Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Pak ditë nga nisja e fazës së tretë të fiskalizimit, bizneset po hasin probleme për pranimin e tyre në SelfCare (ngarkimi i certifikatës elektronike) dhe të faturave të blerjeve për shkak të mbingarkesës të platformës. Bizneset shprehen të shqetësuara që po harxhojnë shumë kohë në hapjen e portalit, i cili punon në mënyrë të ngadaltë dhe e bën atë të papërdorshëm.
Në fazën III të procesit kanë detyrimin të fiskalizohen bizneset që kryejnë transaksione me para në dorë. Në total sipas të dhënave të DPT-së janë 90,000 subjekte. Faza e dytë nisi zbatimin nga 1 korriku për transaksionet pa para në dorë mes bizneseve. Pritej që për këtë fazë të ndryshonin faturimin 31,000 biznese. Në total do të duhet të fiskalizohen rreth 120 mijë subjekte.
Ashtu siç ndodhi edhe në ditët e para të zbatimit të fazës II, edhe pas 1 Shtatorit bizneset po hasin vështirësi me portalin SelfCare, për shkak të mbingarkesës. Kjo ndodh kur vetëm 45% e bizneseve që kanë detyrimin të fiskalizohen janë pajisur me certifikatën e sigurisë nga AKSHI. Sipas të dhënave të DPT-së deri më 31 gusht me certifikatë elektronike ishin pajisur 53, 492 subjekte. Ende portali SelfCare nuk po përdoret nga 120,000 bizneset që kanë detyrimin të fiskalizohen.
“Ky është portali SeflCare, shikoni videon sesa kohë më është dashur për t’u futur tek seksioni i faturave të shitjes. Për krahasim në fund të videos klikova edhe në faqen e tatimeve, e cila hapet menjëherë”, pohon një subjekt për Monitor (video më poshtë).
Shpejtësia me të cilin punon portali është bërë pengesë edhe për aktivitetin e një tjetër biznesi. “Punoj me një linjë të shkëlqyer interneti, me shpejtësi shkarkimi 50 Mbps. Imagjino se çfarë ndodh me bizneset e tjera që punojnë me internet të thjeshtë. Nga tatimet kjo problematikë trajtohet sikur është gjëja më normale, madje shprehen se bizneset mund të përdorin portalin SelfCare pa pagesë. Për dikë që punon në vazhdimësi, ritmi që punon portali e bën totalisht të papërdorshëm. Nuk ka kuptim bëj një klikim dhe prit dy minuta, ndërkohë që do të duhet të presësh fatura, të fiskalizosh importe, etj”, nënvizon një tjetër biznes.
Më herët ministrja e Financave dhe Ekonomisë, Anila Denaj tha se për të lehtësuar procesin e lëshimit të faturës elektronike, subjektet mund të përdorin pa pagesë portalin Self-Care, si një zgjidhje e thjeshtuar dhe e kuptueshme.
Kontabilisti Armand Mala thotë se problematika e krijuar vjen për shkak të fluksit të bizneseve që kërkojnë të regjistrohen në portal dhe përdorimit të tij për fatura. “Bizneset veç po provojnë ose pranojnë ndonjë faturë blerje dhe disa biznese (vetëm të vetëpunësuar) po presin faturë tatimore shitje. Normalisht ka dhe nga ata që tentojnë të ngarkojnë certifikatën elektronike. Por duket që është çështje fluksi se pasdite vonë më 1 shtator ecuria e portalit nuk ishte kaq e ngadaltë”.
Kontabilisti Armand Mala parashikoi edhe më herët se kjo fashë biznesesh do të haset me probleme për pranimin e tyre në portalin SelfCare për shkak të numrit të lartë të tyre.
Deri më tani, sipas të dhënave zyrtare nga tatimet, janë 23,345 biznese të fiskalizuara dhe 21,9 mln fatura të fiskalizuara që prej 1 Janarit të këtij viti. Tatimpagues që kanë lëshuar fatura me parë në dorë në total janë 15,993 dhe tatimpagues që kanë lëshuar fatura pa para në dorë janë 15,403. Nga të dhënat rezulton se numri i faturave me para në dorë është 20,6 mln dhe i faturave të fiskalizuara pa para në dorë është 1,3 mln./D.Azo/MONITOR
Iftar dhe politikë, a u prek Muaji i Ramazanit nga politikanët?
Huamarrja e kompanive publike në sektorin bankar ishte në rënie edhe gjatë këtij viti.Të dhënat e Bankës së Shqipërisë tregojnë se në fund të muajit korrik, por...
Këshilli Mbikëqyrës i Bankës së Shqipërisë miratoi të mërkurën ndryshimet në rregulloren “Për kredinë konsumatore dhe kredinë hipotekare”, që do të vendosin për...
Sektori bankar ka arritur përmirësime të mëtejshme në treguesin e kredive me probleme gjatë muajit korrik.Sipas Bankës së Shqipërisë, ky tregues zbriti në 7.05%...
Ministria e Arsimit kërkon së paku 1.5 – 2 miliardë lekë (rreth 16 milionë euro) fonde shtesë të cilat i nevojiten për blerjen e pajisjeve elektronike, kompjute...
Është gjithnjë e vështirë t’i thuash lamtumirë verës. Fatmirësisht ekzistojnë disa vende ku sezoni i verës mund të zgjatet – duke u larë në det dhe duke sh...
Popullsia në moshë shkollore po tkurret me shpejtësi viti pas viti, ku përveç sinjaleve për plakjen e popullsisë së vendit, rënia e numrit të nxënësve kë...
TIRANË– Boom-i i ndërtimeve nuk ka të ndalur në Shqipëri. 598 leje për ndërtesa të reja janë miratuar vetëm në 6-mujorin e parë të vitit, ndjeshëm më...
TIRANË– Viti 2020 ka qenë një tjetër vit i mbrapsht për Shqipërinë përsa i përket demografisë. Nga të dhënat e publikuara nga INSTAT, mësohet se për 100 li...
TIRANË– Aktiviteti i shoqërive të kursim-kreditit ka arritur nivele dyshifrore të rritjes gjatë këtij viti.Sipas të dhënave nga Banka e Shqipërisë, t...
TIRANË– Gratë po fitojnë terren si depozituese në sektorin bankar.Të dhënat e INSTAT dhe Bankës së Shqipërisë tregojnë se vitin e kaluar 43.5% e depo...
