Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
SHQIPËRI– Nuredin Dumani, që vetëm pak muaj më parë njihej si një tutor prostitutash në Francë, ka një tjetër ‘profesion’. Ai tashmë është vrasës serial, për të cilin, Prokuroria ka lëshuar dy urdhër-arreste dhe ka në duar prova të mjaftueshmë për ta implikuar si ekzekutor në të paktën shtatë vrasje. Në një hark kohor prej vetëm shtatë muajsh, Dumani, i fshehur pas emrit të Talo Çelës, bashkëpunëtorit të tij më të ngushtë, nuk e hoqi armën nga dora, për të ‘hequr qafe’ çdo dëshmitar të ‘punëve të tyre të pista’.
Gjithçka nisi në muajin mars të këtij viti. Anxhelo Avdia dhe Dorian Shkoza ishin duke ecur në këmbë kur u qëlluan nga një makinë në ecje. I vetmi që kishte precedent penalë ishte Dorian Shkoza, i cili kishte qenë i dënuar me 8 vite burg për trafik droge dhe ishte liruar në vitin 2010. Dy të rinjtë merreshin me një servis makinash.
Pa u ftohur ende trupat e dy të rinjve, po në të njëjtin vend, në Shën Vlash të Durrësit, ‘kërciti’ sërish arma. Këtë herë, u ekzekutuan dy vëllezër. Besmir dhe Viktor Haxhia u vranë tek parku i tregut të makinave në Durrësit, aty ku kishin edhe një biznes të tyre. Sapo të dy vëllezërit dolën nga banesa dhe iu drejtuan parkut, 3 persona iu dolën para me makinën Toyota, viktimat ndaluan dhe ata nisën të qëllojnë drejt tyre. Në burg për këyë vrasje janë Altin Ndoçi dhe Klevis Alla, të dy bashkëpunëtorë të drejtësisë, që filluan të blebëzojnë sapo hasën muajt e parë pas hekurave.
Ndoci dhe Alla shënjestruan drejtpërdrejt Talo Çelën dhe Nuredin Dumanin për këtë vrasje. Arsyeja: Lekët e grabitura një vit më parë në Rinas, 4.6 milion euro. Një pjesë e tyre, Çela dhe Dumani, bashkëpunëtorë, ua kishin lënë për t’ua ruajtur dy vëllzerve Haxhia, por këta të fundit, i zhgënjyen. “Na grabitën,”- tha ata, por kjo ishte një alibi boshe për Çelën dhe Dumanin, të cilët pau menduar dy herë i vranë.
Kjo mjaftoi që Prokuroria të lëshojë një urdhër-aresti për Çelën dhe Dumanin, por jo vetëm për vrasjen e vëllezërve Haxhia. Prokuroria bashkoi dosjen e dy viktimave me atë të një muaji më parë, të Anxhelo Avdias dhe Dorjan Shkozës. Tabulatet telefonike dhe prova të tjera të ngjashme, zbuluan për grupet hetimore se Çela dhe Dumani, ishin edhe pas atij krimi të dyfishtë.
Ndërkohë, Çela ishte shpallur në kërkim për grabitjen e 4.6 milionë eurove në Rinas, pasi akuzohej se në servisin e tij, kishte ndihmuar autorët që të modifikonin furgonin me mbishkrimin ‘Hetimi Tatimor’, në mënyrë që askush të mos dyshonte tek ata.
Modifikimi i mjeteve ishte një praktikë e njohur për Çelën. Të njëjtën gjë, i shumëkërkuari që ka kthyer pas disa herë grupet e forcave RENEA kishte praktikuar edhe në serviset e katër viktimave. Nuk dihet nëse Shkoza dhe Avdiaj kishin lidhje me grabitjen e Rinasit, por servisi i tyre ishte përdorur për ç’montim mjetesh nga Çela dhe bashkëpunëtorët e tij.
Pavarësisht shpalljes në kërkim, Talo Çela dhe Nuredin Dumani, nuk reshtën.
Fshehur skutave dhe me plane shumë të mirëorganizuara, të dy nuk e ndalën aktivitetin e tyre.
Më 20 korrik të këtij viti, Emiljano Ramazani, u ekzekutua teksa parkonte mjetin e tij, poshtë pallatit ku banonte tek ‘Rrethrrotullimi i luleve’ në Elbasan. Klevis Kapllani është pikasur nga kamerat e sigurisë, teksa me armë në dorë, zbriti nga makina e drejtuar nga Nuredin Dumani, vrau babain e katër vajzave, të njohur dhe si ‘Ili’ dhe u largua.
Të dy i ranë rrotull vendit të krimit katër herë, si për të provuar dhe njëherë adrenalinën përballë autoriteteve, por pavarësisht postoblloqeve të ngritura, askush s’i pikasi.
