Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Drejt politikës rendin interesaxhinjtë, të paaftët, dallkaukët, matrapazët, të korruptuarit, njerëzit e paskrupuj të cilët janë të aftë të bëjnë gjithçka vetëm e vetëm të arrijnë të përfitojnë nga politika, ata rendin sa në nga një parti tek tjetra sepse qenia e tyre në një parti nuk është se pranojnë programin e saj, por sepse vlerësojnë atë që do të përfitojnë nga ajo.
Pjesa e elektoratit gri e cila nuk voton për kahun politik, por voton për atë i cili e bind se do bëj më të mirën dhe se nuk do të jetë një shtetar i korruptuar, sot është krejt neutrale për shkak se ndihet totalisht e zhgënjyer nga politika. Kjo pjesë shumë e rëndësishme e shoqërisë, sipas mendimit tim, është e lodhur, e mërzitur dhe për më tepër e pa shpresë në lidhje me liderin që do ta bind të shkojë drejt kutive të votimit.
Të kërkosh një lider të denjë për votën tënde, është gjëja më normale në respektin që ke për veten dhe për vendin, dhe pjesa gri e votuesve nuk po bën asgjë më shumë se kaq, pra po respekton veten, parimet dhe të ardhmen e tij.
Të gjithë jemi duke kërkuar dëshpërimisht një lider të ri, një lider që mundësisht të mos ketë të kaluar nga politika e tridhjetë vjetëve, të cilin kjo pjesë e votuesve ende nuk e ka gjetur sepse siç thotë një shprehje “Udhëheqja është si bukuria, e vështirë për t'u përcaktuar, por e lehtë për t'u njohur nëse e sheh” e ata nuk po shohin tek asnjë nga politikanët e sotëm, liderin për të cilin kanë nevojë.
Politika shqiptare, historikisht, ka qenë në funksion të një individi. Shoqëria jonë demokratike nuk i shpëtoi dot kultit të individit të trashëguar nga diktatura dhe sot shumë prej atyre që merren me politikë, fitojnë poste jo se janë personalitete vetë por sepse buzëqeshin në të njëjtën kohë më kryetarin, kanë ftohtë në të njëjtën kohë me kryetarin, kanë uri në të njëjtin moment me kryetarin, madje kanë mendim menjëherë pas kryetarit, njësoj si ai burri i cili thoshte gjithmonë fjalën e fundit në shtëpi dhe kjo fjalë ishte “grua ke shumë të drejtë”.
Sidomos politika jonë e dhjetëvjeçarit të fundit, largoi madje mund të themi pa frikë se zhduku profesionistët për t’i zëvendësuar me ngritësa kartonesh, përjashtoi njerëzit me personalitet për t’i zëvendësuar me njerëz pa shtyllë kurrizore, largoi njerëzit me mendim për të sjellë persona me mendim deficitar, largoi njeriun dhe solli manekinin, largoi mendimin e lirë dhe i mbushi partitë me servilë të liderit të cilët e adhurojnë jo se janë dakord me politikat e tij por sepse si langoj presin nga ai kockën e radhës.
Drejt politikës rendin interesaxhinjtë, të paaftët, dallkaukët, matrapazët, të korruptuarit, njerëzit e paskrupuj të cilët janë të aftë të bëjnë gjithçka vetëm e vetëm të arrijnë të përfitojnë nga politika, ata rendin sa në nga një parti tek tjetra sepse qenia e tyre në një parti nuk është se pranojnë programin e saj, por sepse vlerësojnë atë që do të përfitojnë nga ajo.
Po si arritëm këtu?
Arritëm sepse shtresa politike që kemi ndërtuar prodhon shumë tipe politikanësh por është shumë e vështirë të prodhojë liderët që i duhen shoqërisë.
Problemi, natyrisht, qëndron në mungesën e demokracisë së brendshme në partitë politike dhe në procedurat e brendshme për të fituar akses në udhëheqjen e tyre të lartë, me zakone më tipike për monarkitë absolute sesa për organizatat moderne dhe gjoja demokratike.
Idetë bien në sy jo nga debati autentik për to, po nga mungesa e theksuar e tyre.
Në këtë mjedis, të cilin ne vetë e kemi pranuar, farkëtohen liderët partitokratë dhe jo liderët politikë.
Nga politika e sotshme është shumë e vështirë të kemi një lider të ri sepse ajo është e mbushur me breshka në majë të shkopit.
“Një i ri po ecte nëpër sheshin e një qyteti dhe pasi kishte ecur shumë, qëndroi të pushonte pak. U ul në një stol e ngjitur me të ishte një burrë i moshuar i cili filloi t’i fliste. Folën për vendin, qeverinë, deputetët, politikanët etj si këto.
Burri i thotë djalit:
- A e dini se POLITIKANËT JANË SI BRESHKA MAJË SHKOPIT?
Pas një heshtjeje të shkurtër djali u përgjigj:
-Nuk po e kuptoj mirë krahasimin... Çfarë do të thotë kjo, zotëri?
Burri fillon t’ia shpjegojë:
-Nëse ecën në rrugë dhe në majë të një shkopi shikon një breshkë që mundohet të mbaj ekuilibrin, çfarë mendon? Duke parë fytyrën e habitur të djalit, burri vazhdon me sqarimin:
-E para: Nuk e kupton si ka arritur breshka aty.
-E dyta: Nuk mund ta besosh që një breshkë është në atë vend.
-E treta: E di që nuk ka hipur vetë deri aty.
-E katërta: Je shumë i sigurt që nuk duhet të ishte aty.
-E pesta: Je shumë i sigurt që nuk ka për të bërë asgjë për sa kohë do jetë aty.”
Mimoza Hafizi, fizikante Ndokujt mund t’i duket rastësi se si shifrat veçanërisht dramatike të regjistrimeve universitare ...
Shaban Murati Në fjalimin, që kryeministri i Shqipërisë, Edi Rama, mbajti në 12 tetor në Asamblenë e Përgjithë...
Enton Abilekaj Mund të jetë i vërtetë pretendimi mburravec i Kryeministrit, se fjalimi i tij ra si bombë në Asamblenë Pa...
Foto ilustruese Është e qartë që Vladimir Putin dëshiron që ne ta shohim si një i çmendur që mund të p&...
Foto ilustruese Dikur mendoja se teoritë e konspiracionit ishin streha e njerëzve të pafuqishëm dhe të paarsimuar. Bindja se forca...
Sali Berisha dhe Besart Xhaferri Nuk ka asgjë kundër Partisë Demokratike në polemikat apo edhe sherret që pasuan zgjedhjen e Kryet...
Meri Lika Manipulimi i votës është një pjesë integrale e historisë politike në Shqipëri. Shpesh kisha menduar se nd...
Foto ilustruese Dimri i viteve 1973-74 ishte i zymtë dhe në mënyra të ngjashme, i njëjtë si ky sot. Në përgjigje t...
Foto ilustruese Shqipëria është kthyer në një vend paradoksesh dhe i çudirave të mëdha, me raste, edhe qesharake...
Mikhail Gorbachev dhe Vladimir Putin Donald Trump premtoi ta bënte sërish të madhe Amerikën. Slogani i preferuar i Xi Jinping shpall &l...
