Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Dosja/ Vipat kundër vipave që thyejnë karantinën
Personazhet e njohur përcjellin jo vetëm artin e tyre tek publiku i gjërë, por janë dhe transmetuesit më të mëdhenj të mesazheve të rëndësishme, pasi publiku i do, i beson dhe i merr si një shembull.
Ndërsa pandemia e koronavirusit mbërriti në Shqipëri, shumë prej vipave shqiptarë u angazhuan në rrjete sociale, për të përcjellë video solidarizuese, informuese, dhe për t’i bërë një thirrje publike të gjithë shqiptarëve, të qëndrojnë në shtëpi.
Një ndër ‘armët’ për të luftuar Covid-19 ishte karantina, dhe për këtë duhet të kishte një ndërgjegjësim të gjithanshëm të njerëzve, që nëse thyenin rregullat, rrezikonin veten, të tjerët përrreth, por edhe familjen e tyre.
Në mes të kësaj pandemie, VIP-at në të gjithë botën shërbejnë si një shembëlltyrë, për të përcjellën mesazhe, që kanë një ndikim të drejpërdrejtë tek publiku që i ndjek. Në këtë mënyrë edhe personazhet e shoëbiz-it shqiptar kanë realizuar video-mesazhe ku, me tone lutëse i drejtohen publikut të gjerë, të përpiqen të bëjnë maksimumin për të respektuar rregullat bazë të karantinës.
Por, mësa duket po këta personazhe që kanë publikuar mesazhet sensibilizuese, dhe i kanë kërkuar njerëzve të qëndrojnë të izoluar, janë endur bregdeteve për t’u argëtuar dhe për të lënë paksa në harresë këtë periudhë të errët, që po kalon Shqipëria dhe bota mbarë.
Për më tepër, kanë lënë në harresë ‘moralin’ e bërë pak kohë më parë, dhe janë dyndur nëpër resorte turistike, për të shijuar diellin e pranverës. Por jo vetëm kaq, i kanë bërë ‘zili’ shqiptarëve, me poza nga bregdeti, nga bukuritë e Jugut, dhe nga vilat që kanë buzë plazhit.
Kjo, nuk ka revoltuar vetëm njerëzit e thjeshtë që i ndjekin virtualisht, por edhe kolegët e tyre, VIP-at që nuk e harrojnë, që duhet të jenë ata të parët për ta mbajtur fjalën, dhe për të qëndruar në karantinë. Këto personazhe, që kanë respektuar me rigorozitet çdo rregull, kanë cilësuar si skandaloze sjellet e atyre që ndërsa bënin moral, thyenin karantinën dhe bënin ‘karshillëk’.
Përplasja Aulona Musta- Arbana Osmani
Pak ditë më parë, moderatorja Arbana Osmani postoi një foto nga rëra e Adriatikut, duke treguar ndër të tjera se kishte shkuar në shtëpinë e saj të dytë, buzë detit. Kjo, një përgjigje për ata ndjekës që i vunë në dukje që kishte thyer karantinën.
Kujdesuni për veten, dhe për të tjerët❤️
Por, a është i duhur ky veprim, nga moderatorja Osmani, që vetëm pak pasi koronavirusi mbërriti në Shqipëri, citonte këtë fjalë në mesazhin sensibilizues të përcjellë përmes një videoje në Instagram:
“Miqtë e mi të dashur në këto ditë të vështira, në këtë situatë të pazakontë për të gjithë botën, edhe për vendin tonë, kam një mesazh për të gjithë ju, për të gjithë ne. Le të përpiqemi që të bëjmë maksimumin për të parandaluar përhapjen e virusit duke marrë të gjithë masat që duhen në këto ditë, të lajmë sa më shpesh duart me ujë e me sapun, të vendosim duart përpara fytyrës kur tështitemi, brrylin përpara gojës kur kollitemi. Të evitojmë të gjitha kontaktet me njëri-tjetrin, puthjet përqafimet, dhënien e dorës, të qëndrojmë në shtëpi, të zbulojmë edhe njëherë kënaqësitë e qëndruarit në shtëpi, pranë të dashurve tanë pranë fëmijëve tanë. Të rrimë aty të shohim Tv të gatuajmë, të qëndrojmë me njëri-tjetrin dhe të shpresojmë që kjo situatë, edhe me bashkëpunimin e secilit prej jush, të kalojë sa më shpejt. Ju lutem bëjeni për njëri-tjetrin, bëjeni për ju!