Pas krimit, siç pohojnë dhe burime nga grupi hetimor, Kapllani ka vendosur armën në servisin që është në pronësi të Albert dhe Seit Manahasës në qytetin e Peqinit, për t’i fajësuar ata për këtë ngjarje. Të dy u vunë në pranga bashkë me katër persona të tjerë, pas gjetjes së armës. Kreshnik dhe Ymer Manahasa, Artur Tosku si dhe Bujar Dervishi u liruan pasi ndaj tyre nuk u gjetën prova. Ndërsa Albert dhe Seit Manahasa janë në burg deri në përfundim të hetimeve.
Ramazani kishte njohje me Talo Çelën, por ‘era’ e parave të Rinasit, ishte futur edhe mes tyre. Dumani, i kënaqur që eliminoi dhe tjetër ‘përfitues’ u nis të fshihej bashkë me Kapllanin. Të dy bashkë, janë nga i njëjti fshat, Sinaballaj të Rrogozhinës dhe njerëzit që i njohnin i identifikonin me njëri-tjetrin. Por dhe kjo miqësi, do të thyhej, e sërish për shkaqe parash.
Më 15 shtator të këtij viti u vra dhe Klevis Kapllani, vetëm 200 metra larg banesës së tij, pak orë pasi kishte dalë të pinte disa birra me shokët. Edhe për këtë ngjarje, është shpallur në kërkim Nuredin Dumani. Këtij të fundit, policia i zuri edhe pritë me shpresën se do të paraqitej në funeralin e mikut që vrau, por 37-vjeçari nga Dibra që u kishte shpëtuar kaq shumë herë duarve të bluve, nuk e hëngri këtë karrem.
Ai gjeti strehë dhe nuk doli, deri në goditjen e radhës. Dumani tashmë e kishte shtrënguar rrethin mjaftueshëm, dhe i vetmi mik që i kishte mbetur pa goditur ishte Talo Çela.
Këtë të fundit, në pamundësi për ta takuar as nëna e tij që e ka lindur, Dumani gjeti mundësinë ta godiste tek i vëllai. Bujar Çela, një taksist në të zezë, vuajti ndoshta ‘pangopshmërinë’ e të vëllait nga ‘torta e Rinasit’ dhe mbylli sytë teksa pinte kafenë e mëngjesit më 17 shtator.
Këtë herë Dumani nuk e kreu vrasjen i vetëm. Ai ishte vetë i tretë dhe rrobat që mbante veshur, e kanë nxjerrë zbuluar nga kamerat e lokalit, bë verandën e të cilit, eliminoi edhe të vëllanë e bashkëpunëtorit, me të cilin kishte bërë një rrugë të gjatë krimesh.
Siç duket mania për të ‘ngrënë’ sa më shumë nga paratë e grabitura në mënyrë spektakolarë mesditën e 9 prillit në Rinas, u shkurtoi jetën të afërmve të bashkëpunëtorëve. Gjithsesi, si urdhërues i të paktën dy vrasjeve që ka kryer Dumani, është Erion Alibej, i cili është vënë në pranga në Elbasan dhe ndodhet pas hekurave.
Përveç eliminimit të ‘dëshmitarëve’, Dumani me vrasjet e kryera i ka shërbyer edhe dëshirës për hakmarrje të Alibejt, vëllait të Endrit Alibejt, ‘Tarzani’ dhe ish-kreu i klanit me të njëjtin emër, që u vra tre ditë para ndërrimit të viteve, në dhjetor të vitit 2018.
Alibej, pasardhësi i të vëllait, dyshohet se ka urdhëruar vrasjen e Ilit (Emiljano Ramazani) dhe Regis Runajn. Ky i fundit, vinte nga një familje pa lidhje me botën e krimit, kjo pasi i ati ka punuar si shofer në Policinë e Elbasanit, ndërsa e motra punon në Gjykatën e Rrethit. Vrasja e Runajt dyshohet se erdhi pas ekzekutimit të mikut të tij Ramazani, pasi Runaj mund të ketë ‘nuhatur’ gjurmët e autorëve të vërtetë.
Më 29 korrik, nëntë ditë pas ekzekutimit të Ramazanit, Xhuljano Hoxha dhe Euglen Halili, pasi konsumuan lëndë narkotike me Runajn, e vranë atë me thikë. Halili është bërë edhe bashkëpunëtor i drejtësisë dhe ka rrëfyer të gjithë zanafillën e ngjarjes. Në pranga në lidhje me këtë ngjarje ka rënë edhe Erjon Shehu, kunat i Xhuliano Hoxhës.
