Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Zëvendës Ndihmës Sekretari Amerikan i Shtetit, Matthew Palmer, tha të martën në Prishtinë se për Shtetet e Bashkuara, synimi kryesor në bisedimet Kosovë – Serbi është një marrëveshje që do të çojë në njohjen e ndërsjellë, e cila hap rrugën për integrimin evropian të të dyja vendeve.
Ai i bëri këto komente në një konferencë të përbashkët me gazetarë me të dërguarin e posaçëm të Bashkimit Evropian për bisedimet Kosovë-Serbi, Miroslav Lajçak, në kuadër të vizitës së përbashkët në Prishtinë.
“Qëllimi kryesor i kësaj vizite është përgatitja e takimit të parë të nivelit të lartë ndërmjet kryeministrit të Kosovës Albin Kurti dhe presidentit Aleksandër Vuçiç, që do të mbahet për pak ditë”, tha zoti Lajçak, pa saktësuar datën e këtij takimi që është paralajmëruar për mesin e muajit qershor.
Zoti Palmer tha se Shtetet e Bashkuara mbështesin fuqishëm bisedimet ndërmjet palëve.
“Synimi i bisedimeve është normalizimi i plotë i marrëdhënieve. Për Shtetet e Bashkuara synimi është njohja e ndërsjellë që do të hap rrugën për anëtarësimin e Serisë dhe Kosovës në Bashkimin Evropian”, tha zoti Palmer.
Serbia vazhdon të kundërshtojë pavarësinë e Kosovës të shpallur më 17 shkurt të vitit 2008, me mbështetjen e Shteteve të Bashkuara dhe vendeve kryesore të Bashkimit Evropian dhe është zotuar se nuk do ta njohë atë, duke kërkuar siç thuhet, një zgjidhje kompromisi, ndërsa Kosova e cilëson të panegociueshme pavarësinë e saj.
Zoti Plamer tha se nuk u takon Shteteve të Bashkuara dhe as Bashkimit Evropian që të përcaktojnë cilat do të jenë kompromiset e domosdoshme por u takon palëve dhe se trysnia mbi palët qëndron në dëshirat dhe ambiciet e tyre për të ecur në rrugën evropiane.
“Kjo do të kërkoj trajtimin dhe zgjidhjen e çështjeve dhe kjo besoj se krijon nxitjen për palët që të trajtojnë sfidat dhe të identifikojnë kompromiset e domosdoshme dhe të hapin rrugën përpara me lehtësimin e zotit Lajçak dhe ekipit të tij dhe mbështetjen e Shteteve të Bashkuara”, tha zoti Palmer.
Dy të dërguarit u takuan gjatë vizitës në Prishtinë me përfaqësuesit më të lartë të institucioneve dhe partive politike dhe përgjatë takimeve, roli amerikan është cilësuar i domosdoshëm për një marrëveshje të qëndrueshme.
“Shtetet e Bashkuara nuk janë palë në procesin e bisedimeve, por jemi partnerë në këtë proces. Jemi të angazhuar në mënyrë aktive duke punuar me Beogradin e Prishtinën, duke punuar me zotin Lajcak dhe ekipin e tij në mbështetjen e një marrëveshjeje për normalizimin e plotë. Kjo është një pjesë e rëndësishme e përpjekjeve të përbashkëta të Shteteve të Bashkuara dhe Bashkimit Evropian për të mbështetur dhe çuar përpara synimin për integrimet euroatlantike për gjithë Ballkanin Perëndimor”, tha zoti Palmer.
Ndonëse zhvilluan takime të ndara e të përbashkëta, vizita e diplomatëve Palmer dhe Lajçak shihet si një mesazh i bashkërendimit transatlantik i munguar në të kaluarën e afërt.
“Jam i kënaqur të them se bashkëpunim transatlantik mbi bisedimet dhe Ballkanin Perëndimor është i shkëlqyeshëm”, tha zoti Lajçak, duke theksuar se ky vit ka “potencial që të jetë një vit i mirë për marrëdhëniet ndërmjet Bashkimit Evropian dhe Ballkani Perëndimor”.
Kosova, Serbia dhe katër vendet tjera të rajonit, Shqipëria, Maqedonia e Veriut, Bosnja dhe Mali i Zi aspirojnë Bashkimin Evropian por ndodhen në faza të ndryshme të proceseve integruese. Mali i Zi dhe Serbia janë në pritje të hapjes së kapitujve të rinj në negociatat me Bashkimin Evropian, ndërsa Shqipëria dhe Maqedonia e Veriut janë në pritje të fillimit të negociatave. Por, çështja ka ngecur në kundërshtimin e Bullgarisë për hapjen e negociatave me Shkupin dhe kjo ka bërë që të pësojë edhe Shqipëria, e cila ka përparuar në rrugën e saj së bashku me Maqedoninë e Veriut.
Kosova është e fundit në proces dhe përparimi i saj varet nga përparimi i bisedimeve me Serbinë e cila ndonëse favorite, nuk mund të përmbushë synimet integruese pa marrëveshje me Kosovën.
VOA
Iftar dhe politikë, a u prek Muaji i Ramazanit nga politikanët?
FRANCË- Presidenti francez Emmanuel Macron tha të hënën se përgjimi i aleatëve nuk ishte i pranueshëm pas raporteve se Agjencia e Sigurisë Kombëtare e Shte...
KOSOVË- Presidentja e Kosovës, Vjosa Osmani pritet të vendos ditën e nesërme datën e zgjedhjeve lolake që do të mbahen në Kosovë muajin tetor të këtij viti...
MARS-Roboti “Perseverance” ka realizuar disa fotografi në Mars me anë të cilave na ka njohur me pjesë të reja të planetit.Teksa helikopteri Ingenuity ka kryer u...
IZRAEL- Sfida ligjore nga kryeministri izraelit Benjamin Netanyahu për të penguar përpjekjen e rivalëve për të drejtuar një qeveri të re, u refuzua ditën e sotm...
MAQEDONI E VERIUT- Kryeministri i Maqedonisë së Veriut, Zoran Zaev, ka deklaruar se dalja e “Non-Paper-ave”, nuk është e rastësishme. Në një intervistë për Klan...
ITALI-Qyetarët italianë ndër të cilët familjarët e viktimave por edhe gazetarë e politikanë të ndryshem kanë komentuar lirimin e Giovvani Brusca, duke u shprehu...
Kjo video e cila është bërë virale ka tërhequr vëmendjen e të gjithë shikuesve ku shihen dy bletë të cilat në bashkëpunim me njëra tjetrën arrijnë të hapin kapa...
KOSOVË-Miroslav Lajçak pasi është takuar me shefat e misineve të BE në Kosovë ditën e sotme ka bërë një postim në twitter ku ka folur rreth takimit ...
KOSOVË-Në 24 orët e fundit në Kosovë ashtu si edhe dje nuk ka patur asnjë vdekje nga Covid-19 ndërsa numri i personave që rezultojnë pozitivë të infektuar ...
ITALI-I penduari i drejtësisë në Itali, Santino de Matteo ka reaguar pas lirimit të ish bosit mafioz që i vrau të birin, Giovanni Brasca.Djali i tij Giuseppe, 1...