Aulona Musta kritikoi hapur kolegen e saj Arbana Osmani, duke treguar se ky veprim ishte skandaloz dhe i pavend, në një situatë të tillë.
“Me sa kam parë disa e kanë bërë, shumë kanë nisur plazhin, dhe për mua është skandaloze. Personalisht për mua ka qenë shumë zhgënjyese të shikoj personazhet publik që postojnë foto dhe video nga plazhi. Ok unë e kuptoj. Shumë prej tyre kanë shtëpitë e tyre në plazh, në Durrës, në jug. Dhe me sa u informova ligji nuk të ndalon të shkosh në shtëpinë tënde sepse është një e drejtë themelore. Por dakord po shkove në shtëpinë tënde në plazh mos bëj karshillëk për pjesën tjetër, që nuk ka mundësi të shkojë dhe nuk duhet të shkojë sepse i është dhënë urdhër që duhet të rrijë në shtëpi. Tani ç’kuptim ka që ju personazhet publik para një jave keni bërë fushatën më të madhe rri në shtëpi, qëndro në shtëpi, posto foto me fëmijët, mamin, burrin, unë rri në shtëpi. Dhe ndërkohë pas një jave je duke bërë plazh. Kur sjell ti shembullin e keq, pse personazhet e thjeshtë nuk duhet ta bëjnë, mos janë gjë personazhet me brirë. E kuptoj të gjithë mund të kenë disa privilegje. Kështu që kjo pjesa ka qenë shumë zhgënjyese për mua…”-shprehej Aulona Musta në një bisedë live me ndjekësit e saj në rrjete sociale.
Por, nuk është vetëm Arbana Osmani ajo që shijoi disa rreze dielli më shumë, dhe nuk i mbajti dot vetëm për vete, duke treguar me ‘zë’ të lartë që karantina nuk është e barabartë për të gjithë shqiptarët.
Vipat janë të privilegjuarit. Madje edhe në fundjavën ku të gjithë qëndrojnë ‘të burgosur’ dhe nuk kanë akses as për nevojat jetike, Jonida Maliqi dhe Romeo Veshaj endeshin rrugëve të Llogarasë, dhe postonin foto e video nga mrekullitë e Jugut. Në mes të rrugës, pa u stepur nga ligji, tashmë kishin thyer karantinën, por shijuan fundjavën të qetë, pa iu prishur qetësia.
Duket se edhe këngëtarja Jonida Maliqi e kishte harruar një detaj të rëndësishëm. Ishte një ndër personazhet që solli një mesazh sensibilizues për të gjithë shqiptarët: Qëndroni në shtëpi. “Unë qëndroj në shtëpi” shkruante këngëatarja me shkronja kapitale.
“Ky është një moment ku secili nga ne duhet të marrë përgjegjësi sepse me veprimet tona mund të mbrojmë veten dhe të tjerët nga përhapja e koronavirusit të ri. Ju lutem kufizoni lëvizjet. Qëndroni në shtëpi sa më shumë të mundeni. Evitoni kontaktet me njerëz. Mos shkoni në vende të populluara. Kafene. Restorante.
Të ndryshojmë të përditshmen tonë për tu mbrojtur nga një armik i panjohur që mund të na rrezikojë të gjithëve. Bashkë mundemi ta parandalojmë koronavirusin. UNË QËNDROJ NË SHTËPI,”- shkruan Jonida Maliqi në një postim në rrjete sociale.