Halili dhe Hoxha akuzohen gjithashtu se kanë marrë pjesë në ekzekutimin e Emiljano Ramazanit. Ata dyshohet se janë personat që kanë informuar ekzekutorët për lëvizjet e Ramazanit, në mënyrë që ‘puna’ e tyre, të bëhej më e lehtë. Përpara grupit hetimor, ata rrëfyen se urdhërin për këto dy krime, përgjimin e Ilit dhe vrasjen e Runajt, e kishin marrë nga Alibej në këmbim të parave. Vetë Alibej, nuk ka hapur gojë, për asnjë nga ngjarjet kriminale për të cilat akuzohet.
Ndërsa, vrasja e Çelës, vëllait të Talo Çelës, ishte mënyra e Erion Alibejt për të marrë hak për vrasjen e vëllait të tij, Endritit, që ia morën jetën në sy të gruas dhe fëmijëve. Erion Alibej, kishte mësuar se Talo Çela dinte gjithçka rreth ekzekutorëve të Endrit Alibejt, por nuk ia kishte treguar. Kështu, duke vrarë Bujar Çelën, mori hak.
Dosja.al ka bërë një shkrim të përmbledhur edhe për zanafillën e hakmarrjes së Alibejt dhe rivalitetin e grupit ‘Tarzani’ me atë të ‘Sakatit’, pjesë e të cilit dyshohet të jetë dhe Çela. Gjithçka e ka nisjen në humbjen e 50 kokainë, në vitin 2017.
Gjithsesi edhe dosja e Alibejt është drejt zbardhjes. Dosja.al raportoi pak ditë më parë, se Prokuroria e Elbasanit ka lëshuar 5 urdhër-arreste për ekzektutimin e Endrit Dylgjerit (Alibej), xhaxhait të tij Arben Dylgjeri si dhe turkut Erald Durunaj, ngjarje e ndodhur më 28 dhjetor të vitit 2018 në afërsi të rrethrrotullimit të Bradasheshit. 3 prej urdhër-arresteve janë për ekzekutorët, ndërsa 2 janë për “porositësit”.
Për t’u rikthyer sërish tek dosja e Nuredin Dumanit….37-vjeçari është kujdesur për t’u mbyllur gojën çdo dëshmitari (përveç atyre që janë në burg) që mund të ketë ditur diçka në lidhje me grabitjen e Rinasit, duke lënë kështu vetëm një derë të hapur për prokurorinë: Talo Çelën!
Përballja mes tyre (nëse më parë nuk kapin njëri-tjetrin), mund të ketë surpriza dhe për vetë Policinë e Shtetit, që sa herë ka organizuar operacione për t’i kapur, është kthyer duarbosh.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
GJIROKASTER– Një mësuese ndihmëse në shkollën 9-vjecare Avni Rustemi ne Libohovë rezulton pozitive me Covid-19.Mësohet se mësuesja me inicialet A.M nuk është pa...
SHKODER– Ka ndërruar jetë një punonjës i grupit të sigurisë në burgun e Reçit në Shkodër. Fatmir Deda, 40 vjeç humbi jetën pasi pësoi infark...
TIRANE-Kryeministri Edi Rama ka uruar për ditëlindje, Filip Çakulin, drejtorin e emisionit investigativ “Fiks Fare”.‘FILIP ÇAKULLI është një prej ...
SHKODËR– Gjykata e Shkodrës ka dhënë masën “arrest me burg” për 19-vjeçarin Ilirjan Hasanaj, i cili akuzohet se kreu atentat ndaj shefit të Policisë...
DURRES– Një objekt është duke u ndërtuar në shëtitoren ‘Taulantia’ në qytetin bregdetar të Durrësit. Objekti në ndërtim ka qënë fillimisht bar mirëpo tani do të...
TIRANE– Ministria e Brendshme ka firmosur urdhër-dëbimin për iranianin Ehsan Bidi, pasi cilësohet si person i padëshiruar.Në muajin gusht ishte vendosur largim ...
KORCE– Një 25-vjeçar ka rënë në prangat e policisë së Korçës pasi po transportonte 30 emigrantë të paligjshëm. Shtetasi Renato Çela ka brak...
TIRANE-Presidenti Ilir Meta ka reaguar në lidhje me ndarjen nga jeta të Profesorit të sportit, Vildan Tufit i cili u nda nga jeta ditën e sotme në moshën 74 vje...
SKRAPAR– Një aksident i rëndë është regjistruar sot përgjatë segmentit rrugor Çorovodë-Prishë, ku një makinë ka rënë nga vendi i quajtur “Ura e Blëzenckë...
SHKODER– Trajneri i mirenjohur i Vllaznise Vildan Tufi nuk ka arritur te fitoje betejën me sëmundjen qe e kishte pushtuar këto muajt e fundit. Ai ndërroi jetë ...
