja rimëkëmbjeje në shumë pjesë të bot&eum...
Foto ilustruese Më shumë se gjysma e të punësuarve me rrogë në Shqipëri paguhen nën pagën mesatare q...
Foto Ilustruese TIRANË- Hapja e rrugëve ka rikthyer dhe “dëshirën” e shqiptarëve për t’u larguar nga vendi....
Foto ilustruese 5.4% e të punësuarve në vend marrin më shumë se 120 mijë lekë në muaj, sipas statistikave të I...
Foto ilsutruese Ligji i ri “Për sipërmarrjet e investimeve kolektive” parashikon ndër të tjera mundësinë e market...
Ndertim Kompanitë e punëve publike që kanë kontratë publike për rindërtimin me financim të buxhetit të shtetit...