Për të mos harruar Ingrid Gjonin, që poston shpesh momente nga vila e saj në Gjirin e Lalëzit, dhe për më tepër organizon festa e mbledh miq, sikurse të ishim në një periudhë të zakonshme, ku e vetmja gjë që na rrezikon më së shumti është kontakti me shumë njerëz, dhe A-ja për të parandaluar përhapjen e Covid-19 është distancimi social.
Gazetari Taulant Kopliku thumbon VIP-at shqiptarë
Kjo ‘dalldi’ e VIP-ave shqiptarë ka revoltuar jo vetëm Aulona Mustën, por dhe gazetarin shqiptar Taulant Kopliku, që i është hakërryer ‘tipave’ të tillë të shoëbizit që edhe bëjnë moral, edhe shfaqen të pashqetësuar në resorte bregdeti, pa u shqetësuar nga policia.
“Është e papranueshme, të shohësh çdo ditë nëpër portale, fotot këtyre tipave të shoëbiz-it, që shfaqen të pashqetësuar nëpër resorte bregdeti. Të njëjtit që bëjnë video morali nga shtëpia, duke i mësuar hallexhinjve sesi të rrijnë mbyllur. Dhe nuk është se qëndrojnë me kohë të plotë atje por e ndajnë javën sa në bregdet e sa në Tiranë. Por skandalozja është se këta aristokratë të rinj të atËdheut tonë të dashur, bëjnë 50 apo 150 km nga Tirana drejt destinacioneve turistike, pa u bezdisur aspak nga nje polici “strikte” e cila gjobit edhe një qen apo mace që sheh në rrugët e qyteteve,”– shkruan gazetari Taulant Kopliku në postimin e tij në Facebook.
Një gjë është e qartë nga gjithë kjo pasqyrë! Këto sjellje të VIP-ave shqiptarë tregojnë se ata dinë shumë mirë ta rrëfejnë ‘fabulën’, por çalojnë vetëm në një pjesë: Nuk kanë arritur të kutpojnë as vetë moralin e fabulës!
R.L/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË-Moderatorja Eva Murati ka qenë mjaft aktive në rrjetet sociale kohët e fundit ku shpeshherë ka hyrë edhe ‘live’ në rrjetin e saj të ‘Instagrami’.Së ...
BRITANI– Një projekt i ri do të përfshijë qentë në një trajnim ku do të nuhasin mostra prej pëlhure të veshur nga pacientët me koronavirus për të parë nëse viru...
KINË– Studiuesja kryesore në laboratorin e virusit në Wuhan paralajmëroi që shpërthimet e koronavirusit të ngjashëm me SARS, të lidhura me lakuriqët mund t...
Tiranë-Këngëtarja e njohur shqiptare, Rovena Stefa na ka treguar së fundmi sesi po ‘lufton’ me COVID-19, ndërkohë që është në karantinë.“Ja me çfarë luft...
Memorie.al publikon historinë e panjohur të ish-ushtarakut të lartë të Sigurimit të Shtetit, nënkolonel Pandeli Përmetit me origjinë nga fshati Bual i Përmetit ...
Tiranë- Nuk janë të paktë shqiptarët që thyejnë karantinën. Siç shihet edhe në videon e mëposhtme të publikuar nga JOQ, qytetarët lëvizin lirshëm nëpër l...
DashiKjo ditë është mjaft e favorshme për emocionet dhe dashurinë. Nëse në familje ka pasur probleme, tashmë do keni mundësi që ti zgjidhni. Zgjidhje do të gjen...
Këngëtarja simpatike Vesa Smolica ishte pjesë e “Ftesë në 5” me Bieta Sulon përmes një lidhje Skype, nga ku bëri thirrje që të gjithë ndjekësit të bëhen pjesë e...
Nga Holanda aty ku po kalon ditët e karantinës, Silvana Heijneman është shprehur e indinjuar me sistemin shëndetësor në Shqipëri. Përmes një lidhje skype për em...
KOSOVË– Këngëtarja Morena Taraku ka publikuar këngën e saj më të re “F*ck your location”, e inspiruar nga audiot e saj ndaj të dashurit, që u publikua në m...
